Truecaller: ನೂತನ ಫೀಚರ್ ಪರಿಚಯಿಸಿರುವ ಟ್ರೂಕಾಲರ್; ಇನ್ಮುಂದೆ ಅನುವಾದ ಆಯ್ಕೆಯೂ ಲಭ್ಯ!

ಅಪರಿಚಿತ ಕರೆಯನ್ನು ಪತ್ತೆ ಹಚ್ಚಲು ಟ್ರೂಕಾಲರ್​ ಆ್ಯಪ್​ ಪ್ರಯೋಜನಕಾರಿಯಾಗಿ. ಈ ಕಾರಣಕ್ಕೆ ಹೆಚ್ಚು ಜನಪ್ರಿಯತೆ ಪಡೆದಿದೆ. ಸಾಕಷ್ಟು ಜನರು ಟ್ರೂಕಾಲರ್​ ಆ್ಯಪ್​ ಅನ್ನು ಸ್ಮಾರ್ಟ್​ಫೋನ್​ನಲ್ಲಿ ಬಳಸುತ್ತಿದ್ದಾರೆ. ಇದೀಗ ಟ್ರೂಕಾಲರ್​ ಆ್ಯಪ್​  ನೂತನ ಫೀಚರ್​ ಅನ್ನು ನವೀಕರಿಸಿದೆ.

ಟ್ರೂಕಾಲರ್​ನಲ್ಲಿ ಸಂದೇಶವನ್ನು ವೀಕ್ಷಿಸಬಹುದಾಗಿತ್ತು. ಆದರೀಗ ಮೆಸೇಜ್​​ ಶೆಡ್ಯೂಲ್​ ಮತ್ತು ಸಂದೇಶ ಅನುವಾದ ಮಾಡಬಹುದಾದ ಫೀಚರ್​ ಅನ್ನು ಅಳವಡಿಸಿದೆ. ಆ್ಯಂಡ್ರಾಯ್ಡ್​ ಬಳಕೆದಾರರು ಈ ನೂತನ ಫೀಚರ್​ ಅನ್ನು ಬಳಸಹುದಾಗಿದೆ.

ಹೊಸ ಅಥವಾ ಅಪರಿಚಿತ ಫೋನ್​ ನಂಬರ್​ ಅನ್ನು ಟ್ರೂಕಾಲರ್​ ಮೂಲಕ ಪರಿಶೀಲಿಸಬಹುದಾಗಿದೆ. ಜೊತೆಗೆ ಅಪರಿಚಿತ ಕರೆ ಬಗ್ಗೆ ಮಾಹಿತಿಯನ್ನು ಪಡೆಯಬಹುದಾಗಿದೆ. ಇದೀಗ ಟ್ರೂಕಾಲರ್​ ಬಳಕೆದಾರರು ತಮಗೆ  ಬಂದಿರುವ ಅನ್ಯ ಭಾಷೆಯ ಸಂದೇಶವನ್ನು ಅನುವಾದಿಸುವ ಮತ್ತು ಕಳುಹಿಸಬೇಕಾದ ಸಂದೇಶವನ್ನು ಶೆಡ್ಯೂಲ್​ ಮಾಡಬಹುದಾದ ಆಯ್ಕೆಯನ್ನು ನೀಡಿದೆ.

ಟ್ರೂಕಾಲರ್​ ಡೆವಲಪರ್​ ಸಂಸ್ಥೆಯು ಸ್ವೀಡನ್​ ದೇಶದ ಸ್ಟಾಕ್ಹೋಮ್​ನಲ್ಲಿದೆ. ಬಳಕೆದಾರರಿಗೆ ಸಹಾಯವಾಗಲೆಂದು ಹೊಸ ಫೀಚರ್​ಗಳನ್ನು ಪರಿಚಯಿಸಲು ಯೋಜನೆ ಹಾಕಿಕೊಂಡಿದೆ. ಮುಂದಿನ ವರ್ಷ ಬ್ಯುಸಿನೆಸ್​​ ಮತ್ತು ಕ್ಲೌಡ್​​ ಟೆಲಿಫೋನ್​ ಸರ್ವಿಸ್ ಅನ್ನು ಪರಿಚಯಿಸಲು ಸಿದ್ಧತೆ ಮಾಡಿಕೊಂಡಿದೆ.

ಟ್ರೂ ಕಾಲರ್​ ಆ್ಯಪ್​ ಪರಿಚಯಿಸಿರುವ ನೂತನ ಫೀಚರ್​ ಇಂದಿನಿಂದ ಆ್ಯಂಡ್ರಾಯ್ಡ್​ ಬಳಕೆದಾರರಿಗೆ ಸಿಗಲಿದೆ. ಆದರೆ ಐಒಎಸ್​ ಬಳಕೆದಾರರು ಇನ್ನು ಸ್ವಲ್ಪ ದಿನ ಕಾಯಬೇಕಿದೆ.

ದೇಶದಲ್ಲಿ ಅಪರಿಚಿತ ಕರೆಗಳ ಮೂಲಕ ಮೋಸ ವಂಚನೆ ಮತ್ತು ಸೈಬರ್​ ಪ್ರಕರಣಗಳು ಹೆಚ್ಚಾಗುತ್ತಿದೆ. ಇಂತಹ ಸಮಯದಲ್ಲಿ ಟ್ರೂಕಾಲರ್​ ಆ್ಯಪ್ ಹೆಚ್ಚು ಉಪಯೋಗಕ್ಕೆ ಬರುತ್ತಿದೆ. ಅಂದರೆ ಕರೆ ಮಾಡಿರುವವರು ಯಾರು ಎಂದು ಪರಿಶೀಲಿಸಬಹುದಾಗಿದೆ.


ಗಂಟೆಗೆ 532.93 ಕಿ.ಮೀ! ಅಗೇರಾ ಕಾರಿನ ದಾಖಲೆಯನ್ನು ಮುರಿದು ವಿಶ್ವದಾಖಲೆ ಬರೆದ ಟುವಾಟೆರಾ!