Tech Updates: ಇನ್ಮುಂದೆ ಈ ಟೆಕ್​ ಡಿವೈಸ್​ಗಳು ಪರ್ಮನೆಂಟ್​ ಬ್ಯಾನ್​! 2022ರ ಕೊನೆಯ ಸಾಧನಗಳಿವು

ನಾವೆಲ್ಲರೂ ಇದೀಗ 2022ರ ಕೊನೆಯ ಹಂತದಲ್ಲಿದ್ದೇವೆ. ಇನ್ನೇನು ಕೆಲವೇ ದಿನಗಳಲ್ಲಿ ಹೊಸವರ್ಷ (News Year) ಬಂದಾಗುತ್ತೆ. ಆದರೆ ಹಿಂದಿನ ವರ್ಷಗಳನ್ನೊಮ್ಮೆ ಮೆಲುಕು ಹಾಕಿ ನೋಡಿದಾಗ ಟೆಕ್​ ವಲಯದಲ್ಲಿ (Tech Market) ಬಹಳಷ್ಟು ಬದಲಾವಣೆಯಾಗಿರುವುದನ್ನು ನೋಡಬಹುದು. ಸಾಕಷ್ಟು ಟೆಕ್​ ಕಂಪನಿಗಳಲ್ಲಿ (Tech Company) ಬದಲಾವಣೆಯಾಗುತ್ತಾ ಇರುತ್ತದೆ ಆದರೆ ಈ ವರ್ಷ ಅಂದರೆ 2022ರಲ್ಲಿ ಕೆಲವೊಂದು ಟೆಕ್​ ಡಿವೈಸ್​ಗಳನ್ನು ಶಾಶ್ವತವಾಗಿ ನಿಲ್ಲಿಸಲಾಗಿದೆ. ಅದೇ ರೀತಿ ಈ ವರ್ಷ ಹಲವಾರು ಹೊಸ ಹೊಸ ಟೆಕ್ ಡಿವೈಸ್​ಗಳು ಬಿಡುಗಡೆಯಾಗಿದೆ. ಇದು ಮಾರುಕಟ್ಟೆಯಲ್ಲಿ ಬಹಳಷ್ಟು ಸದ್ದು ಮಾಡಿದ್ದು, ಈ ಹಿಂದೆ ಬಿಡುಗಡೆಯಾದ ಕೆಲ ಡಿವೈಸ್​ಗಳಿಗೆ (Tech Devices) ಬೆಲೆಯೇ ಇಲ್ಲದಂತೆ ಆಗಿದೆ.

2022ರ ವರ್ಷ ಟೆಕ್ನಾಲಜಿ ಯುಗದ ಚೇತರಿಕೆಯ ವರ್ಷ ಅಂತಾನೇ ಹೇಳ್ಬಹುದು. ಆದರೆ ಈ ವರ್ಷದಲ್ಲಿ ಕೆಲವೊಂದು ಡಿವೈಸ್​ಗಳನ್ನು ಟೆಕ್​ ಕಂಪನಿ ಬ್ಯಾನ್​ ಮಾಡುವುದಾಗಿ ನಿರ್ಧರಿಸಿದೆ. ಹಾಗಿದ್ರೆ ಯಾವುದು ಆ ಡಿವೈಸ್​ಗಳು ಎಂಬುದನ್ನುಈ ಲೇಖನದ ಮೂಲಕ ತಿಳಿಯಿರಿ.

ಐಪ್ಯಾಡ್​ ಟಚ್​

ಒಂದು ಸಮಯದಲ್ಲಿ ಟೆಕ್​​ ಮಾರುಕಟ್ಟೆಯಲ್ಲಿ ಹೊಸ ಸಂಚಲನವನ್ನೇ ಸೃಷ್ಟಿ ಮಾಡಿದ್ದ ಐಪ್ಯಾಡ್​​ ಟಚ್ ಉತ್ಪಾದನೆ ಇನ್ಮುಂದೆ ಆ್ಯಪಲ್ ಕಂಪನಿ ಮಾಡುವುದಿಲ್ಲ ಎಂದು ಹೇಳುವುದಿಲ್ಲ. ಅಂದರೆ ಇನ್ಮುಂದೆ ಐಪ್ಯಾಡ್​ ಟಚ್​ ಡಿವೈಸ್​ ಮಾರುಕಟ್ಟೆಯಲ್ಲಿ ಖರೀದಿಗೆ ಲಭ್ಯವಿರುವುದಿಲ್ಲ ಎಂದು ಕಂಪನಿ ಘೋಷಣೆ ಮಾಡಿದೆ.

ಇದನ್ನೂ ಓದಿ: ಮಾರುಕಟ್ಟೆಗೆ ಲಗ್ಗೆ ಇಡಲಿದೆ ಸ್ಯಾಮ್​ಸಂಗ್​ ಗ್ಯಾಲಕ್ಸಿ ಎಸ್23 ಸೀರಿಸ್, ಹೊಸ ಫೀಚರ್ಸ್​ ಹೀಗಿದೆ

2001 ರಲ್ಲಿ ಸ್ಟೀವ್ ಜಾಬ್ಸ್ ಪರಿಚಯಿಸಿದ ಐಪ್ಯಾಡ್ ಐಕಾನಿಕ್ ಮ್ಯೂಸಿಕ್ ಪ್ಲೇಯರ್, ಐಫೋನ್ ಪ್ರಾರಂಭವಾದಾಗ ಜನಪ್ರಿಯತೆಯ ಉತ್ತುಂಗಕ್ಕೇರಿತು. ಆದರೆ ನಂತರದ ದಿನಗಳಲ್ಲಿ ಜನರನ್ನು ಸೆಳೆಯುವಲ್ಲಿ ವಿಫಲವಾಯಿತು. ಇನ್ನು ಐಪಾಡ್ ಟಚ್ ಅಪ್ಲಿಕೇಶನ್‌ಗಳು ಮತ್ತು  ಗೇಮ್ಸ್​​ ಆಡುವವರಿಗೆ ಉತ್ತಮ ಅನುಭವವನ್ನು ನೀಡುವಂತಹ​ ಎಂಟ್ರಿ ಲೆವೆಲ್‌ ಮ್ಯೂಸಿಕ್‌ ಪ್ಲೇಯರ್‌ ಡಿವೈಸ್‌ ಇದಾಗಿದೆ.

ಬ್ಲ್ಯಾಕ್​ಬೆರಿ

ಬ್ಲ್ಯಾಕ್​ಬೆರಿ  ಎಂಬ  ಹೆಸರು ಟೆಕ್​ ವಲಯದಲ್ಲಿ ಭಾರೀ ಸಂಚಲನ ಮೂಡಿಸಿದ ಕಂಪನಿಯೆಂದರೆ ತಪ್ಪಾಗಲಾರದು. ಒಂದು ಕಾಲದಲ್ಲಿ ಟೆಕ್​ ಮಾರುಕಟ್ಟೆಯ ಬೆಳವಣಿಗೆಗೆ ಕಾರಣವಾದ ಕಂಪನಿ ಒಂದಿದ್ದರೆ ಅದು ಬ್ಲ್ಯಾಕ್​​ಬೆರಿ ಕಂಪನಿ. ಇದೀಗ 2022ರಲ್ಲಿ ಶಾಶ್ವತವಾಗಿ ಬಂದ್​ ಆದ ಟೆಕ್​ ಕಂಪನಿಗಳಲ್ಲಿ ಒಂದಾಗಿದೆ.

ಇನ್ನು ಈ ಕಂಪನಿಯ ಡಿವೈಸ್​ಗಳನ್ನು ರನ್​ ಮಾಡುವ ಯಾವುದೇ ಸಾಫ್ಟವೇರ್​ ಕೂಡ ಮಾರುಕಟ್ಟೆಯಲ್ಲಿ ಲಭ್ಯವಿರುವುದಿಲ್ಲ ಎಂದು ಹೇಳಿದೆ. ಆದ್ದರಿಂದ ಇನ್ಮುಂದೆ ಬ್ಲ್ಯಾಕ್​ಬೆರಿ ಫೋನ್​ಗಳು ಮಾರುಕಟ್ಟೆಯಲ್ಲಿ ಖರೀದಿಗೆ ಲಭ್ಯವಿರುವುದಿಲ್ಲ ಎಂದು ಕಂಪನಿ ತಿಳಿಸಿದೆ.

ಗೂಗಲ್​ ಸ್ಟೇಡಿಯಾ

ಗೂಗಲ್‌ ಕಂಪನಿ ಇತ್ತೀಚಿಗೆ ಕ್ಲೌಡ್​​ ಆಧಾರಿತ ಗೇಮಿಂಗ್ ಸೇವೆಗಾಗಿ ಗೂಗಲ್‌ ಸ್ಟೇಡಿಯಾವನ್ನು ಇತ್ತೀಚೆಗೆ ಪರಿಚಯಿಸಿತ್ತು. ಆದರೆ ಇದೀಗ ಅಷ್ಟೇ ವೇಗದಲ್ಲಿ ಇದು ಅಂತಿಮವಾಗಿ ಬಂದ್​ ಆಗಿದೆ. ಅಂದರೆ ಗೇಮರ್‌ಗಳ ಅನುಕೂಲಕ್ಕಾಗಿ ಸಿದ್ದಪಡಿಸಿದ್ದ ಗೂಗಲ್‌ ಸ್ಟೇಡಿಯಾ ಜನರನ್ನು ಸೆಳೆಯುವಲ್ಲಿ ವಿಫಲವಾದ ಕಾರಣ ಅದನ್ನು ಸ್ಥಗಿತಗೊಳಿಸುವುದಾಗಿ ಗೂಗಲ್‌ ಇದೇ ವರ್ಷ ಘೋಷಣೆಯನ್ನು ಮಾಡಿದೆ.

ಇದರಿಂದ ಇನ್ಮುಂದೆ ಗೂಗಲ್‌ ಸ್ಟೇಡಿಯಾ ಲಭ್ಯವಾಗುವುದಿಲ್ಲ. ಟೆಕ್​ ಮಾರುಕಟ್ಟೆಗೆ ಗೇಮರ್​​ಗಳನ್ನು ಸೆಳೆಯುವ ಕಾರಣಕ್ಕೆ ಹೊಸ ಡಿವೈಸ್​ಗಳು ಬರುತ್ತಾ ಇರುತ್ತವೆ. ಆದರೆ ಈ ಸಾಲಿನಲ್ಲಿ ಗೂಗಲ್​ ಸ್ಟೇಡಿಯಾ ಕೂಡ ಒಂದಾಗಿತ್ತು. ಆದರೆ ಇನ್ಮುಂದೆ ಇದು ಲಭ್ಯವಿರುವುದಿಲ್ಲ ಎಂದು ಹೇಳಿದ್ದಾರೆ.

ಟೆಕ್​​ ಮಾರುಕಟ್ಟೆಯ ಬೆಳವಣಿಗೆಗೆ ಸಾಕಷ್ಟು ಕಂಪನಿಗಳು ಸಾಕ್ಷಿಯಾಗಿವೆ. ಆದರೆ ಕೆಲ ಬದಲಾವಣೆಗಳಿಂದ ಆ ಕಂಪನಿಗಳು ಸ್ಥಗಿತಗೊಂಡಿವೆ ಎಂದು ಹೇಳಬಹುದು.