• Home
  • »
  • News
  • »
  • tech
  • »
  • BSNL Recharge Plans: ಬಿಎಸ್​​ಎನ್​ಎಲ್​​ನ ಈ ರೀಚಾರ್ಜ್​ ಪ್ಲ್ಯಾನ್​ ಶಾಶ್ವತವಾಗಿ ಬಂದ್​! ಕಾರಣವೇನು ಗೊತ್ತಾ?

BSNL Recharge Plans: ಬಿಎಸ್​​ಎನ್​ಎಲ್​​ನ ಈ ರೀಚಾರ್ಜ್​ ಪ್ಲ್ಯಾನ್​ ಶಾಶ್ವತವಾಗಿ ಬಂದ್​! ಕಾರಣವೇನು ಗೊತ್ತಾ?

ಬಿಎಸ್​ಎನ್​ಎಲ್​

ಬಿಎಸ್​ಎನ್​ಎಲ್​

ಹೊಸ ವರ್ಷದಲ್ಲಿ ಬಿಎಸ್‌ಎನ್‌ಎಲ್‌ ಗ್ರಾಹಕರಿಗೆ ಆಘಾತಕಾರಿ ಮಾಹಿತಿಯೊಂದನ್ನು ನೀಡಿದೆ. ಅದರಂತೆ ಪ್ರಮುಖ ಮೂರು ರೀಚಾರ್ಜ್‌ ಬ್ರಾಡ್‌ಬ್ಯಾಂಡ್‌ ಪ್ಲ್ಯಾನ್‌ಗಳನ್ನು ಬಿಎಸ್‌ಎನ್‌ಎಲ್‌ ಇದ್ದಕ್ಕಿದ್ದಂತೆ ನಿಲ್ಲಿಸಿದೆ. ಹಾಗೆಯೇ ಈ ಯೋಜನೆಗಳನ್ನು 1 ಜನವರಿ 2023 ರಿಂದ ವೆಬ್‌ಸೈಟ್‌ನಿಂದ ತೆಗೆದುಹಾಕಲಾಗಿದ್ದು, ಇನ್ಮುಂದೆ ಲಭ್ಯವಿರುವುದಿಲ್ಲ ಎನ್ನುವ ಮಾಹಿತಿ ರವಾನೆ ಮಾಡಿದೆ.

ಮುಂದೆ ಓದಿ ...
  • Share this:

    ಹೊಸ ವರ್ಷದ ಅಂಗವಾಗಿ ಪ್ರಸಿದ್ಧ ಟೆಲಿಕಾಂ ಕಂಪನಿಗಳು (Telecom Company) ಗ್ರಾಹಕರಿಗಾಗಿ ವೀಶೆಷ ರೀಚಾರ್ಜ್​ ಪ್ಲ್ಯಾನ್​​ಗಳನ್ನು (Recharge Plans) ಪರಿಚಯಿಸುತ್ತಿದೆ. ಇದರ ಜೊತೆಗೆ ಕೆಲವೊಂದು ಕಂಪನಿಗಳು 5ಜಿ (5G) ಸೇವೆಯನ್ನು ಗ್ರಾಹಕರಿಗೆ ಪರಿಚಯಿಸಲು ಸಿದ್ಧತೆ ನಡೆಸುತ್ತಿದೆ. ಆದರೆ ಈ ಎಲ್ಲದರ ನಡುವೆ ಬಿಎಸ್​​ಎನ್​ಎಲ್ (BSNL)​ ತನ್ನ ಗ್ರಾಹಕರು ಬೇಸರವನ್ನುಂಟು ಮಾಡುವಂತಹ ರೀಚಾರ್ಜ್​ ಪ್ಲ್ಯಾನ್​ ಅನ್ನು ನಿಲ್ಲಿಸುವ ಯೋಜನೆಯಲ್ಲಿದೆ. ಭಾರತದಲ್ಲಿ ಹಲವಾರು ಟೆಲಿಕಾಂ ಕಂಪನಿಗಳಲ್ಲಿ ಸರ್ಕಾರಿ ಕಂಪನಿಯೆಂದರೆ ಅದು ಬಿಎಸ್​ಎನ್​ಎಲ್​. ಇದು ತನ್ನ ಅಗ್ಗದ ರೀಚಾರ್ಜ್​ ಮೂಲಕ ಗ್ರಾಹಕರನ್ನು ತನ್ನತ್ತ ಆಕರ್ಷಿಸಿಕೊಂಡಿದೆ. ಆದರೆ ಇದೀಗ ತನ್ನ ಕಂಪನಿಯ ಭಾರೀ ಅಗ್ಗದ ಪ್ಲ್ಯಾನ್​ ಅನ್ನು ನಿಲ್ಲಿಸುವ ಯೋಜನೆಯಲ್ಲಿದೆ.


    ಹೊಸ ವರ್ಷದಲ್ಲಿ ಬಿಎಸ್‌ಎನ್‌ಎಲ್‌ ಗ್ರಾಹಕರಿಗೆ ಆಘಾತಕಾರಿ ಮಾಹಿತಿಯೊಂದನ್ನು ನೀಡಿದೆ. ಅದರಂತೆ ಪ್ರಮುಖ ಮೂರು ರೀಚಾರ್ಜ್‌ ಬ್ರಾಡ್‌ಬ್ಯಾಂಡ್‌ ಪ್ಲ್ಯಾನ್‌ಗಳನ್ನು ಬಿಎಸ್‌ಎನ್‌ಎಲ್‌ ಇದ್ದಕ್ಕಿದ್ದಂತೆ ನಿಲ್ಲಿಸಿದೆ. ಹಾಗೆಯೇ ಈ ಯೋಜನೆಗಳನ್ನು 1 ಜನವರಿ 2023 ರಿಂದ ವೆಬ್‌ಸೈಟ್‌ನಿಂದ ತೆಗೆದುಹಾಕಲಾಗಿದ್ದು, ಇನ್ಮುಂದೆ ಲಭ್ಯವಿರುವುದಿಲ್ಲ ಎನ್ನುವ ಮಾಹಿತಿ ರವಾನೆ ಮಾಡಿದೆ.


    ಕೈಬಿಡುವ ರೀಚಾರ್ಜ್​ ಪ್ಲ್ಯಾನ್​ಗಳು ಯಾವುದೆಲ್ಲಾ?


    ಬಿಎಸ್‌ಎನ್‌ಎಲ್‌ನ ಅಗ್ಗದ ದರದ ಬ್ರಾಡ್‌ಬ್ಯಾಂಡ್ ರೀಚಾರ್ಜ್‌ ಪ್ಲ್ಯಾನ್‌ಗಳಾದ 275 ರೂ. ನ ಎರಡು ರೀಚಾರ್ಜ್‌ ಯೋಜನೆ ಹಗೂ 775 ರೂ. ನ ರೀಚಾರ್ಜ್‌ ಪ್ಲ್ಯಾನ್‌ಗಳನ್ನು ಶಾಶ್ವತವಾಗಿ ಬಂದ್​ ಮಾಡುವುದಾಗಿ ಘೋಷಿಸಿದೆ. ಬಿಎಸ್​ಎನ್​ಎಲ್​ ಈ ಯೋಜನೆಗಳು ಕೆಲವು ಸಮಯದವರೆಗೆ ಮಾತ್ರ ಇರುತ್ತದೆ ಎಮದು ತಿಳಿಸುವುದರ ಜೊತೆಗೆ ಕಳೆದ ಸ್ವಾತಂತ್ರ್ಯ ದಿನದಂದು ಅಂದರೆ ಆಗಸ್ಟ್​ 15 ರಂದು ಬಿಡುಗಡೆ ಮಾಡಿತ್ತು. ಆದರೆ, ಇನ್ನು ಜನವರಿ 1, 2023 ರಿಂದ ಈ ರೀಚಾರ್ಜ್‌ ಪ್ಲ್ಯಾನ್‌ ಲಭ್ಯವಿರುವುದಿಲ್ಲ.


    ಇದನ್ನೂ ಓದಿ: ಅಪರಿಚಿತರಿಗೆ ನಿಮ್ಮ ಮೊಬೈಲ್ ಕೊಡುವ ಮುನ್ನ ಎಚ್ಚರ!


    ಬಿಎಸ್​​ಎನ್​ಎಲ್​​ನ 275 ರೂಪಾಯಿ ಯೋಜನೆ


    ಬಿಎಸ್‌ಎನ್‌ಎಲ್‌ನ 275 ರೂಪಅಯಿ ಯೋಜನೆಯಲ್ಲಿ ಎರಡು ರೀತಿಯ ಪ್ಲ್ಯಾನ್‌ಗಳಿದ್ದು, ಇದರಲ್ಲಿ ಬಳಕೆದಾರರು ಒಟ್ಟಾರೆ ಒಂದು ತಿಂಗಳಲ್ಲಿ 3300 ಜಿಬಿ ಡೇಟಾವನ್ನು ನೀಡಲಾಗುತ್ತಿತ್ತು. ಹಾಗೆಯೇ ಈ ಪ್ಲ್ಯಾನ್‌ನಲ್ಲಿ ಡೌನ್‌ಲೋಡ್ ಮತ್ತು ಅಪ್‌ಲೋಡ್ ವೇಗವನ್ನು 60Mbps ವೇಗದಲ್ಲಿ ಒದಗಿಸಲಾಗುತ್ತಿತ್ತು. ಆದರೆ, ಈ ಎರಡೂ ಯೋಜನೆಗಳಲ್ಲಿ ಯಾವುದೇ ಓಟಿಟಿ ಪ್ರಯೋಜನವನ್ನು ನೀಡಲಾಗುತ್ತಿರಲಿಲ್ಲ. ಆದರೂ ಸಹ ಈ ಪ್ಲ್ಯಾನ್‌ಗಳು ಹೆಚ್ಚು ಪ್ರಚಲಿತದಲ್ಲಿದ್ದವು.


    ಬಿಎಸ್​​ಎನ್​ಎಲ್​ನ 775 ರೂಪಾಯಿಯ ಯೋಜನೆ


    775 ರೂ. ಗಳ ಮತ್ತೊಂದು ಪ್ಲ್ಯಾನ್‌ ಸಹ ಇನ್ಮುಂದೆ ಬಳಕೆದಾರರಿಗೆ ಲಭ್ಯವಿರುವುದಿಲ್ಲ ಎಂದು ಕಂಪನಿ ತಿಳಿಸಿದೆ. ಈ ಯೋಜನೆಯಲ್ಲಿ 3300GB (3.3TB) ಡೇಟಾವನ್ನು 100Mbps ವೇಗದಲ್ಲಿ ನೀಡಲಾಗುತ್ತಿತ್ತು. ಹಾಗೆಯೇ ಈ ಯೋಜನೆಯಲ್ಲಿ ವಿಶೇಷವಾಗಿ ಓಟಿಟಿ ಪ್ರಯೋಜನ ಮತ್ತು 75 ದಿನಗಳ ವ್ಯಾಲಿಡಿಟಿಯನ್ನು ಹೊಂದಿರುತ್ತದೆ. ಆದರೆ, ಈ ಅಗ್ಗದ ಪ್ಲ್ಯಾನ್‌ಗಳು ಇನ್ಮುಂದೆ ಲಭ್ಯವಾಗದೆ ಇರುವುದು ಹಲವಾರು ಗ್ರಾಹಕರಿಗೆ ಬೇಸರದ ಸುದ್ದಿಯಾಗಿದೆ.


    ಬಿಎಸ್​​ಎನ್​ಎಲ್​ನ ಹಲವು ರೀತಿಯ ಪ್ಲ್ಯಾನ್​ಗಳು


    ಇನ್ನು ಬಿಎಸ್‌ಎನ್‌ಎಲ್‌ನ ಬ್ರಾಡ್‌ಬ್ಯಾಂಡ್ ಬಗ್ಗೆ ಹೇಳುವುದಾದರೆ ಇದರಲ್ಲಿ 1 ತಿಂಗಳು, 6 ತಿಂಗಳು, 12 ತಿಂಗಳು ಮತ್ತು 24 ತಿಂಗಳುಗಳ ವ್ಯಾಲಿಡಿಟಿಯನ್ನು ಹೊಂದಿರುತ್ತದೆ, ಇದರಲ್ಲಿ ಎಂಟ್ರಿ ಪ್ಲ್ಯಾನ್‌ ಬೆಲೆ 329 ರೂಪಾಯಿಗಳಿಂದ ಆರಂಭವಾಗಲಿದ್ದು, ಈ ಯೋಜನೆಯಲ್ಲಿ 1000GB ಡೇಟಾವನ್ನು 20Mbps ವೇಗದಲ್ಲಿ ಪಡೆಯಬಹುದಾಗಿದೆ. ಹಾಗೆಯೇ, ಸ್ಥಳೀಯ ಮತ್ತು ಎಸ್‌ಟಿಡಿ ಸಂಖ್ಯೆಗಳಲ್ಲಿ ಉಚಿತ ಅನ್ಲಿಮಿಟೆಡ್​ ಕಾಲ್​ ಮಾಡುವ ಅವಕಾಶ ಇರುತ್ತದೆ.


    ಇನ್ನು ಸಾಮಾನ್ಯ ರೀಚಾರ್ಜ್‌ ಪ್ಲ್ಯಾನ್‌ಗಳಾದ 399 ರೂಪಾಯಿ ಯೋಜನೆಯಲ್ಲಿ 1000ಜಿಬಿ ಡೇಟಾವನ್ನು 30Mbps ವೇಗದಲ್ಲಿ ನೀಡಲಾಗುತ್ತದೆ.


    ಇನ್ನು 449 ರೂ. ರೀಚಾರ್ಜ್‌ ಪ್ಯಾಕ್‌ನಲ್ಲಿ 30Mbps ವೇಗದ ನೆಟ್‌ ಸಿಗಲಿದೆ. ಜೊತೆಗೆ ಈ ಯೋಜನೆಯಲ್ಲಿ 3300GB ಡೇಟಾ ಲಭ್ಯವಿದೆ. ಇನ್ನು ಮತ್ತೊಂದು ಪ್ಲ್ಯಾನ್‌ ಆದ 449ರೂ. ಗಳ ರೀಚಾರ್ಜ್‌ ಪ್ಲ್ಯಾನ್‌ನಲ್ಲಿ 3300GB ಡೇಟಾ ಆಯ್ಕೆ ನೀಡಲಾಗಿದ್ದು, 40Mbps ನಲ್ಲಿನ ವೇಗದಲ್ಲಿ ಇಂಟರ್ನೆಟ್‌ ಬಳಕೆ ಮಾಡಬಹುದು. ಹಾಗೆಯೇ ಈ ಪ್ಲ್ಯಾನ್‌ ಆರು ತಿಂಗಳ ವ್ಯಾಲಿಡಿಟಿಯನ್ನು ಹೊಂದಿರುತ್ತದೆ.

    Published by:Prajwal B
    First published: