Tech Tips: ಇಯರ್​ಬಡ್ಸ್​ ಖರೀದಿಸುವಾಗ ಗಮನದಲ್ಲಿಟ್ಟುಕೊಳ್ಳಬೇಕಾದ ವಿಷಯಗಳಿವು!

ಇದು ಟೆಕ್ನಾಲಜಿ (Technology) ಯುಗ. ದಿನ ಹೋದಂತೆ ಮಾರುಕಟ್ಟೆಗೆ ಹೊಸ ಹೊಸ ಮಾದರರಿ ಟೆಕ್ ಡಿವೈಸ್​ಗಳು ಬರುತ್ತಲೇ ಇದೆ. ಈ ಮಧ್ಯೆ ಸ್ಮಾರ್ಟ್​ಫೋನ್​ಗಳು, ಲ್ಯಾಪ್​ಟಾಪ್​ಗಳು ಮಾರುಕಟ್ಟೆಯಲ್ಲಿ ವ್ಯಾಪಕವಾದ ಅಭಿವೃದ್ಧಿಯಲ್ಲಿರುವಾಗ, ಇವುಗಳ ಜೊತೆಗ ಇಯರ್​ಬಡ್ಸ್​ಗಳು ಸಹ ಹೊಸ ಮಾದರಿಯಲ್ಲಿ ಮಾರುಕಟ್ಟೆಗೆ ಎಂಟ್ರಿ ನೀಡುತ್ತಿದೆ. ಹಿಂದೆಲ್ಲಾ ಯಾವುದೇ ಮೀಟಿಂಗ್, ಸಿನಿಮಾ, ಹಾಡು ಕೇಳ್ಬೇಕು ಅಂದ್ರೆ ಇಯರ್​ಫೋನ್​ಗಳನ್ನು (Earphones) ಬಳಸುತ್ತಿದ್ದರು. ಆದರೆ ಇತ್ತೀಚೆಗೆ ಇಯರ್​ಬಡ್ಸ್​ಗಳನ್ನು ಬಳಸುವವರ ಸಂಖ್ಯೆ ಹೆಚ್ಚಾಗಿದೆ. ಇದರ ವಿನ್ಯಾಸ, ಫೀಚರ್​ಗಳಿಂದ ಮನಸೋತು ಗ್ರಾಹಕರು ಇಯರ್​ಬಡ್ಸ್​​ಗಳನ್ನೇ ಖರೀದಿಸಲು ಮುಂದಾಗುತ್ತಾರೆ. ಆದರೆ ಕೆಲವೊಂದು ಇಯರ್​​ಬಡ್ಸ್​ (Earbuds)ಗಳು ಬೆಲೆ ಹೆಚ್ಚಿದ್ದರು ಅದರ ಫೀಚರ್ಸ್​ ಒಳ್ಳೆಯದಾಗಿರಲ್ಲ. ಆದರೆ ಖರೀದಿಸುವಾಗ ಗಮನಿಸಬೇಕಾದ ಕೆಲವೊಂದು ಅಂಶಗಳಿಗಳಿವೆ.

ಹೌದು, ಹೆಚ್ಚಿನ ಜನರು ಕೇವಲ ವಿನ್ಯಾಸಗಳನ್ನು ನೋಡಿ ಇಯರ್​​ಬಡ್ಸ್​ಗಳನ್ನು ಖರೀದಿಸುತ್ತಾರೆ. ಆದರೆ ಹೆಚ್ಚಿನ ಜನರಿಗೆ ಅದರ ಫೀಚರ್ಸ್ ನೋಡಿ ಖರೀದಿಸ್ಬೇಕೆಂದು ಗೊತ್ತೇ ಇರಲ್ಲ. ಆದರೆ ಈ ಫೀಚರ್ಸ್​ ನೋಡಿಕೊಂಡು ಇಯರ್​​ಬಡ್ಸ್​ ಅನ್ನು ಖರೀದಿಸಿದ್ರೆ ನೀವು ದೀರ್ಘಕಾಲ ಬಳಸಬಹುದು.

ಬ್ಯಾಟರಿ ಫೀಚರ್ಸ್​

ಯಾರೇ ಆಗಲಿ ಇಯರ್​ಬಡ್ಸ್​ಗಳನ್ನು ಖರೀದಿಸುವಾಗ ನೋಡಬೇಕಾದ ಮುಖ್ಯ ವಿಷಯವೆಂದರೆ ಅದು ಬ್ಯಾಟರಿ ಫೀಚರ್ಸ್​. ಹೆಚ್ಚಿನ ಇಯರ್​ಬಡ್ಸ್​​ಗಳು 3 ರಿಂದ 10 ಗಂಟೆಯವರೆಗೂ ಬ್ಯಾಟರಿ ಬ್ಯಾಕಪ್ ಅನ್ನು ನೀಡುತ್ತದೆ. ಆದರೆ ಕೆಲವೊಂದು ಇಯರ್​ಬಡ್ಸ್​​ಗಳು ಉತ್ತಮ ಬ್ಯಾಟರಿ ಬ್ಯಾಕಪ್​ ಅನ್ನೇ ಹೊಂದಿರುವುದಿಲ್ಲ. ಆದ್ದರಿಂದು ಇಯರ್​ಬಡ್ಸ್​ ಅನ್ನು ಖರೀದಿಸುವಾಗ ಆ ಸಾಧನದ ಬ್ಯಾಟರಿ ಫೀಚರ್ಸ್​ ಅನ್ನು ನೋಡ್ಕೊಂಡು ಖರೀದಿಸ್ಬೇಕು.

ಇದನ್ನೂ ಓದಿ: ಪೇಟಿಯಮ್​ನಲ್ಲಿ ರೆಫರ್​ ಆ್ಯಂಡ್​ ವಿನ್​ ಆಫರ್​! ಐಫೋನ್​, ಒನ್​ಪ್ಲಸ್​ ಸ್ಮಾರ್ಟ್​​ಫೋನ್ ಉಚಿತವಾಗಿ ನಿಮ್ಮದಾಗಿಸಿಕೊಳ್ಳಿ

ನಾಯ್ಸ್​ ಕ್ಯಾನ್ಸಲಿಂಗ್ ಫೀಚರ್

ಇನ್ನು ಇಯರ್​​ಬಡ್ಸ್​ನಲ್ಲಿ ಕಾರ್ಯನಿರ್ವಹಿಸುವಂತಹ ಮುಖ್ಯ ಫೀಚರ್​ ಎಂದರೆ ಅದು ನಾಯ್ಸ್​ ಕ್ಯಾನ್ಸಲಿಂಗ್ ಫೀಚರ್​. ಈ ಮೂಲಕ ಯಾವುದೇ ಮ್ಯೂಸಿಕ್ ಕೇಳುವಾಗ, ಕರೆಯಲ್ಲಿ ಮಾತನಾಡುವಾಗ ಯಾವುದೇ ಹೊಗಿನ ಸೌಂಡ್​ ಕೇಳುವುದಿಲ್ಲ. ಯಾವುದೇ ಇಯರ್​ಬಡ್ಸ್​ ಖರೀದಿಸುವಾಗ ಈ ಫೀಚರ್​ ಅನ್ನು ಮೊದಲು ನೋಡಿಕೊಳ್ಳುವುದು ಉತ್ತಮ. ಇದರಿಂದ ಯಾವುದೇ ಸಂದರ್ಭದಲ್ಲೂ ಉಪಯೋಗವೇ ಅಲ್ಲದೇ ಸಮಸ್ಯೆಗಳಾಗುವುದಿಲ್ಲ. ಆದ್ದರಿಂದ ಇಯರ್​ಬಡ್ಸ್​ಗಳನ್ನು ಖರೀದಸ್ಬೇಕಾದ್ರೆ ಈ ಫೀಚರ್​ ಅನ್ನು ಮೊದಲು ನೋಡಿಕೊಳ್ಳಬೇಕು.

ಬ್ಲೂಟೂತ್​ ಮಲ್ಟಿಪಾಯಿಂಟ್​

ಈ ಫೀಚರ್​ ಈಗಿನ ಕೆಲವೊಂದು ಇಯರ್​ಬಡ್ಸ್​​ಗಳಲ್ಲಿ ಮಾತ್ರ ನಾವು ಕಾಣಬಹುದು. ಏಕೆಂದರೆ ಈ ಫೀಚರ್​ ಮೂಲಕ ಏಕಕಾಲದಲ್ಲಿ ಎರಡು ಡಿವೈಸ್​ಗಳಿಗೂ ಕನೆಕ್ಟ್ ಮಾಡಿಕೊಳ್ಳಬಹುದು. ಇದರಿಂದ ಸ್ಮಾರ್ಟ್​​ಫೋನ್​ಗೆ ಕನೆಕ್ಟ್​​ ಆಗಿದ್ದಾಗ ಜೊತೆಗೆ ಲ್ಯಾಪ್​​ಟಾಪ್​​ಗಳಿಗೂ ಕನೆಕ್ಟ್​ ಮಾಡಬಹುದು. ಈ ಫೀಚರ್​ ನೀವು ಖರೀದಿಸುವ ಇಯರ್​ಬಡ್ಸ್​ನಲ್ಲಿದ್ದರೆ ಉತ್ತಮ.

ಸಾಂಕೇತಿಕ ಚಿತ್ರ

ಚಾರ್ಜಿಂಗ್ ಪೋರ್ಟ್ ಗಮನಿಸಿ

ಯಾವುದೇ ಡಿವೈಸ್​ ಆಗಲೀ ಚಾರ್ಜ್​ ಮಾಡುವುದು ಬಹಳ ಮುಖ್ಯವಾಗಿರುತ್ತದೆ. ಆದರೆ ಇಯರ್​​ಬಡ್ಸ್​ನಲ್ಲಿ ಬರುವಂತಹ ಚಾರ್ಜಿಂಗ್​ ಕೇಸ್​ಗಳನ್ನು ಯಾವ ಮಾದರಿಯಲ್ಲಿ ಚಾರ್ಜ್​ ಮಾಡುತ್ತೇವೆ ಎಂಬುದು ಮುಖ್ಯವಾಗಿರುತ್ತದೆ. ಆದ್ರಿಂದ ಇಯರ್​ಬಡ್ಸ್​ಗಳನ್ನು ಖರೀದಿಸುವಾ ಚಾರ್ಜಿಂಗ್ ಪೋರ್ಟ್​​ ಬಗ್ಗೆ ಗಮನಹರಿಸಬೇಕು. ಈಗಿನ ಸಾಧನಗಳಲ್ಲಿ ಹೆಚ್ಚಾಗಿ ಟೈಪ್ ಸಿ ಚಾರ್ಜಿಂಗ್ ಪೋರ್ಟ್ ಇದ್ದರೆ, ಕೆಲವು ಮೈಕ್ರೋ ಯುಎಸ್‌ಬಿ ಪೋರ್ಟ್ ಅನ್ನು ಬಳಸುತ್ತವೆ, ಆ್ಯಪಲ್ ಸಾಧನಗಳಲ್ಲಿ ಲೈಟ್ನಿಂಗ್ ಪೋರ್ಟ್ ಇರುತ್ತದೆ. ಹೀಗಾಗಿ, ನಮಗೆ ಯಾವುದು ಸೂಕ್ತವೋ ಆ ಸಾಧನವನ್ನು ಖರೀದಿಸಿದ್ರೆ ಉತ್ತಮ.

ಇನ್ನು ಈ ಎಲ್ಲಾ ಫೀಚರ್ಸ್​ಗಳನ್ನು ಗಮನಿಸಿದ ನಂತರ ನೀವು ಇಯರ್​ಬಡ್ಸ್ನ ವಿನ್ಯಾಸವನ್ನು ನೋಡ್ಬೇಕು. ಜೊತೆಗೆ ಬೆಲೆಯನ್ನು ನಿಗದಿ ಮಾಡ್ಬೇಕು. ಆದ್ದರಿಂದ ಇಯರ್​ಬಡ್ಸ್​​ಗಳನ್ನು ಖರೀದಿಸುವಾ ಈ ಎಲ್ಲಾ ಟಿಪ್ಸ್​ಗಳನ್ನು ಫಾಲೋ ಮಾಡಿದ್ರೆ ಗುಣಮಟ್ಟದ ಇಯರ್​ಬಡ್ಸ್​ ಅನ್ನು ಖರೀದಿಸಬಹುದು.