IPhone Scam: ಐಫೋನ್​ ಪ್ರಿಯರೇ ಇಲ್ಲೊಮ್ಮೆ ಗಮನಿಸಿ, ಇಲ್ಲೊಬ್ಬರು ಕಳಕೊಂಡದ್ದು ಬರೋಬ್ಬರಿ 8 ಲಕ್ಷ ರೂಪಾಯಿ

ಇತ್ತೀಚೆಗೆ ಸ್ಮಾರ್ಟ್​​ಫೋನ್​ಗಳು (Smartphones) ಎಲ್ಲರ ಅಗತ್ಯ ಸಾಧನವಾಗಿಬಿಟ್ಟಿದೆ. ಅದ್ರಲ್ಲೂ ಐಫೋನ್​ಗಳು ಮಾತ್ರ ಎಲ್ಲರ ಬೇಡಿಕೆಯ ಸ್ಮಾರ್ಟ್​​ಫೋನ್​ಗಳಾಗಿದೆ. ಹೆಚ್ಚಿನ ಜನರಿಗೆ ಜೀವನದಲ್ಲಿ ಒಮ್ಮೆಯಾದರೂ ಐಫೋನ್ (IPhone) ಖರೀದಿ ಮಾಡಬೇಕೆಂಬ ಆಸೆ ಇರುತ್ತದೆ. ಆದರೆ ಇದರ ಬೆಲೆ ದುಬಾರಿಯಾಗಿರುವುದಿಂದ ಐಫೋನ್​ಗಳನ್ನು ಖರೀದಿ ಮಾಡಲು ಸಾಧ್ಯವಾಗುವುದಿಲ್ಲ. ಆದರೆ ಈಗಾಗಲೆ ಐಫೋನ್​ ಹೊಂದಿರುವವರಿಗೆ ಶಾಕ್​ ಆಗುವಂತಹ ಸುದ್ದಿಯೊಂದು ಹೊರಬಿದ್ದಿದೆ. ಆ್ಯಪಲ್​ ಡಿವೈಸ್‌ಗಳನ್ನು (Apple Device) ಖರೀದಿ ಮಾಡಿದರೆ ನಿಮ್ಮ ಡೇಟಾ ಹಾಗೂ ಇನ್ನಿತರೆ ಖಾಸಗಿ ಮಾಹಿತಿಗಳು ಸೇಫ್‌ ಎಂದು ನೀವು ಅಂದುಕೊಂಡಿರಬಹುದು. ಆದರೆ, ಇದು ಈಗ ಸುಳ್ಳಾಗಿದೆ. ಯಾಕೆಂದರೆ ಇಲ್ಲೋರ್ವ ಐಫೋನ್‌ ಬಳಕೆದಾರರು ಬರೋಬ್ಬರಿ 8 ಲಕ್ಷ ರೂಪಾಯಿಗಳನ್ನು ಕಳೆದುಕೊಂಡಿದ್ದಾರೆ.

ಐಫೋನ್​ಗಳು ಅದರ ವಿನ್ಯಾಸಕ್ಕೆ ಮತ್ತು ಫೀಚರ್​ಗಳಿಗೆ ಮಾರುಕಟ್ಟೆಯಲ್ಲಿ ಭಾರೀ ಜನಪ್ರಿಯತೆಯನ್ನು ಪಡೆದಿದೆ. ಆದರೆ ಇಲ್ಲೊಬ್ಬರು ಮಹಿಳೆ ಐಫೋನ್​ನಿಂದ ತಮ್ಮ ಡೇಟಾ ಎಲ್ಲವನ್ನು ಕಳೆದುಕೊಂಡಿದ್ದಾರೆ.

ಈ ಘಟನೆ ನಡೆದ ಸ್ಥಳ

ಇನ್ನು ಈ ಘಟನೆ ನಡೆದದ್ದು ಅಮೆರಿಕಾದ ಮಿಡ್​ಟೌನ್​ ಮ್ಯಾನ್​ಹ್ಯಾಟನ್​ನಲ್ಲಿ. ರೆಹಾನ್ ಅಯಾಸ್ ಎಂಬ ಮಹಿಳೆ ಬಾರ್‌ನಲ್ಲಿ ಥ್ಯಾಂಕ್ಸ್‌ಗಿವಿಂಗ್ ವಾರಾಂತ್ಯವನ್ನು ಆಚರಿಸುವ ವೇಳೆಯಲ್ಲಿ ಈ ಘಟನೆ ನಡೆದಿದೆ. ಇನ್ನು ಈ ಸಂದರ್ಭದಲ್ಲಿ ರೆಹಾನ್​ ಅಯಾಸ್​ ಅವರ ಐಫೋನ್​ 13 ಪ್ರೋ ಮ್ಯಾಕ್ಸ್​ ಅನ್ನು ಓರ್ವ ಕಳ್ಳ ಕದ್ದಿದ್ದಾನೆ. ಬಳಿಕ ಆಕೆಯ ಬ್ಯಾಂಕ್‌ನಿಂದ USD 10,000 ಗಳನ್ನು ದೋಚಿದ್ದಾನೆ. ಇದು ಭಾರತದಲ್ಲಿ 8 ಲಕ್ಷ ರೂಪಾಯಿಯನ್ನು ಹೊಂದಿದೆ.

ಇದನ್ನೂ ಓದಿ: ಈ ಆ್ಯಪ್​ ಮೂಲಕ ಇನ್ಮುಂದೆ ಮನೆಯಿಂದಲೇ ವೈದ್ಯರ ಸಲಹೆ ಪಡೆಯಿರಿ! ಇಲ್ಲಿದೆ ಕಂಪ್ಲೀಟ್​ ಡೀಟೇಲ್ಸ್​

ಸಿಮ್​ ಬ್ಲಾಕ್​ ಮಾಡಿದ ಮಹಿಳೆ

ಸಾಮಾನ್ಯವಾಗಿ ಯಾರೇ ಆಗಲಿ ಮೊಬೈಲ್‌ ಕಳೆದುಕೊಂಡರೆ ಮೊದಲು ಸಿಮ್‌ ಬ್ಲಾಕ್‌ ಮಾಡುತ್ತಾರೆ. ಹಾಗೆಯೇ ಇನ್ನೂ ಕೆಲವು ಮಾರ್ಗಗಳ ಮೂಲಕ ಮೊಬೈಲ್‌ ಅನ್ನು ಬ್ಲಾಕ್​ ಮಾಡಲು ಮುಂದಾಗುತ್ತಾರೆ. ಇದೇ ಮಾದರಿಯಲ್ಲಿ ವರ್ಕ್‌ಫೋರ್ಸ್ ಇಂಟೆಲಿಜೆನ್ಸ್ ಸ್ಟಾರ್ಟ್‌ಅಪ್‌ನಲ್ಲಿ ಹಿರಿಯ ಅರ್ಥಶಾಸ್ತ್ರಜ್ಞೆಯಾಗಿ ಕೆಲಸ ಮಾಡುವ ಈ ಮಹಿಳೆ ಸಹ ಪ್ರಯತ್ನಿಸಿದ್ದಾರೆ. ಆದರೆ ಈ ಸಂದರ್ಭದಲ್ಲಿ ಆಕೆಗೆ ತನ್ನ ಫೋನ್​ ಅನ್ನು ನಿಯಂತ್ರಣಕ್ಕೆ ತೆಗೆದುಕೊಳ್ಳಲು ಸಾಧ್ಯವೇ ಆಗಲಿಲ್ಲ.

ಬ್ಯಾಂಕ್​ನಿಂದ 8 ಲಕ್ಷ ಹಣ ಡೆಬಿಟ್​ 

ಇನ್ನು ರೆಹಾನ್ ಅಯಾಸ್​ ಅವರು ಆ ಫೋನ್‌ ನಲ್ಲಿ ಹಲವಾರು ಫೋಟೋಗಳು ಹಾಗೂ ಬ್ಯಾಂಕ್‌ ವಿವರಗಳನ್ನು ಸೇವ್ ಮಾಡಿ ಇಟ್ಟಿದ್ದರು. ಎಷ್ಟೇ ಪ್ರಯತ್ನ ಪಟ್ಟರು ಏನೂ ಮಾಡಲು ಸಾಧ್ಯವಾಗದಿದ್ದಾಗ ಹಾಗೇ ಸುಮ್ಮನಾಗಿದ್ದಾರೆ. ಇದಾದ 24 ಗಂಟೆಗಳಲ್ಲಿ ಆಕೆಯ ಬ್ಯಾಂಕ್ ಖಾತೆಯಿಂದ ಸುಮಾರು USD 10,000 ಡೆಬಿಟ್ ಆಗಿದೆ. ಇನ್ನು ಈ ಬಗ್ಗೆ ಬಂದು ಮೆಸೇಜ್​ ನಿಂದ ಅಯಾಸ್​ ಅವರು ಬೆಚ್ಚಿ ಬಿದ್ದಿದ್ದಾರೆ.

ಸಾಂಕೇತಿಕ ಚಿತ್ರ

ಏನಾಯ್ತು?

ಸಾಮಾನ್ಯವಾಗಿ ಐಫೋನ್‌ಗಳು ಕಳ್ಳತನವಾದಾಗ ಈ ರೀತಿಯ ಹಲವಾರು ಪ್ರಕರಣಗಳು ಜರುಗುತ್ತವೆ. ಇದಕ್ಕೆ ಪ್ರಮುಖ ಕಾರಣ ಎಂದರೆ ಫೋನ್‌ ಅನ್ನು ಕದಿಯಲು ಕಳ್ಳರು ಯಾವಾಗ ಹೊಂಚು ಹಾಕುತ್ತಾರೋ ಆ ವೇಳೆ ಬಳಕೆದಾರರು ಯಾವೆಲ್ಲಾ ಪಾಸ್‌ವರ್ಡ್‌ಗಳನ್ನು ಎಂಟ್ರಿ ಮಾಡುತ್ತಾರೆ ಎಂದು ಸಹ ಅವರು ಗಮನಿಸುತ್ತಿರುತ್ತಾರೆ. ಇವೆಲ್ಲವನ್ನು ಗಮನಿಸಿದ ನಂತರ ಅವರು ತಕ್ಷಣ ಮೊಬೈಲ್​ ಕದ್ದು, ನಿಮ್ಮ ಮೊಬೈಲ್​ಗೆ ಲಾಗಿನ್ ಆಗುತ್ತಾರೆ.

ಲಾಗಿನ್‌ ಆದ ನಂತರದಲ್ಲಿ ಕಳ್ಳರು ಪಾಸ್‌ವರ್ಡ್‌ ಅನ್ನು ಬದಲಾಯಿಸಲು ಮೊದಲ ಪ್ರಾಶಸ್ತ್ಯ ನೀಡುತ್ತಾರೆ. ಇದು ಬದಲಾವಣೆ ಮಾಡಲು ತುಂಬಾ ಸುಲಭ ಆದರೆ ಫೋನ್​​ ಕಳೆದುಕೊಂಡವರು ಮಾತ್ರ ಪರದಾಡುತ್ತಿರುತ್ತಾರೆ. ಇನ್ನು ಈ ಸಂದರ್ಭದಲ್ಲಿ ಫೋನ್ ಕಳೆದುಕೊಂಡವರಿಗೆ ಯಾವುದೇ ರೀತಿಯಲ್ಲಿ ತಮ್ಮ ಮೊಬೈಲ್​ಗೆ ಲಾಗಿನ್ ಆಗಲು ಸಾಧ್ಯವಾಗುವುದಿಲ್ಲ. ಇವೆಲ್ಲಾ ಆದ ನಂತರ ಕಳ್ಳರು ನಿಮ್ಮ ಖಾಸಗಿ ಮಾಹಿತಿಯನ್ನು ಕದಿಯಲು ಮುಂದಾಗುತ್ತಾರೆ.