• Home
  • »
  • News
  • »
  • tech
  • »
  • Mobile Games: ಬಿಡುಗಡೆಗೆ ಮೊದಲೇ ಸದ್ದು ಮಾಡುತ್ತಿದೆ ಈ ಮೊಬೈಲ್​ ಗೇಮ್​​ಗಳು! 2023 ರಲ್ಲಿ ಲಾಂಚ್​

Mobile Games: ಬಿಡುಗಡೆಗೆ ಮೊದಲೇ ಸದ್ದು ಮಾಡುತ್ತಿದೆ ಈ ಮೊಬೈಲ್​ ಗೇಮ್​​ಗಳು! 2023 ರಲ್ಲಿ ಲಾಂಚ್​

ಸಾಂಕೇತಿಕ ಚಿತ್ರ

ಸಾಂಕೇತಿಕ ಚಿತ್ರ

ಮೊಬೈಲ್​ ಗೇಮ್ಸ್​ಗಳು ಟೆಕ್​ ಕಂಪನಿಯ ಒಂದು ಆದಾಯದ ಮೂಲ ಎನ್ನಬಹುದು. ಇದು ಉತ್ತಮ ಗ್ರಾಫಿಕ್ಸ್ ಮೂಲಕ ಗ್ರಾಹಕರನ್ನು ತನ್ನತ್ತ ಸೆಳೆಯುತ್ತದೆ. ಇದೀಗ ಮತ್ತೆ ಮೂಮದಿನ ವರ್ಷದಲ್ಲಿ ಹೊಸ ರೀತಿಯಲ್ಲಿ ಮೊಬೈಲ್​ ಗೇಮ್​​ಗಳನ್ನು ಪರಿಚಯಿಸಲು ಟೆಕ್​ ಕಂಪನಿಗಳು ಯೋಜನೆ ನಡೆಸುತ್ತಿದೆ.

  • Share this:

    ಸ್ಮಾರ್ಟ್​ಫೋನ್​ಗಳನ್ನು (Smartphones) ಏನೇನೋ ಕೆಲಸಗಳಿಗೆಲ್ಲಾ ಬಳಸ್ತಾರೆ. ಅದ್ರಲ್ಲಿ ಮುಖ್ಯವಾಗಿ ಕೆಲವರು ಗೇಮ್ (Game)​ ಆಡಲೆಂದೇ ಬಳಸುತ್ತಾರೆ. ಇತ್ತೀಚೆಗೆ  ಸ್ಮಾರ್ಟ್​ಫೋನ್​ಗಳ ಉತ್ಪಾದನೆ ಕೂಡ ಹೆಚ್ಚಾಗಿದೆ. ಅದ್ರಲ್ಲೂ ಗೇಮ್​ ಆಡುವಾಗ ಉತ್ತಮ ಅನುಭವವನ್ನು ನೀಡುವಂತಹ ಸ್ಮಾರ್ಟ್​ಫೋನ್​ ಕಂಪನಿಗಳು ಮಾರುಕಟ್ಟೆಗೆ ಪರಿಚಯಿಸುತ್ತಿದೆ. ಹಿಂದೆಲ್ಲಾ ಹೆಚ್ಚಾಗಿ ಟ್ಯಾಬ್​ಗಳನ್ನು ಬಳಸಿ ಮೊಬೈಲ್​ ಗೇಮ್​ಗಳನ್ನು ಆಡುತ್ತಿದ್ದರು. ಯಾಕೆಂದರೆ ಇದು ಉತ್ತಮ ಫೀಚರ್ಸ್​ ಅನ್ನು ಹೊಂದಿರುತ್ತದೆ. ಆದರೆ ಇತ್ತೀಚಿನ ಸ್ಮಾರ್ಟ್​ಫೋನ್​ಗಳು ಮಾತ್ರ ಇದಕ್ಕಿಂತ ಹೆಚ್ಚಿನ ಫೀಚರ್ಸ್​ಗಳನ್ನು ಹೊಂದಿರುವುದರಿಂದ ಟ್ಯಾಬ್​ಗಳ ಮೇಲಿನ ಬೇಡಿಕೆ ಕಡಿಮೆಯಾಗಿದೆ. ಉತ್ತಮ ರೀತಿಯ ಹಲವಾರು ಮೊಬೈಲ್​ ಗೇಮ್ಸ್​ಗಳಿವೆ (Mobile Games). ಅದೇ ರೀತಿ ಟೆಕ್​ ಕಂಪನಿಗಳಿಗೆ (Tech Company) ಈ ಗೇಮ್ಸ್​ಗಳಿಂದಲೇ ಹೆಚ್ಚು ಆದಾಯ ಬರುತ್ತಿದೆ ಎಂದು ತಿಳಿದುಬಂದಿದೆ.


    ಮೊಬೈಲ್​ ಗೇಮ್ಸ್​ಗಳು ಟೆಕ್​ ಕಂಪನಿಯ ಒಂದು ಆದಾಯದ ಮೂಲ ಎನ್ನಬಹುದು. ಇದು ಉತ್ತಮ ಗ್ರಾಫಿಕ್ಸ್ ಮೂಲಕ ಗ್ರಾಹಕರನ್ನು ತನ್ನತ್ತ ಸೆಳೆಯುತ್ತದೆ. ಇದೀಗ ಮತ್ತೆ ಮೂಮದಿನ ವರ್ಷದಲ್ಲಿ ಹೊಸ ರೀತಿಯಲ್ಲಿ ಮೊಬೈಲ್​ ಗೇಮ್​​ಗಳನ್ನು ಪರಿಚಯಿಸಲು ಟೆಕ್​ ಕಂಪನಿಗಳು ಯೋಜನೆ ನಡೆಸುತ್ತಿದೆ.


    ಈ ಹೆಚ್ಚು ಸ್ಟೋರೇಜ್ ಹೊಂದಿದ ಗೇಮ್ಸ್​ಗಳನ್ನು ಮೊಬೈಲ್​ನಲ್ಲಿ ಆಡಲು ಸಾಧ್ಯವಾಗುವುದಿಲ್ಲ. ಆದ್ದರಿಂದ ಟೆಕ್​ ಮಾರುಕಟ್ಟೆಯಲ್ಲಿ ಇದಕ್ಕಾಗಿ ಹಲವಾರು ಡಿವೈಸ್​ಗಳು ಲಭ್ಯವಿದೆ. ಆದರೆ ಮುಂದಿನ ದಿನಗಳಲ್ಲಿ ಮೊಬೈಲ್​ನಲ್ಲಿ ಈ ಹಿಂದೆ ಉತ್ತಮ ಗುಣಮಟ್ಟದ ಗೇಮ್ಸ್​ಗಳನ್ನು ಆಡಬಹುದು. ಹಾಗಿದ್ರೆ 2023 ರಲ್ಲಿ ಮೊಬೈಲ್​ನಲ್ಲಿ ಆಡಬಹುದಾದ ಟಾಪ್ 5 ಮೊಬೈಲ್​ ಗೇಮ್ಸ್​ ಯಾವುದೆಲ್ಲಾ ಎಂಬುದನ್ನು ಈ ಲೇಖನದ ಮೂಲಕ ತಿಳಿಯಿರಿ.


    ಇದನ್ನೂ ಓದಿ: ಫ್ಲಿಪ್​ಕಾರ್ಟ್​​ ಇಯರ್​ ಎಂಡ್​ ಸೇಲ್​ ಆರಂಭ; ಈ 5 ಸ್ಮಾರ್ಟ್​​ಫೋನ್​ಗಳ ಮೇಲೆ ಭಾರೀ ಡಿಸ್ಕೌಂಟ್​!


    ವ್ಯಾಲರಂಟ್​ ಮೊಬೈಲ್​


    ಈ ವ್ಯಾಲರಂಟ್​  ಗೇಮ್​ ಇದುವರೆ ಪಿಸಿಯಲ್ಲಿ ಆಡಬಹುದಿತ್ತು. ಜೊತೆಗೆ ಪಿಸಿಯಲ್ಲಿ ಬಹಳಷ್ಟು ಜನಪ್ರಿಯತೆಯನ್ನು ಕೂಡ ಪಡೆದಿದೆ. ಹಾಗೆಯೇ ಉನ್ನತ ಎಫ್‌ಪಿಎಸ್ ಆಟಗಳಲ್ಲಿ ಒಂದನ್ನಾಗಿ ಮಾಡುವ ಉದ್ದೇಶದಿಂದ ರಾಯಿಟ್ ಟೆಕ್​ ಕಂಪನಿ ತನ್ನ ಎಲ್ಲಾ ಪ್ರಯತ್ನಗಳನ್ನು ಮಾಡುತ್ತಿದೆ. ಇದರ ಭಾಗವಾಗಿಯೇ ಆಂಡ್ರಾಯ್ಡ್ ಮತ್ತು ಐಒಎಸ್‌ನ ಫೋನ್‌ಗಳಿಗೆ ಇದನ್ನು ಶೀಘ್ರದಲ್ಲಿಯೇ ಪರಿಚಯಿಸಲಾಗುತ್ತಿದೆ. ಆದರೆ ಈ ಗೇಮ್‌ ಬಿಡುಗಡೆಯ ದಿನಾಂಕದ ಬಗ್ಗೆ ಇನ್ನೂ ಯಾವುದೇ ಮಾಹಿತಿ ಬಹಿರಂಗವಾಗಿಲ್ಲ.


    ಕಾಲ್​​ ಆಫ್​ ಡ್ಯೂಟಿ - ವಾರ್​ಝೋನ್​ ಮೊಬೈಲ್​


    ಕಾಲ್ ಆಫ್ ಡ್ಯೂಟಿಯು ವಾರ್‌ಝೋನ್‌ ಗೇಮ್​ ಅನ್ನು ಸಹ ಹೊಸ ವರ್ಷದಿಂದ ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ ಆಡಬಹುದಾಗಿದೆ. ಈ ಗೇಮ್​ ತನ್ನ ಗ್ರಾಫಿಕ್ಸ್ ಮೂಲಕವೇ ಹೆಚ್ಚು ಜನರ ಗಮನಸೆಳೆದಿದೆ. ಒಂದು ಪಂದ್ಯದಲ್ಲಿ 120 ಆಟಗಾರರನ್ನು ಹೊಂದಿರುವ ಬ್ಯಾಟಲ್ ರಾಯಲ್ ಗೇಮ್‌ ಇದಾಗಿದ್ದು, ಡಾಮಿನೇಷನ್, ಟೀಮ್ ಡೆತ್‌ಮ್ಯಾಚ್ ಮತ್ತು ಇತರ ರೀತಿಯ ಮೋಡ್‌ಗಳನ್ನು ಇದು ಹೊಂದಿದೆ. ಈ ಗೇಮ್‌ ಪ್ರೀ ಬುಕಿಂಗ್​ಗೆ ಮುಕ್ತವಾಗಿದ್ದು, ಮುಂದಿನ ವರ್ಷದ ಆರಂಭದಿಂದ ನೀವು ಮೊಬೈಲ್​ನಲ್ಲೂ ಆಡಬಹುದು. ಇನ್ನು ಇದನ್ನು ಆನ್​ಲೈನ್ ಮೂಲಕ ಆಡುವಂತಹ ಗೇಮ್​ ಆಗಿರುವುದರಿಂದ ಗೇಮರ್​ಗಳಿಗೆ ಸ್ನೇಹಿತರೊಂದಿಗೆ ಸುಲಭದಲ್ಲಿ ಸಂಪರ್ಕ ಬೆಳೆಸಬಹುದಾಗಿದೆ.


    ಅಸ್ಸಾಸಿನ್ಸ್​ ಕ್ರೀಡ್​ ಜೇಡ್​


    ಯೂಬಿಸಾಫ್ಟ್‌ ನ ಅಸ್ಸಾಸಿನ್ಸ್ ಕ್ರೀಡ್ ಜೇಡ್ ಗೇಮ್‌ ಸಾಂಪ್ರದಾಯಿಕ ಯುದ್ಧಗಳನ್ನು ಆಡಬಹುದಾದ ಆಯ್ಕೆ ಪಡೆದುಕೊಂಡಿರಲಿದೆ ಎನ್ನಲಾಗಿದೆಯಾದರೂ ಇದರ ಬಗ್ಗೆ ನಿಖರ ಮಾಹಿತಿ ತಿಳಿದುಬಂದಿಲ್ಲ. ಇನ್ನು ಈ ಗೇಮ್‌ ಜೇಡ್‌ ಎಂಬ ಹೆಸರನ್ನು ಹೊಂದಿದ್ದು, ಈ ಆಟವನ್ನು 215 BC ಯಲ್ಲಿ ನಡೆಯುವ ಘಟನೆಯೊಂದಿಗೆ ಚಿತ್ರಿಸಲಾಗಿದೆ, ಚೀನಾದ ಕ್ವಿನ್ ರಾಜವಂಶದ ಅವಧಿಯಲ್ಲಿ ಚೀನಾದ ಮಹಾ ಗೋಡೆಯಂತಹ ಸಾಂಪ್ರದಾಯಿಕ ಸ್ಥಳಗಳನ್ನು ಈ ಗೇಮ್​ನಲ್ಲಿ ನೋಡಬಹುದು. ಇನ್ನುಮುಂದೆ ಇದು ಹೊಸವರ್ಷದ ಆರಂಭದಿಂದ ಮೊಬೈಲ್ ಮೂಲಕ ಆಡುವ ಅವಕಾಶ ಸಿಗಲಿದೆ ಎಂದು ಕಂಪನಿ ಹೇಳಿದೆ.

    ಬ್ಯಾಟಲ್​ಫೀಲ್ಡ್​ ಮೊಬೈಲ್​


    ಬ್ಯಾಟಲ್‌ಫೀಲ್ಡ್‌ ಮೊಬೈಲ್‌ ಗೇಮ್‌ ರಶ್, ಡೆತ್‌ಮ್ಯಾಚ್ ಹಾಗೂ ಇತರ ಮೋಡ್‌ಗಳಲ್ಲಿ ಆಡಬಹುದಾದ ಗೇಮ್​​ ಆಗಿದೆ. ಇದು ಆಂಡ್ರಾಯ್ಡ್‌ ಹಾಗೂ ಐಓಎಸ್‌ ಡಿವೈಸ್‌ಗಳಿಗೆ ಮುಂದಿನ ವರ್ಷದಿಂದ ಬೆಂಬಲ ನೀಡುತ್ತದೆ ಎನ್ನಲಾಗಿದೆ. ಇನ್ನು ಈ ಗೇಮ್​ 2023 ರಲ್ಲಿ ಲಾಂಚ್‌ ಆಗಲಿದ್ದು, ಮುಂಗಡ ನೋಂದಣಿ ಸಹ ಆರಂಭವಾಗಿದೆ. ಇದರೊಂದಿಗೆ ಅಂಡರ್‌ವರ್ಡ್‌ ಗ್ಯಾಂಗ್‌ ವಾರ್ಸ್‌, ಡ್ರ್ಯಾಗನ್ ಸೀಜ್ ಕಿಂಗ್ಡಮ್ ಕಾಂಕ್ಯೂಸ್ಟ್ಸ ಸೇರಿದಂತೆ ಇನ್ನಿತರೆ ಗೇಮ್‌ಗಳು ಸಹ ಭಾರತೀಯ ಗೇಮರ್‌ಗಳಿಗೆ ಲಭ್ಯವಾಗುತ್ತದೆ.

    Published by:Prajwal B
    First published: