• Home
  • »
  • News
  • »
  • tech
  • »
  • Smartphones: ಫೆಬ್ರವರಿಯಲ್ಲಿ ಮಾರುಕಟ್ಟೆಯಲ್ಲಿ ಲಾಂಚ್ ಆಗಲಿರುವ ಸ್ಮಾರ್ಟ್​​ಫೋನ್​ಗಳಿವು!

Smartphones: ಫೆಬ್ರವರಿಯಲ್ಲಿ ಮಾರುಕಟ್ಟೆಯಲ್ಲಿ ಲಾಂಚ್ ಆಗಲಿರುವ ಸ್ಮಾರ್ಟ್​​ಫೋನ್​ಗಳಿವು!

ಸಾಂಕೇತಿಕ ಚಿತ್ರ

ಸಾಂಕೇತಿಕ ಚಿತ್ರ

ಮಾರುಕಟ್ಟೆಯಲ್ಲಿ ಮುಂದಿನ ತಿಂಗಳು ಅಂದರೆ ಫೆಬ್ರವರಿಯಲ್ಲಿ ಸಾಕಷ್ಟು ಸ್ಮಾರ್ಟ್​ಫೋನ್​ಗಳು ಮಾರುಕಟ್ಟೆಯಲ್ಲಿ ಧೂಳೆಬ್ಬಿಸಲು ಸಜ್ಜಾಗಿ ನಿಂತಿದೆ. ಅದರಲ್ಲೂ ಪ್ರಮುಖ ಮೊಬೈಲ್​ ಬ್ರಾಂಡ್​ಗಳು ಫೆಬ್ರವರಿ ತಿಂಗಳಿನಲ್ಲಿ ಸ್ಮಾರ್ಟ್​​ಫೋನ್​ಗಳನ್ನು ಪರಿಚಯಿಸುತ್ತಿದೆ. ಹಾಗಿದ್ರೆ ಮಾರುಕಟ್ಟೆಗೆ ಮುಂಬರುವಂತಹ ಸ್ಮಾರ್ಟ್​​ಫೋನ್​​ಗಳು ಯಾವುದು? ಫೀಚರ್ಸ್ ಹೇಗಿದೆ ಎಂದುನ್ನು ಈ ಲೇಖನದಲ್ಲಿದೆ ಓದಿ.

ಮುಂದೆ ಓದಿ ...
  • Share this:

    ಸ್ಮಾರ್ಟ್​​ಫೋನ್​ಗಳು (Smartphones) ಮಾರುಕಟ್ಟೆಯಲ್ಲಿ ಇತ್ತೀಚೆಗೆ ಭಾರೀ ಬೇಡಿಕೆಯಲ್ಲಿರುವ ಸಾಧನವಾಗಿದೆ. ಸ್ಮಾರ್ಟ್​ಫೋನ್ ಅಂದ್ರೆ ಯಾರಿಗೆ ಇಷ್ಟ ಇಲ್ಲ ಹೇಳಿ. ಪ್ರತಿಯೊಬ್ಬರೂ ಕೂಡ ತಾನು ಖರೀದಿಸುವ ಸ್ಮಾರ್ಟ್​​ಫೋನ್​ಗಳು ಗುಣಮಟ್ಟದ್ದಾಗಿರಬೇಕು, ಉತ್ತಮ ವಿನ್ಯಾಸ (Good Design) ಹೊಂದಿರಬೇಕೆಂದು ಬಯಸುತ್ತಾರೆ. ಆದರೆ ಇವೆಲ್ಲವೂ ಕೆಲವೊಂದು ಸ್ಮಾರ್ಟ್​ಫೋನ್​ಗಳು ಹೊಂದಿರುವುದಿಲ್ಲ. ಆದರೆ ಇತ್ತೀಚೆಗೆ ಅಂತೂ ತಿಂಗಳಿಗೆ 5 ರಿಂದ 7 ರಂತೆ ಸ್ಮಾರ್ಟ್​​​ಫೋನ್​ಗಳು ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗುತ್ತಿದೆ. ಒಂದಕ್ಕೊಂದು ಸ್ಪರ್ಧೆಯನ್ನು ನೀಡುವ ಉದ್ದೇಶದಿಂದ ಕಂಪೆನಿಗಳು ಸಹ ಗುಣಮಟ್ಟದ ಫೀಚರ್ಸ್ (Features)​​ ಜೊತೆಗೆ, ಉತ್ತಮ ವಿನ್ಯಾಸ ಹೊಂದಿದ ಮೊಬೈಲ್​ಗಳನ್ನು ಪರಿಚಯಿಸುತ್ತಿದೆ. ಇದೀಗ ಫೆಬ್ರವರಿ ಒಂದೇ ತಿಂಗಳಿನಲ್ಲಿ ಹತ್ತಕ್ಕೂ ಹೆಚ್ಚು ಸ್ಮಾರ್ಟ್​​ಫೋನ್​ಗಳು ಬಿಡುಗಡೆಯಾಗಲು ರೆಡಿಯಾಗಿವೆ.


    ಮಾರುಕಟ್ಟೆಯಲ್ಲಿ ಮುಂದಿನ ತಿಂಗಳು ಅಂದರೆ ಫೆಬ್ರವರಿಯಲ್ಲಿ ಸಾಕಷ್ಟು ಸ್ಮಾರ್ಟ್​ಫೋನ್​ಗಳು ಮಾರುಕಟ್ಟೆಯಲ್ಲಿ ಧೂಳೆಬ್ಬಿಸಲು ಸಜ್ಜಾಗಿ ನಿಂತಿದೆ. ಅದರಲ್ಲೂ ಪ್ರಮುಖ ಮೊಬೈಲ್​ ಬ್ರಾಂಡ್​ಗಳು ಫೆಬ್ರವರಿ ತಿಂಗಳಿನಲ್ಲಿ ಸ್ಮಾರ್ಟ್​​ಫೋನ್​ಗಳನ್ನು ಪರಿಚಯಿಸುತ್ತಿದೆ. ಹಾಗಿದ್ರೆ ಮಾರುಕಟ್ಟೆಗೆ ಮುಂಬರುವಂತಹ ಸ್ಮಾರ್ಟ್​​ಫೋನ್​​ಗಳು ಯಾವುದು? ಫೀಚರ್ಸ್ ಹೇಗಿದೆ ಎಂದುನ್ನು ಈ ಲೇಖನದಲ್ಲಿದೆ ಓದಿ.


    ಸ್ಯಾಮ್​ಸಂಗ್ ಗ್ಯಾಲಕ್ಸಿ ಎಸ್​23 5ಜಿ ಸ್ಮಾರ್ಟ್​​ಫೋನ್​


    ಈ ಬಾರಿಯ ಬಹು ನಿರೀಕ್ಷಿತ ಸ್ಮಾರ್ಟ್​​ಫೋನ್​ಗಳಲ್ಲಿ ಸ್ಯಾಮ್​ಸಂಗ್​ ಗ್ಯಾಲಕ್ಸಿ ಎಸ್​​23 ಸೀರಿಸ್​ನ ಸ್ಮಾರ್ಟ್​​ಫೋನ್​ಗಳು ಸಹ ಒಂದಾಗಿದೆ. ಇನ್ನು ಸ್ಯಾಮ್​ಸಂಗ್  ಗ್ಯಾಲಕ್ಸಿ ಎಸ್​23 ಸೀರಿಸ್​ನ ಸ್ಮಾರ್ಟ್​​ಫೋನ್​ಗಳು ಭಾರತದಲ್ಲಿ ಹಾಗೂ ಜಾಗತಿಕ ಮಾರುಕಟ್ಟೆಯಲ್ಲಿ ಫೆಬ್ರವರಿ 1, 2023 ರಂದು ಲಾಂಚ್​ ಆಗುವ ನಿರೀಕ್ಷೆಯಿದೆ. ಇನ್ನು ಈ ಸೀರಿಸ್​​ನ ಅಡಿಯಲ್ಲಿ ಸ್ಯಾಮ್​ಸಂಗ್ ಗ್ಯಾಲಕ್ಸಿ ಎಸ್​​23, ಗ್ಯಾಲಕ್ಸಿ ಎಸ್​ 23 ಪ್ಲಸ್​ ಮತ್ತು ಗ್ಯಾಲಕ್ಸಿ ಎಸ್​​23 ಅಲ್ಟ್ರಾ ಸ್ಮಾರ್ಟ್​ಫೋನ್​ಗಳು ಬಿಡುಗಡೆಯಾಗುತ್ತವೆ ಎಂದು ಕಂಪೆನಿ ತಿಳಿಸಿದೆ.


    ಒನ್​ಪ್ಲಸ್​ 11 5ಜಿ ಸ್ಮಾರ್ಟ್​​ಫೋನ್​


    ಒನ್​ಪ್ಲಸ್​ ಕಂಪೆನಿಯ ಈ ಹಿಂದೆಯೂ ಸಾಕಷ್ಟು ಸ್ಮಾರ್ಟ್​ಫೋನ್​ಗಳು ಬಿಡುಗಡೆಯಾಗಿವೆ, ಈ ಮಧ್ಯೆ 2023ರಲ್ಲಿ ಒನ್​ಪ್ಲಸ್​ ಕಂಪೆನಿ ತನ್ನ ಬ್ರಾಂಡ್​ನ ಅಡಿಯಲ್ಲಿ ಫೆಬ್ರವರಿ 7 ರಂದು ಒನ್​ಪ್ಲಸ್​ 11 5ಜಿ ಸ್ಮಾರ್ಟ್​​ಫೋನ್​ ಅನ್ನು ಲಾಂಚ್​ ಮಾಡಲು ರೆಡಿಯಾಗಿದೆ. ಇದಲ್ಲದೆ ಈ ಸ್ಮಾರ್ಟ್​ಫೋನ್​ ಬೆಲೆ ಮತ್ತು ಫೀಚರ್ಸ್ ಬಗ್ಗೆ ಮಾಹಿತಿ ಸೋರಿಕೆಯಾಗಿದ್ದು, ಇದು ಎರಡು ರ್‍ಯಾಮ್ ಮಾದರಿಗಳಲ್ಲಿ ಪರಿಚಯಿಸುವ ಸಾಧ್ಯತೆಯಿದೆ.




    ಇದರ ಮೂಲ ಮಾದರಿಯು 8ಜಿಬಿ ರ್‍ಯಾಮ್ ಜೊತೆಗೆ 128ಜಿಬಿ ಸ್ಟೋರೇಜ್​ ಅನ್ನು ಹೊಂದಿರಬಹುದು. ಇದರ ಬೆಲೆ 35,000 ರಿಂದ 40,000 ರೂಪಾಯಿ ಎಂದು ಅಂದಾಜಿಸಲಾಗಿದೆ. ಇದರ ಎರಡನೇ ಮಾದರಿಯಲ್ಲಿ, 16ಜಿಬಿ ರ್‍ಯಾಮ್ ಮತ್ತು 512ಜಿಬಿ ಸ್ಟೋರೇಜ್ ಅನ್ನು ಹೊಂದಿರಬಹುದು ಈ ಮಾದರಿಯ ಸ್ಮಾರ್ಟ್‌ಫೋನ್‌ನ ಬೆಲೆ 40,000 ರಿಂದ 45,000 ರೂಪಾಯಿ ಇರಬಹುದು ಎಂದು ಅಂದಾಜಿಸಲಾಗಿದೆ.


    ಮೊಟೊರೊಲಾ ಎಡ್ಜ್​ 40 ಪ್ರೋ ಸ್ಮಾರ್ಟ್​​ಫೋನ್


    ಮೊಟೊರೊಲಾ ಎಡ್ಜ್ 40 ಪ್ರೋ ಸ್ಮಾರ್ಟ್​ಫೋನ್​ ಅನ್ನು ಮುಂದಿನ ತಿಂಗಳು ಲಾಂಚ್‌ ಮಾಡುವ ನಿರೀಕ್ಷೆ ಇದೆ. ಇದು ಕಳೆದ ತಿಂಗಳಷ್ಟೇ ಚೀನಾದಲ್ಲಿ ಲಾಂಚ್‌ ಆಗಿದೆ. ಈ ಫೋನ್‌ ಮೊಟೊ ಎಕ್ಸ್​40 ಸ್ಮಾರ್ಟ್​ಫೋನ್​ನ ಮರುಬ್ಯಾಡ್ಜ್ ಆವೃತ್ತಿಯಾಗಿದೆ ಎಂದು ತಿಳಿದುಬಂದಿದೆ. ಆದಾಗ್ಯೂ ಮಾರ್ಚ್ 2022 ರವರೆಗೆ ಫೋನ್ ಭಾರತದಲ್ಲಿ ಲಭ್ಯ ಇರುವುದಿಲ್ಲ ಎನ್ನುವ ಮಾತು ಸಹ ಕೇಳಿಬರುತ್ತಿವೆ.


    ಪೋಕೋ ಎಕ್ಸ್​5 ಸೀರಿಸ್​ ಸ್ಮಾರ್ಟ್​​ಫೋನ್​


    ಪೊಕೊ X5 ಸರಣಿಯ ಸ್ಮಾರ್ಟ್‌ಫೋನ್‌ ಸಹ ಮುಂದಿನ ತಿಂಗಳು ಅಂದರೆ ಫೆಬ್ರವರಿ 23 ರಂದು ಅನಾವರಣ ಆಗಲಿದೆ ಎಂದು ವರದಿಯಾಗಿದೆ. ಇನ್ನು ಈ ಸ್ಮಾರ್ಟ್​ಫೋನ್​ ಸದ್ಯ ಕೆಲವೊಂದು ಫೋಟೋಗಳು ಅನಾವರಣವಾಗಿದ್ದು, ಇದರಲ್ಲಿ ಭಾರತೀಯ ಕ್ರಿಕೆಟಿಗ ಹಾರ್ದಿಕ್ ಪಾಂಡ್ಯ ಅವರು ಕಾಣಿಸಿಕೊಂಡಿದ್ದಾರೆ.


    ಸಾಂಕೇತಿಕ ಚಿತ್ರ


    ಐಕ್ಯೂ ನಿಯೋ 7 ಸೀರಿಸ್​ ಸ್ಮಾರ್ಟ್​ಫೋನ್​


    ಬಜೆಟ್​ ಬೆಲೆಯಲ್ಲಿ ಸ್ಮಾರ್ಟ್​​ಫೋನ್​ಗಳನ್ನು ಉತ್ಪಾದಿಸುವಲ್ಲಿ ಐಕ್ಯೂ ಕಂಪೆನಿ ಮುಂಚೂಣಿಯಲ್ಲಿದೆ. ಇದೀಗ ಈ ಕಂಪೆನಿಯ ಸ್ಮಾರ್ಟ್​​ಫೋನ್​ಗಳು ಐಕ್ಯೂ ನಿಯೋ 7 ಸೀರಿಸ್​ನಲ್ಲಿ ಬಿಡುಗಡೆಯಾಗಲಿದ್ದು, ಇದು ಫೆಬ್ರವರಿ 16 ರಂದು ಭಾರತದ ಮಾರುಕಟ್ಟೆಗೆ ಕಾಲಿಡಲಿದೆ.


    ಇದನ್ನೂ ಓದಿ:  ಬಿಡುಗಡೆಗೂ ಮೊದಲೇ ಮಾರುಕಟ್ಟೆಯಲ್ಲಿ ಸದ್ದು ಮಾಡ್ತಿದೆ ಒಪ್ಪೋ ಸ್ಮಾರ್ಟ್​ಫೋನ್​! ಫೀಚರ್ಸ್ ಹೇಗಿದೆ ಗೊತ್ತಾ?


    ಶಿಯೋಮಿ 13 ಸೀರಿಸ್​ ಸ್ಮಾರ್ಟ್​​ಫೋನ್​ಗಳು


    ಶಿಯೋಮಿ ಕಂಪೆನಿ ಇದುವರೆಗೆ ಹಲವಾರು ಸ್ಮಾರ್ಟ್​​ಫೋನ್​ಗಳನ್ನು ಬಿಡುಗಡೆ ಮಾಡುವ ಮೂಲಕ ಭಾರತದ ಬೇಡಿಕೆಯಲ್ಲಿರುವ ಮೊಬೈಲ್ ಕಂಪೆನಿ ಇದಾಗಿದೆ. ಇನ್ನು ಈ ಕಂಪೆನಿ ಶಿಯೋಮಿ 13 ಸೀರಿಸ್​ನ ಸ್ಮಾರ್ಟ್​ಫೋನ್​ಗಳು ಇದೇ ಫೆಬ್ರವರಿ 27ರಂದು ಜಾಗತಿಕವಾಗಿ ಬಿಡುಗಡೆಯಾಗುತ್ತದೆ ಎಂಬ ನಿರೀಕ್ಷೆಯಿದೆ. ಹಾಗೂ ಈ ಸೀರಿಸ್​ನ ಅಡಿಯಲ್ಲಿ ಸದ್ಯ ಚೀನಾದಲ್ಲಿ ಶಿಯೋಮಿ 13, ಶಿಯೋಮಿ 13 ಪ್ರೋ​ ಮತ್ತು ಶಿಯೋಮಿ 13 ಲೈಟ್​ ಸ್ಮಾರ್ಟ್​​ಫೋನ್​ಗಳು ಬಿಡುಗಡೆಯಾಗಿವೆ

    Published by:Prajwal B
    First published:

    ಸುದ್ದಿ 18ಕನ್ನಡ ಟ್ರೆಂಡಿಂಗ್

    ಮತ್ತಷ್ಟು ಓದು