Banking Malware: ನಿಮ್ಮ ಬ್ಯಾಂಕಿಂಗ್ ವಿವರಗಳನ್ನು ಕದಿಯುತ್ತಿವೆ ಈ 6 ಆ್ಯಂಡ್ರಾಯ್ಡ್ ಅಪ್ಲಿಕೇಶನ್‌ಗಳು

Android Apps: ಚೆಕ್ ಪಾಯಿಂಟ್ ಸಂಶೋಧನೆಯ ಪ್ರಕಾರ, ಈ ಮಾಲ್‌ವೇರ್‌ಗಳಿಗೆ ಬಲಿಯಾದವರಲ್ಲಿ 62 ಪ್ರತಿಶತದಷ್ಟು ಜನರು ಇಟಲಿಯಲ್ಲಿ, 36 ಪ್ರತಿಶತ ಯುಕೆಯಲ್ಲಿ ಮತ್ತು ಇತರ ದೇಶಗಳಲ್ಲಿ ಶೇ. 2ರಷ್ಟು ಇದ್ದಾರೆ.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
    ಮಾರುಕಟ್ಟೆ (Market) ಸಂಶೋಧನಾ ಸಂಸ್ಥೆ ಚೆಕ್ ಪಾಯಿಂಟ್ ರಿಸರ್ಚ್ ಗೂಗಲ್ ಪ್ಲೇ ಸ್ಟೋರ್‌ನಲ್ಲಿ (Google Play Store) 6 ಆ್ಯಂಡ್ರಾಯ್ಡ್ ಅಪ್ಲಿಕೇಶನ್‌ಗಳನ್ನು (Android Application) ಕಂಡುಕೊಂಡಿದ್ದು, ಇದು ಆ್ಯಂಟಿವೈರಸ್ ಅಪ್ಲಿಕೇಶನ್‌ಗಳೆಂದು ಬಿಂಬಿಸುವ ಮೂಲಕ ಬ್ಯಾಂಕಿಂಗ್ ಮಾಲ್‌ವೇರ್ (Malware) ಅನ್ನು ಹರಡುತ್ತಿದೆ ಎಂದು ಹೇಳಿದೆ. ಈ ಅಪ್ಲಿಕೇಶನ್‌ಗಳಲ್ಲಿ ಪತ್ತೆಯಾದ ಮಾಲ್‌ವೇರ್ ಅನ್ನು "ಶಾರ್ಕ್‌ಬಾಟ್" ಎಂದು ಕರೆಯಲಾಗಿದ್ದು, ಇದು ಆ್ಯಂಡ್ರಾಯ್ಡ್ ಬಳಕೆದಾರರ ರುಜುವಾತುಗಳು ಮತ್ತು ಬ್ಯಾಂಕಿಂಗ್ ಮಾಹಿತಿಯನ್ನು ಹ್ಯಾಕ್ (Hack) ಮಾಡಲು ಕುಖ್ಯಾತಿ ಪಡೆದಿದೆ. ಚೆಕ್ ಪಾಯಿಂಟ್ ಸಂಶೋಧನೆಯ ಪ್ರಕಾರ, ಈ ಮಾಲ್‌ವೇರ್‌ಗಳಿಗೆ ಬಲಿಯಾದವರಲ್ಲಿ 62 ಪ್ರತಿಶತದಷ್ಟು ಜನರು ಇಟಲಿಯಲ್ಲಿ, 36 ಪ್ರತಿಶತ ಯುಕೆಯಲ್ಲಿ ಮತ್ತು ಇತರ ದೇಶಗಳಲ್ಲಿ ಶೇ. 2ರಷ್ಟು ಇದ್ದಾರೆ.

    ಕ್ರೆಡೆನ್ಷಿಯಲ್ ಇನ್‌ಪುಟ್ ಫಾರ್ಮ್‌ಗಳನ್ನು ಅನುಕರಿಸುವ ವಿಂಡೋಗಳಲ್ಲಿ ತಮ್ಮ ರುಜುವಾತುಗಳನ್ನು ನಮೂದಿಸಲು ಶಾರ್ಕ್‌ಬಾಟ್ ಮಾಲ್‌ವೇರ್ ತನ್ನ ಬಳಕೆದಾರರಿಗೆ ಆಮಿಷ ಒಡ್ಡುತ್ತದೆ ಎಂದು ವರದಿ ಹೇಳಿದೆ. ಬಳಕೆದಾರರು ತಮ್ಮ ಕ್ರೆಡೆನ್ಷಿಯಲ್‌ಗಳನ್ನು ಈ ವಿಂಡೋಗಳಲ್ಲಿ ನಮೂದಿಸಿದಾಗ, ಬಳಕೆದಾರರ ಎಲ್ಲಾ ಡೇಟಾವನ್ನು ದುರುದ್ದೇಶಪೂರಿತ ಸರ್ವರ್‌ಗೆ ಕಳುಹಿಸಲಾಗುತ್ತದೆ. ಮಾಲ್‌ವೇರ್ ಅಭಿವೃದ್ಧಿಪಡಿಸಿದವರು ಚೀನಾ, ಭಾರತ, ರೊಮೇನಿಯಾ, ರಷ್ಯಾ, ಉಕ್ರೇನ್ ಅಥವಾ ಬೆಲಾರಸ್‌ನಲ್ಲಿ ಸಾಧನ ಬಳಕೆದಾರರನ್ನು ನಿರ್ಲಕ್ಷಿಸುವ ಜಿಯೋ-ಫೆನ್ಸಿಂಗ್ ವೈಶಿಷ್ಟ್ಯವನ್ನು ಅಳವಡಿಸಿದ್ದಾರೆ ಎಂದು ಸಂಸ್ಥೆಯ ಗಮನಕ್ಕೆ ತಿಳಿದು ಬಂದಿದೆ.

    ಆರು ಅಪ್ಲಿಕೇಶನ್‌ಗಳು

    ಗೂಗಲ್ ಪ್ಲೇ ಸ್ಟೋರ್‌ನಲ್ಲಿ ಕಂಡುಬಂದಿರುವ ಆರು ಅಪ್ಲಿಕೇಶನ್‌ಗಳು ಆಟಮ್ ಕ್ಲೀನ್-ಬೂಸ್ಟರ್, ಆ್ಯಂಟಿವೈರಸ್- ಸೂಪರ್ ಕ್ಲೀನರ್, ಆಲ್ಫಾ - ಆ್ಯಂಟಿವೈರಸ್ ಕ್ಲೀನರ್, ಪವರ್ ಫುಲ್ ಕ್ಲೀನರ್, ಮತ್ತು ಸೆಂಟರ್ ಸೆಕ್ಯುರಿಟಿಯ ಎರಡು ಆವೃತ್ತಿಗಳಾದ ಆ್ಯಂಟಿವೈರಸ್ ಅಪ್ಲಿಕೇಶನ್ ಎಂದು ಹೆಸರಿಸಲಾಗಿದೆ.

    6 ದುರುದ್ದೇಶಪೂರಿತ ಅಪ್ಲಿಕೇಶನ್‌ಗಳಲ್ಲಿ, ನಾಲ್ಕು, Zbynek Adamcik, Adelmio Pagnotto ಮತ್ತು Bingo Like Incನ ಮೂರು ಡೆವಲಪರ್ ಖಾತೆಗಳಿಂದ ಬಂದಿವೆ. ಅವುಗಳ ಬಗೆಗಿನ ಹಿಂದಿನ ವರದಿ, ಇತಿಹಾಸವನ್ನು ಪರಿಶೀಲಿಸಿದಾಗ, ಅವುಗಳಲ್ಲಿ ಎರಡು 2021ರಲ್ಲಿ ಸಕ್ರಿಯವಾಗಿವೆ ಎಂದು ಕಂಡುಬಂದಿದೆ. ಈ ಖಾತೆಗಳಿಗೆ ಲಿಂಕ್ ಮಾಡಲಾದ ಕೆಲವು ಅಪ್ಲಿಕೇಶನ್‌ಗಳನ್ನು ಗೂಗಲ್ ಪ್ಲೇ ಸ್ಟೋರ್‌ನಿಂದ ತೆಗೆದುಹಾಕಲಾದರೂ, ಇನ್ನು ಅನಧಿಕೃತ ಮಾರುಕಟ್ಟೆಗಳಲ್ಲಿ ಇವು ಅಸ್ತಿತ್ವದಲ್ಲಿದೆ.

    ಇದನ್ನೂ ಓದಿ: WhatsApp: ಕಣ್ಮರೆಯಾದ ಮೆಸೇಜ್‌ಗಳಲ್ಲಿರುವ ವಿಡಿಯೋ ಮತ್ತು ಫೋಟೋಗಳನ್ನು ಎಲ್ಲಿಯೂ ಸೇವ್ ಮಾಡುವುದಿಲ್ಲವಂತೆ ವಾಟ್ಸ್ಆ್ಯಪ್‌..!

    ಒಂದು ವಾರದವರೆಗೆ ಸಂಗ್ರಹಿಸಿದ ಅಂಕಿ ಅಂಶಗಳ ಪ್ರಕಾರ, ಚೆಕ್ ಪಾಯಿಂಟ್ ರಿಸರ್ಚ್ ಬಳಕೆದಾರ ಬಲಿಪಶುಗಳ 1,000ಕ್ಕೂ ಹೆಚ್ಚು ಐಪಿಗಳನ್ನು ಎಣಿಸಿದೆ ಮತ್ತು ಪ್ರತಿ ದಿನ ಬಲಿಪಶುಗಳ ಸಂಖ್ಯೆಯು ಸರಿಸುಮಾರು 100 ರಷ್ಟು ಹೆಚ್ಚುತ್ತಿದೆ ಎಂದು ಕಂಡುಹಿಡಿದಿದೆ. ಗೂಗಲ್ ಪ್ಲೇ ಸ್ಟೋರ್‌ ಅಂಕಿ ಅಂಶಗಳ ಪ್ರಕಾರ, ಆರು ಅಪ್ಲಿಕೇಶನ್‌ಗಳನ್ನು 11,000ಕ್ಕೂ ಹೆಚ್ಚು ಬಾರಿ ಡೌನ್‌ಲೋಡ್ ಮಾಡಲಾಗಿದೆ. ಈ ಬ್ಯಾಂಕಿಂಗ್ ಮಾಲ್‌ವೇರ್‌ಗೆ ಬಲಿಪಶು ಆದವರು ಹೆಚ್ಚಿನವರು ಯುಕೆ ಮತ್ತು ಇಟಲಿಯಲ್ಲಿದ್ದಾರೆ.

    “ಗೂಗಲ್ ಪ್ಲೇ ಸ್ಟೋರ್‌ನಲ್ಲಿ ಶಾರ್ಕ್‌ಬಾಟ್ ಮಾಲ್‌ವೇರ್ ಅನ್ನು ಹರಡುವ 6 ಅಪ್ಲಿಕೇಶನ್‌ಗಳನ್ನು ನಾವು ಪತ್ತೆಹಚ್ಚಿದ್ದೇವೆ. ಈ ಮಾಲ್‌ವೇರ್ ರುಜುವಾತುಗಳು ಮತ್ತು ಬ್ಯಾಂಕಿಂಗ್ ಮಾಹಿತಿಯನ್ನು ಕದಿಯುತ್ತದೆ. ಇದು ನಿಸ್ಸಂಶಯವಾಗಿ ತುಂಬಾ ಅಪಾಯಕಾರಿ. ಈ ಮಾಲ್‌ವೇರ್ ಅಭಿವೃದ್ಧಿಕಾರರು ತಂತ್ರಗಾರಿಕೆಯಿಂದ ಬಳಕೆದಾರರ ನಂಬಿಕೆಯನ್ನು ಹೊಂದಿರುವ ಅಪ್ಲಿಕೇಶನ್‌ಗಳ ಸ್ಥಳವನ್ನು ಗೂಗಲ್ ಪ್ಲೇ ಸ್ಟೋರ್‌ನಲ್ಲಿ ಆಯ್ಕೆ ಮಾಡಿದ್ದಾರೆ. ಇಲ್ಲಿ ಗಮನಾರ್ಹ ಸಂಗತಿಯೆಂದರೆ, ಇವರು ದುರುದ್ದೇಶಪೂರಿತ ಲಿಂಕ್‌ಗಳನ್ನು ಹೊಂದಿರುವ ಬಲಿಪಶುಗಳಿಗೆ ಸಂದೇಶಗಳನ್ನು ಕಳಿಸುತ್ತಾರೆ, ಇದು ವ್ಯಾಪಕವಾದ ಅಳವಡಿಕೆಗೆ ಕಾರಣವಾಗುತ್ತದೆ. ಒಟ್ಟಾರೆಯಾಗಿ, ಬಳಕೆದಾರರಿಂದ ಉತ್ತರವನ್ನು ಕೋರುವ ಇವರು ಪುಶ್-ಮೆಸೇಜ್‌ಗಳ ಬಳಕೆಯು ಅಸಾಮಾನ್ಯ ಹರಡುವ ತಂತ್ರವಾಗಿದೆ" ಎಂದು ಚೆಕ್ ಪಾಯಿಂಟ್ ಸಾಫ್ಟ್‌ವೇರ್‌ನಲ್ಲಿ ಸೈಬರ್ ಭದ್ರತೆ, ಸಂಶೋಧನೆ ಮತ್ತು ನಾವೀನ್ಯತೆ ವ್ಯವಸ್ಥಾಪಕ ಅಲೆಕ್ಸಾಂಡರ್ ಚೈಲಿಟ್ಕೊ ಹೇಳಿದರು.

    ಇದನ್ನೂ ಓದಿ: Mi Fan Festival: 20 ಸಾವಿರ ರಿಯಾಯಿತಿ ಬೆಲೆಗೆ ಸಿಗುತ್ತಿದೆ 15 ನಿಮಿಷದಲ್ಲಿ ಪೂರ್ತಿ ಚಾರ್ಜ್ ಆಗುವ ಈ ಸ್ಮಾರ್ಟ್​ಫೋನ್!

    ದುರುದ್ದೇಶಪೂರಿತ ಅಪ್ಲಿಕೇಶನ್‌ಗಳಿಂದ ಸುರಕ್ಷಿತವಾಗಿರುವುದು ಹೇಗೆ?
    ದುರುದ್ದೇಶಪೂರಿತ ಅಪ್ಲಿಕೇಶನ್‌ಗಳು ಮತ್ತು ಮಾಲ್‌ವೇರ್‌ಗಳಿಂದ ಹೆಚ್ಚಿನ ಪ್ರಮಾಣದಲ್ಲಿ ಆ್ಯಂಡ್ರಾಯ್ಡ್ ಸಾಧನಗಳನ್ನು ಸುರಕ್ಷಿತವಾಗಿರಿಸಲು ಗೂಗಲ್ ಪ್ಲೇ ಸ್ಟೋರ್ ರಕ್ಷಣೆ ಸಹಾಯ ಮಾಡುತ್ತದೆ. ನೀವು ಅವುಗಳನ್ನು ಡೌನ್‌ಲೋಡ್ ಮಾಡುವ ಮೊದಲು ಇದು ಗೂಗಲ್ ಪ್ಲೇ ಸ್ಟೋರ್‌ನಿಂದ ಅಪ್ಲಿಕೇಶನ್‌ಗಳ ಸುರಕ್ಷತೆ ಪರಿಶೀಲನೆಯನ್ನು ನಡೆಸುತ್ತದೆ. ಯಾವುದೇ ಪತ್ತೆಯಾದ ಸಂಭಾವ್ಯ ಹಾನಿಕಾರಕ ಅಪ್ಲಿಕೇಶನ್‌ಗಳ ಕುರಿತು ಇದು ನಿಮಗೆ ಎಚ್ಚರಿಕೆ ನೀಡುತ್ತದೆ ಮತ್ತು ನಿಮ್ಮ ಸಾಧನದಿಂದ ಹಾನಿಕಾರಕ ಅಪ್ಲಿಕೇಶನ್‌ಗಳನ್ನು ತೆಗೆದುಹಾಕುತ್ತದೆ. ಆದರೂ, ಬಳಕೆದಾರರು ವಿಶ್ವಾಸಾರ್ಹ ಮತ್ತು ಪರಿಶೀಲಿಸಿದ ಡೆವೆಲಪರ್‌ಗಳಿಂದ ಮಾತ್ರ ಅಪ್ಲಿಕೇಶನ್‌ಗಳನ್ನು ಡೌನ್ಲೋಡ್ ಮಾಡಿಕೊಳ್ಳಬೇಕೆಂದು ಚೆಕ್ ಪಾಯಿಂಟ್ ಸಂಶೋಧನೆ ಸೂಚಿಸುತ್ತದೆ.
    Published by:Harshith AS
    First published: