ChatGPT: ಚಾಟ್​ಜಿಪಿಟಿ ಹೆಸರಲ್ಲಿ ನಡೀತಿದೆ ದೊಡ್ಡ ಹಗರಣ!​ ಬಳಕೆದಾರರೇ ಎಚ್ಚರ

ಚಾಟ್​ಜಿಪಿಟಿ (CahtGPT) ಇತ್ತೀಚೆಗೆ ವಿಶ್ವದಾದ್ಯಂಥ ಬಾರೀ ಸಂಚಲನ ಸೃಷ್ಟಿಸಿದೆ. ಗೂಗಲ್​ಗೆ ಪ್ರಬಲ ಪೈಪೋಟಿ ನೀಡುವ ದೃಷ್ಟಿಯಿಂದ ಈ ಟೆಕ್ನಾಲಜಿ ಹುಟ್ಟಿಕೊಂಡಿದ್ದು, ಇದೀಗ ಸಾಕಷ್ಟು ಜನರು ಇದರ ಉಪಯೋಗಗಳನ್ನು ಪಡೆದುಕೊಂಡಿದ್ದಾರೆ. ಇನ್ನು ಕೆಲ ಸಂಶೋಧಕರು ಇದರಿಂದ ಎಷ್ಟು ಉಪಯೋಗವಿದೆಯೋ ಅಷ್ಟೇ ತೊಂದರೆಗಳು ಸಹ ಇದೆ ಎಂದಿದ್ದಾರೆ. ಚಾಟ್​ಜಿಪಿಟಿ ಎಂಬುದು ಮಾನವನಂತೆ ಆಲೋಚಿಸಿ ಬಳಕೆದಾರರು ಕೇಳಿದ ಪ್ರಶ್ನೆಗಳಿಗೆ ಕ್ಷಣಮಾತ್ರದಲ್ಲಿ ನಿಖರವಾಗಿ ಉತ್ತರಿಸುವಂತಹ ಒಂದು ತಂತ್ರಜ್ಞಾನವಾಗಿದೆ. ಆದರೆ ಈ ಟೆಕ್ನಾಲಜಿಯನ್ನು ಇತ್ತೀಚೆಗೆ ಕೆಲ ಶಾಲಾ-ಕಾಲೇಜುಗಳಲ್ಲಿ ಬ್ಯಾನ್​ (School-College Baned ChatGPT) ಮಾಡಲಾಗಿದೆ. ಈ ಮಧ್ಯೆ ಬಳಕೆದಾರರಿಗೆ ಇದೀಗ ಚಾಟ್​ಜಿಪಿಟಿ ವಿಷಯದಲ್ಲಿ ಶಾಕಿಂಗ್ ಸುದ್ದಿಯೊಂ ದು ಸಂಶೋಧಕರು (ChatGPT Hack) ಹೇಳಿದ್ದಾರೆ.

ಚಾಟ್​​ಜಿಪಿಟಿ ಮೂಲಕ ಯಾವುದೇ ಪರೀಕ್ಷೆಯ ಉತ್ತರವನ್ನು ತಿಳಿಯಬಹುದು, ಲವ್​ ಲೆಟರ್​ನಿಂದ ಹಿಡಿದು ಮೊಬೈಲ್​ ಬಳಕೆದಾರರು ಕೇಳುವಂತಹ ಯಾವುದೇ ಪ್ರಶ್ನೆಗೆ ಕ್ಷಣಮಾತ್ರದಲ್ಲಿ ಮನುಷ್ಯರಂತೆಯೇ ಉತ್ತರ ನೀಡುತ್ತದೆ. ಆದರೆ ಇದೀಗ ಈ ಹೆಸರಿನಲ್ಲಿ ಕೆಲ ಕಿಡಿಕೇಡಿಗಳು ಬಳಕೆದಾರರ ಡೇಟಾವನ್ನು ಕದಿಯುವ ಪ್ರಯತ್ನ ಮಾಡುತ್ತಿದ್ದಾರೆಂದು ವರದಿಯಾಗಿದೆ. ಇದರಿಂದ ಎಚ್ಚರಿಜೆಯಿಂದಿರಬೇಕು ಎಂದೂ ಸಂಶೋಧಕರು ಬಳಕೆದಾರರಿಗೆ ತಿಳಿಸಿದ್ದಾರೆ.

ಚಾಟ್​​ಜಿಪಿಟಿ ಆ್ಯಪ್​​ ಹೆಸರಿನಲ್ಲಿ ಡೇಟಾ ಹ್ಯಾಕ್

ಚಾಟ್‌ಜಿಪಿಟಿ ಬಳಕೆ ಮಾಡುವವರ ಸಂಖ್ಯೆ ಹೆಚ್ಚಾದಂತೆ ನಕಲಿ ಚಾಟ್‌ಜಿಪಿಟಿ ಆರ್ಭಟ ಸಹ ಹೆಚ್ಚಾಗಿದೆ. ಅದರಂತೆ ಕ್ಯಾಸ್ಪರ್ಸ್ಕಿ ಸಂಶೋಧಕರು ಹೊಸ ಮಾಲ್​​ವೇರ್​ ಅನ್ನು ಫೋಬೋ ಎಂದು ಗುರುತಿಸಿದ್ದು, ಚಾಟ್‌ಜಿಪಿಟಿ ಆ್ಯಪ್​ನ ಹೆಸರಲ್ಲಿ ಈ ಹೊಸ ಮಾಲ್‌ವೇರ್ ಮೂಲಕ ದಾಳಿ ಮಾಡುತ್ತಿರುವುದನ್ನು ಕಂಡುಕೊಳ್ಳಲಾಗಿದೆ. ಈ ಅಪ್ಲಿಕೇಶನ್ ಮೂಲಕ ಮಾಲ್​ವೇರ್​ಗಳು ಬಳಕೆದಾರರ ಡೇಟಾ, ಬ್ಯಾಂಕ್​ ಹಣವನ್ನು ದೋಚುತ್ತಿದ್ದಾರೆ.

ಇದನ್ನೂ ಓದಿ: ಐಫೋನ್​ 14 ಪ್ಲಸ್​​ ಸ್ಮಾರ್ಟ್​​ಫೋನ್​ ಮೇಲೆ ಭರ್ಜರಿ ಡಿಸ್ಕೌಂಟ್​! ಕೆಲವು ದಿನಗಳವರೆಗೆ ಮಾತ್ರ

ಹಣದ ಆಸೆ ತೋರಿಸಿ ಬಳಕೆದಾರರ ಡೇಟಾ ವಂಚನೆ

ಇನ್ನು ಈ ಹ್ಯಾಕಿಂಗ್​ಗೆ ಸಂಬಂಧಿಸಿದ ಕುರಿತು ಸಂಶೋಧಕರು ಬಳಕೆದಾರರಿಗೆ ಮಾಹಿತಿ ನೀಡಿದ್ದು, ನಕಲಿ ಡೆಸ್ಕ್‌ಟಾಪ್ ಆ್ಯಪ್​ಗಳ ಲಿಂಕ್‌ಗಳು ಫೇಸ್‌ಬುಕ್, ಟ್ವಿಟರ್ ಮತ್ತು ಇನ್‌ಸ್ಟಾಗ್ರಾಮ್‌ನಲ್ಲಿ ಶೇರ್‌ ಆಗುತ್ತಿದೆ. ಈ ಲಿಂಕ್ ಹೊಂದಿರುವ ಕೆಲವು ಸೋಶಿಯಲ್ ಮೀಡಿಯಾ ಪೋಸ್ಟ್‌ಗಳಲ್ಲಿ ಕಂಡುಬಂದಂತೆ ಈ ಆ್ಯಪ್​ ಅನ್ನು ಡೌನ್‌ಲೋಡ್ ಮಾಡುವುದರಿಂದ ನಿಮ್ಮ ಬ್ಯಾಂಕ್ ಖಾತೆಗೆ $50 (4,136ರೂಪಾಯಿ) ಕ್ರೆಡಿಟ್ ಆಗುತ್ತದೆ ಎಂದು ಬಳಕೆದಾರರನ್ನು ನಂಬಿಸುತ್ತಿದ್ದಾರೆ. ಒಂದು ವೇಳೆ ಬಳಕೆದಾರರು ಇದನ್ನು ನಂಬಿ ಒಂದು ವೇಳೆ ಆ ಲಿಂಕ್ ಬಳಸಿ ಆ್ಯಪ್ ಡೌನ್​ಲೋಡ್​ ಮಾಡಲು ಮುಂದಾದರೆ ಬಳಕೆದಾರರ ಡೇಟಾ ಸಂಪೂರ್ಣವಾಗಿ ವಂಚಕರ ಕೈ ಸೇರುವುದು ಗ್ಯಾರಂಟಿ.

ಚಾಟ್​​ಜಿಪಿಟಿ

ಈಗಾಗಲೇ ಕೆಲ ದೇಶದಲ್ಲಿ ದಾಳಿ

ಇನ್ನು ಈ ಬಗ್ಗೆ ಹ್ಯಾಕರ್ಸ್‌ಗಳು ವಿಶ್ವದಾದ್ಯಂತ ವಂಚನೆ ಮಾಡುವ ನಿರ್ಧಾರದಲ್ಲಿದ್ದು, ಡೆಸ್ಕ್‌ಟಾಪ್ ಕ್ಲೈಂಟ್ ಆಫ್ರಿಕಾ, ಏಷ್ಯಾ, ಯುರೋಪ್ ಮತ್ತು ಅಮೆರಿಕಾದ ಬಳಕೆದಾರರ ಮೇಲೆ ಈ ದಾಳಿ ನಡೆಯುತ್ತಿವೆ ಎಂದು ಸಂಶೋಧಕರು ಮಾಹಿತಿ ನೀಡಿದ್ದಾರೆ. ಈ ಮೂಲಕ ಅವರು ತನ್ನ ಆರ್ಥಿಕ ವ್ಯವಹಾರಕ್ಕಾಗಿ, ಜಾಹೀರಾತಿಗಾಗಿ ಮಾಡಿದ ಇತರೆ ಖರ್ಚುಗಳನ್ನು, ಬಳಕೆದಾರರ ಡೇಟಾಗಳನ್ನು ಕದಿಯುವ ಪ್ರಯತ್ನ ಮಾಡುತ್ತಿದ್ದಾರೆ.

ಚಾಟ್​​ಜಿಪಿಟಿಗೆ ಸಂಬಂಧಿಸಿ ಯಾವುದೇ ಆ್ಯಪ್​ ಇಲ್ಲ

ಛ ಟೆಕ್ನಾಲಜಿಗಾಗಿ ಇದುವರೆಗೆ ಯಾವುದೇ ಅಧಿಕೃತ ಆ್ಯಪ್​ ಕ್ರಿಯೇಟ್​ ಮಾಡಲಾಗಿಲ್ಲ. ಎಐ ಚಾಲಿತ ಚಾಟ್‌ಬಾಟ್ ಬಳಕೆ ಉಚಿತವಾಗಿದ್ದು, ಈ ಪ್ಲಾಟ್‌ಫಾರ್ಮ್ ಪ್ರವೇಶಿಸಲು ಬಳಕೆದಾರರು ನೋಂದಣಿ ಮಾಡಬೇಕಿದೆ. ಜೊತೆಗೆ ಓಪನ್‌ ಎಐ ನಲ್ಲಿ ಇತ್ತೀಚೆಗೆ ಪಾವತಿಸಿದ ಆವೃತ್ತಿಯನ್ನು ಸಹ ಪ್ರಾರಂಭಿಸಿದೆ. ಇದರ ನಡುವೆ ನೀವು ಈ ಸೇವೆ ಪಡೆಯಬೇಕು ಎಂದರೆ ಮೈಕ್ರೋಸಾಫ್ಟ್ ಬಿಂಗ್ ಸರ್ಚ್ ಮತ್ತು ಎಡ್ಜ್ ಬ್ರೌಸರ್‌ ಅನ್ನು ಬಳಸಬಹುದು.