Smartphone Blast: ಹಾಸಿಗೆಯಲ್ಲಿಟ್ಟ ಮೊಬೈಲ್​ ಇದ್ದಕ್ಕಿದ್ದಂತೆಯೇ ಬ್ಲಾಸ್ಟ್​! ಸಿಕ್ಕಸಿಕ್ಕಲ್ಲಿ ಇಡುವ ಮುನ್ನ ಹುಷಾರ್

ಸ್ಮಾರ್ಟ್​ಫೋನ್​ಗಳೆಂದರೆ (Smartphones) ಯಾರಿಗೆ ಇಷ್ಟ ಇಲ್ಲ ಹೇಳಿ. ಈಗಿನ ದಿನದಲ್ಲಿ ಯಾರ ಕೈ ನೋಡಿದ್ರೂ ಸ್ಮಾರ್ಟ್​​ಫೋನ್​ಗಳು ಇದ್ದೇ ಇರುತ್ತದೆ. ಆದರೆ ಇತ್ತೀಚೆಗೆ ಕೆಲವೊಂದು ಸ್ಮಾರ್ಟ್​ಫೋನ್​ಗಳು ಬ್ಲಾಸ್ಟ್ (Mobile Blast)​ ಆಗುತ್ತಿದೆ ಎಂಬ ಸುದ್ದಿ ಕೇಳಿಬರುತ್ತಿದೆ. ಹೆಚ್ಚಿನ ಜನರಿಗೆ ಸ್ಮಾರ್ಟ್​ಫೋನ್​ಗಳು ಹಲವಾರು ರೀತಿಯಲ್ಲಿ ಸಹಕಾರಿಯಾಗುತ್ತದೆ. ಯಾವುದೇ ಕೆಲಸವನ್ನು ಸಹ ಕ್ಷಣಮಾತ್ರದಲ್ಲಿ ಸ್ಮಾರ್ಟ್​​ಫೋನ್​ ಮೂಲಕ ಮಾಡಿಮುಗಿಸಬಹುದಾಗಿದೆ. ಒಂದು ರೀತಿಯಲ್ಲಿ ಸ್ಮಾರ್ಟ್​​ಫೋನ್​ ಅನ್ನು ಮಿನಿ ಲ್ಯಾಪ್​ಟಾಪ್ ಅಂತಾನೇ ಹೇಳ್ಬಹುದು. ಏಕೆಂದರೆ ಹಿಂದೆಲ್ಲಾ ಯಾವುದೇ ಸೈಬರ್​ಗೆ (Cyber) ಸಂಬಂಧಪಟ್ಟ ಮಾಹಿತಿಯನ್ನು ತಿಳಿಬೇಕಂದ್ರು ಲ್ಯಾಪ್​ಟಾಪ್​ ಮೂಲಕ ನೋಡುತ್ತಿದ್ದರು. ಆದ್ರೆ ಈಗ ಕೇವಲ ಸ್ಮಾರ್ಟ್​​ಫೋನ್ ಮೂಲಕವೇ ನೋಡಬಹುದಾಗಿದೆ.

ಹೌದು, ಇದೀಗ ಸ್ಮಾರ್ಟ್​​​ಫೋನ್ ಬಳಕೆದಾರರಿಗೆ ಬಿಗ್​ಶಾಕ್​ ಒಂದನ್ನು ನೀಡಿದೆ. ಇತ್ತೀಚೆಗೆ ಜನಪ್ರಿಯ ಮೊಬೈಲ್​ ತಯಾರಕ​ ಕಂಪೆನಿಯ ಸ್ಮಾರ್ಟ್​ಫೋನ್​ ಒಂದು ಬ್ಲಾಸ್ಟ್​ ಆಗಿದೆ. ಹಾಗಿದ್ರೆ ಇದರ ಬಗ್ಗೆ ಕಂಪ್ಲೀಟ್​ ಮಾಹಿತಿ ಈ ಲೇಖನದಲ್ಲಿದೆ.

ಶಿಯೋಮಿ 11 ಲೈಟ್​ NE 5ಜಿ

ಇತ್ತೀಚೆಗೆ ಜನಪ್ರಿಯ ಸ್ಮಾರ್ಟ್​ಫೋನ್ ಕಂಪೆನಿಯಾಗಿರುವ ಸ್ಯಾಮ್​ಸಂಗ್ ಮತ್ತು ಒನ್​​ಪ್ಲಸ್​ ಕಂಪೆನಿಯ ಸ್ಮಾರ್ಟ್​​ಫೋನ್​ಗಳು ಬ್ಲಾಸ್ಟ್​ ಆಗಿತ್ತು ಎಂಬ ಸುದ್ದಿ ಹರಡಿತ್ತು. ಇದರಿಂದ ಮೊಬೈಲ್​ ಬಳಕೆದಾರರಲ್ಲಿ ಭಯವನ್ನು ಹುಟ್ಟುಹಾಕಿತ್ತು. ಇದೀಗ ಮತ್ತೊಂದು ಕಂಪೆನಿಯ ಸ್ಮಾರ್ಟ್​ಫೋನ್ ಬ್ಲಾಸ್ಟ್​ ಆಗಿದೆ. ಶಿಯೋಮಿ ಕಂಪೆನಿಯಿಂದ ಇತ್ತೀಚೆಗೆ ಬಿಡುಗಡೆಯಾದ ಶಿಯೋಮಿ 11 ಲೈಟ್​ ಎನ್​ಇ 5ಜಿ ಸ್ಮಾರ್ಟ್​ಫೋನ್​ ಬ್ಲಾಸ್ಟ್​ ಆಗಿದೆ.

ಇದನ್ನೂ ಓದಿ: ಸ್ಮಾರ್ಟ್​​ಫೋನ್​ಗಳು ಬ್ಲಾಸ್ಟ್​ ಆಗಲು ಕಾರಣವೇನು ಗೊತ್ತಾ? ಈ ಟಿಪ್ಸ್ ಫಾಲೋ ಮಾಡಿ ಮೊಬೈಲ್ ಸೇಫ್​!

ವರದಿಯ ಪ್ರಕಾರ

ಇನ್ನು ಈ ಬ್ಲಾಸ್ಟ್​ ಆದ ಬಗ್ಗೆ 91 ಮೊಬೈಲ್ಸ್​ ವರದಿ ಮಾಡಿದ್ದು, ಈ ಘಟನೆ ಬಿಹಾರದ ಭಾಗಲ್​ಪುರ ಪ್ರದೇಶದಲ್ಲಿ ನಡೆದಿದೆ ಎಂದು ತಿಳಿದುಬಂದಿದೆ. ಇನ್ನು ಈ ಘಟನೆ ಮೊಹಿಯುದ್ದೀನ್​ ನಗರದಲ್ಲಿ ವಾಸಿಸುವ ವ್ಯಕ್ತಿ ಸ್ಮಾರ್ಟ್​​​ಫೋನ್ ಬ್ಲಾಸ್ಟ್​ ಆಗಿದೆ. ಇನ್ನು ಇದರ ವಿಡಿಯೋವನ್ನು ಶೇರ್​ ಮಾಡಿದ್ದು, ಇದರಲ್ಲಿ ಹಾಸಿಗೆಯ ಮೇಲೆ ಇರುವಂತಹ ಮೊಬೈಲ್​ನಲ್ಲಿ ಬೆಂಕಿಯನ್ನು ಕಾಣಬಹುದಾಗಿದೆ. ಇಲ್ಲಿ ಗಮನಿಸಬೇಕಾದ ಅಂಶವೆಂದರೆ ಫೋನ್​ಗೆ ಬೆಂಕಿ ಹೊತ್ತಿಕೊಂಡಾ ಈ ಮೊಬೈಲ್ ಚಾರ್ಜರ್‌ಗೆ ಕನೆಕ್ಟ್ ಆಗಿರಲಿಲ್ಲ. ಹಾಸಿಗೆಯ ಮೇಲೆ ಇಟ್ಟಿದ್ದ ಶಿಯೋಮಿ 11 ಲೈಟ್ NE 5ಜಿ ಫೋನ್‌ಗೆ ಇದ್ದಕ್ಕಿದ್ದಂತೆ ಬೆಂಕಿಹಿಡಿದು ಹೊಗೆ ಬರಲಾರಂಭಿಸಿದೆ.

ಬ್ಲಾಸ್ಟ್ ಆದ ಮೊಬೈಲ್​

ಸ್ಪೋಟಗೊಳ್ಳಲು ಕಾರಣ

ಇನ್ನು ಈ ಘಟನೆಯ ಭಾಗವಾಗಿ ಯಾರ ಜೀವಕ್ಕೂ ಅಪಾಯವಾಗ್ಲಿಲ್ಲ ಎಂದು ತಿಳಿದುಬಂದಿದೆ. ಆದರೆ ಈ ಸ್ಮಾರ್ಟ್​ಫೋನ್​ ಯಾಕೆ ಬ್ಲಾಸ್ಟ್ ಆಗಿದೆ ಎಂದು ತಿಳಿದುಬಂದಿಲ್ಲ. ಆದರೆ ತನಿಖೆಯ ನಂತರ ಬ್ಯಾಟರಿಯಲ್ಲಿ ಪಂಕ್ಚರ್ ಗುರುತುಗಳು ಕಂಡುಬಂದಿವೆ. ಈ ಮೂಲಕ ಮೊಬೈಲ್​ ಬ್ಲಾಸ್ಟ್​ ಆಗಲು ಕಾರಣ ಬಳಕೆದಾರರೇ ಎಂದು ಪತ್ತೆಯಾಗಿದೆ. ಇದರಿಂದ ಕಂಪೆನಿಯ ಯಾವುದೇ ತಪ್ಪಿಲ್ಲ ಎಂದು ಕಂಪೆನಿ ಹೇಳಿದೆ.

ಸಾಮಾನ್ಯವಾಗಿ ಸ್ಮಾರ್ಟ್​​ಫೋನ್ ಬ್ಲಾಸ್ಟ್​ ಆಗಲು ಕಾರಣಗಳು:

• ಸ್ಮಾರ್ಟ್​ಫೋನ್​ನಲ್ಲಿರುವ ಲಿಥಿಯಂ-ಐಯಾನ್ ಬ್ಯಾಟರಿಗೆ ಹಾನಿಯಾಗುವುದರಿಂದ ಸ್ಮಾರ್ಟ್‌ಫೋನ್‌ಗಳು ಸಾಮಾನ್ಯವಾಗಿ ಸ್ಫೋಟಗೊಳ್ಳುತ್ತವೆ. ಫೋನ್ ಸ್ಫೋಬ್ಲಾಸ್ಟ್​ ಆಗಲು ಮತ್ತೊಂದು ಪ್ರಮುಖ ಕಾರಣವೆಂದರೆ ಅತಿಯಾದ ಹೀಟ್​. ಫೋನ್ ಅತಿಯಾಗಿ ಹೀಟ್​ ಆದಾಗ ಬ್ಯಾಟರಿಯನ್ನು ಹಾನಿಗೊಳಿಸುತ್ತದೆ. ಇದು ಬ್ಯಾಟರಿಯೊಳಗೆ ಹೀಟ್​ ಆಗಲು ಕಾರಣವಾಗುತ್ತದೆ. ಇದರ ಪರಿಣಾಮವಾಗಿ ಬ್ಯಾಟರಿ ಬ್ಲಾಸ್ಟ್​ ಆಗುತ್ತದೆ.

• ಅಲ್ಲದೆ, ಬಳಕೆದಾರರು ತಮ್ಮ ಫೋನ್‌ಗಳನ್ನು ಯಾವತ್ತಿಗೂ ಕೆಳಗೆ ಬೀಳಿಸಬಾರದು. ಈ ರೀತಿಯಾದಾಗ ಮೊಬೈಲ್ ಬ್ಲಾಸ್ಟ್​ ಆಗುವ ಸಾಧ್ಯತೆ ಹೆಚ್ಚಿರುತ್ತದೆ ಎಂದು ತಜ್ಞರು ಎಚ್ಚರಿಸಿದ್ದಾರೆ. ದೀರ್ಘಕಾಲ ಫೋನ್ ಬಳಸುವುದರಿಂದ ಬ್ಯಾಟರಿಯೂ ಹಾಳಾಗುತ್ತದೆ. ಇದು ಬ್ಯಾಟರಿಯ ಊತ ಮತ್ತು ಅಧಿಕ ಹೀಟ್ ಆಗಲು ಕಾರಣವಾಗುತ್ತದೆ. ನಿಮ್ಮ ಸ್ಮಾರ್ಟ್​​ಫೋನ್ ಬ್ಲಾಸ್ಟ್​ ಆಗ್ಬೇಕಾದ್ರೆ ಈ ಟಿಪ್ಸ್ ಅನ್ನು ಫಾಲೋ ಮಾಡಿ.