World's Biggest Power Bank: ವಿಶ್ವದ ಅತಿ ದೊಡ್ಡ ಪವರ್ ಬ್ಯಾಂಕ್! ಒಂದೇ ಸಲ 5 ಸಾವಿರ ಸ್ಮಾರ್ಟ್​ಫೋನ್​ ಜಾರ್ಜ್​ ಮಾಡ್ಬಹುದು!

ಪ್ರಸ್ತುತ ಜಗತ್ತಿನಲ್ಲಿ ಟೆಕ್ನಾಲಜಿ ಮಾರುಕಟ್ಟೆಗಳು (Technology Market) ಬಹಳಷ್ಟು ಅಭಿವೃದ್ಧಿಯಾಗುತ್ತಿದೆ. ಅದ್ರಲ್ಲೂ ಜಾಗತಿಕ ಮಾರುಕಟ್ಟೆಯಲ್ಲಿ ಸ್ಮಾರ್ಟ್​​ಫೋನ್​ಗಳಂತೂ ವ್ಯಾಪಕವಾಗಿ ಬೆಳವಣಿಗೆಯನ್ನು ಕಂಡಿದೆ. ಇದಕ್ಕೆ ಕಾರಣ ಈ ಸ್ಮಾರ್ಟ್​​ಫೋನ್​ನಲ್ಲಿರುವಂತಹ ಫೀಚರ್ಸ್​ ಅಂತಾನೇ ಹೇಳ್ಬಹುದು. ಹಿಂದೆಲ್ಲಾ ಒಂದು ಸ್ಥಳದಿಂದ ಇನ್ನೊಂದು ಸ್ಥಳಕ್ಕೆ ಮಾಹಿತಿಯನ್ನು ತಿಳಿಸ್ಬೇಕಾದರೆ ಪತ್ರದ ಮೂಲಕ ಹೇಳುತ್ತಿದ್ದರು. ಆದರೆ ಈ ಸ್ಮಾರ್ಟ್​ಫೋನ್​ಗಳು ಬಂದ ನಂತರ ಎಲ್ಲವೂ ಇದರ ಮೂಲಕವೇ ಸಾಧ್ಯವಾಗುತ್ತದೆ. ಆದರೆ ಇದರ ಬಳಕೆಗೆ ಇಂತಿಷ್ಟು ಸಮಯ ಎಂಬುದು ಇದೆ. ನಂತರ ಮೊಬೈಲ್​ ಚಾರ್ಜ್ (Mobile Charge)​ ಮುಗಿಯುತ್ತದೆ. ಇದಕ್ಕಾಗಿಯೇ ಅನೇಕ ಕಂಪೆನಿಗಳು ಪವರ್​ ಬ್ಯಾಂಕ್ ಗಳನ್ನು ಮಾರುಕಟ್ಟೆಗೆ ಪರಿಚಯಿಸಿದೆ. ಆದರೆ ಇಲ್ಲೊಬ್ಬರು ವಿಶ್ವದಲ್ಲೇ ಅತೀ ದೊಡ್ಡ ಪವರ್​ ಬ್ಯಾಂಕ್ (Power Bank)​ ಅನ್ನು ಉತ್ಪಾದನೆ ಮಾಡಿದ್ದಾರೆ.

ಸಾಮಾನ್ಯವಾಗಿ ನಾವೆಲ್ಲರೂ ಹೆಚ್ಚೆಂದರೆ 10000mAh, 15000mAh ಬ್ಯಾಟರಿ ಬ್ಯಾಕಪ್​ ಹೊಂದಿರುವ ಪವರ್​ಬ್ಯಾಂಕ್ ಅನ್ನು ನೋಡಿರಬಹುದು. ಆದರೆ ಇಲ್ಲೊಂದು ತಯಾರಿಸಿರುವ ಪವರ್​​ ಬ್ಯಾಂಕ್​ ಅನ್ನು ನೋಡಿದ್ರೆ ಗಾಬರಿಯಾಗ್ತೀರಾ. ಯಾಕೆಂದರೆ ಇಲ್ಲೊಬ್ಬರು ವಿಶ್ವದ ಅತೀ ಹೆಚ್ಚು ಸಾಮರ್ಥ್ಯದ ಪವರ್​ ಬ್ಯಾಂಕ್​ ಅನ್ನು ತಯಾರಿಸಿದ್ದಾರೆ. ಹಾಗಿದ್ರೆ ಈ ಪವರ್​ ಬ್ಯಾಂಕ್​ನ ಸ್ಪೆಷಲ್ ಫೀಚರ್ಸ್​ ಏನೆಲ್ಲಾ ಇದೆ ಎಂಬುದನ್ನು ಈ ಲೇಖನದ ಮೂಲಕ ತಿಳಿಯಿರಿ.

ಸ್ಥಾಪಕ ಯಾರು?

ಚೀನಾ ಮೂಲದ ಎಲೆಕ್ಟ್ರಾನಿಕ್ಸ್​ ಹ್ಯಾಂಡಿ ಗೆಂಗ್ ಎಂಬುವವರು ತನ್ನ ಕೈಚಳಕದ ಮೂಲಕ ಇತ್ತೀಚೆಗೆ ದೊಡ್ಡ ಗಾತ್ರಸ ಪವರ್​ ಬ್ಯಾಂಕ್​ ಒಂದನ್ನು ಸಿದ್ಧಪಡಿಸಿದ್ದಾರೆ. ಜನವರಿಯಲ್ಲಿ ತನ್ನ ಯೂಟ್ಯೂಬ್ ಚಾನೆಲ್​ನಲ್ಲಿ ತಾನು ತಯಾರಿಸಿದಂತಹ ಪವರ್ ಬ್ಯಾಂಕ್ ವಿಡಿಯೋವನ್ನು ಪೋಸ್ಟ್​ ಮಾಡಿದ್ದಾರೆ. ಜೊತೆಗೆ ಪವರ್​ ಬ್ಯಾಂಕ್ ಅನ್ನು ತಯಾರಿಸಿದ ವಿಧಾನವನ್ನು ಸಹ ಆ ವಿಡಿಯೋ ಮೂಲಕ ವಿವರಿಸಿದ್ದಾರೆ.

ಈ ಪವರ್​ ಬ್ಯಾಂಕ್​ನ ಸ್ಪೆಷಲ್​ ಫೀಚರ್ಸ್​

ಚೀನಾ ಮೂಲದ ಎಲೆಕ್ಟ್ರಾನಿಕ್ಸ್​ ಹ್ಯಾಂಡಿ ಗೆಂಗ್ ಎಂಬುವವರು ಸಿದ್ಧಪಡಿಸಿದ ಆ ಪವರ್ ಬ್ಯಾಂಕ್ ಸಾಮರ್ಥ್ಯ ಬರೋಬ್ಬರಿ 27,000,000MAH ಬ್ಯಾಕಪ್​ ಅನ್ನು ಹೊಂದಿದೆ. ಈ ಪವರ್​ ಬ್ಯಾಂಕ್​ನ ವಿಶೇಷ ಫೀಚರ್​ ಏನೆಂದರೆ ಇದರ ಮೂಲಕ ಏಕಕಾಲದಲ್ಲಿ ಬರೋಬ್ಬರಿ 5 ಸಾವಿರ ಸ್ಮಾರ್ಟ್​​ಫೋನ್​ಗಳನ್ನು ಚಾರ್ಜ್​ ಮಾಡಬಹುದಾಗಿದೆ.

ವಿನ್ಯಾಸ ಹೇಗಿದೆ?

ಈ ಬೃಹತ್​ ಆಕಾರದ ಪವರ್​ ಬ್ಯಾಂಕ್​ 60 ಪೋರ್ಟ್​ಗಳನ್ನು ಹೊಂದಿದೆ. ಜೊತೆಗೆ ಇದನ್ನು 5.9x3.9 ಅಡಿ ಉದ್ದದಲ್ಲಿ ವಿನ್ಯಾಸ ಮಾಡಿದ್ದಾರೆ. ಇನ್ನು ಇದರ ಔಟ್​ಪುಟ್​ ಚಾರ್ಜಿಂಗ್ ಕನೆಕ್ಟರ್​ಗಳ ಮೂಲಕ 220W ವಿದ್ಯುತ್​ ವೋಲ್ಟೇಜ್ ಅನ್ನು ಇದು ಬೆಂಬಲಿಸುತ್ತದೆ. ಇನ್ನು ಈ ಪವರ್​ ಬ್ಯಾಂಕ್​ನ ಸಾಮಾನ್ಯ ಸಾಧನಗಳಿಗಿಂತ ದೊಡ್ಡದಾಗಿರುವುದರಿಂದ ಒದನ್ನು ಒಂದು ಸ್ಥಳದಿಂದ ಇನ್ನೊಂದು ಸ್ಥಳಕ್ಕೆ ಕೊಂಡೊಯ್ಯಲು ಚಕ್ರವನ್ನು ಅಳಡಿಸಿದ್ದಾರೆ ಎಂದು ಹೇಳಲಾಗಿದೆ.

ಹ್ಯಾಂಡಿ ಗೆಂಗ್ ಮತ್ತು ಅವರು ತಯಾರಿಸಿದ ಪವರ್ ಬ್ಯಾಂಕ್

ಇದೆಷ್ಟೇ ಅಲ್ಲದೆ ಈ ಪವರ್​ ಬ್ಯಾಂಕ್​ ಮೂಲಕ ಟಿವಿ, ವಾಷಿಂಗ್ ಮೆಷಿನ್‌ಗಳಂತಹ ಪ್ರಮುಖ ಎಲೆಕ್ಟ್ರಾನಿಕ್ ಸಾಧನಗಳನ್ನು ರನ್​ ಮಾಡಬಹುದಾಗಿದೆ. ಎಲೆಕ್ಟ್ರಿಕ್​ ಸ್ಕೂಟರ್​ಗಳನ್ನು ಚಾರ್ಜ್​ ಮಾಡುವಂತಹ ಫೀಚರ್​ ಅನ್ನು ಇದರಲ್ಲಿ ಅಳವಡಿಸಲಾಗಿದೆ.

ವರದಿಗಳ ಪ್ರಕಾರ

ಕೆಲವೊಂದು ವರದಿಗಳ ಪ್ರಕಾರ, ಹ್ಯಾಂಡಿ ಗೆಂಗ್ ತಯಾರಿಸಿರುವ ಪವರ್ ಬ್ಯಾಂಕ್ 3,000MAh ಬ್ಯಾಟರಿ ಬ್ಯಾಕಪ್​ನಿಂದ 5,000MAH ಬ್ಯಾಟರಿ ಬ್ಯಾಕಪ್​ ಅನ್ನು ಹೊಂದಿರುವ ಸ್ಮಾರ್ಟ್​​ಫೋನ್‌ಗಳನ್ನು ಚಾರ್ಜ್ ಮಾಡುವ ಸಾಮರ್ಥ್ಯವನ್ನು ಹೊಂದಿದೆ ಎಂದು ಹೇಳಿದ್ದಾರೆ. ಇನ್ನು ಎಲಕ್ಟ್ರಿಕ್​ ಕಾರುಗಳಲ್ಲಿ ಬರುವಂತಹ ಬ್ಯಾಟರಿಯನ್ನೇ ಹೋಲುವ ಬ್ಯಾಟರಿಯನ್ನು ಇದರಲ್ಲಿ ಬಳಸಿದ್ದಾರೆ ಎಂದು ಅಂದಾಜಿಸಲಾಗಿದೆ.

ಇದನ್ನೂ ಓದಿ: ಸಿಕ್ಕ ಸಿಕ್ಕ ಚಾರ್ಜರ್​ನಲ್ಲಿ ಎಂದಿಗೂ ಮೊಬೈಲ್ ಚಾರ್ಜರ್ ಮಾಡ್ಬಾರ್ದು! ಏಕೆ ಗೊತ್ತಾ?

ಹ್ಯಾಂಡಿ ಗೆಂಗ್ ಅವರ ಅಭಿಪ್ರಾಯ

ಈ ಸಾಧನವನ್ನು ತಯಾರಿಸಿದ ಕರಿತು ಮಾತನಾಡಿದ ಹ್ಯಾಂಡಿ ಗೆಂಗ್, ಪ್ರತಿಯೊಬ್ಬರು ನನಗಿಂತಲೂ ದೊಡ್ಡಮಟ್ಟಿನ ಪವರ್​ ಬ್ಯಾಂಕ್ ಅನ್ನು ಹೊಂದಿದ್ದಾರೆ. ಅದಕ್ಕೆ ಹೋಲಿಸಿದಾಗ ನಾನು ಹೊಂದಿರುವ ಪವರ್​ ಬ್ಯಾಂಕ್​ನ ಸಣ್ಣದಾಗಿ ಕಾಣುತ್ತಿತ್ತು. ಇದೇ ಕಾರಣಕ್ಕಾಗಿ ನಾನು 27,000,000mAh ಪೋರ್ಟಬಲ್​ ಚಾರ್ಜರ್​ ಹೊಂದಿದ ಪವರ್ ಬ್ಯಾಂಕ್ ಅನ್ನು ಸಿದ್ಧಪಡಿಸಿದ್ದೇನೆ ಎಂದು ಹೇಳಿದ್ದಾರೆ.