Techno Phantom X2: ಹೊಸ ವರ್ಷದ ಆರಂಭದಲ್ಲೇ ಶುರುವಾಯ್ತು ಪ್ರೀ-ಬುಕಿಂಗ್ ಆಫರ್​! ಮೊಬೈಲ್ ಯಾವುದು ಗೊತ್ತಾ?

ಮೊಬೈಲ್​ ಮಾರುಕಟ್ಟೆಯಲ್ಲಿ ಹಲವಾರು ಸ್ಮಾರ್ಟ್​​ಫೋನ್​ಗಳು (Smartphones) ಬಿಡುಗಡೆಯಾಗಿದೆ. ಆದರೆ ಇವೆಲ್ಲವೂ ಒಂದಕ್ಕಿಂತ ಒಂದು ವಿಶೇಷ ಫೀಚರ್ಸ್​ಗಳನ್ನು ಒಳಗೊಂಡಂತಹ ಮೊಬೈಲ್​ಗಳಾಗಿವೆ. ಈ ಮಧ್ಯೆ ಟೆಕ್ನೋ ಕಂಪನಿಯಿಂದ (Techno Company) ಮಾರುಕಟ್ಟೆಗೆ ಹೊಸ ಸ್ಮಾರ್ಟ್​ಫೋನ್ ಅನ್ನು ಪರಿಚಯಿಸಿತ್ತು. ಇದೀಗ ಈ ಸ್ಮಾರ್ಟ್​ಫೋನ್​ನ ಪ್ರೀ ಬುಕಿಂಗ್ ಸೇಲ್ (Pre-Booking Sale) ಆರಂಭವಾಗಿದೆ. ಟೆಕ್ನೋ ಫ್ಯಾಂಟಮ್​ ಎಕ್ಸ್​2 (Techno Phantom X2)  ಎಂಬ ಸ್ಮಾರ್ಟ್​ಫೋನ್ ಅನ್ನು ಗ್ರಾಹಕರು ಜನವರಿ 2 ರಂದು ಮಧ್ಯಾಹ್ನ 12 ಗಂಟೆಯಿಂದ ಪ್ರೀ ಬುಕಿಂಗ್ ಮಾಡುವ ಅವಕಾಶವಿದೆ. ಇದರಲ್ಲಿ ಹಲವಾರು ಆಫರ್ಸ್​ಗಳು ಕೂಡ ಲಭ್ಯವಿದೆ. ಟೆಕ್ನೋ ಕಂಪನಿ ಈ ಹಿಂದಿನ ವರ್ಷದಲ್ಲಿ ಈ ಸ್ಮಾರ್ಟ್​ಫೋನ್​ನ ಫೀಚರ್ಸ್​  ಬಗ್ಗೆ, ಬಿಡುಗಡೆಯ ಬಗ್ಗೆ ಮಾಹಿತಿಯನ್ನು ನೀಡಿತ್ತು.

ಟೆಕ್ನೋ ಫ್ಯಾಂಟಮ್​ ಎಕ್ಸ್​2 ಸ್ಮಾರ್ಟ್​ಫೋನ್ ಅನ್ನು ಹೊಸ ವರ್ಷದ ಆರಂಭದಲ್ಲೇ ಪ್ರೀ ಬುಕಿಂಗ್ ಅವಕಾಶವನ್ನು ಕಲ್ಪಿಸಿದೆ. ಈ ಮೂಲಕ ಸ್ಮಾರ್ಟ್​ಫೋನ್ ಅನ್ನು ಖರೀದಿಸುವ ಪ್ಲ್ಯಾನ್​ನಲ್ಲಿರುವವರಿಗೆ ಇದು ಉತ್ತಮ ಆಯ್ಕೆಯಾಗಿದೆ. ಇನ್ನು ಈ ಸ್ಮಾರ್ಟ್​ಪೋನ್ ಅನ್ನು ಅಮೆಜಾನ್​ನಲ್ಲಿ ಪ್ರೀ ಬುಕಿಂಗ್ ಮಾಡಬಹುದಾಗಿದೆ.

ಟೆಕ್ನೋ ಫ್ಯಾಂಟಮ್​ ಎಕ್ಸ್​2 ಫೀಚರ್ಸ್​

ಟೆಕ್ನೋ ಫ್ಯಾಂಟಮ್ ಎಕ್ಸ್2 ಸ್ಮಾರ್ಟ್‌ಫೋನ್‌ 1,080 x 2,340 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಸಾಮರ್ಥ್ಯದ 6.8 ಇಂಚಿನ ಫುಲ್‌ ಹೆಚ್‌ಡಿ + ಡಿಸ್‌ಪ್ಲೇಯನ್ನು ಹೊಂದಿದೆ. ಇನ್ನು ಈ ಡಿಸ್‌ಪ್ಲೇ 90Hz ರಿಫ್ರೆಶ್ ರೇಟ್‌ ಅನ್ನು ಪಡೆದುಕೊಂಡಿದೆ. ಇದು ಸೂಪರ್ ಅಮೋಲ್ಡ್​ ಕರ್ವ್‌ ಡಿಸ್‌ಪ್ಲೇಯನ್ನು ಒಳಗೊಂಡಿದೆ. ಇನ್ನು ಈ ಡಿಸ್‌ಪ್ಲೇಯ ರಕ್ಷಣೆಗಾಗಿ ಗೊರಿಲ್ಲಾ ಗ್ಲಾಸ್ 5 ಪ್ರೊಟೆಕ್ಷನ್‌ ಅನ್ನು ಸೇರಿಸಲಾಗಿದೆ.

ಇದನ್ನೂ ಓದಿ: ಭಾರತೀಯರಲ್ಲಿ ಕ್ಷಮೆ ಕೇಳಿದ ವಾಟ್ಸಾಪ್​​! ಕಾರಣವೇನು ಗೊತ್ತಾ?

ಕ್ಯಾಮೆರಾ ಫೀಚರ್ಸ್​ ಹೇಗಿದೆ?

ಟೆಕ್ನೋ ಫ್ಯಾಂಟಮ್ ಎಕ್ಸ್​2 ಸ್ಮಾರ್ಟ್‌ಫೋನ್‌ ಟ್ರಿಪಲ್ ರಿಯರ್ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದೆ. ಇದರಲ್ಲಿ ಮುಖ್ಯ ಕ್ಯಾಮೆರಾ 64 ಮೆಗಾ ಪಿಕ್ಸೆಲ್ ಸೆನ್ಸಾರ್‌, ಎರಡನೇ ಕ್ಯಾಮೆರಾ 8 ಮೆಗಾ ಪಿಕ್ಸೆಲ್‌ ಸೆನ್ಸಾರ್‌ ಅಲ್ಟ್ರಾ ವೈಡ್ ಆಂಗಲ್ ಲೆನ್ಸ್ 120 ಡಿಗ್ರಿ ಕ್ಷೇತ್ರವನ್ನು ಹೊಂದಿದೆ ಮತ್ತು ಮೂರನೇ ಕ್ಯಾಮೆರಾ 2 ಮೆಗಾ ಪಿಕ್ಸೆಲ್ ಸೆನ್ಸಾರ್‌ ಅನ್ನು ಹೊಂದಿದೆ. ಇದಲ್ಲದೆ 32 ಮೆಗಾ ಪಿಕ್ಸೆಲ್ ಸೆನ್ಸಾರ್‌ ಸಾಮರ್ಥ್ಯದ ಸೆಲ್ಪಿ ಕ್ಯಾಮೆರಾವನ್ನು ಹೊಂದಿದೆ.

ಟೆಕ್ನೋ ಫ್ಯಾಂಟಮ್​ ಎಕ್ಸ್​2 ಸ್ಮಾರ್ಟ್​​ಫೋನ್

ಬ್ಯಾಟರಿ ಫೀಚರ್ಸ್​

ಟೆಕ್ನೋ ಫ್ಯಾಂಟಮ್ ಎಕ್ಸ್​2 ಸ್ಮಾರ್ಟ್‌ಫೋನ್‌ 5160mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದೆ. ಇದು 45W ವೇಗದ ಚಾರ್ಜಿಂಗ್ ಸಾಮರ್ಥ್ಯವನ್ನು ಹೊಂದಿರಲಿದೆ.

ಇತರೆ ಫೀಚರ್ಸ್​

ಇನ್ನು ಕನೆಕ್ಟಿವಿಟಿ ಆಯ್ಕೆಗಳಲ್ಲಿ ವೈ-ಫೈ, ಎಲ್‌ಟಿಇ, ಜಿಪಿಎಸ್, ಎಫ್‌ಎಂ ರೇಡಿಯೋ, ಬ್ಲೂಟೂತ್ ಮತ್ತು ಯುಎಸ್‌ಬಿ ಟೈಪ್ ಸಿ ಪೋರ್ಟ್ ಈ ರೀತಿಯ ಹಲವು ಫೀಚರ್ಸ್​ ಅನ್ನು ಒಳಗೊಂಡಿದೆ. ಇದು ಇನ್-ಡಿಸ್‌ಪ್ಲೇ ಫಿಂಗರ್‌ಪ್ರಿಂಟ್ ಸ್ಕ್ಯಾನರ್‌ ಅನ್ನು ಹೊಂದಿದೆ.

ಟೆಕ್ನೋ ಫ್ಯಾಂಟಮ್​ ಎಕ್ಸ್​2 ಸ್ಮಾರ್ಟ್​​ಫೋನ್

ಲಭ್ಯತೆ

ಟೆಕ್ನೋ ಫ್ಯಾಂಟಮ್ ಎಕ್ಸ್​2 ಸ್ಮಾರ್ಟ್‌ಫೋನ್‌ ಎರಡು ಬಣ್ಣದ ಆಯ್ಕೆಗಳಲ್ಲಿ ಖರೀದಿಸಬಹುದಾಗಿದೆ. ಅವುಗಳು ಕ್ರಮವಾಗಿ ಮೂನ್‌ಲೈಟ್ ಸಿಲ್ವರ್ ಮತ್ತು ಸ್ಟಾರ್‌ಡಸ್ಟ್ ಗ್ರೇ ಆಗಿವೆ. ಈ ಫೋನ್ 164.6 × 72.7 × 8.9mm ಅಳತೆ ಮತ್ತು 210 ಗ್ರಾಂ ತೂಕವನ್ನು ಹೊಂದಿರುತ್ತದೆ.

ಪ್ರೊಸೆಸರ್ ಸಾಮರ್ಥ್ಯ

ಟೆಕ್ನೋ ಫ್ಯಾಂಟಮ್ ಎಕ್ಸ್2 ಸ್ಮಾರ್ಟ್‌ ಫೋನ್‌ ಆಕ್ಟಾ ಕೋರ್ ಮೀಡಿಯಾ ಟೆಕ್ ಡೈಮೆನ್ಸಿಟಿ 9000 ಪ್ರೊಸೆಸರ್‌ ಸಾಮರ್ಥ್ಯವನ್ನು ಹೊಂದಿದೆ. ಇದು ಆಂಡ್ರಾಯ್ಡ್‌ 12 ಓಎಸ್‌ ಬೆಂಬಲದೊಂದಿಗೆ ಕಾರ್ಯನಿರ್ವಹಿಸಲಿದೆ. ಹಾಗೆಯೇ 8 ಜಿಬಿ ರ್‍ಯಾಮ್ ಮತ್ತು 256 ಜಿಬಿ ಇಂಟರ್ನಲ್​ ಸ್ಟೋರೇಜ್ ಅನ್ನು ಒಳಗೊಂಡಿದೆ.

ಅಮೆಜಾನ್​ನಲ್ಲಿ ಲಭ್ಯ

ಟೆಕ್ನೋ ಫ್ಯಾಂಟಮ್​ ಎಕ್ಸ್​2 ಸ್ಮಾರ್ಟ್​ಫೋನ್ ಖರೀದಿಸಲು ಇಚ್ಛಿಸುವವರು ಅಮೆಜಾನ್​ ನಲ್ಲಿ ಪ್ರೀ-ಬುಕ್ಕಿಂಗ್ ಮಾಡಬಹುದಾಗಿದೆ. ಇದು ಇದೇ 2023 ಜನವರಿ 2 ರಿಂದ ಮಧ್ಯಾಹ್ನ 12 ಗಂಟೆಯಿಂದ ಪ್ರಾರಂಭವಾಗಲಿದೆ. ಈ ಮುಂಗಡ ಬುಕಿಂಗ್​ ಮೂಲಕ ಖರೀದಿಸುವವರಿಗೆ ಟೆಕ್ನೋ ಫ್ಯಾಂಟಮ್​ ಎಕ್ಸ್​3 ಅಪ್​​ಗ್ರೇಡ್​ ಕೂಡ ಲಭ್ಯವಾಗಲಿದೆ.