• Home
  • »
  • News
  • »
  • tech
  • »
  • Oppo A56s Smartphone: ಮಾರುಕಟ್ಟೆಗೆ ಲಗ್ಗೆಯಿಡ್ತಿದೆ ಒಪ್ಪೋ ’ಎ’ ಸೀರಿಸ್​ನ ಹೊಸ ಸ್ಮಾರ್ಟ್​ಫೋನ್​!

Oppo A56s Smartphone: ಮಾರುಕಟ್ಟೆಗೆ ಲಗ್ಗೆಯಿಡ್ತಿದೆ ಒಪ್ಪೋ ’ಎ’ ಸೀರಿಸ್​ನ ಹೊಸ ಸ್ಮಾರ್ಟ್​ಫೋನ್​!

ಒಪ್ಪೋ ಎ56ಎಸ್ ಸ್ಮಾರ್ಟ್‌ಫೋನ್‌

ಒಪ್ಪೋ ಎ56ಎಸ್ ಸ್ಮಾರ್ಟ್‌ಫೋನ್‌

ಇದೀಗ ಒಪ್ಪೋ ’ಎ’ ಸೀರಿಸ್​ನ ಅಡಿಯಲ್ಲಿ ಒಪ್ಪೋ ಎ56ಎಸ್​ ಎಂಬ ಸ್ಮಾರ್ಟ್​ಫೋನ್ ಅನ್ನು ಲಾಂಚ್ ಮಾಡಿದೆ. ಈ ಸ್ಮಾರ್ಟ್​ಫೋನ್​ ಮಾರುಕಟ್ಟೆಯಲ್ಲಿ ಹೊಸ ಸಂಚಲನ ಮೂಡಿಸಲಿದ್ದು, ಇದರ ಫೀಚರ್ಸ್​, ಬೆಲೆ ಬಗ್ಗೆ ಕಂಪ್ಲೀಟ್ ಮಾಹಿತಿ ಇಲ್ಲಿದೆ.

  • Share this:

    ಒಪ್ಪೋ ಕಂಪೆನಿ (Oppo Company) ಮೊಬೈಲ್ ಮಾರುಕಟ್ಟೆಯಲ್ಲಿ ಭಾರೀ ಸದ್ದು ಮಾಡಿದ ಕಂಪೆನಿಯಾಗಿದೆ. ಇತ್ತೀಚೆಗೆ ಒಪ್ಪೋ ಕಂಪೆನಿಯ ಸ್ಮಾರ್ಟ್​ಫೋನ್​ಗಳು ಸಾಕಷ್ಟು ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗುತ್ತಿರುವುದನ್ನು ನಾವು ನೋಡಬಹುದಾಗಿದೆ. ಈ ಸ್ಮಾರ್ಟ್​ಫೋನ್​ಗಳು ಗುಣಮಟ್ಟದ ಫೀಚರ್ಸ್​ ಹಾಗೂ ಕ್ಯಾಮೆರಾದಿಂದ ಗ್ರಾಹಕರನ್ನು ತನ್ನತ್ತ ಆಕರ್ಷಿಸಿವೆ ಎಂದು ಹೇಳ್ಬಹುದು. ಕಳೆದ ವರ್ಷದಲ್ಲಿ ಒಪ್ಪೋ ಎ ಸೀರಿಸ್​ನಲ್ಲಿ (Oppo A Series) ಬಹಳಷ್ಟು ಸ್ಮಾರ್ಟ್​ಫೋನ್​ಗಳನ್ನು ಬಿಡುಗಡೆ ಮಾಡಿದೆ. ಇದೀಗ ಒಪ್ಪೋ ಗ್ರಾಹಕರಿಗೆ ಸಿಹಿಸುದ್ದಿಯನ್ನು ನೀಡಿದೆ. ಒಪ್ಪೋ ಕಂಪೆನಿಯಿಂದ ಹೊಸ ಒಪ್ಪೋ ಎ56ಎಸ್ (Oppo A56s)​ ಎಂಬ ಸ್ಮಾರ್ಟ್​ಫೋನ್ ಬಿಡುಗಡೆ ಮಾಡಲು ಸಿದ್ಧತೆ ನಡೆಸುತ್ತಿದೆ. 


    ಇದೀಗ ಒಪ್ಪೋ ’ಎ’ ಸೀರಿಸ್​ನ ಅಡಿಯಲ್ಲಿ ಒಪ್ಪೋ ಎ56ಎಸ್​ ಎಂಬ ಸ್ಮಾರ್ಟ್​ಫೋನ್ ಅನ್ನು ಲಾಂಚ್ ಮಾಡಿದೆ. ಈ ಸ್ಮಾರ್ಟ್​ಫೋನ್​ ಮಾರುಕಟ್ಟೆಯಲ್ಲಿ ಹೊಸ ಸಂಚಲನ ಮೂಡಿಸಲಿದ್ದು, ಇದರ ಫೀಚರ್ಸ್​, ಬೆಲೆ ಬಗ್ಗೆ ಕಂಪ್ಲೀಟ್ ಮಾಹಿತಿ ಇಲ್ಲಿದೆ.


    ಒಪ್ಪೋ ಎ56ಎಸ್​ ಸ್ಮಾರ್ಟ್​ಫೋನ್​ನ ಫೀಚರ್ಸ್​


    ಒಪ್ಪೋ ಎ56ಎಸ್ ಸ್ಮಾರ್ಟ್‌ಫೋನ್‌ 720 x 1,600 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಸಾಮರ್ಥ್ಯವನ್ನು ಹೊಂದಿರುತ್ತದೆ. ಇನ್ನು ಈ ಸ್ಮಾರ್ಟ್​​ಫೋನ್​ನ ಡಿಸ್​​ಪ್ಲೇ 6.5 ಇಂಚಿನ ಹೆಚ್‌ಡಿ+ ಡಿಸ್‌ಪ್ಲೇಯನ್ನು ಹೊಂದಿದೆ. ಇದು 90Hz ಟಚ್ ರೀಫ್ರೆಶ್​ ರೇಟ್ ಅನ್ನು ಹೊಂದಿದೆ. ಹಾಗೆಯೇ ಉತ್ತಮ ಟಚ್ ಸ್ಯಾಂಪ್ಲಿಂಗ್ ರೇಟ್ ಪಡೆದಿದೆ. ಇನ್ನು ಡಿಸ್​ಪ್ಲೇನ ಪ್ರತಿ ಪಿಕ್ಸೆಲ್​ನ ಸಾಂದ್ರತೆಯು 269ppi ಆಗಿದ್ದು, 600 ನಿಟ್ಸ್​ ಬ್ರೈಟ್​ನೆಸ್​ ಅನ್ನು ಇದು ಹೊಂದಿದೆ.


    ಇದನ್ನೂ ಓದಿ: ರೆಡ್​ಮಿ ಕಂಪೆನಿಯ ಹೊಸ ಸ್ಮಾರ್ಟ್​​ಫೋನ್​ ಲಾಂಚ್​! ಹೇಗಿದೆ ಗೊತ್ತಾ ಫೀಚರ್ಸ್​?


    ಕ್ಯಾಮೆರಾ ಫೀಚರ್ಸ್ 


    ಒಪ್ಪೋ ಎ56ಎಸ್ ಸ್ಮಾರ್ಟ್‌ಫೋನ್‌ ಡ್ಯುಯಲ್ ರಿಯರ್ ಕ್ಯಾಮೆರಾ ಸೆಟಪ್​​ ಅನ್ನು ಹೊಂದಿದೆ. ಇನ್ನು ಈ ಸ್ಮಾರ್ಟ್​​ಫೋನ್​ನಲ್ಲಿ ಮುಖ್ಯ ಕ್ಯಾಮೆರಾ 13 ಮೆಗಾಪಿಕ್ಸೆಲ್ ಸೆನ್ಸಾರ್‌, ಎರಡನೇ ಕ್ಯಾಮೆರಾ 2 ಮೆಗಾಪಿಕ್ಸೆಲ್ ಡೆಪ್ತ್‌ ಸೆನ್ಸಾರ್‌ ಅನ್ನು ಒಳಗೊಂಡಿದೆ. ಇದಲ್ಲದೆ 8 ಮೆಗಾ ಪಿಕ್ಸೆಲ್ ಸೆನ್ಸಾರ್‌ ಸಾಮರ್ಥ್ಯದ ಸೆಲ್ಫಿ ಕ್ಯಾಮೆರಾವನ್ನು ಅಳವಡಿಸಲಾಗಿದೆ. ಇನ್ನು ಈ ಸ್ಮಾರ್ಟ್​ಫೋನ್​ ಕ್ಯಾಮೆರಾದಲ್ಲಿಯೇ ಫೋಟೊ ಎಡಿಟ್​ ಮಾಡುವ ಆಯ್ಕೆಗಳಿದ್ದು, ಯಾವುದೇ ಥರ್ಡ್​ ಪಾರ್ಟಿ ಆ್ಯಪ್​ಗಳನ್ನು ಡೌನ್​ಲೋಡ್​ ಮಾಡುವ ಅವಶ್ಯಕತೆಯಿರುವುದಿಲ್ಲ.


    ಒಪ್ಪೋ ಎ56ಎಸ್ ಸ್ಮಾರ್ಟ್‌ಫೋನ್‌


    ಬ್ಯಾಟರಿ ಫೀಚರ್ಸ್​ ಹೇಗಿದೆ?


    ಒಪ್ಪೋ ಎ56ಎಸ್ ಸ್ಮಾರ್ಟ್‌ಫೋನ್‌ 5,000mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕಪ್ ಅನ್ನು ಒಳಗೊಂಡಿದೆ. ಇದರೊಂದಿಗೆ ಈ ಬ್ಯಾಟರಿ 10w ಫಾಸ್ಟ್‌ ಚಾರ್ಜಿಂಗ್ ಸಾಮರ್ಥ್ಯವನ್ನು ಸಹ ಹೊಂದಿದೆ . ಇನ್ನು ಈ ಸ್ಮಾರ್ಟ್​​ಫೋನ್​ನಲ್ಲಿ ಸೈಡ್ ಮೌಂಟೆಡ್ ಫಿಂಗರ್‌ಪ್ರಿಂಟ್ ಸೆನ್ಸಾರ್ ಅನ್ನು ಅಳವಡಿಸಲಾಗಿದೆ. ಜೊತೆಗೆ ಈ ಸಾಧನ ಫೇಸ್ ಅನ್‌ಲಾಕ್ ಅನ್ನು ಸಹ ಬೆಂಬಲಿಸುತ್ತದೆ.


    ಕನೆಕ್ಟಿವಿಟಿ ಫೀಚರ್ಸ್​


    ಇನ್ನು ಕನೆಕ್ಟಿವಿಟಿ ಆಯ್ಕೆಗಳಲ್ಲಿ ಡ್ಯುಯಲ್ ಸಿಮ್, ಯುಎಸ್‌ಬಿ ಟೈಪ್ ಸಿ ಪೋರ್ಟ್, ಬ್ಲೂಟೂತ್ ವಿ5.1, ವೈ-ಫೈ 5, 3.5 ಎಂಎಂ ಆಡಿಯೋ ಜ್ಯಾಕ್, ಜಿಪಿಎಸ್ ಹೀಗೆ ಅನೇಕ ಫೀಚರ್ಸ್​ಗಳನ್ನು ಹೊಂದಿದೆ. ಇನ್ನು ಈ ಸ್ಮಾರ್ಟ್​ಫೊನ್ 5ಜಿ ನೆಟ್​ವರ್ಕ್​ ಅನ್ನೂ ಬೆಂಬಲಿಸುತ್ತದೆ.


    ಒಪ್ಪೋ ಎ56ಎಸ್ ಸ್ಮಾರ್ಟ್‌ಫೋನ್‌


    ಬೆಲೆ ಮತ್ತು ಲಭ್ಯತೆ


    ಒಪ್ಪೋ ಎ56ಎಸ್ ನ 8 ಜಿಬಿ ರ್‍ಯಾಮ್ ಮತ್ತು 128 ಜಿಬಿ ಸ್ಟೋರೇಜ್​ ಹೊಂದಿದ ಸ್ಮಾರ್ಟ್​ಫೋನ್​ನ ಬೆಲೆಯು RMB 1099 ಅಂದರೆ ಭಾರತದಲ್ಲಿ ಅಂದಾಜು 13,330 ರೂಪಾಯಿ ನಿಗದಿ ಮಾಡಲಾಗಿದೆ. ಹಾಗೆಯೇ 8 ಜಿಬಿ ರ್‍ಯಾಮ್ ಮತ್ತು 256 ಜಿಬಿ ಸ್ಟೋರೇಜ್ ಹೊಂದಿದ ಸ್ಮಾರ್ಟ್​​​ಫೋನ್​ನ ಬೆಲೆಯು RMB 1299 ಅಂದರೆ ಭಾರತದಲ್ಲಿ ಅಂದಾಜು 15,750 ರೂಪಾಯಿಗಳು ಎಂದು ಎನ್ನಲಾಗಿದೆ. ಇನ್ನು ಈ ಸ್ಮಾರ್ಟ್​​​ಫೋನ್ ಬ್ಲೂ ಮತ್ತು ಬ್ಲ್ಯಾಕ್ ಬಣ್ಣಗಳ ಆಯ್ಕೆಯನ್ನು ಪಡೆದಿದೆ. ಆದರೆ ಈ ಸ್ಮಾರ್ಟ್​​ಫೋನ್​ ಭಾರತದಲ್ಲಿ ಯಾವಾಗ ಲಾಂಚ್ ಆಗುತ್ತದೆ ಎಂದು ಇನ್ನೂ ಬಹಿರಂಗ ಮಾಡಿಲ್ಲ.

    Published by:Prajwal B
    First published:

    ಸುದ್ದಿ 18ಕನ್ನಡ ಟ್ರೆಂಡಿಂಗ್

    ಮತ್ತಷ್ಟು ಓದು