ViewSonic Monitor: ಒಂದೇ ಕಂಪೆನಿಯಿಂದ ಎರಡು ಮಾನಿಟರ್​ಗಳ ಲಾಂಚ್​! ಫೀಚರ್ಸ್​ ಹೇಗಿದೆ ಗೊತ್ತಾ?

ಎಲೆಕ್ಟ್ರಾನಿಕ್ಸ್​ ಡಿವೈಸ್​ಗಳು (Electronics Device) ಮಾರುಕಟ್ಟೆಗೆ ಈ ಬಾರಿ ಹಲವಾರು ಬಿಡುಗಡೆಯಾಗಿವೆ. ಬೇರೆ ಬೇರೆ ರೀತಿಯಲ್ಲಿ ಮಾರುಕಟ್ಟೆಗೆ ಡಿವೈಸ್​ಗಳನ್ನು ಪರಿಚಯಿಸುವ ಮೂಲಕ ಕಂಪೆನಿಗಳು ಸಹ ಗ್ರಾಹಕರನ್ನು ತನ್ನತ್ತ ಆಕರ್ಷಿಸುತ್ತಿದೆ. ಇದೀಗ ಎಲೆಕ್ಟ್ರಾನಿಕ್ಸ್​ ಡಿವೈಸ್​ಗಳನ್ನು ಪರಿಚಯಿಸುವ ಮೂಲಕ ಮಾರುಕಟ್ಟೆಯಲ್ಲಿ ಭಾರೀ ಬೇಡಿಕೆಯಲ್ಲಿರುವ ಕಂಪೆನಿಯೆಂದರೆ ವೀವ್​ಸೋನಿಕ್​ ಕಂಪೆನಿ. ಈ ಕಂಪೆನಿ ಕಳೆದ ಅಕ್ಟೋಬರ್​ನಲ್ಲಿ ಎರಡು ಮಾನಿಟರ್​​ಗಳನ್ನು ಮಾರುಕಟ್ಟೆಗೆ ಪರಿಚಯಿಸಿತ್ತು. ಇವುಗಳಿಗೆ ವೀವ್​ಸೋನಿಕ್​ VA3209-MH (ViewSonic VA3209-MH) ಮತ್ತು ವೀವ್​ಸೋನಿಕ್​ VA3209-2K-MHD ಎಂದು ಹೆಸರಿಸಲಾಗಿದೆ. ಇದರ ನಡುವೆ ಮತ್ತೆ ವಿಭಿನ್ನ ಶೈಲಿಯ ಎರಡು ಮಾನಿಟರ್‌ಗಳನ್ನು (Monitors) ಅನಾವರಣ ಮಾಡಲಾಗಿದೆ.

ಸದ್ಯ ಎಲೆಕ್ಟ್ರಾನಿಕ್ಸ್​ ಮಾರುಕಟ್ಟೆಯಲ್ಲಿ ಭಾರೀ ಸಂಚಲನದಲ್ಲಿರುವ ಕಂಪೆನಿಯೆಂದರೆ ವೀವ್​ಸೋನಿಕ್ ಕಂಪೆನಿ. ಈ ಕಂಪೆನಿ ಇದೀಗ ತನ್ನ ಬ್ರಾಂಡ್​ನ ಅಡಿಯಲ್ಲಿ ಎರಡು ಮಾನಿಟರ್​ಗಳನ್ನು ಪರಿಚಯಿಸಿದೆ. ವೀವ್​ಸೋನಿಕ್​ನ VG56V ಸೀರಿಸ್​ನಲ್ಲಿ ವೀವ್​ಸೋನಿಕ್​ VG2456V ಮತ್ತು ವೀವ್​ಸೋನಿಕ್​ VG2756V ಎಂಬ 2ಕೆ ರೆಸಲ್ಯೂಶನ್​ ಸಾಮರ್ಥ್ಯದ ಮಾನಿಟರ್​ಗಳನ್ನು ಪರಿಚಯಿಸಿದೆ.

ವೀವ್​ಸೋನಿಕ್​ ಮಾನಿಟರ್​ನ ಫೀಚರ್ಸ್​ ಹೇಗಿದೆ?

ವೀವ್​ಸೋನಿಕ್​ VG56V ಸೀರಿಸ್​​ನ VG2456V ಮತ್ತು ಉನ್ನತ-ಮಟ್ಟದ VG2756V 2ಕೆ ರೆಸಲ್ಯೂಶನ್​ನ ಮಾನಿಟರ್‌ಗಳು ಎರಡು ಕ್ರಮವಾಗಿ ಫುಲ್​ ಹೆಚ್​ಡಿ ಡಿಸ್​​ಪ್ಲೇಯನ್ನು ಹೊಂದಿದೆ. ಇದರಲ್ಲಿ 2 ಮೆಗಾಪಿಕ್ಸೆಲ್​ ಕ್ಯಾಮೆರಾ ಮತ್ತು 5 ಮೆಗಾಪಿಕ್ಸೆಲ್​ ಪಾಪ್‌ ಅಪ್‌ ಕ್ಯಾಮೆರಾ ಫೀಚರ್ಸ್‌ ಅನ್ನು ಹೊಂದಿಕೊಂಡಿದೆ.

ಈ ಮೂಲಕ ಹೊಸ ಮಾನಿಟರ್‌ಗಳು ವಿಶೇಷವಾಗಿ ಪಾಪ್-ಅಪ್ ಕ್ಯಾಮೆರಾದ ಮೂಲಕವೇ ಹೆಚ್ಚು ಸದ್ದು ಮಾಡುತ್ತಿದ್ದು, ಮುಂಭಾಗದ ಕ್ಯಾಮೆರಾ ಕಟೌಟ್‌ಗಳನ್ನು ತೆಗೆದುಹಾಕಲು ಮತ್ತು ಹೊಸ ಅನುಭವವನ್ನು ನೀಡಲು ವೀವ್​ಸೋನಿಕ್​ ಕಂಪೆನಿ ಮುಂದಾಗಿದೆ ಎಂದು ಈ ಮೂಲಕ ತಿಳಿಯಬಹುದಾಗಿದೆ. ಈ ಹಿಂದೆ ಪಾಪ್​ಅಪ್​ ಕ್ಯಾಮೆರಾಗಳನ್ನು ಸ್ಮಾರ್ಟ್​​ಫೋನ್​ಗಳಲ್ಲಿಯೂ ಒಂದೆರಡು ಕಂಪೆನಿಗಳು ಬಳಸಿತ್ತು ಆದರೆ ಅದು ಸರಿಯಾಗಿ ಬಳಕೆಯಾಗದ ಕಾರಣ ನಂತರದಲ್ಲಿ ಆ ಫೀಚರ್​ ಅನ್ನು ಕೈಬಿಡಲಾಯಿತು.

ಕ್ಯಾಮೆರಾದ ವಿನ್ಯಾಸ

ವೀವ್​ ಸೋನಿಕ್‌ನ ಹೊಸ ಪಾಪ್-ಅಪ್ ಕ್ಯಾಮೆರಾಗಳು ಕೆಲವು ಆರಂಭಿಕ ಮೂಲ ಮಾದರಿಗಳನ್ನು ಮೀರಿ ಪ್ರಗತಿ ಸಾಧಿಸಿದ್ದು, ಎರಡೂ ಬದಿಗಳಲ್ಲಿ ಹೊಸ ರೀತಿಯ ಫಿಲ್-ಲೈಟ್ ಎಲ್‌ಇಡಿಗಳಿಂದ ಇನ್ನಷ್ಟು ಆಕರ್ಷಣೀಯ ಚಿತ್ರಗಳನ್ನು ಸೆರೆಹಿಡಿಯಲು ಅನುವು ಮಾಡಿಕೊಡಲಿವೆ. ಹೆಚ್ಚುವರಿಯಾಗಿ ವಿಡಿಯೋ ರೆಕಾರ್ಡ್‌ ಮಾಡುವಾಗ ಅಥವಾ ಮೀಟಿಂಗ್​ನಲ್ಲಿ ಭಾಗಿಯಾಗಿರುವಾಗ ಬಣ್ಣದಲ್ಲಿ ಹಾಗೂ ಇತರೆ ವಿಭಾಗದಲ್ಲಿ ಕೆಲವು ಬದಲಾವಣೆ ಮಾಡಿಕೊಳ್ಳುವ ಮೂಲಕ ಅತ್ಯಾಕರ್ಷಕವಾಗಿ ಕಾಣಿಸಿಕೊಳ್ಳುವಂತೆ ಮಾಡಬಹುದಾಗಿದೆ.

ವೀವ್​ಸೋನಿಕ್​ ಮಾನಿಟರ್

ಕ್ಯಾಮೆರಾವನ್ನು ರೊಟೇಶನ್ ಮಾಡಬಹುದು

ಇದಷ್ಟೇ ಅಲ್ಲದೆ ಈ ಸಾಧನದಲ್ಲಿರುವಂತಹ ಕ್ಯಾಮೆರಾವನ್ನು ಯಾವುದೇ ದಿಕ್ಕಿನಲ್ಲಿ ಅಂದರೆ ಹಿಂದಕ್ಕೆ ಅಥವಾ ಮುಂದಕ್ಕೆ 5 ಡಿಗ್ರಿಗಳಷ್ಟು ತಿರುಗಿಸಬಹುದಾದ ಆಯ್ಕೆ ಸಹ ನೀಡಲಾಗಿದೆ. ಇದರೊಂದಿಗೆ ಈ ಮಾನಿಟರ್​ಗಳು ಡ್ಯುಯಲ್ ಸ್ಪೀಕರ್‌ಗಳು ಮತ್ತು ಎರಡು ಮಾದರಿಯ ಮೈಕ್ರೊಫೋನ್‌ಗಳೊಂದಿಗೆ ಪ್ಯಾಕ್​ ಆಗಿದೆ.

ಈ ಮೂಲಕ ಯಾವುದೇ ಮೀಟಿಂಗ್​ನಲ್ಲಿ ಭಾಗವಹಿಸಬೇಕಾದರೆ ಬೇರೆ ನಾಯ್ಸ್​ಗಳ ಬಗ್ಗೆ ತೊಂದರೆ ಇರುವುದಿಲ್ಲ.​ . ಇನ್ನು ಕ್ಯಾಮೆರಾ ಬಳಕೆ ಮುಗಿದ ನಂತರ ಬಳಕೆದಾರರು ಮಾನಿಟರ್‌ಗಳ ಬಾಡಿಗೆ ಸುಲಭವಾಗಿ ಕ್ಯಾಮೆರಾವನ್ನು ಇನ್​ ಮಾಡಬಹುದಾಗಿದೆ. ಈ ದೊಡ್ಡ ಡಿಸ್‌ಪ್ಲೇ ಆಯ್ಕೆ ಇರುವ ಮಾನಿಟರ್‌ನಲ್ಲಿ ಪಾಪ್‌ ಆಪ್ ಕ್ಯಾಮೆರಾ ಪ್ರಮುಖ ಕಾರ್ಯವನ್ನು ನಿರ್ವಹಿಸುತ್ತವೆ ಎಂದು ವೀವ್​ಸೋನಿಕ್ ಕಂಪೆನಿ ಹೇಳಿದೆ.

ಇದನ್ನೂ ಓದಿ: ರಿಪಬ್ಲಿಕ್​ ಡೇ ಸೇಲ್​ ಆರಂಭ! ಈ 3 ಸ್ಮಾರ್ಟ್​​ಫೋನ್​ಗಳ ಮೇಲೆ ಭರ್ಜರಿ ರಿಯಾಯಿತಿ

ಬೆಲೆ ಮತ್ತು ಲಭ್ಯತೆ

ವೀವ್​ಸೋನಿಕ್​ನ VG246V ಮತ್ತು VG2756V-2K ಮಾನಿಟರ್‌ಗಳನ್ನು ಯುಎಸ್‌ನ ಆನ್‌ಲೈನ್ ಸ್ಟೋರ್‌ಗಳಲ್ಲಿ ಖರೀದಿ ಮಾಡಬಹುದಾಗಿದೆ. VG246V ಮಾನಿಟರ್‌ಗೆ US$358.99 ಅಂದರೆ ಭಾರತದಲ್ಲಿ ಸುಮಾರು 29,165.68 ರೂಪಾಯಿ ಎಂದು ನಿರ್ಧರಿಸಲಾಗಿದೆ ಹಾಗೂ VG2756V-2K ಗೆ US$480.99 ಅಂದರೆ ಭಾರತದಲ್ಲಿ ಸುಮಾರು 39,079.33 ರೂಪಾಯಿಗಳು ಎಂದು ಬೆಲೆ ನಿಗದಿ ಮಾಡಲಾಗಿದೆ. ಹಾಗೆಯೇ VG2756V-2K ಸದ್ಯಕ್ಕೆ ಅಮೆಜಾನ್‌ನಲ್ಲಿ US$459.99 ಅಂದರೆ ಭಾರತದಲ್ಲಿ ಸುಮಾರು 37,373.13 ರೂ. ಗಳಿಗೆ ಲಭ್ಯವಾಗುತ್ತದೆ.