New Update: ಭಾರೀ ಬೇಡಿಕೆಯಲ್ಲಿದ್ದ ಫೀಚರ್ ಇದೀಗ ವಾಟ್ಸಾಪ್​ನಲ್ಲಿ ಲಭ್ಯ! ಬಳಸೋದು ಹೇಗೆ?

ಜನಪ್ರಿಯ ಮೆಸೇಜಿಂಗ್ ಅಪ್ಲಿಕೇಶನ್​​ಗಳಲ್ಲಿ (messaging Application) ಒಂದಾಗಿರುವ ವಾಟ್ಸಾಪ್ (WhatsApp)​ ಇತ್ತೀಚೆಗೆ ಹಲವಾರು ಫೀಚರ್ಸ್​ಗಳನ್ನು ತನ್ನ ಬಳಕೆದಾರರಿಗಾಗಿ ಪರಿಚಯಿಸುವ ಮೂಲಕ ಭಾರೀ ಮಾತುಕತೆಯಲ್ಲಿದೆ. ಆದರೆ ವಾಟ್ಸಾಪ್​ ಪರಿಚಯಿಸಿರುವ ಫೀಚರ್ಸ್​​ಗಳೆಲ್ಲವೂ ಬಳಕೆದಾರರಿಗೆ ಅನುಕೂಲವಾಗುವಂತಿದ್ದು, ಇನ್ನೂ ಹಲವಾರು ಅಪ್ಡೇಟ್​​ಗಳು ಬರಲಿವೆ ಎಂದು ವಾಟ್ಸಾಪ್ ತಿಳಿಸಿದೆ. ಇನ್ನು ಕಳೆದ ಬಾರಿ ವಾಟ್ಸಾಪ್ ತನ್ನ ಅಪ್ಲಿಕೇಶನ್​ಗಳಲ್ಲಿ ಹಲವಾರು ಅಪ್ಡೇಟ್​​ಗಳನ್ನು ತರಲಿದೆ ಎಂದು ಹೇಳಿತ್ತು. ಅದೇ ರೀತಿ ಈ ವರ್ಷದ ಆರಂಭದಲ್ಲಿ ವಿಡಿಯೋ ಕಾಲ್, ಸ್ಟೇಟಸ್ ರಿಪೋರ್ಟ್ (Status ReportW​, ಮೆಸೇಜ್​ಗೆ ಸಂಬಂಧ ಪಟ್ಟ ಹೊಸ ಅಪ್ಡೇಟ್​​ಗಳನ್ನು ತಂದಿದೆ. ಇದೀಗ ಮತ್ತೆ ಸ್ಟೇಟಸ್​ ವಿಭಾಗದಲ್ಲಿ ಹೊಸ ಅಪ್ಡೇಟ್​ ಅನ್ನು ತಂದಿದೆ. ಈ ಫೀಚರ್​​ನಿಂದ ಬಳಕೆದಾರರಿಗೆ ಇನ್ನಷ್ಟು ಅನುಕೂಲವಾಗಲಿದೆ.

ವಾಟ್ಸಾಪ್​ ಬಳಕೆದಾರರ ಬಹುದಿನದ ಬೇಡಿಕೆ ಇದೀಗ ಸಂಪೂರ್ಣವಾಗಿದೆ. ವಾಟ್ಸಾಪ್ ಕಳೆದ ಬಾರಿ ಸ್ಟೇಟಸ್​ನಲ್ಲಿ ಇನ್ಮುಂದೆ ವಾಯ್ಸ್​ ಮೆಸೇಜ್​ ಅನ್ನು ಶೇರ್​ ಮಾಡಬಹುದೆಂಬ ಸುದ್ದಿಯನ್ನು ನೀಡಿತ್ತು. ಅದೇ ರೀತಿ ಇದೀಗ ಹೊಸ ಅಪ್ಡೇಟ್​ ಅನ್ನು ಬಿಡುಗಡೆ ಮಾಡಿದೆ. ಈ ಮೂಲಕ ವಾಟ್ಸಾಪ್ ಬಳಕೆದಾರರು ಇನ್ಮುಂದೆ ಯಾವುದೇ ವಾಯ್ಸ್​ ಮೆಸೇಜ್​ ಅನ್ನು ಸ್ಟೇಟಸ್​ನಲ್ಲಿ ಶೇರ್ ಮಾಡಿಕೊಳ್ಳಬಹುದಾಗಿದೆ.

ಕಳೆದ ಬಾರಿ ವಾಟ್ಸಾಪ್​ ತನ್ನ ಈ ಹೊಸ ಫೀಚರ್​ ಅನನ್ಉ ಆಂಡ್ರಾಯ್ಡ್​ ಬಳಕೆದಾರರಿಗೆ ಕೆಲವೇ ದಿನಗಳಲ್ಲಿ ಪರಿಚಯಿಸಲಿದ್ದೇವೆ ಎಂದು ಹೇಳಿತ್ತು. ಆದರೆ ಆ ಸಂದರ್ಭದಲ್ಲಿ ಐಫೋನ್ ಬಳಕೆದಾರರಿಗೆ ಯಾವುದೇ ಇದರ ಬಗ್ಗೆ ಸೂಚನೆ ನೀಡಿರಲಿಲ್ಲ. ಅದೇ ರೀತಿ ವಾಟ್ಸಾಪ್​ನಲ್ಲಿ ಯಾವುದೇ ಅಪ್ಡೇಟ್​ಗಳು ಬಂದ್ರೂ ಮೊದಲು ಬರುತ್ತಿದ್ದದ್ದು ಐಫೋನ್​ಗಳಲ್ಲಿ. ನಂತರದ ದಿನಗಳಲ್ಲಿ ಈ ಅಪ್ಡೇಟ್​​ಗಳು ಆಂಡ್ರಾಯ್ಡ್​ ಅಪ್ಲಿಕೇಶನ್​ಗಳಲ್ಲಿ ಲಭ್ಯವಾಗುತ್ತಿತ್ತು.

ಇದನ್ನೂ ಓದಿ: ಕಂಪೆನಿಗಳು ಹಳೆಯ ಸ್ಮಾರ್ಟ್​​ಫೋನ್​ಗಳನ್ನು ಸಂಗ್ರಹಿಸಿ ಏನು ಮಾಡುತ್ತವೆ? ಗೊತ್ತಾದ್ರೆ ಶಾಕ್ ಆಗ್ತೀರಾ!

ಐಫೋನ್ ಬಳಕೆದಾರರಿಗೆ ಲಭ್ಯ

ವಾಟ್ಸಾಪ್​ ಸ್ಟೇಟಸ್​ನಲ್ಲಿ ವಾಯ್ಸ್​ ಮೆಸೇಜ್ ಶೇರ್​ ಮಾಡುವಂತಹ ಫೀಚರ್​ ಐಫೋನ್​ ಬಳಕೆದಾರರಿಗೂ ಇನ್ಮುಂದೆ ಲಭ್ಯವಾಗಲಿದೆ. ಆದರೆ ಐಫೋನ್ ಬಳಕೆದಾರರು ವಾಟ್ಸಾಪ್ ಅನ್ನು 23.5.77 ಆವೃತ್ತಿಯೊಂದಿಗೆ ಅಪ್ಡೇಟ್​ ಮಾಡಿಕೊಳ್ಳಬೇಕು. ಈ ಸಂದರ್ಭದಲ್ಲಿ ಮಾತ್ರ ಈ ಫೀಚರ್​ ಕಾಣಿಸಿಕೊಳ್ಳುತ್ತದೆ.

ಈ ಫೀಚರ್​ ಬಳಸೋದು ಹೇಗೆ?

ಮೊದಲಿಗೆ ನಿಮ್ಮ ಐಫೋನ್​ನಲ್ಲಿ ವಾಟ್ಸಾಪ್ ಅಪ್ಲಿಕೇಶನ್​ ಅನ್ನು ಓಪನ್ ಮಾಡಿ ಅಲ್ಲಿ ಸ್ಟೇಟಸ್ ವಿಭಾಗವನ್ನು ಓಪನ್ ಮಾಡ್ಬೇಕು. ನಂತರದಲ್ಲಿ ಅಲ್ಲಿ ಈ ಹಿಂದೆ ಬರಹದ ಮೂಲಕ ಸ್ಟೇಟಸ್​ ಶೇರ್​ ಮಾಡಲು, ಅಲ್ಲಿ ಪೆನ್ಸಿಲ್​ ಆಯ್ಕೆಯನ್ನು ನೀಡಲಾಗಿತ್ತು. ಅದೇ ರೀತಿ ಇಲ್ಲಿ ಪೆನ್ಸಿಲ್​ ಐಕಾನ್ ಮೇಲೆ ಕ್ಲಿಕ್ ಮಾಡಿದ್ರೆ ಮೈಕ್ರೋಫೋನ್​ ಐಕಾನ್ ಕಾಣಿಸಿಕೊಳ್ಳುತ್ತದೆ.

ಸಾಂಕೇತಿಕ ಚಿತ್ರ

ಇನ್ನು ನೀವು ಮೈಕ್ರೋಫೋನ್ ಐಕಾನ್ ಮೇಲೆ ಟ್ಯಾಪ್​ ಮಾಡಿದ್ರೆ ನಿಮ್ಮ ವಾಯ್ಸ್​ ರೆಕಾರ್ಡ್​ ಆಗಲು ಆರಂಭವಾಗುತ್ತದೆ. ಆದರೆ ನೀವು ರೆಕಾರ್ಡ್ ಮಾಡುವ ಸಂದರ್ಭದಲ್ಲಿ ಮೈಕ್ರೋಫೋನ್ ಐಕಾನ್ ಅನ್ನು ಹೋಲ್ಡ್​ ಮಾಡಿಟ್ಟುಕೊಳ್ಳಬೇಕು. ಈ ಮೂಲಕ ನಿಮ್ಮ ವಾಯ್ಸ್​ ಅನ್ನು ರೆಕಾರ್ಡ್​ ಮಾಡಿಕೊಳ್ಳಬಹುದು.

ರೆಕಾರ್ಡ್​ ಆದ ನಂತರ ಮೈಕ್ರೋಫೋನ್​ ಐಕಾನ್​ನಿಂದ ನಿಮ್ಮ ಕೈಯನ್ನು ತೆಗೆಯಿರಿ. ನಂತರ ನಿಮ್ಮ ವಾಯ್ಸ್​, ನೀವು ಮಾಡಿದ ರೆಕಾರ್ಡ್​ ಸರಿಯಾಗಿದೆಯಾ ಎಂಬುದನ್ನು ಚೆಕ್ ಮಾಡಿಕೊಳ್ಳಿ. ನಂತರ ಅಲ್ಲೇ ಇರುವಂತಹ ಸೆಂಡ್​ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ.

ಸೈಲೆಂಟ್ ಅನೌನ್​ ನಂಬರ್ ಕಾಲ್

ವಾಟ್ಸಾಪ್​ ಇದೀಗ ಮತ್ತೆ ಹೊಸ ಫೀಚರ್​ ಅನ್ನು ಅಭಿವೃದ್ಧಿಪಡಿಸುತ್ತಿದೆ ಎಂದು ವರದಿಯಾಗಿದೆ. ಅದರ ಹೆಸರು ಸೈಲೆಂಟ್ ಅನೌನ್​ ನಂಬರ್ ಕಾಲ್​. ಈ ಫೀಚರ್​ ಮೂಲಕ ಯಾವುದೇ ಅಪರಿಚಿತ ನಂಬರ್​ನಿಂದ ಕಾಲ್​ ಬಂದಾಗ ಅದನ್ನು ಕಾಲ್​ ಲೀಸ್ಟ್​ನಿಂದ, ನಾಟಿಫಿಕೇಶನ್​ನಿಂದ ಮ್ಯೂಟ್​ ಮಾಡಬಹುದು.