Gaming Platform: ಶೇರ್​ಚಾಟ್​ನಿಂದ ಕೂಡಾ ಉದ್ಯೋಗಿಗಳ ವಜಾ ನಿರ್ಧಾರ! ಏನಾಗಿದೆ ಈ ಟೆಕ್ ಕಂಪನಿಗಳಿಗೆ?

ತಂತ್ರಜ್ಞಾನ ಕಂಪನಿಗಳು (Technology Company) ಈಗ ಬಹಳಷ್ಟು ಕುಸಿತವನ್ನು ಕಂಡಿರುವುದರಿಂದ ಹಲವಾರು ಟೆಕ್ ಕಂಪನಿಗಳು ತನ್ನ ಕಂಪನಿಯ ಉದ್ಯೋಗಿಗಳನ್ನು ವಜಾ ಗೊಳಿಸುತ್ತಿತ್ತು. ಇದಲ್ಲದೆ ಕೆಲವೊಂದು ಕಂಪನಿಗಳು ತನ್ನ ಕೆಲಸಕ್ಕೆ ಇನ್ನು ಮುಂದೆ ಉದ್ಯೋಗಿಗಳ ನೇಮಕಾತಿಯನ್ನು ಮಾಡುವುದಿಲ್ಲ ಎಮದು ಘೋಷಿಸಿದೆ. ಹಲವು ಟೆಕ್ ಕಂಪನಿಗಳ ನಂತರ ಇದೀಗ ಮತ್ತೊಂದು ಭಾರತೀಯ ಕಂಪನಿ (Indian Company) ತನ್ನ ಉದ್ಯೋಗಿಗಳನ್ನು ವಜಾ ಮಾಡಲು ಹೊರಟಿದೆ. ಟೆಕ್ ಕಂಪನಿ ಶೇರ್‌ಚಾಟ್ (Sharechat) ತನ್ನ ಗೇಮಿಂಗ್ ಪ್ಲಾಟ್‌ಫಾರ್ಮ್ (Gaming Platform) ಜೀಟ್ 11 (Jeet 11) ಅನ್ನು ಮುಚ್ಚುವುದಾಗಿ ಘೋಷಿಸಿದೆ. ಈ ಗೇಮಿಂಗ್ ಅಪ್ಲಿಕೇಶನ್‌ನ ಮುಚ್ಚುವಿಕೆಯಿಂದ ಅವರ ಶೇಕಡಾ 5 ರಷ್ಟು ಉದ್ಯೋಗಿಗಳು ಕೆಲಸ ಕಳೆದುಕೊಳ್ಳಲಿದ್ದಾರೆ ಎಂದು ಕಂಪನಿ ಹೇಳುತ್ತದೆ. ಸಂಖ್ಯೆಗಳ ಬಗ್ಗೆ ಮಾತನಾಡುವುದಾದರೆ ಕಂಪನಿಯ ಪ್ರಕಾರ, 100 ಜನರು ತಮ್ಮ ಉದ್ಯೋಗವನ್ನು ಕಳೆದುಕೊಳ್ಳಬಹುದು.

ದೊಡ್ಡ ಮಟ್ಟದ ಟೆಕ್ ಕಂಪನಿಯಾಗಿರುವ ಶೇರ್​ಚಾಟ್​ ತನ್ನ ಗೇಮಿಂಗ್​ ಅಪ್ಲಿಕೇಶನ್ ಆಗಿರುವ ಜೀಟ್ 11 ಆ್ಯಪ್ ಅನ್ನು ಮುಚ್ಚುವುದಾಗಿ ಹೇಳಿದೆ. ಈ ನಿರ್ಧಾರದಿಂದ ಕಂಪನಿಯಲ್ಲಿ 100ಕ್ಕೂ ಹೆಚ್ಚು ಉದ್ಯೋಗಿಗಳು ಕೆಲಸ ಕಳೆದುಕೊಳ್ಳಲಿದ್ದಾರೆ.

ಶೇರ್​ಚಾಟ್​ನಿಂದ ಮಾಧ್ಯಮಗಳಿಗೆ ಮಾಹಿತಿ:

ಮಾಧ್ಯಮಗಳಿಗೆ ಮಾಹಿತಿ ನೀಡುವಾಗ, ಶೇರ್‌ಚಾಟ್ ವಕ್ತಾರರು ವ್ಯಾಪಾರದ ಬೆಳವಣಿಗೆಯ ದೃಷ್ಟಿಯಿಂದ, ನಾವು ನಮ್ಮ ಗೇಮಿಂಗ್ ಪ್ಲಾಟ್‌ಫಾರ್ಮ್ ಜೀಟ್ 11 ನ ವ್ಯವಹಾರವನ್ನು ಮುಚ್ಚಲಿದ್ದೇವೆ ಎಂದು ಹೇಳಿದರು. ಇದಲ್ಲದೆ, ಕಂಪನಿಯು ತನ್ನ ಇತರ ವ್ಯವಹಾರಗಳನ್ನು ಮರುಸ್ಥಾಪಿಸಲು ಯೋಜಿಸುತ್ತಿದೆ. ಕಂಪನಿಯ ಈ ಕ್ರಮದಿಂದ 100 ಮಂದಿ ಕೆಲಸ ಕಳೆದುಕೊಳ್ಳಲಿದ್ದಾರೆ ಎಂದು ಕಂಪನಿ ಹೇಳಿದೆ.

ಇದನ್ನೂ ಓದಿ: ಕೇವಲ 1299 ರೂಪಾಯಿಗೆ ಮೇಡ್​ ಇನ್​ ಇಂಡಿಯಾ ಸ್ಮಾರ್ಟ್​ವಾಚ್​! ಇದರ ಫೀಚರ್ಸ್​ಗೆ ನೀವು ಫಿದಾ ಆಗ್ತೀರಾ

ಜೀತ್​ 11 ಮತ್ತು ಶೇರ್​ಚಾಟ್