Telegram: 72 ಗಂಟೆಗಳಲ್ಲಿ 25 ಮಿಲಿಯನ್​ ಬಳಕೆದಾರರು ಸೇರ್ಪಡೆ!

ವಾಟ್ಸ್​ಆ್ಯಪ್​ ಪ್ರೈವೆಸಿ ಪಾಲಿಸಿಯಿಂದಾಗಿ ಬೇಸತ್ತು ಜನರು ಬೇರೆ ಆ್ಯಪ್​ಗಳತ್ತ ಮುಖ ಮಾಡುತ್ತಿದ್ದಾರೆ. ಮತ್ತೊಂದೆಡೆ ಖಾಸಗಿ ಮಾಹಿತಿಗಳನ್ನು ಫೇಸ್​ಬುಕ್​ನೊಂದಿಗೆ ಹಂಚಿಕೊಳ್ಳುವುದಾಗಿ ವಾಟ್ಸ್​ಆ್ಯಪ್​ ತಿಳಿಸಿತ್ತು. ಆದರೆ ಅದರ ಬಗ್ಗೆ ಸ್ಪಷ್ಟಣೆ ನೀಡಿರುವ ವಾಟ್ಸ್​ಆ್ಯಪ್​, ಯಾವುದೇ ಮಾಹಿತಿಯನ್ನು ಹಂಚಿಕೊಳ್ಳುವುದಿಲ್ಲ ಎಂದು ತಿಳಿಸಿದೆ. ಹೀಗಿರುವಾಗ ಬಳಕೆದಾರರು ವಾಟ್ಸ್​ಆ್ಯಪ್​ ಅನ್ನು ಕೈಬಿಟ್ಟು ಬೇರೆ ಆ್ಯಪ್​ನತ್ತ ವಲಸೆ ಹೋಗುತ್ತಿದ್ದಾರೆ.

ಅದರಲ್ಲೂ ಟೆಲಿಗ್ರಾಂ ಹಾಗೂ ಸಿಗ್ನಲ್​ ಆ್ಯಪ್​ಗಳನ್ನು ಡೌನ್​ಲೋಡ್​ ಮಾಡುವ ಮೂಲಕ ಹೆಚ್ಚು ಬಳಕೆ ಮಾಡಲು ಮುಂದಾಗಿದ್ದಾರೆ. ಅಂದಹಾಗಯೇ ಟೆಲಿಗ್ರಾಂ ಇದೀಗ ಕಡಿಮೆ ಅವಧಿಯಲ್ಲಿ ಹೆಚ್ಚು ಬಳಕೆದಾರರು ಟೆಲಿಗ್ರಾಂ ಅನ್ನು ಸೇರಿಕೊಂಡಿದ್ದಾರೆ.

72 ಗಂಟೆಗಳಲ್ಲಿ ಸುಮಾರು 25 ಮಿಲಿಯನ್​ ಜನರು ಈ ಆ್ಯಪ್​ ಅನ್ನು ಇನ್​ಸ್ಟಾಲ್​ ಮಾಡುವ ಮೂಲಕ ಬಳಕೆ ಮಾಡುತ್ತಿದ್ದಾರೆ ಎಂಬ ಮಾಹಿತಿ ಕಂಪನಿ ತಿಳಿಸಿದೆ. ಮತ್ತೊಂದೆಡೆ ಸಿಗ್ನಲ್​ ಆ್ಯಪ್​ ಕೂಡ ಬಳಕೆದಾರರನ್ನು ದ್ವಿಗುಣಗೊಳಿಸಿದೆ. ಇತ್ತ ವಾಟ್ಸ್​ಆ್ಯಪ್​ ತನ್ನ ಬಳಕೆದಾರರನ್ನು ಕಳೆದುಕೊಳ್ಳುತ್ತಾ ಬರುತ್ತಿದೆ.

ಜನವರಿ ಮೊದಲ ವಾರದಲ್ಲಿ ಟೆಲಿಗ್ರಾಂ ಅನ್ನು ಗಮನಿಸಿದಾಗ ಮಾಸಿಕ 500 ಮಿಲಿಯನ್​ ಸಕ್ರೀಯ ಬಳಕೆದಾರರನ್ನು ಮೀರಿಸಿತ್ತು. ಅದಾದ ಬಳಿಕ 72 ಗಂಟೆಗಳಲ್ಲಿ ಸುಮಾರು 25 ಮಿಲಿಯನ್​ ಬಳಕೆದಾರರು ಟೆಲಿಗ್ರಾಂಗೆ ಸೇರ್ಪಡೆಗೊಂಡಿದ್ದಾರೆ. ಏಷ್ಯಾದಿಂದ ಶೇ38 ರಷ್ಟು ಬಳಕೆದಾರರು, ಯುರೋಪ್​ ಶೇ.27, ಲ್ಯಾಟಿನ್​ ಅಮೆರಿಕದಿಂದ ಶೇ.21 ಮತ್ತು ಮೆನಾದಿಂದ ಶೇ8ರಷ್ಟು ಜನರು ಟೆಲಿಗ್ರಾಂ ಇನ್​ಸ್ಟಾಲ್​ ಮಾಡಿದ್ದಾರೆ.

ಟೆಲಿಗ್ರಾಂ ಜಾಗತಿಕವಾಗಿ 500 ಮಿಲಿಯನ್​ ಸಕ್ರಿಯ ಬಳಕೆದಾರರನ್ನು ಹೊಂದಿದೆ. ಇದು ಕಂಪನಿಯ ಆದಾಯವನ್ನು ಹೆಚ್ಚಿಸಲು ಸಹಕಾರಿಯಾಗಲಿದೆ. 2020ರ ಏಪ್ರಿಲ್​ನಲ್ಲಿ 400 ಮಿಲಿಯನ್​ ಸಕ್ರಿಯ ಬಳಕೆದಾರರನ್ನು ಹೊಂದಿತ್ತು.

ಇನ್ನು ಟೆಲಿಗ್ರಾಂ ಮೂಲಕ ಫೋಟೋ, ವಿಡಿಯೋ, ಸ್ಟಿಕ್ಕರ್​, ಧ್ವನಿ ಸಂದೇಶ, ಕಳುಹಿಸಬಹುದಾಗಿದೆ. ಅಷ್ಟು ಮಾತ್ರವಲ್ಲದೆ, ವಿಡಿಯೋ ಕರೆ ಮತ್ತು ಧ್ವನಿ ಕರೆ ಮಾಡಬಹುದಾಗಿದೆ.