news18-kannada Updated:February 22, 2021, 12:35 PM IST
ಟಾಟಾ ಸಫಾರಿ ಎಸ್ಯುವಿ ಕಾರು
ಟಾಟಾ ಮೋಟರ್ಸ್ ಸಂಸ್ಥೆ ಟಾಟಾ ಸಫಾರಿ ಎಸ್ಯುವಿ ಕಾರನ್ನು ಸಿದ್ಧಪಡಿಸಿದ್ದು, ಇಂದು ಮಾರುಕಟ್ಟೆಗೆ ಪರಿಚಯಿಸುತ್ತಿದೆ. ನೂತನ ಕಾರು ಐಕಾನಿಕ್ ಸಫಾರಿ ನೇಮ್ಪ್ಲೇಟ್ ಅಡಿಯಲ್ಲಿ ಮಾರುಕಟ್ಟೆಗೆ ಧಾವಿಸುತ್ತಿದೆ. ಈ ಎಸ್ಯುವಿ ಕಾರಿನ ವೈಶಷ್ಟ್ಯ, ಬೆಲೆ ಬಗ್ಗೆ ಮಾಹಿತಿ ಇಲ್ಲಿದೆ.
ಆರು ವೇರಿಯಂಟ್ಗಳಲ್ಲಿ ನೂತನ ಕಾರನ್ನು ಪರಿಚಯಿಸಿದೆ. ಸಫಾರಿ XE, XM, XT, XT+, XZ and XZ+ ವೆರಿಯಂಟ್ನಲ್ಲಿ ಗ್ರಾಹಕರ ಕೈ ಸೇರಲಿದೆ. ಅಂದಹಾಗೆಯೇ ಈ ಕಾರು 2.0ನಲ್ಲಿ ವಿನ್ಯಾಸ ಮಾಡಲಾಗಿದ್ದು, ಕ್ಸೆನಾನ್ ಹೆಚ್ಐಡಿ ಪ್ರೊಜೆಕ್ಟರ್ ಹೆಡ್ಲ್ಯಾಂಪ್, ಡುಯೆಲ್ ಪಂಕ್ಷನ್ ಎಲ್ಇಡಿ ಡಿಆರ್ಎಲ್ಎಸ್ ಜೊತೆಗೆ ಟರ್ನ್ ಇಂಡಿಕೇಟರ್ ನೀಡಲಾಗಿದೆ.
ಅಷ್ಟು ಮಾತ್ರವಲ್ಲದೆ, ಕಾರಿನ ಮುಂಭಾಗದಲ್ಲಿ ಫ್ರಂಟ್ ಫಾಗ್ ಲ್ಯಾಂಪ್, ಎಲ್ಇಡಿ ಟೇಲ್ ಲ್ಯಾಂಪ್, 18 ಇಂಚಿನ ಡೈಮಂಡ್-ಕಟ್ ಅಲಾಯ್ ವೀಲ್ ಮತ್ತು ಪನರಾಮಿಕ್ ಸನ್ರೂಫ್ ಅಳವಡಿಸಲಾಗಿದೆ.
ಇನ್ನು ಸಫಾರಿ ಪರಿಚಯಿಸುತ್ತಿರುವ ನೂತನ ಕಾರಿನಲ್ಲಿ ಆರ್ ಪವರ್ ಡ್ರೈವ್ ಸೀಟ್, ಫ್ಲೋಟಿಂಗ್ ಐಸ್ಲ್ಯಾಂಡ್ 8.8 ಇಂಚಿನ ಟಚ್ ಸ್ಕ್ರೀನ್ ಇನ್ಫೊಟೈನ್ಮೆಂಟ್, 9 ಜೆಬಿಎಲ್ ಸ್ಪೀಕರ್ ಜೊತೆಗೆ ಅಪ್ಲಿಫೈರ್ ನೀಡಿದೆ. ಆಟೋಮ್ಯಾಟಿಕ್ ಟೆಂಪರೇಚರ್ ಕಂಟ್ರೋಲ್, ಇಲೆಕ್ರಾನಿಕ್ ಪಾರ್ಕಿಂಗ್ ಬ್ರೇಕ್, ಆರು ಏರ್ ಬ್ಯಾಗ್ ಫೀಚರ್ಸ್ ಅಳವಡಿಸಿದೆ.
ನೂತನ ಟಾಟಾ ಸಫಾರಿ ಕಾರು ಒಮೆಗಾ ಆರ್ಟಿಟೆಕ್ಚರ್ ಹಾಗೂ ಕ್ರಿಯೊಟೆಕ್ 1.0 ಲೀಟರ್ ಟರ್ಬೊಚಾರ್ಜ್ ಡಿಸೇಲ್ ಎಂಜಿನ್ ಹೊಂದಿದೆ. 170ಪಿಎಸ್ ಮ್ಯಾಕ್ಸಿಮಮ್ ಪವರ್ ಮತ್ತು 350 ಪೀಕ್ ಟಾರ್ಕ್ ಉತ್ಪಾದಿಸುತ್ತದೆ. ಇಕೊ, ಸಿಟಿ, ಸ್ಪೋರ್ಟ್ಸ್ ಎಂಬ ಮೂರು ಡ್ರೈವ್ ಮೋಡ್ ಇದರಲ್ಲಿದೆ.
ಇಂದು ಬಿಡುಗಡೆಯಾಗುತ್ತಿರುವ ನೂತನ ಸಫಾರಿ ಕಾರು ಎಮ್ಜಿ ಹೆಕ್ಟಾರ್ ಪ್ಲಸ್ ಮತ್ತು ಮಹೀಂದ್ರಾ ಎಕ್ಸ್ಯುವಿ500 ಕಾರಿಗೆ ಪ್ರತಿಸ್ಪರ್ಧಿಯಾಗಿದೆ.
ಬೆಲೆ: ಹೊಸ ಟಾಟಾ ಸಫಾರಿ ಬೆಲೆ 15 ಲ್ಷ ಮತ್ತು 22 ಲಕ್ಷ ರೂ ಎಂದು ಅಂದಾಜಿಸಲಾಗಿದೆ.
Published by:
Harshith AS
First published:
February 22, 2021, 12:35 PM IST
