Best Smartphones: ಜಸ್ಟ್​ 15 ಸಾವಿರಕ್ಕೆ ಸಿಗುತ್ತೆ ಸ್ಮಾರ್ಟ್​ಫೋನ್​ಗಳು, ಕಾಸ್ಟ್ಲಿ ಮೊಬೈಲ್​ನಲ್ಲೂ ಇರದ ಫೀಚರ್ಸ್​ ಇದರಲ್ಲಿದೆ!

ಟೆಕ್​ ಮಾರುಕಟ್ಟೆಯಲ್ಲಿ (Tech Market) ಸ್ಮಾರ್ಟ್​​ಫೋನ್​ಗಳಿಗೆ ಇದ್ದಷ್ಟು ಬೇಡಿಕೆ ಬೇರೆ ಯಾವುದೇ ಸಾಧನಗಳಿಗಿಲ್ಲ. ಇದಕ್ಕೆ ಕಾರಣ ಈ ಮೊಬೈಲ್​ಗಳು ಹೊಂದಿರುವಂತಹ ಫೀಚರ್ಸ್​ ಅಂತಾನೇ ಹೇಳ್ಬಹುದು. ಸ್ಮಾರ್ಟ್​​ಫೋನ್​ಗಳು ಇತ್ತೀಚಿನ ಕಾಲಮಾನದಲ್ಲಿ ಅತೀ ಅಗತ್ಯವಾದ ಸಾಧನವಾಗಿಬಿಟ್ಟಿದೆ. ಮಾರುಕಟ್ಟೆಯಲ್ಲಿ ಗ್ರಾಹಕರಿಗೆ ಬೇಕಾಗುವ ಆಯ್ಕೆಯಲ್ಲಿ ಸ್ಮಾರ್ಟ್​​ಫೋನ್​ಗಳು (Smartphones) ಲಭ್ಯವಿದೆ. ಆದರೆ ಬೇರೆ ಬೇರೆ ವಿನ್ಯಾಸದಲ್ಲಿ ಇದು ರೂಪುಗೊಂಡಿದ್ದು ಗ್ರಾಹಕರನ್ನು ಬೇಗನೆ ಆಕರ್ಷಿಸಿಕೊಳ್ಳುತ್ತದೆ. ಅದೇ ರೀತಿ ಈ ಮೊಬೈಲ್​ಗಳ ಫೀಚರ್ಸ್​ಗಳಿಗೆ ಅನುಗುಣವಾಗಿ ಇವುಗಳ ಬೆಲೆ ನಿಗದಿಯಾಗುತ್ತದೆ. ಆದರೆ ಕೆಲವೊಂದು ಬಾರೆ ಪ್ರಮುಖ ಇಕಾಮರ್ಸ್​ ಕಂಪೆನಿಗಳಾಗಿರುವ ಫ್ಲಿಪ್​ಕಾರ್ಟ್ (Flipkart)​ ಹಾಗೂ ಅಮೆಜಾನ್ (Amazon)​ ಕೆಲವು ಗುಣಮಟ್ಟದ ಸ್ಮಾರ್ಟ್​​ಫೋನ್​ಗಳ ಮೇಲೆ ಆಫರ್ಸ್​ಗಳನ್ನು ನೀಡುತ್ತದೆ.

ಕೆಲವೊಮ್ಮೆ ಬಜೆಟ್​​ ಬೆಲೆಯಲ್ಲಿ ಸ್ಮಾರ್ಟ್​​ಫೋನ್​ಗಳು ಲಭ್ಯವಾದಾಗ ಖರೀದಿ ಮಾಡುವ ಆಯ್ಕೆಯೇ ಒಂದು ದೊಡ್ಡ ಸಮಸ್ಯೆಯಾಗಿದೆ. ಆದರೆ 15 ಸಾವಿರ ರೂಪಾಯಿ ಒಳಗೆ ಸ್ಮಾರ್ಟ್​​ಫೋನ್​ ಖರೀದಿ ಮಾಡಬೇಕೆನ್ನವ ಪ್ಲ್ಯಾನ್​ನಲ್ಲಿರುವವರಿಗೆ ಇಲ್ಲಿದೆ ಟಾಪ್​ 5 ಸ್ಮಾರ್ಟ್​​ಫೋನ್​ಗಳು.

ರೆಡ್​ಮಿ ನೋಟ್​ 10ಎಸ್​ ಸ್ಮಾರ್ಟ್​​ಫೋನ್​

ರೆಡ್​ಮಿ ನೋಟ್​ 10ಎಸ್​ ಸ್ಮಾರ್ಟ್​​ಫೋನ್ ಕೇವಲ​ 12,499 ರೂಪಾಯಿಗಳಲ್ಲಿ ಮಾರುಕಟ್ಟೆಯಲ್ಲಿ ಲಭ್ಯವಿದೆ. ಇನ್ನು ಈ ಫೋನ್​ನ ಫೀಚರ್ಸ್​ ಬಗ್ಗೆ ಹೇಳುವುದಾದರೆ, ಇದು 6.43 ಇಂಚಿನ ಸೂಪರ್ ಅಮೋಲ್ಡ್​ ಡಿಸ್‌ಪ್ಲೇ ಹೊಂದಿದೆ. ಹಾಗೆಯೇ ಇದು ಮೀಡಿಯಾ ಟೆಕ್ ಹಿಲಿಯೋ ಜಿ96 ಪ್ರೊಸೆಸರ್‌ನೊಂದಿಗೆ ಕಾರ್ಯನಿರ್ವಹಿಸುತ್ತದೆ. ಮತ್ತು 6 ಜಿಬಿ ರ್‍ಯಾಮ್ ಮತ್ತು 64ಜಿಬಿ ಹಾಗೂ 6 ಜಿಬಿ ರ್‍ಯಾಮ್ ಮತ್ತು 128 ಜಿಬಿ ನ ಎರಡು ಸ್ಟೋರೇಜ್ ಆಯ್ಕೆಗಳಲ್ಲಿ ಮಾರುಕಟ್ಟೆಗೆ ಬಿಡುಗಡೆಯಾಗಿದೆ.

ಇದರೊಂದಿಗೆ ಈ ಮೊಬೈಲ್​ನಲ್ಲಿ 64 ಎಮ್​ಪಿ ಸೆನ್ಸಾರ್​ನ ಮುಖ್ಯ ಕ್ಯಾಮೆರಾವನ್ನು ಹೊಂದಿದ್ದು, ಇದು ಕ್ವಾಡ್ ರಿಯರ್ ಕ್ಯಾಮೆರಾ ಸೆಟಪ್​ ಅನ್ನು ಒಳಗೊಂಡಿದೆ​. ಇನ್ನು ಸೆಲ್ಫಿಗಾಗಿ 13ಎಮ್​ಪಿ ಕ್ಯಾಮೆರಾವನ್ನು ಅಳವಡಿಸಲಾಗಿದೆ. ಇದರ ಬ್ಯಾಟರಿ ಫೀಚರ್ಸ್​ ಬಗ್ಗೆ ಹೇಳುವುದಾದರೆ,  33W ಫಾಸ್ಟ್ ಚಾರ್ಜರ್‌ನೊಂದಿಗೆ 5,000 mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕಪ್ ಅನ್ನು ಹೊಂದಿದೆ.

ಮೊಟೊ ಜಿ72 ಸ್ಮಾರ್ಟ್​​​​ಫೋನ್​

ಮೊಟೊ ಜಿ72 ಸ್ಮಾರ್ಟ್‌ಫೋನ್‌ 14,999 ರೂಪಾಯಿಗಳಲ್ಲಿ ಮಾರುಕಟ್ಟೆಗೆ ಬಿಡುಗಡೆಯಾಗಿದೆ. ಈ ಫೋನ್‌ 6.55 ಫುಲ್‌ ಹೆಚ್‌ಡಿ+ ಡಿಸ್‌ಪ್ಲೇ ಹೊಂದಿದ್ದು, ಇದು 120 Hz ರಿಫ್ರೆಶ್ ರೇಟ್ ಪಡೆದುಕೊಂಡಿದೆ. ಹಾಗೆಯೇ ಮೀಡಿಯಾ ಟೆಕ್‌ ಹಿಲಿಯೋ G99 ಪ್ರೊಸೆಸರ್ ನಲ್ಲಿ ಕಾರ್ಯನಿರ್ವಹಿಸುವ ಈ ಫೋನ್‌ 6ಜಿಬಿ ರ್‍ಯಾಮ್ ಸ್ಟೋರೇಜ್ ಆಯ್ಕೆ ಪಡೆದುಕೊಂಡಿದೆ. ಹಾಗೂ 108ಎಮ್​ಪಿ ಮುಖ್ಯ ಕ್ಯಾಮೆರಾದೊಂದಿಗೆ ಟ್ರಿಪಲ್ ರಿಯರ್‌ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದೆ.

ಸ್ಮಾರ್ಟ್​​ಫೋನ್ಸ್​

ಇನ್ನು ಸೆಲ್ಫಿಗಾಗಿ 16ಎಮ್​ಪಿ ಕ್ಯಾಮೆರಾವನ್ನು ಅಳವಡಿಸಲಾಗಿದೆ. ಈ ಸ್ಮಾರ್ಟ್​ಫೋನ್​ 5000mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದ್ದು, ಇದು 33W ವೇಗದ ಚಾರ್ಜಿಂಗ್ ಸಾಮರ್ಥ್ಯವನ್ನು ಹೊಂದಿದೆ.

ಐಕ್ಯೂ ಝಡ್​6 ಸ್ಮಾರ್ಟ್​​ಫೋನ್​

ಐಕ್ಯೂ ಝಡ್​6 44W ಸ್ಮಾರ್ಟ್‌ಫೋನ್‌ ಅನ್ನು 14,499 ರೂಪಾಯಿಗಳ ಬೆಲೆಯಲ್ಲಿ ಖರೀದಿ ಮಾಡಬಹುದಾಗಿದೆ. ಈ ಫೋನ್ 6.44 ಇಂಚಿನ ಫುಲ್‌ ಹೆಚ್‌ಡಿ+ ಡಿಸ್‌ಪ್ಲೇ ಹೊಂದಿದ್ದು, ಸ್ನಾಪ್‌ಡ್ರಾಗನ್ 680 ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸಲಿದೆ. ಹಾಗೆಯೇ 4 ಜಿಬಿ ರ್‍ಯಾಮ್ ಮತ್ತು 128GB, 6ಜಿಬಿ ರ್‍ಯಾಮ್ ಮತ್ತು 128ಜಿಬಿ ಹಾಗೂ 8 ಜಿಬಿ ರ್‍ಯಾಮ್ ಮತ್ತು 128ಜಿಬಿ ನ ಮೂರು ಸ್ಟೋರೇಜ್​ ವೇರಿಯಂಟ್‌ನಲ್ಲಿ ಲಭ್ಯವಾಗಲಿದೆ. ಇದರೊಂದಿಗೆ 50ಎಮ್​ಪಿ ರಿಯರ್‌ ಕ್ಯಾಮೆರಾ ಹಾಗೂ 8ಎಮ್​ಪಿ ಸೆಲ್ಫಿ ಕ್ಯಾಮೆರಾವನ್ನು ಅಳವಡಿಸಲಾಗಿದೆ.

ರಿಯಲ್​ಮಿ 10 ಸ್ಮಾರ್ಟ್​ಫೋನ್​

ರಿಯಲ್‌ಮಿ 10 ಸ್ಮಾರ್ಟ್‌ಫೋನ್‌ ಅನ್ನು ಕೇವಲ 13,999 ರೂಪಾಯಿಗಳಲ್ಲಿ ಲಭ್ಯವಾಗಲಿದೆ. ಈ ಫೋನ್‌ 6.4 ಇಂಚಿನ ಅಮೋಲ್ಡ್​ ಡಿಸ್‌ಪ್ಲೇ ಹೊಂದಿದ್ದು, 90 Hz ರಿಫ್ರೆಶ್‌ ರೇಟ್‌ ಪಡೆದುಕೊಂಡಿದೆ. ಹಾಗೆಯೇ ಹಿಲಿಯೋ ಜಿ99 ಚಿಪ್‌ಸೆಟ್ ಪ್ರೊಸೆಸರ್‌ನಿಂದ ಕಾರ್ಯನಿರ್ವಹಿಸುವ ಈ ಸ್ಮಾರ್ಟ್​​ಫೋನ್‌ ಎರಡು ಸ್ಟೋರೇಜ್ ವೇರಿಯಂಟ್‌ನಲ್ಲಿ ಲಭ್ಯವಿದೆ. ಇದರಲ್ಲಿ 50ಎಮ್​ಪಿ ಸೆನ್ಸಾರ್ ಹೊಂದಿರುವ ರಿಯರ್‌ ಡ್ಯುಯಲ್‌ ಕ್ಯಾಮೆರಾ ಸೆಟಪ್​ ಅನ್ನು ಹೊಂದಿದೆ. ಹಾಗೂ 16MP ಇನ್-ಡಿಸ್ಪ್ಲೇ ಸೆಲ್ಫಿ ಕ್ಯಾಮೆರಾವನ್ನು ಸಹ ಅಳವಡಿಸಲಾಗಿದೆ. 5,000 mAh ಸಾಮರ್ಥ್ಯದ ಬ್ಯಾಟರಿಯೊಂದಿಗೆ ಪ್ಯಾಕ್‌ ಆಗಿರುವ ಈ ಫೋನ್‌ .33W ಸೂಪರ್‌ ವೂಕ್ ಚಾರ್ಜರ್‌ನೊಂದಿಗೆ ಬರುತ್ತದೆ.

ಇದನ್ನೂ ಓದಿ: ಬಜೆಟ್​​ ಬೆಲೆಯಲ್ಲಿ ಮಾರುಕಟ್ಟೆಗೆ ಲಗ್ಗೆಯಿಡ್ತಿದೆ ಮೊಟೊ ಇ13 ಮೊಬೈಲ್​! ಫೀಚರ್ಸ್​ ಹೇಗಿದೆ ಗೊತ್ತಾ?

ಪೋಕೋ ಎಮ್​4 ಪ್ರೋ ಸ್ಮಾರ್ಟ್​​​ಫೋನ್​

ಪೋಕೋ ಎಮ್​4 ಪ್ರೋ ಸ್ಮಾರ್ಟ್​​​ಫೋನ್​ ಅನ್ನು 13,999 ರೂಪಾಯಿಗಳಿಗೆ ಮಾರುಕಟ್ಟೆಯಲ್ಲಿ ಖರೀದಿ ಮಾಡಬಹುದಾಗಿದೆ. ಈ ಫೋನ್ 6.6 ಇಂಚಿನ ಫುಲ್ ಹೆಚ್‌ಡಿ+ ಡಿಸ್‌ಪ್ಲೇ ಹೊಂದಿದ್ದು, 90Hz ರಿಫ್ರೆಶ್‌ ರೇಟ್‌ ನೀಡಲಿದೆ. ಹಾಗೆಯೇ ಮೀಡಿಯಾ ಟೆಕ್ ಹಿಲಿಯೋ ಜಿ96 ನಲ್ಲಿ ಕಾರ್ಯನಿರ್ವವಹಿಸುತ್ತದೆ. ಹಾಗೆಯೇ ಇದು ಎರಡು ಸ್ಟೋರೇಜ್ ವೇರಿಯಂಟ್‌ನಲ್ಲಿ ಮಾರುಕಟ್ಟೆಯಲ್ಲಿ ಲಭ್ಯವಿದೆ. ಈ ಸ್ಮಾರ್ಟ್​ಫೋನ್​ ಟ್ರಿಪಲ್​ ರಿಯರ್​ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದ್ದು, 5000mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕಪ್ ಅನ್ನು ಸಹ ಹೊಂದಿದೆ.