Smartphones: ಆಕರ್ಷಕ ಫೀಚರ್​ಗಳಿದ್ದರೂ ಮಾರುಕಟ್ಟೆಯಲ್ಲಿ ಸೈಲೆಂಟ್ ಆದ ಸ್ಮಾರ್ಟ್​ಫೋನ್​ಗಳಿವು!

ಭಾರತದ ಮೊಬೈಲ್​ ಮಾರುಕಟ್ಟೆಯಲ್ಲಿ (Mobile Market) ಹೊಸ ಹೊಸ ಸ್ಮಾರ್ಟ್​​​ಫೋನ್​ಗಳು ಬಿಡುಗಡೆಯಾಗುತ್ತಲೇ ಇದೆ. ಕಡಿಮೆ ಎಂದರೂ ತಿಂಗಳಿಗೆ ಐದರಿಂದ ಏಳರ ತನಕ ಸ್ಮಾರ್ಟ್​​​ಫೋನ್​ಗಳು (Smartphones) ಬಿಡುಗಡೆಯಾಗುತ್ತಿದೆ. ಸ್ಮಾರ್ಟ್​​​ಫೋನ್​ಗಳಿಗೆ ಈಗಂತೂ ಎಲ್ಲಿಲ್ಲದ ಬೇಡಿಕೆ. ಇದೇ ವಿಷಯವನ್ನು ಮೊಬೈಲ್​ ಕಂಪೆನಿಗಳು ಗಮನದಲ್ಲಿಟ್ಟುಕೊಂಡು ಜಾಗತಿಕ ಮಾರುಕಟ್ಟೆಗೆ ವಿನೂತನ ಫೀಚರ್ಸ್​ಗಳನ್ನು (New Features) ಒಳಗೊಂಡ ಮೊಬೈಲ್​ಗಳನ್ನು ಪರಿಚಯಿಸುತ್ತಿದೆ. ಅದ್ರಲ್ಲೂ ಗ್ರಾಹಕರಿಗೆ ಕೈಗೆಟಕುವ ಬೆಲೆಯಿಂದ ಹಿಡಿದು ಪ್ರೀಮಿಯಂ ಬೆಲೆಯನ್ನು ಹೊಂದಿದ ಸಾಕಷ್ಟು ಸ್ಮಾರ್ಟ್​​ಫೋನ್​ಗಳು ಲಭ್ಯವಿದೆ. ಆದರೆ ಇತ್ತೀಚೆಗೆ ಬಿಡುಗಡೆಯಾದ ಕೆಲವೊಂದು ಮೊಬೈಲ್​ಗಳ ಸುದ್ದಿಯೇ ಇಲ್ಲದಂತಾಗಿದೆ. ಎಷ್ಟೇ ಆಕರ್ಷಕ ಫೀಚರ್ಸ್​ ಹೊಂದಿದ್ದರೂ ಮಾರುಕಟ್ಟೆಯಲ್ಲಿ ಕೆಲವು ಮೊಬೈಲ್​ಗಳಿಗೆ ಬೇಡಿಕೆಯೇ ಇಲ್ಲದಂತಾಗಿದೆ.

ಹೌದು, ಮಾರುಕಟ್ಟೆಯಲ್ಲಿ ಇತ್ತೀಚೆಗೆ ಹಲವಾರು ಸ್ಮಾರ್ಟ್​​ಫೋನ್​ಗಳು ಬಿಡುಗಡೆಯಾಗಿದೆ. ಕಡಿಮೆ ಬೆಲಯಿಂದ ಹಿಡಿದು ದುಬಾರಿ ಬೆಲೆಯನ್ನು ಹೊಂದಿದ, ಗುಣಮಟ್ಟದ ಫೀ ಚರ್ಸ್​ಗಳುಲ್ಲ ಸ್ಮಾರ್ಟ್​​ಫೋನ್​ಗಳು ಮಾರುಕಟ್ಟೆಯಲ್ಲಿವೆ. ಆದರೆ ಈ ಸಾಲಿನಲ್ಲಿ ಈ ಬಾರಿ ಬಿಡುಗಡೆಯಾದ ಉತ್ತಮ ಫೀಚರ್ಸ್​​ಗಳನ್ನು ಹೊಂದಿದ್ದರೂ ಮಾರುಕಟ್ಟೆಯಲ್ಲಿ ಮಾರಾಟವಾಗುವಲ್ಲಿ ವಿಫಲವಾದವು. ಆ ಸ್ಮಾರ್ಟ್​ಫೋನ್​ಗಳು ಯಾವುದೆಂಬುದನ್ನು ಈ ಲೇಖನದಲ್ಲಿ ಓದಿ.

ಐಕ್ಯೂ 9ಟಿ ಸ್ಮಾರ್ಟ್​​​ಫೋನ್​

ಮಾರುಕಟ್ಟೆಯಲ್ಲಿ ಎಷ್ಟೇ ಗುಣಮಟ್ಟದ ಫೀಚರ್ಸ್​​ ಹೊಂದಿದ್ದು ವಿಫಲವಾದ ಸ್ಮಾರ್ಟ್​ಫೋನ್​ಗಳಲ್ಲಿ ಐಕ್ಯೂ 9ಟಿ ಸ್ಮಾರ್ಟ್​​ಫೋನ್​ ಕೂಡ ಒಂದು. ಈ ಸ್ಮಾರ್ಟ್​ಫೋನ್​ 6.78 ಇಂಚಿನ ಫುಲ್‌ ಹೆಚ್‌ಡಿ + ಡಿಸ್‌ಪ್ಲೇ ಹೊಂದಿದೆ. ಇದು ಸ್ನಾಪ್‌ಡ್ರಾಗನ್ 8+ ಜೆನ್​ 1 ಎಸ್​ಓಸಿ ಪ್ರೊಸೆಸರ್‌ ಸಾಮರ್ಥ್ಯವನ್ನು ಪಡೆದುಕೊಂಡಿದೆ.

ಆಪ್ಟಿಕಲ್ ಇಮೇಜ್ ಸ್ಟೆಬಿಲೈಸೇಶನ್ (OIS) ಅನ್ನು ಬೆಂಬಲಿಸುವ 50 ಮೆಗಾಪಿಕ್ಸೆಲ್ ಮುಖ್ಯ ಕ್ಯಾಮೆರಾವನ್ನು ಸಹ ಇದು ಹೊಂದಿದೆ ಐಕ್ಯೂ 9ಟಿ ಸ್ಮಾರ್ಟ್‌ಫೋನ್‌ 4,700mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕಪ್​ ಅನ್ನು ಹೊಂದಿದ್ದು, ಈ ಬ್ಯಾಟರಿಯು 120W ವೇಗದ ಚಾರ್ಜಿಂಗ್‌ ಸಾಮರ್ಥ್ಯವನ್ನು ಹೊಂದಿದೆ. ವಿಶೇಷವಾಗಿ ಈ ಸ್ಮಾರ್ಟ್​​ಫೋನ್ ಫುಲ್​ ಚಾರ್ಜ್​ ಆಗಲು ಕೇವಲ 20 ನಿಮಿಷಗಳು ಸಾಕಾಗುತ್ತದೆ ಎಂದು ಕಂಪೆನಿ ತಿಳಿಸಿದೆ.

ಮೊಟೊರೊಲಾ ಎಡ್ಜ್​ 30 ಫ್ಯೂಶನ್​

ಮೊಟೊರೊಲಾ ಕಂಪೆನಿ ಇತ್ತೀಚೆಗೆ ಬಜೆಟ್​ ಬೆಲೆಯ ಮೊಟೊರೊಲಾ ಎಡ್ಜ್​ 30 ಫ್ಯೂಶನ್ ಎಂಬ ಸ್ಮಾರ್ಟ್​​​ಫೋನ್​ ಅನ್ನು ಬಿಡುಗಡೆ ಮಾಡಿತ್ತು. ಈ ಸ್ಮಾರ್ಟ್​​​ಫೋನ್​ ಮಾರುಕಟ್ಟೆಗೆ 39,999 ರೂಪಾಯಿ ಬೆಲೆಯಲ್ಲಿ ಅನಾವರಣವಾಗಿತ್ತು. ಬೆಲೆಗೆ ತಕ್ಕಂತೆ ಇದು ಉತ್ತಮ ಫೀಚರ್ಸ್​ಗಳನ್ನು ಸಹ ಹೊಂದಿತ್ತು. ಆದರೆ ಮಾರುಕಟ್ಟೆಯಲ್ಲಿ ಯಶಸ್ಸು ಸಾಧಿಸುವಲ್ಲಿ ಮಾತ್ರ ಈ ಸ್ಮಾರ್ಟ್​​ಫೋನ್​ ವಿಫಲವಾಯಿತು.

ಇನ್ನು ಈ ಸ್ಮಾರ್ಟ್​​​ಫೋನ್​ನ ಫೀಚರ್ಸ್​​ ಬಗ್ಗೆ ಹೇಳುವುದಾದರೆ, ಮೊಟೊರೊಲಾ ಎಡ್ಜ್​ 30 ಫ್ಯೂಶನ್​ ಸ್ಮಾರ್ಟ್​​ಫೋನ್​ 6.55 ಇಂಚಿನ ಕರ್ವ್ಡ್​ ಎಂಡ್‌ಲೆಸ್ ಎಡ್ಜ್ ಫೋಲ್ಡ್ ಡಿಸ್‌ಪ್ಲೇಯನ್ನು ಹೊಂದಿದೆ. ಇದು ಸ್ನಾಪ್‌ಡ್ರಾಗನ್‌ 888+ ಎಸ್​ಓಸಿ ಪ್ರೊಸೆಸರ್‌ ಅನ್ನು ಒಳಗೊಂಡಿದೆ. ಇನ್ನು ಈ ಸ್ಮಾರ್ಟ್​​ಫೋನ್​ನಲ್ಲಿ ಮುಖ್ಯ ಕ್ಯಾಮೆರಾ 50 ಮೆಗಾಪಿಕ್ಸೆಲ್‌ ಸೆನ್ಸಾರ್‌ ಅನ್ನು ಹೊಂದಿದೆ. ಇದು 4,400mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದೆ. ಈ ಬ್ಯಾಟರಿಯು 68W ಫಾಸ್ಟ್ ಚಾರ್ಜಿಂಗ್ ಸಾಮರ್ಥ್ಯವನ್ನು ಹೊಂದಿದೆ.

ಐಕ್ಯೂ 9 ಎಸ್​​​ಇ ಸ್ಮಾರ್ಟ್​​​ಫೋನ್​

ಐಕ್ಯೂ ಕಂಪೆನಿ ಮಾರುಕಟ್ಟೆಗೆ ಬಜೆಟ್​ ಬೆಲೆಯ ಸ್ಮಾರ್ಟ್​​ಫೋನ್​ಗಳನ್ನು ಬಿಡುಗಡೆ ಮಾಡುವ ಮೂಲಕ ಭಾರೀ ಜನಪ್ರಿಯತೆಯನ್ನು ಪಡೆದಿದೆ. ಸದ್ಯ ಮಾರುಕಟ್ಟೆಗೆ ಬಜೆಟ್​ ಬೆಲೆಯಲ್ಲಿ ಐಕ್ಯೂ 9 ಎಸ್​ಇ ಸ್ಮಾರ್ಟ್​​ಫೋನ್​ ಅನ್ನು 33,990 ರೂಪಾಯಿಗೆ ಪರಿಚಯಿಸಿತ್ತು. ಇಷ್ಟೊಂದು ಬೆಲೆಯನ್ನು ಹೊಂದಿರುವ ಈ ಸ್ಮಾರ್ಟ್​​​ಫೋನ್ ಉತ್ತಮ ಫೀಚರ್ಸ್​ಗಳನ್ನು ಸಹ ಹೊಂದಿತ್ತು. ಆದರೆ ಮಾರುಕಟ್ಟೆಯಲ್ಲಿ ಹೆಚ್ಚು ಮಾರಾಟವನ್ನು ಮಾತ್ರ ಕಾಣಲೇ ಇಲ್ಲ.

ಇನ್ನು ಐಕ್ಯೂ 9 ಎಸ್​ಇ 6.62 ಇಂಚಿನ ಫುಲ್‌ ಹೆಚ್‌ಡಿ+ ಅಮೋಲ್ಡ್​ ಡಿಸ್‌ಪ್ಲೇ ಹೊಂದಿದೆ. ಇದು ಕ್ವಾಲ್ಕಾಮ್‌ ಸ್ನಾಪ್‌ಡ್ರಾಗನ್ 888 SoC ಪ್ರೊಸೆಸರ್‌ನೊಂದಿಗೆ ರನ್ ಆಗುತ್ತದೆ. ಹಾಗೆಯೇ ಈ ಸ್ಮಾರ್ಟ್​ಫೋನ್​ ವಿಶೇಷವಾಗಿ ಟ್ರಿಪಲ್‌ ರಿಯರ್‌ ಕ್ಯಾಮೆರಾ ಸೆಟಪ್‌ ಅನ್ನು ಹೊಂದಿದ್ದು, ಇದರಲ್ಲಿ ಮುಖ್ಯ ಕ್ಯಾಮೆರಾ 48 ಮೆಗಾಪಿಕ್ಸೆಲ್ ಸೋನಿ IMX598 ಸೆನ್ಸಾರ್‌ ಅನ್ನು ಅಳವಡಿಸಲಾಗಿದೆ. ಇದು 4,500mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕಪ್ ಅನ್ನು ಹೊಂದಿದೆ. ಈ ಬ್ಯಾಟರಿಯು 66W ವೇಗದ ಚಾರ್ಜಿಂಗ್ ಸಾಮರ್ಥ್ಯವನ್ನು ಹೊಂದಿದೆ.

ವಿವೋ ಎಕ್ಸ್​80 ಸ್ಮಾರ್ಟ್​​ಫೋನ್​

ವಿವೋ ಕಂಪೆನಿ ಮಾರುಕಟ್ಟೆಯಲ್ಲಿ ವಿಶೇಷ ಫೀಚರ್ಸ್​ಗಳನ್ನೊಳಗೊಂಡ ಸ್ಮಾರ್ಟ್​​​​ಫೋನ್​ಗಳನ್ನು ಪರಿಚಯಿಸುವ ಮೂಲಕ ಭಾರೀ ಜನಪ್ರಿಯತೆಯನ್ನು ಪಡೆದಿದೆ. ಇದೀಗ ಮಾರುಕಟ್ಟೆಯಲ್ಲಿ ವೇಗದ ಸ್ಮಾರ್ಟ್​​​ಫೋನ್​ ಎಂಬ ಹೆಸರನ್ನು ಪಡೆದಿರುವ ವಿವೋ ಎಕ್ಸ್​80 ಸ್ಮಾರ್ಟ್​​ಫೋನ್​ 79,999 ರೂಪಾಯಿ ಬೆಲೆಯಲ್ಲಿ ಮಾರುಕಟ್ಟೆಗೆ ಬಿಡುಗಡೆಯಾಗಿದೆ. ಇದು 6.78 ಇಂಚಿನ ಹೆಚ್‌ಡಿ ಡಿಸ್‌ಪ್ಲೇಯನ್ನು ಒಳಗೊಂಡಿದೆ.

ಸ್ಮಾರ್ಟ್​ಫೋನ್ಸ್​

ಇನ್ನು ಈ ವಿವೋ ಎಕ್ಸ್​80 ಸ್ಮಾರ್ಟ್​​ಫೋನ್​ ಮೀಡಿಯಾಟೆಕ್‌ ಡೈಮೆನ್ಸಿಟಿ 9000 SoC ಪ್ರೊಸೆಸರ್‌ನಿಂದ ಕಾರ್ಯನಿರ್ವಹಿಸುತ್ತದೆ. ಇದರಲ್ಲಿ ಮುಖ್ಯ ಕ್ಯಾಮೆರಾ 50 ಮೆಗಾಪಿಕ್ಸೆಲ್ ಸೋನಿ IMX866 RGBW ಸೆನ್ಸಾರ್‌ ಹೊಂದಿದೆ. ಜೊತೆಗೆ 4,500mAh ಬ್ಯಾಟರಿಯನ್ನು ಹೊಂದಿದ್ದು, ಇದು 80W ವೇಗದ ಚಾರ್ಜಿಂಗ್ ಸಾಮರ್ಥ್ಯವನ್ನು ಹೊಂದಿದೆ.

ರಿಯಲ್​ಮಿ ಜಿಟಿ ನಿಯೋ 3: ಸ್ಮಾರ್ಟ್​​ಫೋನ್​

ರಿಯಲ್​ಮಿ ಸ್ಮಾರ್ಟ್​​ಫೋನ್​ ಉತ್ತಮ ಫೀಚರ್ಸ್​​ ಮೂಲಕ ಮಾರುಕಟ್ಟೆಯಲ್ಲಿ ಭಾರೀ ಬೇಡಿಕೆಯನ್ನು ಹೊಂದಿದೆ. ಇತ್ತೀಚೆಗೆ 42,999 ರೂಪಾಯಿಗೆ ರಿಯಲ್​ಮಿ ಜಿಟಿ ನಿಯೋ 3 ಸ್ಮಾರ್ಟ್​​ಫೋನ್​ ಅನ್ನು ಬಿಡುಗಡೆ ಮಾಡಿದೆ. ಈ ಸ್ಮಾರ್ಟ್​​​ಫೋನ್​ 6.43 ಇಂಚಿನ ಹೆಚ್‌ಡಿ+ ಅಮೋಲ್ಡ್​ ಡಿಸ್‌ಪ್ಲೇಯನ್ನು ಹೊಂದಿದೆ. ಇದು ಮೀಡಿಯಾ ಟೆಕ್ ಡೈಮೆನ್ಸಿಟಿ 8100 ಎಸ್​ಓಸಿ ಪ್ರೊಸೆಸರ್‌ ಸಾಮರ್ಥ್ಯದೊಂದಿಗೆ ಕಾರ್ಯನಿರ್ವಹಿಸುತ್ತದೆ.

ಇದನ್ನೂ ಓದಿ: ಆಕ್ಟಿವಾ ಸ್ಕೂಟರ್​ ಸ್ಟಾರ್ಟ್​ ಮಾಡೋಕೆ ಈಗ ಕೀ ಬೇಕಾಗಿಲ್ಲ!

ಇನ್ನು ಇದು ಟ್ರಿಪಲ್ ರಿಯರ್‌ ಕ್ಯಾಮೆರಾ ಸೆಟಪ್​ ಅನ್ನು ಹೊಂದಿದ್ದು, ಇದರಲ್ಲಿ ಮುಖ್ಯ ಕ್ಯಾಮೆರಾ 50 ಮೆಗಾ ಪಿಕ್ಸೆಲ್ ಸೆನ್ಸಾರ್​ ಅನ್ನು ಒಳಗೊಂಡಿದೆ. ಜೊತೆಗೆ 4,500 mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕಪ್​ ಅನ್ನು ಸಹ ಹೊಂದಿದೆ. ಈ ಬ್ಯಾಟರಿಯು 150W ಸಾಮರ್ಥ್ಯದ ಆಲ್ಟ್ರಾ ಫಾಸ್ಟ್‌ ಚಾರ್ಜಿಂಗ್ ಬಲವನ್ನು ಪಡೆದಿದೆ. ಈ ಮೂಲಕ ಕೇವಲ 5 ನಿಮಿಷಗಳಲ್ಲಿ 0 ರಿಂದ 50% ನಷ್ಟು ನಿಮ್ಮ ಮೊಬೈಲ್​ ಅನ್ನು ಚಾರ್ಜ್ ಮಾಡುತ್ತದೆ.