Smartwatches: 2022 ರಲ್ಲಿ ಅತೀಹೆಚ್ಚು ಸದ್ದು ಮಾಡಿದ ಸ್ಮಾರ್ಟ್​ವಾಚ್​ಗಳಿವು! ಹೇಗಿದೆ ಗೊತ್ತಾ ಲುಕ್​

ಭಾರತದಲ್ಲಿ (India) ಈ ಬಾರಿ ಹಲವಾರು ಸ್ಮಾರ್ಟ್​​ವಾಚ್​ಗಳು (Smartwatch) ಬಿಡುಗಡೆಯಾಗಿದೆ. ಆದರೆ 2022 ರಲ್ಲಿ ಬಿಡುಗಡೆಯಲ್ಲಿ ಅತೀ ಹೆಚ್ಚು ಸದ್ದು ಮಾಡಿದ ಸ್ಮಾರ್ಟ್​ವಾಚ್​ಗಳು ಯಾವುದೆಂಬುದು ಇಲ್ಲಿದೆ. ಈಗಿನ ಸ್ಮಾರ್ಟ್​​ವಾಚ್​ಗಳು ಮೊಬೈಲ್​ನಂತೆಯೇ ಉತ್ತಮ ಫೀಚರ್ಸ್​ಗಳನ್ನು (Features) ಒಳಗೊಂಡಿದ್ದು ಗ್ರಾಹಕರನ್ನು ಬೇಗನೆ ಆಕರ್ಷಿಸುತ್ತಿದೆ. ಇತ್ತೀಚೆಗ ಬಿಡುಗಡೆಯಾದ ಸ್ಮಾರ್ಟ್​ವಾಚ್​ಗಳು ಕಡಿಮೆ ಬೆಲೆಯಿಂದ ಹಿಡಿದು ಹೆಚ್ಚಿನ ಬೆಲೆಯವರೆಗೆ ಗ್ರಾಹಕರಿಗೆ ಕೈಗೆಟಕುವ ಬೆಲೆಯಲ್ಲಿ ಮಾರುಕಟ್ಟೆಯಲ್ಲಿ ಲಭ್ಯವಿದೆ. ಪ್ರಸ್ತುತವಾಗಿ ಜನರು ಸ್ಮಾರ್ಟ್​ಫೋನ್​ (Smartphone)ಗಳ ಮೇಲೆ ಹೇಗೆ ಒಲವು ತೋರಿಸುತ್ತಾರೋ ಅದೇ ರೀತಿ ಸ್ಮಾರ್ಟ್​ವಾಚ್​ಗಳ ಮೇಲೆ ಕೂಡ ಒಲವು ತೋರಿಸುತ್ತಿದ್ದಾರೆ. ಆದ್ದರಿಂದ ಕಂಪನಿಗಳು ಕೂಡ ಈ ಬೇಡಿಕೆಯನ್ನು ನೋಡಿಕೊಂಡು ಬ್ರಾಂಡ್​ಗಳನ್ನು ಬಿಡುಗಡೆ ಮಾಡುತ್ತಿದೆ. 

ಗ್ರಾಹಕರನ್ನು ಗಮನಸೆಳೆಯುವಂತಹ ಸ್ಮಾರ್ಟ್​ವಾಚ್​ಗಳು ಮಾರುಕಟ್ಟೆಗೆ ಹಲವಾರು ಕಾಲಿಟ್ಟಿದೆ. ಆದರೆ ಬೇಡಿಕೆಯಲ್ಲಿರುವಂತಹ ಸ್ಮಾರ್ಟ್​ವಾಚ್​ಗಳು ಕೆಲವೇ ಕೆಲವು. ಹಾಗಿದ್ರೆ ಈ ಬಾರಿ ಸದ್ದು ಮಾಡಿದಂತಹ ಸ್ಮಾರ್ಟ್​ವಾಚ್​ಗಳು ಯಾವುದೆಂಬುದನ್ನು ಇಲ್ಲಿ ತಿಳಿಯಿರಿ.

ಒನ್​ಪ್ಲಸ್​​ ನಾರ್ಡ್​ ಸ್ಮಾರ್ಟ್​ವಾಚ್​

ಈ ವರ್ಷ ಬಾರತದಲ್ಲಿ ಕೈಗೆಟಕುವ ಬೆಲೆಯಲ್ಲಿ ಒನ್​ಪ್ಲಸ್​ ನಾರ್ಡ್​ ಸ್ಮಾರ್ಟ್​ವಾಚ್ ಬಿಡುಗಡೆಯಾಗಿದೆ.  ಈ ಸ್ಮಾರ್ಟ್​ವಾಚ್​ ಅನ್ನು ಮಾರುಕಟ್ಟೆಯಲ್ಲಿ 4,999 ರೂಪಾಯಿಗೆ ಖರೀದಿ ಮಾಡಬಹುದಾಗಿದೆ. ಇನ್ನು ಇದರ ಫೀಚರ್ಸ್​ ಬಗ್ಗೆ ಮಾತನಾಡುವುದಾದರೆ ಇದು 1.78 ಇಂಚಿನ HD ಅಮೋಲ್​ಡ್​ ಡಿಸ್‌ಪ್ಲೇ ಹೊಂದಿದೆ. ಈ ಡಿಸ್‌ಪ್ಲೇ 368x448 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಸಾಮರ್ಥ್ಯವನ್ನು ಪಡೆದಿದೆ. ಈ ಸ್ಮಾರ್ಟ್‌ವಾಚ್‌ 30 ದಿನಗಳ ಸ್ಟ್ಯಾಂಡ್‌ಬೈ ಟೈಂ ಜೊತೆಗೆ 10 ದಿನಗಳ ಬ್ಯಾಟರಿ ಬ್ಯಾಕಪ್​ ಅನ್ನು ನೀಡುತ್ತದೆ. ಇದು SpO2, ಹೃದಯ ಬಡಿತ ಮಾನಿಟರ್​ ಅನ್ನು ಒಳಗೊಂಡಿದೆ.

ಇದನ್ನೂ ಓದಿ: ಭಾರತದಲ್ಲಿ ಹೆಚ್ಚುತ್ತಿದೆ ಸೈಬರ್ ಕ್ರೈಂ: 3 ವರ್ಷದಲ್ಲಿ 6 ಲಕ್ಷಕ್ಕೂ ಅಧಿಕ ದೂರುಗಳು ದಾಖಲು

ರಿಯಲ್​ಮಿ ವಾಚ್​ 3

ರಿಯಲ್​ಮಿ ಕಂಪನಿ ಸ್ಮಾರ್ಟ್​ಫೋನ್​ಗಳಲ್ಲಿ ಬಹಳಷ್ಟು ಮುಂಚೂಣಿಯಲ್ಲಿರುವಂತಹ ಕಂಪನಿಯಾಗಿದೆ. ಇದೀಗ ಸ್ಮಾರ್ಟ್​​ವಾಚ್​ಗಳನ್ನು ಬಿಡುಗಡೆ ಮಾಡುವ ಮೂಲಕ ಬಹಳಷ್ಟು ಸದ್ದು ಮಾಡಿದೆ. ಈ ಸ್ಮಾರ್ಟ್​ವಾಚ್​ ಐಫೋನ್​ ಮೊಬೈಲ್​ಗೆ ಸಪೋರ್ಟ್​ ಅನ್ನು ಪಡೆಯುತ್ತದೆ. ಇದರಲ್ಲಿ ಬಳಕೆದಾರರು ಐಫೋನ್ ಅನ್ನು ಬ್ಲೂಟೂತ್ ಮೂಲಕ ಕನೆಕ್ಟ್‌ ಮಾಡುವ ಮೂಲಕ ಕಾಲ್‌ಗಳನ್ನು ರಿಸೀವ್‌ ಮಾಡುವುದಕ್ಕೆ ಅವಕಾಶವಿದೆ. ಈ ಸ್ಮಾರ್ಟ್​ವಾಚ್​ ಅನ್ನು ಒಮ್ಮೆ ಫುಲ್​ ಚಾರ್ಜ್​ ಮಾಡಿದ್ರೆ 7 ದಿನಗಳವರೆಗೆ ನಿರಂತರವಾಗಿ ಬಳಸಬಹುದಾಗಿದೆ. ಪ್ರಸ್ತುತ ಭಾರತದ ಮಾರುಕಟ್ಟೆಯಲ್ಲಿ ಇದನ್ನು 3,499ರೂಪಾಯಿಯಲ್ಲಿ ಖರೀದಿ ಮಾಡಬಹುದಾಗಿದೆ.

ಅಮೇಜ್​ಫಿಟ್​ ಬಿಪ್​ 3

ಅಮೇಜ್​ಫಿಟ್​ ಬಿಪ್​ 3 ಸ್ಮಾರ್ಟ್​ವಾಚ್ ಬಹಳಷ್ಟು ಫೀಚರ್ಸ್​ಅನ್ನು ಒಳಗೊಂಡಿದೆ. ಇದು ಮಾರುಕಟ್ಟೆಯಲ್ಲಿ ಬಹಳಷ್ಟು ಸಂಚಲನವನ್ನು ಮೂಡಿಸಿದ ಸ್ಮಾರ್ಟ್​ವಾಚ್​ ಎನ್ನಬಹುದಾಗಿದೆ. ಈ ಸ್ಮಾರ್ಟ್‌ವಾಚ್‌ 10 ದಿನಗಳ ಬ್ಯಾಟರಿ ಬಾಳಿಕೆಯನ್ನು ಹೊಂದಿದೆ. ಈ ಸ್ಮಾರ್ಟ್‌ವಾಚ್‌ ಗುಣಮಟ್ಟದ ಡಿಸ್‌ಪ್ಲೇಯನ್ನು ಹೊಂದಿದೆ. ಇದು ಸ್ಲೀಪ್ ಟ್ರ್ಯಾಕರ್, ಹೃದಯ ಬಡಿತ, SpO2 ಮತ್ತು ಮಲ್ಟಿ ಸ್ಪೋರ್ಟ್ಸ್‌ ಮೋಡ್‌ಗಳನ್ನು ಒಳಗೊಂಡಿದೆ. ಈ ಸ್ಮಾರ್ಟ್‌ವಾಚ್‌ ಸದ್ಯ ಭಾರತದಲ್ಲಿ 3,499 ರೂಪಾಯಿ ಬೆಲೆಯಲ್ಲಿ ಪಡೆಯಬಹುದಾಗಿದೆ.

ರೆಡ್​​ಮಿ ವಾಚ್​ 2 ಲೈಟ್​

ಶಿಯೋಮಿ ಕಂಪನಿಯಿಂದ ಸಾಕಷ್ಟು ಬ್ರಾಂಡ್​ಗಳು ಇದುವರೆಗೆ ಬಿಡುಗಡೆಯಾಗಿವೆ. ಆದರೆ ಸ್ಮಾರ್ಟ್​ವಾಚ್​ಗಳು ರೆಡ್​ಮಿ ಕಂಪನಿಯಲ್ಲಿ ಹಲವಾರು ಬಿಡುಗಡೆಯಾಗಿದೆ. ಆದರೆ ಈ ಬಾರಿ ಶಿಯೋಮಿ ಕಂಪನಿಯ ಅಡಿಯಲ್ಲಿ ರೆಡ್​ಮಿ ವಾಚ್​ 2 ಲೈಟ್​ ಸ್ಮಾರ್ಟ್​ವಾಚ್ ಬಹಳ ಬೇಡಿಕೆಯಲ್ಲಿರುವ ಬ್ರಾಂಡ್ ಆಗಿದೆ. ಇನ್ನು ಇದರ ಫೀಚರ್ಸ್ ಬಗ್ಗೆ ಹೇಳುವುದಾದರೆ, ಇದು SpO2 ಟ್ರ್ಯಾಕರ್, ನಿದ್ರೆಯ ಮಾನಿಟರಿಂಗ್, 5ATM ವಾಟರ್‌ ರೆಸಿಸ್ಟೆನ್ಸ್‌, 120+ ವಾಚ್ ಫೇಸ್‌ಗಳನ್ನು ಟ್ರ್ಯಾಕ್‌ ಮಾಡಲಿದೆ. ಇದಲ್ಲದೆ ಈ ಸ್ಮಾರ್ಟ್‌ವಾಚ್‌ ಮಲ್ಟಿ ಕಲರ್‌ ಆಯ್ಕೆಗಳಲ್ಲಿ ಕೂಡ ದೊರೆಯಲಿದೆ. ಪ್ರಸ್ತುತ ಭಾರತದಲ್ಲಿ ಇದರ ಬೆಲೆ 3,499 ರೂಪಾಯಿ ಆಗಿದೆ.

ಫೈರ್​​ಬೋಲ್ಟ್​ ರಿಂಗ್​ 3 ಸ್ಮಾರ್ಟ್​​ವಾಚ್​

ಫೈರ್​ಬೋಲ್ಟ್​ ಕಂಪನಿಯಿಂದ ಬಿಡುಗಡೆಯಾಗಿರುವಂತಹ ಸ್ಮಾರ್ಟ್​ವಾಚ್​ಗಳಲ್ಲಿ ಫೈರ್​ಬೋಲ್ಟ್​ ರಿಂಗ್​ 3 ವಾಚ್​ ಕೂಡ ಒಂದು.ಈ ವಾಚ್​ನಲ್ಲಿ ಕೂಡ ಬ್ಲೂಟೂತ್ ಕಾಲಿಂಗ್‌ ಫೀಚರ್ಸ್‌ ಒಳಗೊಂಡಿದೆ. ಈ ಸ್ಮಾರ್ಟ್‌ವಾಚ್‌ ಮಲ್ಟಿ ವಾಚ್‌ಫೇಸ್‌ಗಳನ್ನು ನೀಡಲಿದೆ. ಇದರಲ್ಲಿ ಡಯಲ್ ಅನ್ನು ತಿರುಗಿಸುವ ಮೂಲಕ ಬಳಕೆದಾರರು ವಾಲ್‌ಪೇಪರ್ ಅಥವಾ ವಾಚ್ ಫೇಸ್ ಅನ್ನು ಬದಲಾಯಿಸುವುದಕ್ಕೆ ಅವಕಾಶವಿದೆ. ಇನ್ನು ಈ ಸ್ಮಾರ್ಟ್‌ವಾಚ್‌ ಇನ್‌ಬಿಲ್ಟ್‌ ಕ್ಯಾಲ್ಕುಲೇಟರ್ ಮತ್ತು ಗೇಮ್ಸ್‌, SpO2 ಮತ್ತು ಹಾರ್ಟ್‌ಬೀಟ್‌ ಮಾನಿಟರಿಂಗ್ ಅನ್ನು ಒಳಗೊಂಡಿದೆ. ಈ ಸ್ಮಾರ್ಟ್‌ವಾಚ್‌ ಪ್ರಸ್ತುತ 2,999ರೂ. ಬೆಲೆಯಲ್ಲಿ ಲಭ್ಯವಾಗಲಿದೆ.