Apple Devices: ಆ್ಯಪಲ್​ ಗ್ರಾಹಕರಿಗೆ ಶಾಕಿಂಗ್ ನ್ಯೂಸ್​! ಈ ಎರಡು ಡಿವೈಸ್​ಗಳ ಬೆಲೆ ಏರಿಕೆ ಮಾಡಿದ ಕಂಪೆನಿ

ಆ್ಯಪಲ್​ ಕಂಪೆನಿಯ ಉತ್ಪನ್ನಗಳೆಂದರೆ ಮಾರುಕಟ್ಟೆಯಲ್ಲಿ ಎಲ್ಲರಿಗೂ ಇಷ್ಟನೇ. ಇದು ವಿಭಿನ್ನ ವಿನ್ಯಾಸದ ಮೂಲಕ ಗ್ರಾಹಕರ ಗಮನ ಸೆಳೆಯುತ್ತವೆ. ಅದೇ ರೀತಿ ಗ್ರಾಹಕರು ಮಾರುಕಟ್ಟೆಗೆ ಹೊಸ ಐಫೋನ್​ ಅಥವಾ ಇನ್ನಿತರೆ ಡಿವೈಸ್​ ಬಿಡುಗಡೆಯಾದರೆ ಸಾಕು ಕುತೂಹಲದಿಂದ ನೋಡುತ್ತಾರೆ. ಇತ್ತೀಚೆಗೆ ಕಂಪೆನಿಗಳು ಸ್ಮಾರ್ಟ್​ಫೋನ್​​ಗಳನ್ನು, ಗ್ಯಾಜೆಟ್ಸ್​ಗಳನ್ನು,ಎಲೆಕ್ಟ್ರಾನಿಕ್​ ಸಾಧನಗಳ ಬೆಲೆ ಕಡಿಮೆ ಮೂಲಕ ಗ್ರಾಹಕರನ್ನು ತನ್ನತ್ತ ಆಕರ್ಷಿಸುವ ಪ್ರಯತ್ನವನ್ನು ಮಾಡುತ್ತಿದೆ. ಆದರೆ ಐಫೋನ್​ನ ಡಿವೈಸ್​ಗಳ ಬೆಲೆ ದುಬಾರಿಯೇ ಆದರೆ ಇತ್ತೀಚೆಗೆ ಈ ಕಂಪೆನಿ ಸಹ ಬೆಲೆಯನ್ನು ಇಳಿಕೆ ಮಾಡಿದ್ದನ್ನು ನೋಡಬಹುದು. ಆದರೆ ಇದೀಗ ಆ್ಯಪಲ್ ಗ್ರಾಹಕರಿಗೆ ಶಾಕಿಂಗ್​ ನ್ಯೂಸ್ ಅನ್ನು ನೀಡಿದೆ. ಆ್ಯಪಲ್​ ಸಾಧನಗಳ ಮೇಲೆ ಕಂಪೆನಿ ಬೆಲೆ ಏರಿಕೆ ಮಾಡಿದೆ.

ಆ್ಯಪಲ್​ ಕಂಪೆನಿಯಿಂದ ಇತ್ತೀಚೆಗೆ ಹೋಮ್​ಪ್ಯಾಡ್​ ಮಿನಿ ಮತ್ತು ಐಮ್ಯಾಕ್​ ಡಿವೈಸ್​ಗಳನ್ನು ಬಿಡುಗಡೆ ಮಾಡಿತ್ತು. ಇದೀಗ ಈ ಕಂಪೆನಿ ಈ ಎರಡು ಡಿವೈಸ್​ಗಳ ಮೇಲೆ ಬೆಲೆಯನ್ನು ಏರಿಕೆ ಮಾಡಿದೆ. ಜಾಗತಿಕ ಮಾರುಕಟ್ಟೆಯಲ್ಲಿ ಇದೀಗ ಈ ನಿಯಮವನ್ನು ಜಾರಿಗೆ ತಂದಿದ್ದು, ಭಾರತದಲ್ಲಿಯೂ ಇದು ಅನ್ವಯವಾಗಲಿದೆ ಎಂದು ತಂತ್ರಜ್ಞರು ತಿಳಿಸಿದ್ದಾರೆ.

ಹೋಮ್​ಪಾಡ್​ ಮಿನಿ ಮತ್ತು ಐಮ್ಯಾಕ್​ಗಳ ಮೇಲೆ ಬೆಲೆ ಏರಿಕೆ

ಸದ್ಯ ಎಲ್ಲಾ ಕಂಪೆನಿಗಳು ಟೆಕ್​ ಡಿವೈಸ್​ಗಳ ಬೆಲೆಯನ್ನು ಇಳಿಕೆ ಮಾಡುತ್ತಿರುವಾಗ ಆ್ಯಪಲ್​ ಕಂಪೆನಿ ಮಾತ್ರ ತನ್ನ ಬ್ರಾಂಡ್​ನ ಎರಡು ಡಿವೈಸ್​ಗಳ ಬೆಲೆಯನ್ನು ಭರ್ಜರಿಯಾಗಿ ಏರಿಕೆ ಮಾಡಿದೆ. ಹೌದು ಇದರಲ್ಲಿ ಹೋಮ್‌ಪಾಡ್‌ ಮಿನಿ ಬೆಲೆಯಲ್ಲಿ 1,000 ರೂಪಾಯಿಯಷ್ಟು ಏರಿಕೆ ಮಾಡಿದೆ. ಈ ಮೂಲಕ ಈ ಡಿವೈಸ್​ನ ಬೆಲೆಯು ಈಗ 10,900 ರೂಪಾಯಿ ಆಗಿದೆ.

ಅದೇ ರೀತಿ ಐಮ್ಯಾಕ್‌ ಬೆಲೆಯಲ್ಲಿ 10,000 ರೂಪಾಯಿ ಹೆಚ್ಚಳ  ಮಾಡಲಾಗಿದೆ. ಈ ಏರಿಕೆಯ ಹಿನ್ನಲೆಯಲ್ಲಿ ಐಮ್ಯಾಕ್​ನ ದರವು ಈಗ 1,29,900 ರೂಪಾಯಿ ಆಗಿದೆ.

ಹೋಮ್​ಪಾಡ್​​ ಮಿನಿ ಫೀಚರ್ಸ್​

ಆ್ಯಪಲ್​ ಕಂಪೆನಿಯ ಹೋಮ್‌ಪಾಡ್‌ ಮಿನಿ ಡಿವೈಸ್‌ ಅನ್ನು 2020 ರಲ್ಲಿ ಭಾರತದಲ್ಲಿ ಮೊದಲ ಬಾರಿಗೆ ಪರಿಚಯಿಸಿಲಾಯಿತು. ಇದು ಮೆಶ್ ಫ್ಯಾಬ್ರಿಕ್ ವಿನ್ಯಾಸದಲ್ಲಿ ಬಿಡುಗಡೆಯಾಗಿದೆ. ಹಾಗೆಯೇ ಇದು S5 ಚಿಪ್ ಮತ್ತು U1 ಚಿಪ್‌ನೊಂದಿಗೆ ಕಾರ್ಯನಿರ್ವಹಿಸುತ್ತದೆ.

ಆ್ಯಪಲ್​ ಡಿವೈಸ್​

ಇದು ಸಿರಿಗೆ ನಾಲ್ಕು ಮೈಕ್ರೊಫೋನ್ ಬೆಂಬಲವನ್ನು ಪಡೆದಿದೆ. ಹೊಸ ಹೋಮ್‌ಪಾಡ್‌ನಂತೆಯೇ, ಇದು ಕೂಡ ವಾಯ್ಸ್​ ಗುರುತಿಸುವಿಕೆ, ತಾಪಮಾನ ಮತ್ತು ತೇವಾಂಶ ಸೆನ್ಸಾರ್​​ಗಳು ಮತ್ತು ಸ್ಟೀರಿಯೋ ಆಯ್ಕೆಗಳನ್ನು ಹೊಂದಿದೆ. ಹೋಮ್‌ಪಾಡ್ ಮಿನಿ ನೀಲಿ, ಸ್ಪೇಸ್ ಗ್ರೇ, ಬಿಳಿ, ಹಳದಿ ಮತ್ತು ಕಿತ್ತಳೆ ಬಣ್ಣಗಳಲ್ಲಿ ಮಾರುಕಟ್ಟೆಯಲ್ಲಿ ಖರೀದಿಸಬಹುದಾಗಿದೆ.

ಆ್ಯಪಲ್ ಐಮ್ಯಾಕ್​ ಫೀಚರ್ಸ್​

ಆಪಲ್‌ ಐಮ್ಯಾಕ್‌ 24 ಇಂಚಿನ ಡಿವೈಸ್‌ 4480 x 2520 ಪಿಕ್ಸೆಲ್ ಸ್ಕ್ರೀನ್‌ ರೆಸಲ್ಯೂಶನ್‌ ಸಾಮರ್ಥ್ಯದ 24 ಇಂಚಿನ 4.5K ರೆಟಿನಾ ಡಿಸ್‌ಪ್ಲೇಯನ್ನು ಹೊಂದಿದೆ. ಇದು ಎಮ್​​1 ಆಧಾರಿತ ಐಮ್ಯಾಕ್ ಹೊಚ್ಚ ಹೊಸ ವಿನ್ಯಾಸವನ್ನು ಹೊಂದಿದೆ. ಮುಂಭಾಗದಲ್ಲಿ ಡಿಸ್ಟ್ರಕ್ಷನ್‌-ಫ್ರೀ-ಮ್ಯೂಟೆಡ್‌ ಕಲರ್‌ ಮತ್ತು ಹಿಂಭಾಗದಲ್ಲಿ ಬ್ರೈಟ್‌ನೆಸ್‌ ಕಲರ್‌ ಅನ್ನು ಒಳಗೊಂಡಿದೆ. ಇನ್ನು ಈ ಐಮ್ಯಾಕ್ ಆ್ಯಪಲ್​ನ ಟ್ರೂ ಟೋನ್ ಟೆಕ್ ಫಾರ್ ಕಲರ್ ಬ್ಯಾಲೆನ್ಸ್, P3 ವೈಡ್ ಕಲರ್ ಗ್ಯಾಮಟ್, 500 ನಿಟ್ಸ್ ಪೀಕ್ ಬ್ರೈಟ್‌ನೆಸ್ ಮತ್ತು ಲೋ ರಿಫ್ಲೆಕ್ಟಿವಿಟಿ ಕೋಟಿಂಗ್​ ಅನ್ನು ಹೊಂದಿದೆ.

ಇದನ್ನೂ ಓದಿ: ಐಫೋನ್​ನ ಈ ಹಿಡನ್ ಫೀಚರ್ಸ್​ ನೋಡಿದ್ರೆ ಗಾಬರಿಯಾಗ್ತೀರಾ! ಹೇಗಿದೆ ಗೊತ್ತಾ?

ಇನ್ನು ಈ ಐಮ್ಯಾಕ್‌ನಲ್ಲಿ 1080p ವೆಬ್‌ಕ್ಯಾಮ್ ಅನ್ನು ಒದಗಿಸಲಾಗಿದ್ದು, ಇದು ಫೇಸ್‌ ಡಿಟೆಕ್ಷನ್‌ ಮತ್ತು ಕಲರ್‌ ಬ್ಯಾಲೆನ್ಸ್‌ಗಾಗಿ ಎಮ್​1 ನ್ಯೂರಲ್‌ ಇಂಜಿನ್‌ ಸಹಾಯ ಮಾಡಲಿದೆ. ಆ್ಯಪಲ್​ ಕಂಪೆನಿಯು ಬೀಮ್‌ಫಾರ್ಮಿಂಗ್ ತಂತ್ರಜ್ಞಾನದೊಂದಿಗೆ ಸ್ಟುಡಿಯೋ ಗುಣಮಟ್ಟದ 3-ಮೈಕ್ ಅರೇ ಮತ್ತು ಡಾಲ್ಬಿ ಅಟ್ಮೋಸ್ ಪ್ರಮಾಣೀಕೃತ 6 ಸ್ಪೀಕರ್ ಸೆಟಪ್​ ಅನ್ನು ಸಹ ಒಳಗೊಂಡಿದೆ.