IPhone Tips: ಐಫೋನ್​ನಲ್ಲಿ ಯಾರಿಗೂ ಗೊತ್ತಿರದ ಸೆಟ್ಟಿಂಗ್ಸ್​ಗಳಿವು! ಏನದು ಈಗಲೇ ನೋಡಿ

ಐಫೋನ್ (IPhone) ಎಂದರೆ ಯಾರಿಗೆ ಇಷ್ಟ ಇಲ್ಲ ಹೇಳಿ. ಪ್ರತಿಯೊಬ್ಬರಿಗೂ ಜೀವನದಲ್ಲಿ ಒಮ್ಮೆಯಾದರೂ ಐಫೋನ್ ಅನ್ನು ಖರೀದಿಸ್ಬೇಕು ಅನ್ನೋ ಆಸೆ ಇರುತ್ತದೆ. ಆದರೆ ಇದರ ಬೆಲೆ ಸ್ವಲ್ಪ ಮಟ್ಟಿಗೆ ದುಬಾರಿಯಾಗಿರುವುದರಿಂದ ಬೇಕೆಂದಾಗ ಖರೀದಿಸಲು ಸಾಧ್ಯವಾಗುವುದಿಲ್ಲ. ಆ್ಯಪಲ್​ ಕಂಪೆನಿಯಿಂದ (Apple Company) ಬಿಡುಗಡೆಯಾಗುವಂತಹ ಬಹುತೇಕ ಎಲ್ಲಾ ಡಿವೈಸ್​ಗಳು ಉತ್ತಮ ಫೀಚರ್​​ಗಳನ್ನೇ ಹೊಂದಿರುತ್ತದೆ. ಅದರಲ್ಲಿ ಐಫೋನ್​ಗಳಿಗಂತೂ ಮಾರುಕಟ್ಟೆಯಲ್ಲಿ ಎಲ್ಲಿಲ್ಲದ ಬೇಡಿಕೆ. ಈ ಐಫೋನ್​ಗಳು ಮಾರುಕಟ್ಟೆಗೆ ಉತ್ತಮ ಫೀಚರ್ಸ್ (Features)​ ಮತ್ತು ವಿನ್ಯಾಸದ ಮೂಲಕ ಸ್ಮಾರ್ಟ್​​ಫೋನ್​ ಬಳಕೆದಾರರನ್ನು ಆಕರ್ಷಿಸಿದೆ ಎಂದು ಹೇಳಬಹುದು. ಆದರೆ ಐಫೋನ್​ಗಳು ಇನ್ನೂ ಹಲವಾರು ಫೀಚರ್ಸ್​ಗಳನ್ನು ಹೊಂದಿದೆ. ಆದರೆ ಅದು ಹೆಚ್ಚಿನವರಿಗೆ ಗೊತ್ತಿಲ್ಲ.

ಐಫೋನ್​ಗಳು ಇದುವರೆಗೆ ಹಲವಾರು ಫೀಚರ್ಸ್​ಗಳನ್ನು ಹೊಂದಿಕೊಂಡು ಸಾಕಷ್ಟು ಗ್ರಾಹಕರನ್ನು ತನ್ನತ್ತ ಆಕರ್ಷಿಸಿದೆ. ಇವೆಲ್ಲದರ ನಡುವೆ ಇತ್ತೀಚೆಗೆ ಬಿಡುಗಡೆಯಾದ ಐಫೋನ್​ಗಳು ಇನ್ನೂ ಹಲವಾರು ಫೀಚರ್ಸ್​ಗಳನ್ನು ಹೊಂದಿದೆ. ಹಾಗಿದ್ರೆ ಆ ಫೀಚರ್ಸ್​ಗಳು ಯಾವುದು ಎಂಬುದನ್ನು ತಿಳಿಬೇಕಾದ್ರೆ ಇಲ್ಲಿದೆ ನೋಡಿ.

ಏನೆಲ್ಲಾ ಫೀಚರ್ಸ್​ಗಳಿವೆ?

ಒನ್​ ಹ್ಯಾಂಡ್​ ಡಿಸ್​​ಪ್ಲೇ

ಕೆಲವೊಂದು ಬಾರಿ ಬಳಕೆದಾರರಿಗೆ ಎರಡು ಕೈಯಲ್ಲಿ ಸ್ಮಾರ್ಟ್​ಫೋನ್ ಬಳಕೆ ಮಾಡಲು ಸಾಧ್ಯವಾಗುವುದಿಲ್ಲ. ಆ ಸಂದರ್ಭದಲ್ಲಿ ಈ ಇನ್​ ಹ್ಯಾಂಡ್​ ಡಿಸ್​ಪ್ಲೇ ಫೀಚರ್​ ಅಗತ್ಯಕ್ಕೆ ಬರುತ್ತದೆ. ಇದಕ್ಕಾಗಿ ಐಫೋನ್​ ಬಳಕೆದಾರರು ಮೆನುವಿನಲ್ಲಿ ರೀಚೆಬಿಲಿಟಿ ಎಂಬ ಆಯ್ಕೆಯನ್ನು ಮಾಡ್ಬೇಕು. ಈ ಮೂಲಕ ಬಳಕೆದಾರರಿಗೆ ಬೇಕಾದ ಸ್ಕ್ರೀನ್​ ಅನ್ನು ಡಿಸ್​​ಪ್ಲೇನ ಅರ್ಧಭಾಗಕ್ಕೆ ಫಿಕ್ಸ್​​ ಮಾಡಿಕೊಂಡು ಬಳಕೆ ಮಾಡಬಹುದು.

ಈ ಮೂಲಕ ಒಂದೇ ಕೈಯಲ್ಲಿ ಬಳಕೆ ಮಾಡಲು ಸಾಧ್ಯವಾಗುತ್ತದೆ. ಅಥವಾ ನೀವು ಸೆಟ್ಟಿಂಗ್ಸ್​ ಅನ್ನು ಓಪನ್ ಮಾಡ್ಬೇಕು. ಅಲ್ಲಿ ಆಕ್ಸೆಸಿಬಿಲಿಟಿ ಆಯ್ಕೆಯನ್ನು ಸೆಲೆಕ್ಟ್ ಮಾಡಿ. ಅಲ್ಲಿ ಟಚ್ ಆಯ್ಕೆ ಕಾಣುತ್ತದೆ. ಅದನ್ನು ಟ್ಯಾಪ್ ಮಾಡಿದಾಗ ಸ್ಕ್ರೀನ್ ಸೈಜ್​ ಅನ್ನು ಸೆಲೆಕ್ಟ್ ಮಾಡಲು ಕೇಳುತ್ತದೆ. ಈ ಮೂಲಕ ನಿಮಗೆ ಬೇಕಾದ ರೀತಿಯಲ್ಲಿ ಡಿಸ್​ಪ್ಲೇಯನ್ನು ಸೆಟ್​ ಮಾಡಿಕೊಳ್ಳಬಹುದು.

ವಸ್ತುಗಳನ್ನು ಅಳತೆ ಮಾಡಲು ಐಫೋನ್​ ಸಹಾಯಕವಾಗುತ್ತದೆ

ಈಗಿನ ಐಫೋನ್​ ಮೂಲಕ ನಿಮ್ಮ ಮುಂದೆ ಇರುವಂತಹ ಯಾವುದೇ ವಸ್ತುವನ್ನು ಕ್ಯಾಮೆರಾದಲ್ಲಿ ಅಳತೆ ಮಾಡಬಹುದು. ಇದಕ್ಕಾಗಿ ನೀವು ಅಳತೆ ಆ್ಯಪ್ ಅನ್ನು ಮೊದಲು ಆ್ಯಪಲ್​ ಸ್ಟೋರ್​ನಲ್ಲಿ ಡೌನ್​ಲೋಡ್​ ಮಾಡಿ. ನಂತರ ನಿಮ್ಮ ಮುಂದಿರುವ ವಸ್ತುವನ್ನು ಸ್ಕ್ಯಾನ್​ ಮಾಡಲು ಕ್ಯಾಮೆರಾಗೆ ಅನುಮತಿಯನ್ನು ನೀಡಿ.

ಐಫೋನ್​

ಇದರ ಬಳಿಕ ಅಟೋಮ್ಯಾಟಿಕ್‌ ಆಗಿ ಐಫೋನ್- ಸ್ಕ್ಯಾನ್​ ಮಾಡುವ ಮೂಲಕ ವಸ್ತುವಿನ ಅಳತೆಯನ್ನು ಕಂಡುಹಿಡಿಯುತ್ತದೆ ಮತ್ತು ಅದನ್ನು ಬಿಳಿ ಪೆಟ್ಟಿಗೆಯಲ್ಲಿ ಫ್ರೇಮ್ ಮಾಡುತ್ತದೆ. ನಂತರ ಅದರ ಅಳತೆಯನ್ನು ತಿಳಿಯಬಹುದಾಗಿದೆ.

ಆಕ್ಸೆಸಿಬಿಲಿಟಿ ಫೀಚರ್ಸ್​

ಇದನ್ನು ದೃಷ್ಟಿ, ಶ್ರವಣ ಮತ್ತು ಕಲಿಕೆಯ ಅಗತ್ಯಗಳನ್ನು ಬೆಂಬಲಿಸಲು ವಿನ್ಯಾಸಗೊಳಿಸಲಾಗಿದೆ. ಈ ಫೀಚರ್ಸ್‌ ಅನ್ನು ಯಾವುದೇ ಸಮಯದಲ್ಲಾದರೂ ಓಪನ್ ಮಾಡಬಹುದು. ಇದರಲ್ಲಿ ಪ್ರಮುಖವಾಗಿ ಟೆಕ್ಸ್ಟ್​​​ನ ಗಾತ್ರವನ್ನು ಸರಿಮಾಡಬಹುದಾಗಿದೆ. ಇದಕ್ಕಾಗಿ ನೀವು ಮೊದಲು ಸೆಟ್ಟಿಂಗ್ಸ್​ ಅನ್ನು ಓಪನ್ ಮಾಡಬೇಕು. ನಂತರ ಅಕ್ಸೆಸಿಬಿಲಿಟಿ ಆಯ್ಕೆಯನ್ನು ಸೆಲೆಕ್ಟ್​ ಮಾಡಿ.

ಅಲ್ಲಿ ಡಿಸ್‌ಪ್ಲೇ ಮತ್ತು ಟೆಕ್ಸ್ಟ್‌ ಸೈಜ್‌ನಲ್ಲಿ ಬೇಕಾದ ಗಾತ್ರಕ್ಕೆ ನೀವು ಅದನ್ನು ಸೆಟ್‌ ಮಾಡಿಕೊಳ್ಳಬಹುದು. ವಿಶೇಷವಾಗಿ ಇದರಲ್ಲಿ ಬಣ್ಣವನ್ನೂ ಸಹ ಬದಲಾಯಿಸಬಹುದಾಗಿದೆ. ಇದರೊಂದಿಗೆ ವಾಯ್ಸ್​ ಸ್ಪೀಕರ್ ಸಹ ಆಯ್ಕೆ ಇದೆ ಈ ಮೂಲಕ ಡಿಸ್​ಪ್ಲೇನಲ್ಲಿರುವ ಟೆಕ್ಸ್ಟ್​ ಅನ್ನು ವಾಯ್ಸ್​ ಮೂಲಕ ಕೇಳಬಹುದಾಗಿದೆ.

ಇದನ್ನೂ ಓದಿ: ಹೊಸ ಹೆಡ್​​ಫೋನ್​ ತಗೋಬೇಕು ಅಂದ್ಕೊಂಡಿದ್ದೀರಾ? ಈ 5 ಪಾಯಿಂಟ್ಸ್​ ಬಗ್ಗೆ ಮೊದಲು ತಿಳಿದುಕೊಳ್ಳಿ!

ಸ್ಕ್ರೀನ್​ಶಾಟ್​​ಗಾಗಿ ಬ್ಯಾಕ್ ​ಟ್ಯಾಪ್​ ಅನ್ನು ಸೆಲೆಕ್ಟ್ ಮಾಡಿ

ಐಒಎಸ್ 14 ಅಥವಾ ಇದರ ಮುಂದಿನ ಆವೃತ್ತಿಯಲ್ಲಿ ಬ್ಯಾಕ್ ಟ್ಯಾಪ್ ಫೀಚರ್ಸ್‌ ಲಭ್ಯ ಇದೆ. ಇದರ ಮೂಲಕ ಸುಲಭವಾಗಿ ನಿಮ್ಮ ಮೊಬೈಲ್​ನಲ್ಲಿ ಸ್ಕ್ರೀನ್ ಶಾಟ್‌ ಅನ್ನು ಪಡೆದುಕೊಳ್ಳಬಹುದಾಗಿದೆ. ಇದಕ್ಕಾಗಿ ನೀವು ಸೆಟ್ಟಿಂಗ್‌ ಅನ್ನು ಓಪನ್ ಮಾಡ್ಬೇಕು. ನಂತರ ಅಲ್ಲಿ ಆಕ್ಸೆಸಿಬಿಲಿಟಿ ಆಯ್ಕೆಯನ್ನು ಟ್ಯಾಪ್‌ ಮಾಡಿದರೆ ಟಚ್‌ ಆ್ಯಂಡ್​ ಸೆಲೆಕ್ಟ್‌ ಬ್ಯಾಕ್‌ ಟ್ಯಾಪ್​​ ಎಂಬ ಆಯ್ಕೆ ಮೇಲೆ ಟ್ಯಾಪ್‌ ಮಾಡಿದರೆ ಈ ಸೌಲಭ್ಯ ನಿಮಗೆ ಲಭ್ಯವಾಗುತ್ತದೆ.