Samsung Galaxy F41: 64 ಮೆಗಾಫಿಕ್ಸೆಲ್ ಕ್ಯಾಮೆರಾ, 6 ಸಾವಿರ mAh ಬ್ಯಾಟರಿ; ದೇಶಿಯ ಮಾರುಕಟ್ಟೆಗೆ ಸ್ಯಾಮ್​ಸಂಗ್​ ಗ್ಯಾಲಕ್ಸಿ ಎಫ್41 ಸ್ಮಾರ್ಟ್​ಫೋನ್​

ಸ್ಯಾಮ್​ಸಂಗ್​ ಸಂಸ್ಥೆ​ ಗ್ಯಾಲಕ್ಸಿ ಎಫ್​​41 ಹೆಸರಿನ ನೂತನ ಸ್ಮಾರ್ಟ್​ಫೋನನ್ನುಇಂದು ಮಾರುಕಟ್ಟೆಗೆ ಪರಿಚಯಿಸುತ್ತಿದೆ. ಹಲವಾರು ವಿಶೇಷತೆಗಳನ್ನು ಒಳಗೊಂಡ ಈ ಸ್ಮಾರ್ಟ್​ಫೋನ್​​ ಆಕರ್ಷಕ ಡಿಸ್​ಪ್ಲೇ ಮತ್ತು ದೀರ್ಘ ಸಾಮರ್ಥ್ಯದ ಬ್ಯಾಟಟರಿಯನ್ನು ಒಳಗೊಂಡಿದೆ. ಕ್ಯಾಮೆರಾ ಪ್ರಿಯರ ಮನತಣಿಸುವಂತಹ ಅಧಿಕ ಮೆಗಾಫಿಕ್ಸೆಲ್ ಕ್ಯಾಮೆರಾವನ್ನು ಜೋಡಿಸಲಾಗಿದೆ. ನೂತನ ಗ್ಯಾಲಕ್ಸಿ ಎಫ್​41 ಸ್ಮಾರ್ಟ್​ಫೋನ್​ ಹತ್ತಾರು ವಿಶೇಷತೆಗಳ ಒಳಗೊಂಡಿದ್ದು, ಆ ಬಗ್ಗೆ ಇಲ್ಲಿದೆ ಮಾಹಿತಿ…

ಸ್ಯಾಮ್​ಸಂಗ್​ ಗ್ಯಾಲಕ್ಸಿ ಎಫ್​41 ಇಂದು ಸಂಜೆ 5 ಗಂಟೆಗೆ ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆ ಆಗುತ್ತಿದೆ. ನೂತನ ಸ್ಮಾರ್ಟ್​ಫೋನ್​ ಸೂಪರ್​ ಅಮೋಲ್ಡ್​ ಇನ್ಫಿನಿಟಿ-ಯು ಡಿಸ್​ಪ್ಲೇ ಹೊಂದಿದೆ. ತ್ರಿವಳಿ ಕ್ಯಾಮೆರಾವನ್ನು ಒಳಗೊಂಡಿದೆ.  ಅದರಲ್ಲೂ 64 ಮೆಗಾಫಿಕ್ಸೆಲ್ ಕ್ಯಾಮೆರಾವನ್ನು ನೀಡಲಾಗಿದೆ. ಅಷ್ಟೇ ಅಲ್ಲದೆ, ದೀರ್ಘ ಕಾಲದ ಬಾಳಿಕೆಗಾಗಿ 6 ಸಾವಿರ ಎಮ್​ಎಹೆಚ್​ ಬ್ಯಾಟರಿ ನೀಡಲಾಗಿದೆ. ಪಿಂಗರ್​ಪ್ರಿಂಟ್ ಸೆನ್ಸಾರ್​​ ಇದರಲ್ಲಿದೆ.

ನೂತನ ಸ್ಮಾರ್ಟ್​ಫೋನ್​​ ಎಕ್ಸಿನೋಸ್​​ 9611 ಎಸ್​ಒಸಿಯಿಂದ ಕಾರ್ಯನಿರ್ವಹಿಸುತ್ತಿದ್ದು, ಆ್ಯಂಡ್ರಾಯ್ಡ್​ 10 ಬೆಂಬಲವನ್ನು ಪಡೆದಿದೆ. ಗ್ರಾಹಕರಿಗಾಗಿ 6ಜಿಬಿ ರ್ಯಾಮ್​ ಆಯ್ಕೆಯಲ್ಲಿ ಪರಿಚಯಿಸುತ್ತಿದೆ.

ಅಷ್ಟು ಮಾತ್ರವಲ್ಲದೆ, ಸ್ಮಾರ್ಟ್​ಫೋನಿನಲ್ಲಿ ಯುಎಸ್​ಬಿ ಟೈಪ್​-ಸಿ ಪೋರ್ಟ್​​, ಹೆಡ್​ಫೋನ್​ ಜಾಕ್​, ಫಾಸ್ಟ್​​ ಚಾರ್ಜಿಂಗ್​ ಸೌಲಭ್ಯ ನೀಡಲಾಗಿದೆ.

ಬೆಲೆ: ಮಾಹಿತಿಗಳ ಪ್ರಕಾರ ನೂತನ ಸ್ಮಾರ್ಟ್​ಫೋನ್​​ 15 ಸಾವಿರದಿಂದ 20 ಸಾವಿರ ಒಳಗೆ ಸಿಗಲಿದೆ ಎಂದು ಹೇಳಲಾಗುತ್ತಿದೆ. ಮಾರುಕಟ್ಟೆಯಲ್ಲಿ ಬಿಡುಗಡೆಗೊಂಡ ನಂತರ ಸ್ಯಾಮ್​ಸಂಗ್​ ಗ್ಯಾಲಕ್ಸಿ ಎಫ್​41ನ ಹೆಚ್ಚಿನ ಮಾಹಿತಿ ಬಹಿರಂಗವಾಗಲಿದೆ.