Remove China Apps: ಭಾರತದ ಮತ್ತೊಂದು ಆ್ಯಪ್​​ ಪ್ಲೇ ಸ್ಟೋರ್​ನಿಂದ ಕಣ್ಮರೆ!; ಕಾರಣವೇನು?

ದೇಶಿಯ ಆ್ಯಪ್​ ಎಂದು ಖ್ಯಾತಿ ಪಡೆದಿದ್ದ ‘ಮಿತ್ರೋ‘ ಆ್ಯಪ್​ ಅನ್ನು ಗೂಗಲ್ ತನ್ನ​ ಪ್ಲೇ ಸ್ಟೋರ್​ನಿಂದ ತೆಗೆದುಹಾಕಿದೆ. ಅದರ ಬೆನ್ನಲ್ಲೇ ಭಾರತದ ಮತ್ತೊಂದು ಆ್ಯಪ್​ ಪ್ಲೇ ಸ್ಟೋರ್​ ಕಣ್ಮರೆಯಾಗಿದೆ.

ಇತ್ತೀಚೆಗೆ ಭಾರತದಲ್ಲಿ ಚೀನಾ ವಸ್ತುಗಳ ನಿಷೇಧದ ಬಗ್ಗೆ ಅಭಿಯಾನ ಆರಂಭಗೊಂಡಿತ್ತು. ಅದರ ಬೆನ್ನಲ್ಲೇ ‘ಮಿತ್ರೋ‘ ಆ್ಯಪ್​ ಭಾರತದಲ್ಲಿ ಜನಪ್ರಿಯತೆ ಪಡೆದಿತ್ತು. ಆದರೆ ಈ ಆ್ಯಪ್​​ನಲ್ಲಿ ಬಳಸಲಾಗಿರುವ ಕೋಡಿಂಗ್​​ ಪಾಕಿಸ್ತಾನ ಮೂಲದ್ದು ಎಂಬ ವಿಚಾರ ಸುದ್ದಿಯಾಗಿತ್ತು. ಹಾಗಾಗಿ ಪ್ಲೇ ಸ್ಟೋರ್​ ಮಿತ್ರೋ ಆ್ಯಪ್​​ ಅನ್ನು ತೆಗೆದು ಹಾಕಿದೆ.

ಇದಾದ ಬಳಿಕ ಭಾರತೀಯ ಸ್ಮಾರ್ಟ್​ಫೋನ್​ನಲ್ಲಿ ಚೀನಾ ಆ್ಯಪ್​ಗಳನ್ನು ಯಾವುದೆಂದು ಪತ್ತೆ ಹಚ್ಚಲು ಮತ್ತು ಅವುಗಳನ್ನು ಅನ್​​ಇನ್​ಸ್ಟಾಲ್​ ಮಾಡಲು ‘ರಿಮೂವ್​ ಚೀನಾ ಆ್ಯಪ್‘​​ ಎಂಬ ಅಪ್ಲಿಕೇಶನ್​ ಅನ್ನು ಸಿದ್ಧಪಡಿಸಲಾಗಿತ್ತು. ಈ ಆ್ಯಪ್​ ಕೂಡ ಬಾರಿ ಜನಪ್ರಿಯಂತೆಗೊಂಡಿತ್ತು. ಆದರೀಗ ಗೂಗಲ್​​ ಪ್ಲೇ ಸ್ಟೋರ್​​​​​ ‘ರಿಮೂವ್​ ಚೀನಾ ಅಪ್ಲಿಕೇಶನ್​‘ ಅನ್ನು ತೆಗೆದುಹಾಕಿದೆ.

ಸ್ಮಾರ್ಟ್​ಫೋನಿನಲ್ಲಿ ಚೀನಾ ಆ್ಯಪ್​​ಗಳನ್ನು ಪತ್ತೆ ಹಚ್ಚುವ ‘ರಿಮೂವ್​​ ಚೀನಾ ​ಅಪ್ಲಿಕೇಶನ್​​‘ ಮೇ 17ರಂದು ಭಾರತದಲ್ಲಿ ಬಿಡುಗಡೆಯಾಯಿತು. ಜೈಪುರ ಮೂಲದ ಒನ್​ಟಚ್​​ ಆ್ಯಪ್​​ಲ್ಯಾಬ್ಸ್​​ ಸಂಸ್ಥೆ ಈ ಆ್ಯಪ್​ ಅನ್ನು ಅಭಿವೃದ್ಧಿ ಪಡಿಸಿದೆ. ಬಿಡುಗಡೆಯಾದ 10 ದಿನಗಳಲ್ಲಿ 10 ಲಕ್ಷ  ಡೌನ್​ಲೋಡ್​ ಕಂಡಿತ್ತು.

‘ರಿಮೂವ್​​ ಚೀನಾ ​ಅಪ್ಲಿಕೇಶನ್‘​​ ಇನ್​​ಸ್ಟಾಲ್​ ಮಾಡಿದರೆ ಸಾಕು. ನಂತರ ಅದರಲ್ಲಿರುವ ಸ್ಕ್ಯಾನ್​ ನೌ ಆಯ್ಕೆಯನ್ನು ಕ್ಲಿಕ್​ ಮಾಡಿದರೆ ಒಂದೇ ಕ್ಲಿಕ್​ನಲ್ಲಿ ಸ್ಮಾರ್ಟ್​ಫೋನ್​ನಲ್ಲಿರುವ ಚೀನಾ ಆ್ಯಪ್​ಗಳು ಯಾವುದು? ಎಂದು ಪತ್ತೆ ಹಚ್ಚುತ್ತದೆ. ಮಾತ್ರವಲ್ಲದೆ ಡಿಲೀಟ್​ ಕೂಟ ಮಾಡಬಹುದಾ ಆಯ್ಕೆಯನ್ನು ನೀಡಿತ್ತು. ಹಾಗಾಗಿ ಸಾಕಷ್ಟು ಜನರು ಈ ಆ್ಯಪ್​​ ಡೌನ್​ಲೋಡ್​ ಮಾಡಿಬಳಸುತ್ತಿದ್ದರು. ಆದರೀಗ ರಿಮೂವ್​ ಚೀನಾ ಆ್ಯಪ್​ ಪ್ಲೇ ಸ್ಟೋರ್​​ನಿಂದ ಕಣ್ಮರೆಯಾಗಿದೆ. ​ ಪ್ಲೇ ಸ್ಟೋರ್​ ನಿಯಮಾವಳಿಯನ್ನು ಮೀರಿದ್ದಕ್ಕಾಗಿ ರಿಮೂವ್​ ಚೀನಾ ಅಪ್ಲಿಕೇಶನ್​ ಅನ್ನು ತೆಗೆದು ಹಾಕಲಾಗಿದೆ ಎನ್ನಲಾಗಿದೆ.

Prabhas: ಪ್ರಭಾಸ್ ಹೊಸ ಸಿನಿಮಾಗೆ ಸಾಹೋ ಸೂತ್ರ!; ಅದೇನು ಗೊತ್ತಾ?

Mitron App: ಗೂಗಲ್​ ಪ್ಲೇ ಸ್ಟೋರ್​​ನಿಂದ ಮಾಯವಾದ ‘ಮಿತ್ರೋ‘ ಆ್ಯಪ್​!