Redmi NOte 12C Smartphone: ಫೆಬ್ರವರಿಯಲ್ಲಿ ಮಾರುಕಟ್ಟೆಗೆ ಲಗ್ಗೆಯಿಡಲಿದೆ ರೆಡ್​ಮಿ ನೋಟ್​ 12ಸಿ ಸ್ಮಾರ್ಟ್​ಫೋನ್! ಬೆಲೆ ಎಷ್ಟು ಗೊತ್ತಾ?

ಸ್ಮಾರ್ಟ್​​ಫೋನ್ (Smartphone)​ ವಲಯದಲ್ಲಿ ಭಾರೀ ಬೇಡಿಕೆಯಲ್ಲಿರುವ ಕಂಪೆನಿಯೆಂದರೆ ಅದು ಶಿಯೋಮಿ ಕಂಪೆನಿ (Xiaomi Company). ಇದುವರೆಗೆ ಈ ಕಂಪೆನಿ ಸಾಕಷ್ಟು ಸ್ಮಾರ್ಟ್​​ಫೋನ್​ಗಳನ್ನು ಮಾರುಕಟ್ಟೆಗೆ ಪರಿಚಯಿಸಿದೆ. ಅದೇ ರೀತಿ ಜನರ ಬೇಡಿಕೆಗೆ ಅನುಗುಣವಾಗಿ ಸ್ಮಾರ್ಟ್​ಫೋನ್​ಗಳನ್ನು ಬಿಡುಗಡೆ ಮಾಡುವ ಮೂಲಕ ಶಿಯೋಮಿ ಕಂಪೆನಿ ಬಹಳಷ್ಟು ಜನಪ್ರಿಯತೆಯನ್ನು ಪಡೆದಿದೆ. 2022ರಲ್ಲಿ ಅತೀ ಹೆಚ್ಚು ಮಾರಾಟವಾದ ಸ್ಮಾರ್ಟ್​ಫೋನ್​ಗಳ  ಸಾಲಿನಲ್ಲಿ ಶಿಯೋಮಿ ಕಂಪೆನಿಯ ಸ್ಮಾರ್ಟ್​ಫೋನ್​ಗಳು ಸಹ ಸೇರಿವೆ. ಇತ್ತೀಚೆಗೆ ಶಿಯೋಮಿ ಕಂಪೆನಿ ಚೀನಾದಲ್ಲಿ ತನ್ನ ನೋಟ್​ 12 ಸೀರಿಸ್​ನಲ್ಲಿ ರೆಡ್​ಮಿ ನೋಟ್​ 12ಸಿ (Redmi Note 12C Smartphone) ಸ್ಮಾರ್ಟ್​ಫೋನ್ ಅನ್ನು ಬಿಡುಗಡೆ ಮಾಡಿದ್ದು, ಬಜೆಟ್​ ಬೆಲೆಯಲ್ಲಿ ಲಾಂಚ್​ ಆದ ಮೊಬೈಲ್ ಇದಾಗಿದೆ. ಇದೀಗ ಈ ಸ್ಮಾರ್ಟ್​ಫೋನ್​ ಕೆಲವೇ ದಿನಗಳಲ್ಲಿ ಭಾರತಕ್ಕೆ ಕಾಲಿಡಲಿದೆ ಎಂದು ವರದಿಯಾಗಿದೆ.

ಇತ್ತೀಚೆಗೆ ಚೀನಾದಲ್ಲಿ ಬಿಡುಗಡೆಯಾದ ರೆಡ್​ಮಿ ನೋಟ್​ 12ಸಿ ಸ್ಮಾರ್ಟ್​​ಫೋನ್​ ಫೆಬ್ರವರಿಯಲ್ಲಿ ಭಾರತದ ಮಾರುಕಟ್ಟೆಗೆ ಎಂಟ್ರಿ ನೀಡಲಿದೆ ಎಂದು ಸುದ್ದಿಯಾಗಿದೆ. ಇದೀಗ ಈ ಸ್ಮಾರ್ಟ್​​ಫೋನ್​​ನ ಕೆಲವೊದು ಫೀಚರ್ಸ್​, ಬೆಲೆಯ ಮಾಹಿತಿ ಸೋರಿಕೆಯಾಗಿದ್ದು, ಇದರ ಕಂಪ್ಲೀಟ್ ಮಾಹಿತಿ ಇಲ್ಲಿದೆ.

ರೆಡ್​ಮಿ ನೋಟ್​ 12ಸಿ ಸ್ಮಾರ್ಟ್​​ಫೋನ್ ಫೀಚರ್ಸ್​

ರೆಡ್​ಮಿ ನೋಟ್​ 12ಸಿ ಸ್ಮಾರ್ಟ್​​ಫೋನ್​ 1650 × 720 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಸಾಮರ್ಥ್ಯದ 6.71 ಇಂಚಿನ ಫುಲ್‌ ಹೆಚ್‌ಡಿ+ ಡಿಸ್‌ಪ್ಲೇಯನ್ನು ಹೊಂದಿದೆ. ಇನ್ನು ಈ ಸ್ಮಾರ್ಟ್​​ಫೋನ್​ನ 20.6:9 ಅನುಪಾತವನ್ನು ಒಳಗೊಂಡಿದೆ. ಈ ಡಿಸ್‌ಪ್ಲೇಯು ಟಿನ್ನಿ ಡಿವ್ ಡ್ರಾಪ್‌ ನಾಚ್‌ ರಚನೆ ಹೊಂದಿದ್ದು, ಜೊತೆಗೆ 500 ನಿಟ್ಸ್​​ ಬ್ರೈಟ್​​ನೆಸ್​ನೊಂದಿಗೆ ಬಿಡುಗಡೆಯಾಗುತ್ತದೆ.

ಇದನ್ನೂ ಓದಿ: ಭಾರತದ ಮಾರುಕಟ್ಟೆಯಲ್ಲಿ ಐಕ್ಯೂ 11 ಸ್ಮಾರ್ಟ್​ಫೋನ್​ನ ಮಾರಾಟ ಆರಂಭ! ಬೆಲೆ ಎಷ್ಟು?

ಕ್ಯಾಮೆರಾ ಫೀಚರ್ಸ್​

ರೆಡ್​ಮಿ ನೋಟ್​ 12ಸಿ ಸ್ಮಾರ್ಟ್​​ಫೋನ್​ ಮುಖ್ಯವಾಗಿ ಡ್ಯುಯಲ್‌ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿರುತ್ತದೆ. ಇದರಲ್ಲಿ ಮುಖ್ಯ ಕ್ಯಾಮೆರಾ 50 ಮೆಗಾ ಪಿಕ್ಸೆಲ್ ಸೆನ್ಸಾರ್ ಸಾಮರ್ಥ್ಯ ಹೊಂದಿರುತ್ತದೆ ಎಂದು ತಿಳಿಸಿದೆ. ಹಾಗೆ ಎರಡನೇ ಕ್ಯಾಮೆರಾ ಫೀಚರ್ಸ್​ ಬಗ್ಗೆ ಕಂಪೆನಿ ಯಾವುದೇ ಮಾಹಿತಿಯನ್ನು ಬಹಿರಂಗ ಪಡಿಸಿಲ್ಲ. ಇನ್ನು ಉತ್ತಮ ಗುಣಮಟ್ಟದಲ್ಲಿ ಸೆಲ್ಫಿ ಕ್ಯಾಮೆರಾವನ್ನು ಅಳವಡಿಸಬಹುದು ಎಂದು ಅಂದಾಜಿಸಲಾಗಿದೆ.

ರೆಡ್​​ಮಿ ನೋಟ್​ 12ಸಿ ಸ್ಮಾರ್ಟ್​ಫೋನ್​

ಬ್ಯಾಟರಿ ಫೀಚರ್ಸ್​

ರೆಡ್​ಮಿ ನೋಟ್​ 12ಸಿ ಸ್ಮಾರ್ಟ್​​ಫೋನ್​ 5,000mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕಪ್​ ಅನ್ನು ಹೊಂದಿದೆ. ಇನ್ನು ಈ ಸ್ಮಾರ್ಟ್​​ಫೋನ್​ ಬ್ಯಾಟರಿ 10W ವೇಗದ ಚಾರ್ಜಿಂಗ್‌ ಸಾಮರ್ಥ್ಯವನ್ನು ಹೊಂದಿರುತ್ತದೆ.

ಪ್ರೊಸೆಸರ್ ಸಾಮರ್ಥ್ಯ ಹೇಗಿದೆ?

ರೆಡ್​ಮಿ ನೋಟ್​ 12ಸಿ ಸ್ಮಾರ್ಟ್​​ಫೋನ್​ಮೀಡಿಯಾ ಟೆಕ್‌ ಹಿಲಿಯೋ ಜಿ85 ಎಸ್​​ಓಸಿ ಪ್ರೊಸೆಸರ್‌ ಅನ್ನು ಹೊಂದಿದೆ. ಈ ಸ್ಮಾರ್ಟ್​​ಫೋನ್ ಆಂಡ್ರಾಯ್ಡ್ 12 ಓಎಸ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಹಾಗೆಯೇ 4ಜಿಬಿ ರ್‍ಯಾಮ್ ಮತ್ತು 128ಜಿಬಿ ಹಾಗೂ 6ಜಿಬಿ ಮತ್ತು 128ಜಿಬಿ ಇಂಟರ್ನಲ್ ಸ್ಟೋರೇಜ್ ಆಯ್ಕೆಗಳಲ್ಲಿ ಲಭ್ಯವಿರುತ್ತದೆ. ಇದಲ್ಲದೆ ಮೈಕ್ರೊ ಎಸ್‌ಡಿ ಕಾರ್ಡ್‌ ಮೂಲಕ ಸ್ಟೋರೇಜ್‌ ಸಾಮರ್ಥ್ಯವನ್ನು 512ಜಿಬಿ ವರೆಗೆ ವಿಸ್ತರಿಸಬಹುದಾಗಿದೆ.

ಇತರೆ ಫೀಚರ್ಸ್

ಇನ್ನು ಈ ಸ್ಮಾರ್ಟ್​​ಫೋನ್​ ಇತರ ಫೀಚರ್ಸ್​ ಬಗ್ಗೆ ಹೇಳುವುದಾದರೆ, ಇದರಲ್ಲಿ ಮೈಕ್ರೊ ಎಸ್​ಡಿ ಕಾರ್ಡ್ ಮೂಲಕ 512 ಜಿಬಿ ವರೆಗೆ ಸ್ಟೋರೇಜ್ ಅನ್ನು ವಿಸ್ತರಿಸುವ ಅವಕಾಶವನ್ನು ನೀಡಲಾಗಿದೆ. ಈ ಸಾಧನವು ಹೈಬ್ರಿಡ್ ಸಿಮ್ ಸ್ಲಾಟ್ ಮತ್ತು 3.5 ಎಂಎಂ ಹೆಡ್‌ಫೋನ್ ಜ್ಯಾಕ್ ಅನ್ನು ಹೊಂದಿದೆ. ಇನ್ನು ಕನೆಕ್ಟಿವಿಟಿ ಆಯ್ಕೆಗಳಲ್ಲಿ 4ಜಿ/5ಜಿ ವೋಲ್ಟ್​, ವೈ-ಫೈ, ಬ್ಲೂಟೂತ್ ವಿ5.0, ಯುಎಸ್‌ಬಿ ಟೈಪ್ ಸಿ ಪೋರ್ಟ್​ಅನ್ನು ಬೆಂಬಲಿಸುತ್ತದೆ.

ರೆಡ್​​ಮಿ ನೋಟ್​ 12ಸಿ ಸ್ಮಾರ್ಟ್​ಫೋನ್​

ಬೆಲೆ ಮತ್ತು ಲಭ್ಯತೆ

ರೆಡ್​ಮಿ ನೋಟ್​ 12ಸಿ ಸ್ಮಾರ್ಟ್​​ಫೋನ್​ 4ಜಿಬಿ ರ್‍ಯಾಮ್ ಮತ್ತು 128ಜಿಬಿ ವೇರಿಯಂಟ್‌ ಬೆಲೆಯು ಚೀನಾದಲ್ಲಿ CNY 699 ಅಂದರೆ ಭಾರತದಲ್ಲಿ ಅಂದಾಜು 8,400ರೂಪಾಯಿ ಎಂದು ಎನ್ನಲಾಗಿದೆ. ಅದೇ ರೀತಿ 6ಜಿಬಿ ರ್‍ಯಾಮ್ ಮತ್ತು 128ಜಿಬಿ ವೇರಿಯಂಟ್‌ ಬೆಲೆಯು CNY 799 ಅಂದರೆ ಭಾರತದಲ್ಲಿ ಅಂದಾಜು 9,600 ರೂಪಾಯಿ ಆಗಿರಲಿದೆ ಎಂದು ಅಂದಾಜಿಸಲಾಗಿದೆ. ಇನ್ನು ಈ ಫೋನ್ ಶ್ಯಾಡೋ ಬ್ಲ್ಯಾಕ್, ಸೀ ಬ್ಲೂ, ಮಿಂಟ್ ಗ್ರೀನ್ ಮತ್ತು ಲ್ಯಾವೆಂಡರ್ ಬಣ್ಣಗಳಲ್ಲಿ ಖರೀದಿಸುವ ಆಯ್ಕೆ ಸಿಗಲಿದೆ.