• Home
  • »
  • News
  • »
  • tech
  • »
  • Redmi Note 12 Pro: ಮಾರುಕಟ್ಟೆಗೆ ಲಗ್ಗೆಯಿಟ್ಟಿದೆ ರೆಡ್​ಮಿ ಹೊಸ ಸ್ಮಾರ್ಟ್​ಫೋನ್​! ಹೇಗಿದೆ ಗೊತ್ತಾ ಫೀಚರ್ಸ್​?

Redmi Note 12 Pro: ಮಾರುಕಟ್ಟೆಗೆ ಲಗ್ಗೆಯಿಟ್ಟಿದೆ ರೆಡ್​ಮಿ ಹೊಸ ಸ್ಮಾರ್ಟ್​ಫೋನ್​! ಹೇಗಿದೆ ಗೊತ್ತಾ ಫೀಚರ್ಸ್​?

ರೆಡ್​​ಮಿ ನೋಟ್​ 12 ಪ್ರೋ ಸ್ಪೀಡ್​ ಎಡಿಷನ್​ ಸ್ಮಾರ್ಟ್​ಫೋನ್​

ರೆಡ್​​ಮಿ ನೋಟ್​ 12 ಪ್ರೋ ಸ್ಪೀಡ್​ ಎಡಿಷನ್​ ಸ್ಮಾರ್ಟ್​ಫೋನ್​

ಇದೀಗ ರೆಡ್​ಮಿ ನೋಟ್​ ಸೀರಿಸ್​ನಲ್ಲಿ ರೆಡ್​ಮಿ ನೋಟ್​ 12 ಪ್ರೋ ಸ್ಪೀಡ್​ ಎಡಿಷನ್ ಎಂಬ ಹೊಸ ಸ್ಮಾರ್ಟ್​ಫೋನ್ ಬಿಡುಗಡೆಯಾಗಿದೆ. ಇದರ ಫೀಚರ್ಸ್​, ಬೆಲೆ ಬಗ್ಗೆ ತಿಳಿಬೇಕಾದ್ರೆ ಈ ಲೇಖನವನ್ನು ಕಂಪ್ಲೀಟ್ ಓದಿ.

  • Share this:

    ಇತ್ತೀಚೆಗೆ ಮಾರುಕಟ್ಟೆಗೆ ಹಲವಾರು ಸ್ಮಾರ್ಟ್​ಫೋನ್​ಗಳು (Smartphones) ಬಿಡುಗಡೆಯಾಗುತ್ತಿದೆ. ಸ್ಮಾರ್ಟ್​ಫೋನ್​ ಕಂಪನಿಗಳಾದ ರೆಡ್​ಮಿ (Redmi), ಸ್ಯಾಮ್​ಸಂಗ್ (Samsung), ರಿಯಲ್​ಮಿ (Realme), ಒಪ್ಪೋ (Oppo), ಒನ್​​ಪ್ಲಸ್​ (Oneplus)ಇವುಗಳೆಲ್ಲಾ ಮಾರುಕಟ್ಟೆಯಲ್ಲಿ ತನ್ನದೇ ಆದಂತಹ ಸ್ಥಾನವನ್ನು ಪಡೆದುಕೊಂಡಿದೆ. ಈ ಮಧ್ಯೆ ಸ್ಮಾರ್ಟ್​ಫೋನ್ ಮಾರುಕಟ್ಟೆಯಲ್ಲಿ ಪೈಪೋಟಿ ನೀಡಲು ರೆಡ್​ಮಿ ಮತ್ತೊಂದು ಸ್ಮಾರ್ಟ್​ಫೋನ್​ ಅನ್ನು ಬಿಡುಗಡೆ ಮಾಡಿದೆ. ಈ ಬಾರಿ ರೆಡ್​ಮಿ ನೋಟ್​ ಸೀರಿಸ್​ನಲ್ಲಿ ಮೊಬೈಲ್ ಬಿಡುಗಡೆಯಾಗಿದ್ದು ಇದು ರೆಡ್​ಮಿ ನೋಟ್​ 12 ಪ್ರೋ ಸ್ಪೀಡ್​ ಎಡಿಷನ್ (Redmi Note 12 Pro Speed Edition)​ ಎಂಬುದಾಗಿದೆ. ಇದು ರೆಡ್​​ಮಿ ನೋಟ್​ 12 (Redmi Note 12) ಮಾದರಿಯ ಫೀಚರ್ಸ್​ಗಳನ್ನು ಹೊಂದಿದ್ದು, ಮೊಬೈಲ್​ ಮಾರುಕಟ್ಟೆಯಲ್ಲಿ ಸಂಚಲನ ಮೂಡಿಸಲು ಸಜ್ಜಾಗಿರುವ ಸ್ಮಾರ್ಟ್​ಫೋನ್ ಎಂದೂ ಹೇಳ್ಬಹುದು.


    ಇದೀಗ ರೆಡ್​ಮಿ ನೋಟ್​ ಸೀರಿಸ್​ನಲ್ಲಿ ರೆಡ್​ಮಿ ನೋಟ್​ 12 ಪ್ರೋ ಸ್ಪೀಡ್​ ಎಡಿಷನ್ ಎಂಬ ಹೊಸ ಸ್ಮಾರ್ಟ್​ಫೋನ್ ಬಿಡುಗಡೆಯಾಗಿದೆ. ಇದರ ಫೀಚರ್ಸ್​, ಬೆಲೆ ಬಗ್ಗೆ ತಿಳಿಬೇಕಾದ್ರೆ ಈ ಲೇಖನವನ್ನು ಕಂಪ್ಲೀಟ್ ಓದಿ.


    ಡಿಸ್​​ಪ್ಲೇ ಫೀಚರ್ಸ್​


    ರೆಡ್​ಮಿ ನೋಟ್‌ 12 ಪ್ರೋ ಸ್ಪೀಡ್ ಎಡಿಷನ್ ಸ್ಮಾರ್ಟ್​ಫೋನ್​ 6.67 ಇಂಚಿನ ಫುಲ್‌ ಹೆಚ್​ಡಿ ಪ್ಲಸ್​ ಒಎಲ್‌ಇಡಿ ಫ್ಲೆಕ್ಸಿಬಲ್‌ ಡಿಸ್‌ಪ್ಲೇಯನ್ನು ಹೊಂದಿದೆ. ಈ ಡಿಸ್‌ಪ್ಲೇ 1,080x2,400 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಸಾಮರ್ಥ್ಯವನ್ನು ಪಡೆದುಕೊಂಡಿದೆ. ಜೊತೆಗೆ 120Hz ರಿಫ್ರೆಶ್ ರೇಟ್, 240Hz ಟಚ್ ಸ್ಯಾಪ್ಲಿಂಗ್‌ ರೇಟ್‌ ಅನ್ನು ಹೊಂದಿದೆ. ಇದಲ್ಲದೆ HDR10+ ಬೆಂಬಲಿಸಲಿದ್ದು, 1920Hz PWM ಡಿಮ್ಮಿಂಗ್‌ ಮತ್ತು DCI-P3 ಕಲರ್‌ ಗ್ಯಾಮೆಟ್​ ಅನ್ನು ಹೊಂದಿರಲಿದೆ.


    ಇದನ್ನೂ ಓದಿ: 5ಜಿ ಹೆಸರಲ್ಲಿ ತಂತ್ರಜ್ಞಾನದಲ್ಲಿ ನಡೀತಿದೆ ದೊಡ್ಡ ಹಗರಣ! ತಪ್ಪಿಯೂ ಲಿಂಕ್​ ಕ್ಲಿಕ್ ಮಾಡ್ಬೇಡಿ


    ಕ್ಯಾಮೆರಾ ಫೀಚರ್ಸ್​


    ಯಾರೇ ಆಗಲಿ ಹೊಸ ಸ್ಮಾರ್ಟ್​ಫೋನ್​ ತೆಗೆದುಕೊಳ್ಳಬೇಕಾದರೆ ಅದರ ಕ್ಯಾಮೆರಾ ಹೇಗಿದೆ ಎಂದು ಮೊದಲು ನೋಡುತ್ತಾರೆ. ಇತ್ತೀಚಿನ ಸ್ಮಾರ್ಟ್​ಫೋನ್​ಗಳೆಲ್ಲವೂ ಹೆಚ್ಚಾಗಿ ಡಿಎಸ್​ಎಲ್​ಆರ್​ನಂತೆಯೇ ಕ್ಯಾಮೆರಾ ಫೀಚರ್ಸ್ಗಳನ್ನು ಹೊಂದಿದೆ. ಇದೀಗ ರೆಡ್​ಮಿ ನೋಟ್​ ಸೀರಿಸ್​ನಲ್ಲಿ ಬಿಡುಗಡೆ ಸ್ಮಾರ್ಟ್​​ಫೋನ್ ಕೂಡ ಹೀಗೆ ಗುಣಮಟ್ಟದ ಕ್ಯಾಮೆರಾ ಫೀಚರ್ಸ್ ಅನ್ನು ಒಳಗೊಂಡಿದೆ. ರೆಡ್​ಮಿ ನೋಟ್‌ 12 ಪ್ರೋ ಸ್ಪೀಡ್ ಆವೃತ್ತಿಯು ಟ್ರಿಪಲ್‌ ರಿಯರ್‌ ಕ್ಯಾಮೆರಾ ಸೆಟಪ್​ ಅನ್ನು ಹೊಂದಿದೆ.


    ಇದರಲ್ಲಿ ಮುಖ್ಯ ಕ್ಯಾಮೆರಾ 100 ಮೆಗಾಪಿಕ್ಸೆಲ್ ಸ್ಯಾಮ್‌ಸಂಗ್‌ HM2 ಸೆನ್ಸಾರ್‌ ಅನ್ನು ಹೊಂದಿದೆ. ಎರಡನೇ ಕ್ಯಾಮೆರಾ 8 ಮೆಗಾಪಿಕ್ಸೆಲ್ ಅಲ್ಟ್ರಾ ವೈಡ್ ಆ್ಯಂಗಲ್ ಸೆನ್ಸಾರ್ ಜೊತೆಗೆ 119 ಡಿಗ್ರಿ ಫೀಲ್ಡ್ ಆಫ್ ವ್ಯೂ ಹೊಂದಿದೆ. ಮೂರನೇ ಕ್ಯಾಮೆರಾ 2 ಮೆಗಾಪಿಕ್ಸೆಲ್ ಮ್ಯಾಕ್ರೋ ಸೆನ್ಸಾರ್​ ಅನ್ನು ಒಳಗೊಂಡಿದೆ. ಇದಲ್ಲದೆ 16 ಮೆಗಾಪಿಕ್ಸೆಲ್ ಸೆನ್ಸಾರ್‌ ಸಾಮರ್ಥ್ಯದಲ್ಲಿ ಸೆಲ್ಫಿ ಕ್ಯಾಮೆರಾವನ್ನು ಅಳವಡಿಸಿದ್ದಾರೆ.


    ಬ್ಯಾಟರಿ ಫೀಚರ್ಸ್


    ರೆಡ್​ಮಿ ನೋಟ್‌ 12 ಪ್ರೋ ಸ್ಪೀಡ್ ಆವೃತ್ತಿಯು 5,000mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದೆ. ಇದು 67W ವೇಗದ ಚಾರ್ಜಿಂಗ್‌ ಸಾಮರ್ಥ್ಯವನ್ನು ಒಳಗೊಂಡಿದೆ.


    ಈ ಸ್ಮಾರ್ಟ್​ಫೋನ್​ನ ಪ್ರೊಸೆಸರ್​ ಸಾಮರ್ಥ್ಯ ಹೇಗಿದೆ?


    ರೆಡ್​ಮಿ ನೋಟ್‌ 12 ಪ್ರೋ ಸ್ಪೀಡ್ ಸ್ಮಾರ್ಟ್​ಫೋನ್​ ಆಕ್ಟಾ-ಕೋರ್ 6nm ಸ್ನಾಪ್‌ಡ್ರಾಗನ್ 778G SoC ಪ್ರೊಸೆಸರ್‌ ವೇಗವನ್ನು ಹೊಂದಿದೆ. ಇದು ಆಂಡ್ರಾಯ್ಡ್‌-12 ಆಧಾರಿತ MIUI 14 ಬೆಂಬಲದೊಂದಿಗೆ ಕಾರ್ಯನಿರ್ವಹಿಸಲಿದೆ. ಹಾಗೆಯೇ ಈ ಸ್ಮಾರ್ಟ್​ಫೋನ್​ನ ಸ್ಟೋರೇಜ್ ಸಾಮರ್ಥ್ಯದ ಬಗ್ಗೆ ಮಾತನಾಡುವುದಾದರೆ ಇದು 12ಜಿಬಿ ರ್‍ಯಾಮ್ ಮತ್ತು 256ಜಿಬಿ ಇಂಟರ್ನಲ್​ ಸ್ಟೋರೇಜ್‌ ಅನ್ನು ಒಳಗೊಂಡಿದೆ. ಇನ್ನು ಈ ಸ್ಮಾರ್ಟ್​ಫೋನ್​ನಲ್ಲಿ ಮೆಮೊರಿ ಕಾರ್ಡ್​ ಅಳವಡಿಸುವಿಕೆಯ ಬಗ್ಗೆ ಯಾವುದೇ ಮಾಹಿತಿ ನೀಡಿಲ್ಲ.


    ಇತರೆ ಫೀಚರ್ಸ್


    ಇನ್ನು ಕನೆಕ್ಟಿವಿಟಿ ಆಯ್ಕೆಗಳಲ್ಲಿ 5ಜಿ, ವೈಫೈ 6, ಬ್ಲೂಟೂತ್ v5.2 ಮತ್ತು ಯುಎಸ್​​ಬಿ ಟೈಪ್ ಸಿ ಪೋರ್ಟ್ ಅನ್ನು ಒಳಗೊಂಡಿದೆ. ಇದಲ್ಲದೆ ಆಕ್ಸಿಲೆರೋಮೀಟರ್‌, ಆಂಬಿಯೆಂಟ್‌ ಸೆನ್ಸಾರ್‌, ಇ-ದಿಕ್ಸೂಚಿ, ಐಆರ್ ರಿಮೋಟ್ ಕಂಟ್ರೋಲ್ ಮತ್ತು ಗೈರೊಸ್ಕೋಪ್ ಅನ್ನು ಒಳಗೊಂಡಿದೆ.


    ಬೆಲೆ ಮತ್ತು ಲಭ್ಯತೆ


    ರೆಡ್ಮಿ ನೋಟ್‌ 12ಪ್ರೊ ಸ್ಪೀಡ್ ಎಡಿಷನ್​ ಸ್ಮಾರ್ಟ್​ಫೋನ್ ಇದೀಗ ಚೀನಾದಲ್ಲಿ ಮಾತ್ರ ಬಿಡುಗಡೆಯಾಗಿದೆ. ಈ ಸ್ಮಾರ್ಟ್‌ಫೋನ್‌ ಬೇಸ್‌ ಮಾಡೆಲ್‌ 8ಜಿಬಿ ರ್‍ಯಾಮ್ ಮತ್ತು 256ಜಿಬಿ ಸ್ಟೋರೇಜ್ ಹೊಂದಿದ ಸ್ಮಾರ್ಟ್​ಫೋನ್ ಅನ್ನಯ CNY 1,699 ಅಂದರೆ ಭಾರತದಲ್ಲಿ ಸುಮಾರು 20,200 ರೂಪಾಯಿ ಬೆಲೆ ಹೊಂದಿದೆ. ಇದರ 8jಇಬಿ ರ್‍ಯಾಮ್ ಮತ್ತು 256ಜಿಬಿ ಸ್ಟೋರೇಜ್ ಹೊಂದಿದ ಸ್ಮಾರ್ಟ್​ಫೋನ್ ಅನ್ನು CNY 1,799 ಅಂದರೆ ಭಾರತದಲ್ಲಿ ಸುಮಾರು 21,400 ರೂಪಾಯಿಗೆ ಖರೀದಿಸಬಹುದಾಗಿದೆ.

    Published by:Prajwal B
    First published: