Airtel Recharge Plans: ಏರ್​​ಟೆಲ್​ನಿಂದ 200 ರೂಪಾಯಿ ಒಳಗಿನ ರೀಚಾರ್ಜ್​ ಪ್ಲ್ಯಾನ್ಸ್​ ಬಿಡುಗಡೆ!

ಟೆಲಿಕಾಂ ಕಂಪೆನಿಗಳಲ್ಲಿ (Telecom Company) ದೇಶದಲ್ಲಿ ಅತೀ ಹೆಚ್ಚು  ಗ್ರಾಹಕರನ್ನು ಹೊಂದಿರುವ ಪಟ್ಟಿಯಲ್ಲಿ ಏರ್​ಟೆಲ್ (Airtel)​ ಎರಡನೇ ಸ್ಥಾನದಲ್ಲಿದೆ. ಆದರೆ ಈ ಕಂಪೆನಿ ದಿನದಿಂದ ದಿನಕ್ಕೆ ಜಿಯೋಗೆ ಪ್ರಬಲ ಪೈಪೋಟಿಯನ್ನು ನೀಡುತ್ತಲೇ ಇದೆ. ಜಿಯೋ ಮತ್ತು ಏರ್​ಟೆಲ್​ ದೇಶದೆಲ್ಲೆಡೆ 5ಜಿ ನೆಟ್​ವರ್ಕ್ ಸೇವೆಯನ್ನು ಪ್ರಾರಂಭಿಸುವ ಮೂಲಕ ಎಲ್ಲರ ಗಮನಸೆಳೆಯುತ್ತಿದೆ. ಇದಲ್ಲದೆ ಏರ್​​ಟೆಲ್ 2023ರಲ್ಲಿ ದೇಶದ ಮೂಲೆ ಮೂಲೆಯಲ್ಲೂ ತನ್ನ 5ಜಿ ಸೇವೆಯನ್ನು ವಿಸ್ತರಿಸುವುದಾಗಿ ಗ್ರಾಹಕರಿಗೆ ಭರವಸೆ ನೀಡಿದೆ. ಇದರ ಜೊತೆಗೆ ಏರ್​ಟೆಲ್​ ಕಂಪೆನಿ ವಿಶೇಷ ಆಫರ್​ನಲ್ಲಿ ರೀಚಾರ್ಜ್​​ ಪ್ಲ್ಯಾನ್​ಗಳನ್ನು (Recharge Plans) ಸಹ ಬಿಡುಗಡೆ ಮಾಡುವ ಮೂಲಕ ಕಣ್ಮನ ಸೆಳೆಯುತ್ತಿದೆ. 

ಏರ್​​ಟೆಲ್​ 5ಜಿ ಸೇವೆಯ ಮಧ್ಯೆ ತನ್ನ 200 ರೂಪಾಯಿ ಒಳಗಿನ ಪ್ರೀಪೇಯ್ಡ್​ ರೀಚಾರ್ಜ್ ಪ್ಲ್ಯಾನ್​ಗಳನ್ನು ಬಿಡುಗಡೆ ಮಾಡಿದೆ. ಹಾಗಿದ್ರೆ ಆ ಪ್ಲ್ಯಾನ್​ಗಳು ಯಾವುದೆಲ್ಲಾ ಎಂಬುದನ್ನು ಈ ಲೇಖನದಲ್ಲಿ ತಿಳಿಯಿರಿ.

ಏರ್​​ಟೆಲ್​ನ 128 ರೂಪಾಯಿ ರೀಚಾರ್ಜ್ ಪ್ಲ್ಯಾನ್​

ಏರ್‌ಟೆಲ್ ಟೆಲಿಕಾಂನ 128 ರೂಪಾಯಿ ಯೋಜನೆಯು ಸ್ಥಳೀಯ ಮತ್ತು ಎಸ್‌ಟಿಡಿ ಕರೆಗಳಿಗೆ ಸೆಕೆಂಡಿಗೆ ರೂ 2.5 ಪೈಸೆಯಂತೆ ಕಟ್ ಆಗುತ್ತದೆ ಮತ್ತು ರಾಷ್ಟ್ರೀಯ ವಿಡಿಯೋ ಕರೆಗಳಿಗೆ ಸೆಕೆಂಡಿಗೆ ರೂ 5 ಪೈಸೆಯಂತೆ ವಿಧಿಸುತ್ತದೆ.

ಹೆಚ್ಚುವರಿಯಾಗಿ, ಮೊಬೈಲ್ ಡೇಟಾಗೆ ಪ್ರತಿ ಎಮ್​ಬಿ ಗೆ 50 ಪೈಸೆ ವಿಧಿಸಲಾಗುತ್ತದೆ ಮತ್ತು ಸ್ಥಳೀಯ ಎಸ್‌ಎಮ್‌ಎಸ್‌ ಗೆ 1 ರೂಪಾಯಿ ಮತ್ತು ಎಸ್‌ಟಿಡಿ ಗೆ ಪ್ರತಿ ಎಸ್‌ಎಮ್‌ಎಸ್‌ ಗೆ 1.5 ರೂಪಾಯಿಅನ್ನು ವಿಧಿಸಲಾಗುತ್ತದೆ. ಏರ್​ಟೆಲ್​ನ ಈ ಪ್ಲ್ಯಾನ್​ ಒಟ್ಟು 30 ದಿನಗಳ ವ್ಯಾಲಿಡಿಟಿಯನ್ನು ಹೊಂದಿರುತ್ತದೆ.

ಏರ್​​ಟೆಲ್​ನ 111 ರೂಪಾಯಿ ರೀಚಾರ್ಜ್​ ಪ್ಲ್ಯಾನ್​

ಏರ್‌ಟೆಲ್ ಕಂಪೆನಿಯ 111 ರೂಪಾಯಿ ರೀಚಾರ್ಜ್ ಪ್ಲ್ಯಾನ್​​​ 99 ರೂಪಾಯಿ ಟಾಕ್ ಟೈಮ್ ಮತ್ತು 200ಎಮ್​ಬಿ ಮೊಬೈಲ್ ಡೇಟಾವನ್ನು ನೀಡುತ್ತದೆ. ಈ ಯೋಜನೆಯೊಂದಿಗೆ, ಎಲ್ಲಾ ಸ್ಥಳೀಯ, ಎಸ್‌ಟಿಡಿ ಮತ್ತು ಲ್ಯಾಂಡ್‌ಲೈನ್ ಕರೆಗಳಿಗೆ ಸೆಕೆಂಡಿಗೆ 2 ರೂಪಾಯಿ 5 ಪೈಸೆಯಂತೆ ವೆಚ್ಚವಾಗುತ್ತದೆ. ಎಸ್‌ಎಂಎಸ್‌ಗೆ ಸಂಬಂಧಿಸಿದಂತೆ, ಸ್ಥಳೀಯ ಎಸ್‌ಎಂಎಸ್‌ಗೆ 1 ರೂಪಾಯಿ ಮತ್ತು ಎಸ್‌ಟಿಡಿ ಪ್ರತಿ ಎಸ್‌ಎಂಎಸ್‌ ಗೆ 1.5 ರೂಪಾಯಿ ವೆಚ್ಚವಾಗಲಿದೆ. ಈ ಯೋಜನೆಯು ಒಟ್ಟು 30 ದಿನಗಳ ವ್ಯಾಲಿಡಿಟಿ ಅವಧಿಯನ್ನು ಹೊಂದಿದೆ.

ಏರ್​​ಟೆಲ್​ನ 109 ರೂಪಾಯಿ ರೀಚಾರ್ಜ್​ ಪ್ಲ್ಯಾನ್​​

ಏರ್‌ಟೆಲ್ ಟೆಲಿಕಾಂನ 109 ರೂಪಾಯಿ ರೀಚಾರ್ಜ್​ ಯೋಜನೆಯು 30 ದಿನಗಳವರೆಗೆ ವ್ಯಾಲಿಡಿಟಿಯನ್ನು ಹೊಂದಿರುತ್ತದೆ. ಈ ರೀಚಾರ್ಜ್‌ನೊಂದಿಗೆ, ನೀವು 99 ಟಾಕ್-ಟೈಮ್ ಮತ್ತು 200ಎಮ್​ಬಿ ಮೊಬೈಲ್ ಡೇಟಾವನ್ನು ಬಳಸಬಹುದಾಗಿದೆ. ಈ ಯೋಜನೆಯೊಂದಿಗೆ, ಎಲ್ಲಾ ಸ್ಥಳೀಯ, ಎಸ್‌ಟಿಡಿ ಮತ್ತು ಲ್ಯಾಂಡ್‌ಲೈನ್ ಕರೆಗಳಿಗೆ ಸೆಕೆಂಡಿಗೆ 2 ರೂಪಾಯಿ5 ಪೈಸೆ ವೆಚ್ಚವಾಗುತ್ತದೆ. ಪ್ರತಿ ಸ್ಥಳೀಯ ಎಸ್‌ಎಂಎಸ್‌ಗೆ 1 ರೂಪಾಯಿ ಮತ್ತು ಎಸ್‌ಟಿಡಿ ಪ್ರತಿ ಎಸ್‌ಎಂಎಸ್‌ಗೆ 1.5 ರೂಪಾಯಿ ವೆಚ್ಚವಾಗುತ್ತದೆ.

ಏರ್​​ಟೆಲ್​ನ 99 ರೂಪಾಯಿ ರೀಚಾರ್ಜ್​ ಪ್ಲ್ಯಾನ್​​

ಏರ್‌ಟೆಲ್ ಟೆಲಿಕಾಂನ 99 ರೂಪಾಯಿ ಯೋಜನೆಯು ಒಟ್ಟು 28 ದಿನಗಳವರೆಗೆ ವ್ಯಾಲಿಡಿಟಿಯನ್ನು ಹೊಂದಿರುತ್ತದೆ . ಈ ರೀಚಾರ್ಜ್‌ನೊಂದಿಗೆ, ನೀವು 99 ರೂಪಾಯಿಯಷ್ಟು ಟಾಕ್-ಟೈಮ್ ಮತ್ತು 200 ಎಮ್​ಬಿಯಷ್ಟು ಮೊಬೈಲ್ ಡೇಟಾವನ್ನು ಬಳಸಬಹುದಾಗಿದೆ.

ಇದನ್ನೂ ಓದಿ: ಭಾರತದ ಮಾರುಕಟ್ಟೆಗೆ ಲಗ್ಗೆಯಿಡ್ತಿದೆ ಟೆಕ್ನೋ ಫ್ಯಾಂಟಮ್​ ಎಕ್ಸ್​2 ಪ್ರೋ ಸ್ಮಾರ್ಟ್​ಫೋನ್​! 

ಈ ಯೋಜನೆಯೊಂದಿಗೆ, ಎಲ್ಲಾ ಸ್ಥಳೀಯ, ಎಸ್‌ಟಿಡಿ ಮತ್ತು ಲ್ಯಾಂಡ್‌ಲೈನ್ ಕರೆಗಳಿಗೆ ಸೆಕೆಂಡಿಗೆ 2 ರೂಪಾಯಿ 5 ಪೈಸೆ ವೆಚ್ಚವಾಗುತ್ತದೆ. ಪ್ರತಿ ಸ್ಥಳೀಯ ಎಸ್‌ಎಂಎಸ್‌ಗೆ 1 ರೂಪಾಯಿ ಮತ್ತು ಎಸ್‌ಟಿಡಿ ಪ್ರತಿ ಎಸ್‌ಎಂಎಸ್‌ಗೆ 1.5 ರೂಪಾಯಿ ವೆಚ್ಚವಾಗುತ್ತದೆ.

ಏರ್​ಟೆಲ್​ ಟೆಲಿಕಾಂ ಕಂಪೆನಿ ಈ ಹಿಂದೆಯೂ ಹಲವಾರು ರೀಚಾರ್ಜ್​ ಪ್ಲ್ಯಾನ್​ಗಳನ್ನು ಪರಿಚಯಿಸಿದೆ. ಸದ್ಯ ದೇಶದಾದ್ಯಂತ 5ಜಿ ಸೇವೆಯನ್ನು ವಿಸ್ತರಿಸುತ್ತಿದ್ದು, ಇನ್ನೇನು ಕೆಲವೇ ದಿನಗಳಲ್ಲಿ ಏರ್​ಟೆಲ್​ನಿಂದ 5ಜಿ ರೀಚಾರ್ಜ್​ ಪ್ಲ್ಯಾನ್​ಗಳು ಸಹ ಬಿಡುಗಡೆಯಾಗಲಿದೆ.