ಒಂದು ಬಾರಿ ಚಾರ್ಜ್ ಮಾಡಿದರೆ 7 ದಿನಗಳ ಕಾಲ ಬಳಸಬಹುದು; Realme ಪರಿಚಯಿಸಿದೆ ಹೊಸ ಸ್ಮಾರ್ಟ್​ವಾಚ್​

Realme Watch T1: Realme GT Neo 2T ಮತ್ತು Realme Q3s ಸ್ಮಾರ್ಟ್‌ಫೋನ್‌ಗಳ ಜೊತೆಗೆ ಈ ವರ್ಷದ ಅಕ್ಟೋಬರ್‌ನಲ್ಲಿ ಚೀನಾದಲ್ಲಿ Realme Watch T1 ಅನ್ನು ಬಿಡುಗಡೆ ಮಾಡಲಾಗಿದೆ. ಆದರೆ ಭಾರತೀಯ ಮಾರುಕಟ್ಟೆಗೆ ಪರಿಚಯಿಸುವ ಕಾಲ ಹತ್ತಿರದಲ್ಲಿದೆ ಎಂದು ಹೇಳಲಾಗುತ್ತಿದೆ.

Realme Watch T1/ ರಿಯಲ್​ಮಿ ವಾಚ್​ ಟಿ1

Realme Watch T1/ ರಿಯಲ್​ಮಿ ವಾಚ್​ ಟಿ1

  • Share this:
    ಇತ್ತೀಚೆಗೆ  ರಿಯಲ್​ಮಿ (Realme) ಹೊಸ ಸ್ಮಾರ್ಟ್​ವಾಚ್ ಅನ್ನು ಉತ್ಪಾದಿಸಿ ಚೀನಾದ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಿದೆ. ನೂತನ ಸ್ಮಾರ್ಟ್​ವಾಚ್​ಗೆ Realme Watch T1 ಎಂದು ಹೆಸರಿಡಲಾಗಿದೆ. ಸದ್ಯ ಈ ಆಕರ್ಷಕ ಸ್ಮಾರ್ಟ್​ವಾಚ್​ ಭಾರತೀಯ ಮಾರುಕಟ್ಟೆಯನ್ನು ಪ್ರವೇಶಿಸುವ ಸಾಧ್ಯೆ ಎದ್ದು ಕಾಣುತ್ತಿದೆ. ಬ್ಯೂರೋ ಆಫ್ ಇಂಡಿಯನ್ ಸ್ಟ್ಯಾಂಡರ್ಡ್ಸ್ (BIS) ವೆಬ್‌ಸೈಟ್‌, ಮುಕುಲ್​ ಶರ್ಮಾ ಮೂಲಕ RMW2103 ಮಾದರಿ ಸಂಖ್ಯೆಯೊಂದಿಗೆ Realme Watch T1 ಅನ್ನು ಗುರುತಿಸಲಾಗಿದೆ. ಉತ್ಪನ್ನವು ಶೀಘ್ರದಲ್ಲೇ ಭಾರತೀಯ ಮಾರುಕಟ್ಟೆಗೆ ಬರಲಿದೆ ಎಂದು ಹೇಳಲಾಗುತ್ತಿದೆ.

    Realme Watch T1 ಸ್ಮಾರ್ಟ್​ವಾಚ್​

    ಕಂಪನಿಯು Realme Watch T1 ಸ್ಮಾರ್ಟ್​ವಾಚ್​ ಬಗ್ಗೆ ಯಾವುದೇ ಅಧಿಕೃತ ಘೋಷಣೆ ಮಾಡಿಲ್ಲ. Realme GT Neo 2T ಮತ್ತು Realme Q3s ಸ್ಮಾರ್ಟ್‌ಫೋನ್‌ಗಳ ಜೊತೆಗೆ ಈ ವರ್ಷದ ಅಕ್ಟೋಬರ್‌ನಲ್ಲಿ ಚೀನಾದಲ್ಲಿ Realme Watch T1 ಅನ್ನು ಬಿಡುಗಡೆ ಮಾಡಲಾಗಿದೆ. ಆದರೆ ಭಾರತೀಯ ಮಾರುಕಟ್ಟೆಗೆ ಪರಿಚಯಿಸುವ ಕಾಲ ಹತ್ತಿರದಲ್ಲಿದೆ ಎಂದು ಹೇಳಲಾಗುತ್ತಿದೆ.

    Realme ವಾಚ್ T1 ನ ವಿಶೇಷತೆಗಳು

    ಇದು 1.3-ಇಂಚಿನ ಸುತ್ತಿನ AMOLED ಡಿಸ್​ಪ್ಲೇ ಜೊತೆಗೆ 416 x 416 ಪಿಕ್ಸೆಲ್‌ಗಳ ರೆಸಲ್ಯೂಶನ್ ಮತ್ತು 325ppi ಪಿಕ್ಸೆಲ್ ಸಾಂದ್ರತೆಯೊಂದಿಗೆ ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್‌ನ ಪದರವನ್ನು ಹೊಂದಿದೆ. ಮತ್ತು 50 ಕ್ಕೂ ಹೆಚ್ಚು ವಾಚ್ ಫೇಸ್‌ಗಳಿಗೆ ಬೆಂಬಲವನ್ನು ಹೊಂದಿದೆ. ಬ್ಯಾಡ್ಮಿಂಟನ್, ಎಲಿಪ್ಟಿಕಲ್, ಹೈಕಿಂಗ್ ಮತ್ತು ಓಟ ಸೇರಿದಂತೆ 110 ಕ್ರೀಡಾ ವಿಧಾನಗಳಿಗೆ ಬೆಂಬಲವಿದೆ.



    Realme ವಾಚ್ T1 ಬ್ಯಾಟರಿ

    Realme ನೂತನ ಸ್ಮಾರ್ಟ್​ವಾಚ್​ನಲ್ಲಿ ಬ್ಲೂಟೂತ್ ಕನೆಕ್ಟಿವಿಟಿ v5.0, GPS/ A-GPS/ GLONASS/ ಗೆಲಿಲಿಯೋ, ಮತ್ತು NFC ಸೇರಿವೆ. ಇದು ನೈಜ-ಸಮಯದ ಹೃದಯ ಬಡಿತ ಮಾನಿಟರಿಂಗ್, SpO2 ಮಾನಿಟರಿಂಗ್ ಮತ್ತು ನಿದ್ರಾ ವೈಶಿಷ್ಟ್ಯಗಳಿಗೆ ಬೆಂಬಲವನ್ನು ಹೊಂದಿದೆ. ಸ್ಮಾರ್ಟ್ ವಾಚ್ ಅನ್ನು 5ATM (50 ಮೀಟರ್) ಜಲನಿರೋಧಕ ಎಂದು ರೇಟ್ ಮಾಡಲಾಗಿದೆ. ಇದು 228mAh ಬ್ಯಾಟರಿಯನ್ನು ಹೊಂದಿದ್ದು, ಒಂದೇ ಚಾರ್ಜ್‌ನಲ್ಲಿ ಏಳು ದಿನಗಳ ಕಾಲ ಬಳಸಬಹುದಾಗಿದೆ. ಇದು ಭಾರತದಲ್ಲಿ ಮೂರು ಬಣ್ಣದ ಆಯ್ಕೆಗಳಲ್ಲಿ (ಆಲಿವ್ ಗ್ರೀನ್, ಮಿಂಟ್ ಮತ್ತು ಕಪ್ಪು) ಬರಬಹುದು ಎಂದು ಹೇಳಲಾಗುತ್ತಿದೆ.
    Published by:Harshith AS
    First published: