Realme: 6 ಸಾವಿರ mAh ಬ್ಯಾಟರಿ, ತ್ರಿವಳಿ ಕ್ಯಾಮೆರಾ; ಬಿಡುಗಡೆಗೆ ಸಿದ್ಧವಾದ ನಾರ್ಜೋ 20 ಸಿರೀಸ್​​ ಸ್ಮಾರ್ಟ್​ಫೋನ್​

ರಿಯಲ್​ಮಿ ಸಂಸ್ಥೆ ಹಲವಾರು ಸ್ಮಾರ್ಟ್​ಫೋನ್​​ಗಳನ್ನ ಮಾರುಕಟ್ಟೆಗೆ ಪರಿಚಯಿಸುತ್ತಾ ಬಂದಿದೆ. ಇದೀಗ ನಾರ್ಜೋ 20 ಸಿರೀಸ್ ಸ್ಮಾರ್ಟ್​ಫೋನ್​ಗಳನ್ನ ಪರಿಚಯಿಸಲು ಸಿದ್ಧತೆ ಮಾಡಿದೆ. ಸೆಪ್ಟೆಂಬರ್ 21 ರಂದು, ಮಧ್ಯಾಹ್ನ 12:30 ಕ್ಕೆ ನೂತನ ಸ್ಮಾರ್ಟ್​ಫೋನ್​ಗಳನ್ನು ಗ್ರಾಹಕರಿಗೆ ಪರಿಚಯಿಸುತ್ತಿದೆ. ಅಂದಹಾಗೆ ರಿಯಲ್​ಮಿ  3 ಸ್ಮಾರ್ಟ್​ಫೋನ್​ಗಳನ್ನ ಪರಿಚಯಿಸುತ್ತಿದೆ. ರಿಯಲ್​ಮಿ ನಾರ್ಜೋ 20, ನಾಜೋ 20 ಪ್ರೊ, ನಾರ್ಜೋ 20ಎ ಸ್ಮಾರ್ಟ್​ಫೋನ್​ಗಳು ಮಾರುಕಟ್ಟೆಗೆ  ಧಾವಿಸುತ್ತಿದೆ. ನೂತನ ಫೋನ್​ಗಳು ಹಲವು ವಿಶೇಷತೆಗಳನ್ನು ಒಳಗೊಂಡಿದೆ. ಬೆಲೆಗೆ ತಕ್ಕಂತೆ ಕೆಲವು ಫೀಚರ್ಸ್​ಗಳನ್ನು ಅಳವಡಿಸಿಕೊಂಡಿದೆ. ರಿಯಲ್​ಮಿ ಪರಿಚಯಿಸುತ್ತಿರುವ ನಾರ್ಜೋ 20 ಸಿರೀಸ್ ಸ್ಮಾರ್ಟ್​ಫೋನ್​ಗಳ ವಿಶೇಷತೆ ಬಗ್ಗೆ ಇಲ್ಲಿದೆ ಮಾಹಿತಿ.

ರಿಯಲ್​ಮಿ ನಾರ್ಜೋ 20 ಸಿರೀಸ್​​ ಸ್ಮಾರ್ಟ್​ಫೋನ್​ಗಳ ವಿಶೇಷತೆ:

ರಿಯಲ್​ಮಿ  20 ಸಿರೀಸ್ ಸ್ಮಾರ್ಟ್​ಫೋನ್​ಗಳು ಮೀಡಿಯಾ ಟೆಕ್ ಹೆಲಿಯೋ G85 ಪ್ರೊಸೆಸರ್​ನಲ್ಲಿ ಕಾರ್ಯನಿರ್ವಹಿಸುತ್ತಿದೆ. ಜೊತೆಗೆ ತ್ರಿವಳಿ ಕ್ಯಾಮೆರಾ ಮತ್ತು 48 ಮೆಗಾಫಿಕ್ಸೆಲ್ ಪ್ರೈಮರಿ ಇಮೇಜ್ ಸೆನ್ಸಾರ್  ನೀಡಲಾಗಿದೆ. ಜೊತೆಗೆ 6 ಸಾವಿರ mAh ಬ್ಯಾಟರಿಯನ್ನು ಅಳವಡಿಸಲಾಗಿದ್ದು, 8 ವ್ಯಾಟ್ ಫಾಸ್ಟ್ ಚಾರ್ಜಿಂಗ್ ಸೌಲಭ್ಯವನ್ನು ಹೊಂದಿದೆ.

ರಿಲಲ್​ಮಿ ನಾರ್ಜೋ 20 ಸಿರೀಸ್ ಸ್ಮಾರ್ಟ್​ಫೋನ್​ಗಳು 8GB RAM ಮತ್ತು ನಾಲ್ಕು ಬಣ್ಣದಲ್ಲಿ ಬಿಡುಗಡೆ ಮಾಡುತ್ತಿದೆ. 128 ಸ್ಟೊರೇಜ್ ಆಯ್ಕೆಯಲ್ಲಿ ಗ್ರಾಹಕರ ಖರೀದಿಗೆ ಸಿಗಲಿದೆ.

ಇನ್ನು ನಾರ್ಜೋ 20A ಮತ್ತು ನಾರ್ಜೋ 20 ಪ್ರೊ ಸ್ಮಾರ್ಟ್​ಫೋನ್​ ಸ್ನಾಪ್​ಡ್ರಾಗನ್​ 662. ಸ್ನಾಪ್​ಡ್ರಾಗನ್​ 665 soc ಮತ್ತು ಮೀಡಿಯಾ ಟೆಕ್ ಹೆಲಿಯೋ G95 ಎಸ್ಒಸಿ ಪ್ರೊಸೆಸರ್ ಆಯ್ಕೆಯಲ್ಲಿ ಗ್ರಾಹಕರಿಗೆ ಸಿಗಲಿದೆ. ಅದರ ಜೊತೆಗೆ ನಾರ್ಜೋ 20ಎ ಸ್ಮಾರ್ಟ್​ಫೋನ್​ 3GB+32GB ಸ್ಟೊರೇಜ್ ಆಯ್ಕೆಯಲ್ಲಿ ಮತ್ತು 4GB+64GB ಆಯ್ಕೆಯಲ್ಲಿ ಸಿಗಲಿದೆ.

ನಾರ್ಜೋ 20 ಪ್ರೊ ಸ್ಮಾರ್ಟ್​ಫೋನ್​ 6ಜಿಬಿ + 64ಜಿಬಿ ಸ್ಟೊರೇಜ್ ಮತ್ತು 8ಜಿಬಿ+128 ಸ್ಟೊರೇಜ್​ ಆಯ್ಕೆಯಲ್ಲಿ ಸಿಗಲಿದೆ. ಕಪ್ಪು ಮತ್ತು ಬಿಳಿ ಬಣ್ಣದಲ್ಲಿ ಮಾರುಕಟ್ಟೆಯಲ್ಲಿ ಸಿಗಲಿದೆ.