Realme 9i: ಬಿಡುಗಡೆಗೆ 2 ದಿನ ಬಾಕಿ, ಸೋರಿಕೆಯಾಯ್ತು ಹೊಸ ಸ್ಮಾರ್ಟ್​ಫೋನಿನ ವಿಶೇಷ ಫೀಚರ್ಸ್​!

Realme 9i 5G: ರಿಯಲ್​ಮಿ ಭಾರತೀಯರಿಗಾಗಿ Realme 9i 5G ಸ್ಮಾರ್ಟ್​ಫೋನನ್ನು ಪರಿಚಯಿಸಲು ಮುಂದಾಗಿದೆ. ನೂತನ ಸ್ಮಾರ್ಟ್​ಫೋನ್​ ಆಗಸ್ಟ್​ 18ರಂದು ಬಿಡುಗೆಯಾಗಲಿದೆ ಎಂದು ಹೇಳಲಾಗುತ್ತಿದೆ. ಬಿಡುಗಡೆಗೆ ಇನ್ನೇನು 2 ದಿನ ಬಾಕಿ ಇರುವಾಗಲೇ ನೂತನ ಸ್ಮಾರ್ಟ್​ಫೋನಿನ ಮೇಲಿರುವ ಕುತೂಹಲ ಹೆಚ್ಚಾಗಿದೆ.

ರಿಯಲ್​​ಮಿ 9i 5G

ರಿಯಲ್​​ಮಿ 9i 5G

  • Share this:
    ಚೀನಾ ಮೂಲದ ರಿಯಲ್​ಮಿ (Realme) ಸಾಕಷ್ಟು ಸ್ಮಾರ್ಟ್​ಫೋನ್​ಗಳನ್ನು (Smart Phones) ಭಾರತದಲ್ಲಿ (India) ಪರಿಚಯಿಸುತ್ತಾ ಬಂದಿದೆ. ಹೊಸ ವಿಶೇಷತೆಯನ್ನು ಅಳವಡಿಸಿಕೊಳ್ಳುವ ಮೂಲಕ ಭಾರತದ ಮಾರುಕಟ್ಟೆಯನ್ನು (Market) ಪ್ರವೇಶಿಸುತ್ತಿರುತ್ತದೆ. ಅದರಂತೆಯೇ ಇದೀಗ ರಿಯಲ್​ಮಿ ಹೊಸ ಸ್ಮಾರ್ಟ್​ಫೋನ್​ವೊಂದನ್ನು ಅಭಿವೃದ್ಧಿ ಪಡಿಸಿದೆ. ನೂತನ ಸ್ಮಾರ್ಟ್​ಫೋನ್ ದೇಶೀಯ ಮಾರುಕಟ್ಟೆ ಪ್ರವೇಶಿಸಲು ಸಜ್ಜಾಗಿದೆ ಎಂದು ಹೇಳಲಾಗುತ್ತಿದೆ.

    ಅಂದಹಾಗೆಯೇ, ರಿಯಲ್​ಮಿ ಭಾರತೀಯರಿಗಾಗಿ Realme 9i 5G ಸ್ಮಾರ್ಟ್​ಫೋನನ್ನು ಪರಿಚಯಿಸಲು ಮುಂದಾಗಿದೆ. ನೂತನ ಸ್ಮಾರ್ಟ್​ಫೋನ್​ ಆಗಸ್ಟ್​ 18ರಂದು ಬಿಡುಗೆಯಾಗಲಿದೆ ಎಂದು ಹೇಳಲಾಗುತ್ತಿದೆ. ಬಿಡುಗಡೆಗೆ ಇನ್ನೇನು 2 ದಿನ ಬಾಕಿ ಇರುವಾಗಲೇ ನೂತನ ಸ್ಮಾರ್ಟ್​ಫೋನಿನ ಮೇಲಿರುವ ಕುತೂಹಲ ಹೆಚ್ಚಾಗಿದೆ. ಹೊಸ ಫೋನ್‌ನ ಕೆಲವು ವಿಶೇಷತೆಗಳು ಮತ್ತು ವಿನ್ಯಾಸದ ವಿವರಗಳು ಆನ್‌ಲೈನ್‌ನಲ್ಲಿ ಸೋರಿಕೆಯಾಗಿವೆ.

    ಸೋರಿಕೆಯಾದ ಮಾಹಿತಿ ಪ್ರಕಾರ, ನೂತನ ಸ್ಮಾರ್ಟ್​ಫೋನ್ ಹೇಗಿರಲಿದೆ, ಅದರಲ್ಲಿರುವ ವಿಶೇಷತೆ ಬಗ್ಗೆ ತಿಳಿಸಲಾಗಿದೆ. ಸದ್ಯ ಹರಿದಾಡುತ್ತಿರುವ ಮಾಹಿತಿಯಂತೆ "ಲೇಸರ್ ಲೈಟ್" ವಿನ್ಯಾಸ ಮತ್ತು ಹಿಂಭಾಗದ ಟ್ರಿಪಲ್ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದೆ ಎಂದು ಹೇಳಲಾಗುತ್ತಿದೆ.

    ರಿಯಲ್​ಮಿ ಗ್ರಾಹಕರನ್ನು ಸೆಳೆಯುವ ನಿಟ್ಟಿನಲ್ಲಿ ವಿವಿಧ ಬಣ್ಣಗಳಲ್ಲಿ ಸ್ಮಾರ್ಟ್​ಫೋನ್​ಗಳನ್ನು ಪರಿಚಯಿಸುತ್ತಾ ಬಂದಿದೆ. ಅದರಂತೆಯೇ Realme 9i 5G ಸ್ಮಾರ್ಟ್​ಫೋನ್​ ಎರಡು ಬಣ್ಣಗಳಲ್ಲಿ ಬರಲಿದೆ. ಗ್ರಾಹಕರಿಗಾಗಿ ಕಪ್ಪು ಮತ್ತು ಗೋಲ್ಡ್ ಬಣ್ಣದಲ್ಲಿ ಖರೀದಿಗೆ ಸಿಗಲಿದೆ.

    ಇದನ್ನೂ ಓದಿ: Google​ ಪರಿಚಯಿಸಿದೆ ಆಂಡ್ರಾಯ್ಡ್​ 13 ಮೊಬೈಲ್​ ಓಎಸ್​; ನೀವು ತಿಳಿದುಕೊಳ್ಳಬೇಕಾದ ಪ್ರಮುಖ ಸಂಗತಿ ಇಲ್ಲಿದೆ

    ಬಿಡುಗಡೆಗೊಂಡ ಬಳಿ ಅಧಿಕೃತ ರಿಯಲ್​ಮಿ ಮಾರಾಟ ಮಳಿಗೆಯಲ್ಲಿ ಖರೀದಿಗೆ ಸಿಗಲಿದೆ ಎಂದು ಅಂದಾಜಿಸಲಾಗಿದೆ. ಮಾತ್ರವಲ್ಲದೆ, ಜನಪ್ರಿಯ ಆನ್​ಲೈನ್​ ಮಾರಾಟ ಮಳಿಗೆಯಾದ ಫ್ಲಿಪ್‌ಕಾರ್ಟ್ ಮೂಲಕ ಖರೀದಿಸಬಹುದು ಎಂದು ಹೇಳಲಾಗುತ್ತಿದೆ.

    Realme 9i 5G: ವೈಶಿಷ್ಟ್ಯಗಳು

    ಸೋರಿಕೆಯಾದ ಮಾಹಿತಿಯಂತೆಯೇ, Realme 9i 5G ಸ್ಮಾರ್ಟ್​ಫೋನಿನ ವಿನ್ಯಾಸ, ವಿಶೇಷತೆಯಲ್ಲಿ ಹಲವು ಬದಲಾವಣೆ ಮಾಡಿದೆ. ಇದು ಗ್ರಾಹಕರನ್ನು ಬೇಗನೆ ಸೆಳೆದುಕೊಳ್ಳಲಿದೆ ಎಂದು ಅಂದಾಜಿಸಲಾಗಿದೆ

    -ನೂತನ Realme 9i 5G ಸ್ಮಾರ್ಟ್​ಫೋನ್​ MediaTek ಡೈಮೆನ್ಸಿಟಿ 810 SoC ನಿಂದ ಕಾರ್ಯನಿರ್ವಹಿಸುತ್ತದೆ.

    -8GB RAM ಮತ್ತು 128GB ಆಂತರಿಕ ಸಂಗ್ರಹಣೆ ಬರಲಿದೆ ಎಂದು ಹೇಳಲಾಗುತ್ತಿದೆ.

    -18W ವೇಗದ ಚಾರ್ಜಿಂಗ್ ಜೊತೆಗೆ 5,000mAh ಬ್ಯಾಟರಿ ಆಯ್ಕೆಯಲ್ಲಿ ಸಿಗಲಿದೆ.

    -ಇದು ಆಳ ಮತ್ತು ಮ್ಯಾಕ್ರೋ ಫೋಟೋಗಳಿಗಾಗಿ 50MP ಪ್ರೈಮರಿ ಸೆನ್ಸಾರ್​ ಮತ್ತು ಎರಡು 2MP ಸಹಾಯಕ ಸೆನ್ಸಾರ್​​​ಗಳನ್ನು ಒಳಗೊಂಡಿರಬಹುದು ಎಂದು ಅಂದಾಜಿಸಲಾಗಿದೆ.

    -ಇನ್ನು ಸೆಲ್ಫಿಗಳಿಗಾಗಿ 16MP ಮುಂಭಾಗದ ಕ್ಯಾಮೆರಾವನ್ನು ಹೊಂದಿರಬಹುದು.

    -Realme 9i 5G ಸ್ಮಾರ್ಟ್​ಫೋನ್​ 6.6-ಇಂಚಿನ ಪೂರ್ಣ HD+ LCD ಪ್ಯಾನೆಲ್ ಹೊಂದಿದೆ.

    -ಬಾಕ್ಸ್ ಹೊರಗೆ Realme UI 2.0 ನೊಂದಿಗೆ Android 11 ನಲ್ಲಿ ಫೋನ್ ರನ್ ಆಗುವ ನಿರೀಕ್ಷೆಯಿದೆ

    ಇದನ್ನೂ ಓದಿ: WhatsAppನಲ್ಲಿ ಬರಲಿದೆ ಅವತಾರ್​ ಫೀಚರ್​! ನಿಮ್ಮ ಪ್ರೊಫೈಲ್ ಫೋಟೋದ ಅವತಾರವೇ ಬದಲಾಗಲಿದೆ

    ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ನೂತನ ಸ್ಮಾರ್ಟ್​ಫೋನ್​ Realme 9i 5G ಕುರಿತಾದ ಮಾಹಿತಿ ಸೋರಿಕೆಯಾಗಿದೆ. ಟಿಪ್‌ಸ್ಟರ್ ಸುಧಾಂಶು ಅಂಬೋರ್ ಈ ವಿಚಾರಗಳನ್ನು ಹಂಚಿಕೊಂಡಿದ್ದಾರೆ. ಅವರು ಹೇಳುವಂತೆ Realme 9i 5G ಸ್ಮಾರ್ಟ್​ಫೋನ್​ ಗ್ರಾಹಕರಿಗೆ ಕಪ್ಪು ಮತ್ತು ಚಿನ್ನದ ಬಣ್ಣದಲ್ಲಿ ಸಿಗಲಿದೆ. ನೂತನ ಸ್ಮಾರ್ಟ್​ಫೋನ್​ ಒಂದೆರಡು ವಾರಗಳ ಹಿಂದೆ ಬಿಡುಗಡೆಯಾದ Realme 9i 4G ಮಾದರಿಯಂತೆಯೇ ಇರಲಿದೆ ಎಂದು ಮಾಹಿತಿ ಹಂಚಿಕೊಂಡಿದ್ದಾರೆ.

    ಆದರೆ Realme 9i 5G ಸ್ಮಾರ್ಟ್​ಫೋನ್​​​​ ಬಿಡುಗಡೆಗೆ 2 ದಿನ ಬಾಕಿ ಇದೆ. ಈಗಾಗಲೇ ನೂತನ ಸ್ಮಾರ್ಟ್​ಫೋನಿನ ವಿಶೇಷತೆ ಹೊರಬಿದ್ದಿದೆ. ಆದರೆ Realme 9i 5G ಸ್ಮಾರ್ಟ್​ಫೋನಿನ ಬೆಲೆ ಮತ್ತು ಇನ್ನಿತರ ಫೀಚರ್ಸ್​ಗಳ ಬಗ್ಗೆ ಬಿಡುಗಡೆಗೊಂಡ ಬಳಿಕವೇ ತಿಳಿದು ಬರಬೇಕಿದೆ.
    Published by:Harshith AS
    First published: