Realme 10 Pro: ರಿಯಲ್​ಮಿ 10 ಪ್ರೋ ಸ್ಮಾರ್ಟ್​​ಫೋನ್​ ಸೇಲ್​ ಆರಂಭ, ಗ್ರಾಹಕರು ಕೊಟ್ಟ ಮಾರ್ಕ್ಸ್​ ಎಷ್ಟು?

ಮೊಬೈಲ್​ ಮಾರುಕಟ್ಟೆಯಲ್ಲಿನ ಜನಪ್ರಿಯ ಕಂಪನಿಯಾಗಿರುವ ರಿಯಲ್​ಮಿ ಕಂಪನಿ (Realme Company) ಇದೀಗ ತನ್ನ ಬ್ರಾಂಡ್​ನ ಅಡಿಯಲ್ಲಿ ಮತ್ತೊಂದು ಸ್ಮಾರ್ಟ್​​ಫೋನ್​ನ ಸೇಲ್​ ಆರಂಭವಾಗಿದೆ. ರಿಯಲ್​ಮಿ 10 ಪ್ರೋ (Realme 10 Pro) ರಿಯಲ್​​ಮಿ ಕಂಪನಿಯ ಬಹುನಿರೀಕ್ಷಿತ ಸ್ಮಾರ್ಟ್​​ಫೋನ್ (Smartphone)​ ಆಗಿದ್ದು ಕಳೆದವಾರದಲ್ಲಿ ಭಾರತದಲ್ಲಿ ಬಿಡುಗಡೆಯಾಗಿದೆ. ಇದೀಗ ಡಿಸೆಂಬರ್​ 16 ರಂದು ಫ್ಲಿಪ್​ಕಾರ್ಟ್​​ನಲ್ಲಿ ಫಸ್ಟ್​ ಸೇಲ್ (Flipkart First Sale) ಆರಂಭಿಸಿದೆ. ಈ ಸ್ಮಾರ್ಟ್​​ಫೊನ್​ ಬಹಳಷ್ಟು ಫೀಚರ್ಸ್ ಅನ್ನು ಹೊಂದಿದ್ದು ಫ್ಲಿಪ್​ಕಾರ್ಟ್​​ನಲ್ಲಿ ಈ ಸ್ಮಾರ್ಟ್‌ಫೋನ್‌ ಹೈಪರ್‌ಸ್ಪೇಸ್ ಗೋಲ್ಡ್, ಡಾರ್ಕ್ ಮ್ಯಾಟರ್ ಮತ್ತು ನೆಬ್ಯುಲಾ ಬ್ಲೂ ಕಲರ್‌ ಆಯ್ಕೆಗಳಲ್ಲಿ ಲಭ್ಯವಿದೆ. ಈ ಫಸ್ಟ್​ ಸೇಲ್​ನಲ್ಲಿ ರಿಯಲ್​ಮಿ ಕಂಪನಿ ತನ್ನ ಗ್ರಾಹಕರಿಗೆ ವಿಶೇಷ ಆಫರ್ಸ್​ ಅನ್ನು ಕೂಡ ನೀಡುತ್ತಿದೆ. ರಿಯಲ್​ಮಿ 10 ಪ್ರೋ ಸ್ಮಾರ್ಟ್​​ಫೋನ್​ ಈ ವರ್ಷದ ಅಂತ್ಯದಲ್ಲಿ ಬಿಡುಗಡೆಯಾಗಿದ್ದು ಮಾರುಕಟ್ಟೆಯಲ್ಲಿ ಒಂದೇ ದಿನದಲ್ಲಿ ಉತ್ತಮ ಪ್ರತಿಕ್ರಿಯೆಯನ್ನು ಕೂ ಪಡೆಯುತ್ತಿದೆ.

ರಿಯಲ್‌ಮಿ 10 ಪ್ರೋ ಸ್ಮಾರ್ಟ್‌ಫೋನ್‌ನ ಫಸ್ಟ್‌ ಸೇಲ್‌ ಫ್ಲಿಪ್​ಕಾರ್ಟ್​ನಲ್ಲಿ ನಡೆಯುತ್ತಿದ್ದು, ಈ ಪ್ರಯುಕ್ತ ವಿಶೇಷ ಆಫರ್‌ ಕೂಡ ಈ ಸ್ಮಾರ್ಟ್​​ಫೋನ್​ ಮೇಲೆ ನೀಡಿದ್ದಾರೆ. ಇನ್ನು ಈ ಸ್ಮಾರ್ಟ್‌ಫೋನ್‌ ಸ್ನಾಪ್‌ಡ್ರಾಗನ್‌ 695 SoC ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸಲಿದೆ. ಇದು 5G ಫೋನ್‌ ಆಗಿದೆ.  ಹಾಗಾದ್ರೆ ರಿಯಲ್‌ಮಿ 10 ಪ್ರೊ ಸ್ಮಾರ್ಟ್‌ಫೋನ್‌ ಫಸ್ಟ್‌ ಸೇಲ್‌ ಪ್ರಯುಕ್ತ ಏನೆಲ್ಲಾ ಆಫರ್ಸ್​​ಗಳಿವೆ? ಈ ಸ್ಮಾರ್ಟ್​​ಫೋನ್​ನ ಸ್ಪೆಷಲ್​ ಫೀಚರ್ಸ್​ ಏನು ಎಂಬುದನ್ನು ಇಲ್ಲಿ ತಿಳಿಯಿರಿ.

ಫಸ್ಟ್​ ಸೇಲ್​ನಲ್ಲಿರುವ ಆಫರ್ಸ್​

ರಿಯಲ್‌ಮಿ 10ಪ್ರೊ ಸ್ಮಾರ್ಟ್‌ಫೋನ್‌ನ ಬೇಸ್‌ ಮಾಡೆಲ್‌ 6ಜಿಬಿ ರ್‍ಯಾಮ್ + 128ಜಿಬಿ ಸ್ಟೋರೇಜ್ ಹೊಂದಿದ ಸ್ಮಾರ್ಟ್​​ಫೋನ್​ನ ಬೆಲೆ 18,999 ರೂಪಾಯಿ ಆಗಿದೆ. ಹಾಗೆಯೇ 8ಜಿಬಿ ರ್‍ಯಾಮ್ ಮತ್ತು 128ಜಿಬಿ ಹೊಂದಿ ಸ್ಮಾರ್ಟ್​​ಫೋನ್​ನ ಬೆಲೆ 19,999 ರೂಪಾಯಿ ಆಗಿದೆ.

ಇದನ್ನೂ ಓದಿ: ಫೈರ್ ​​ಬೋಲ್ಟ್​​​ ಕಂಪನಿಯಿಂದ ಮೂರು ಸ್ಮಾರ್ಟ್​​​ವಾಚ್​​ಗಳ ಬಿಡುಗಡೆ; ಫೀಚರ್ಸ್​, ಬೆಲೆ ಮಾಹಿತಿ ಇಲ್ಲಿದೆ

ಆದರೆ ಈ ಸ್ಮಾರ್ಟ್​​ಫೋನ್​ಗಳನ್ನು ಫಸ್ಟ್‌ ಸೇಲ್‌ ಆಫರ್‌ನಲ್ಲಿ ಎಸ್​​ಬಿಐ ಮತ್ತು ಹೆಚ್​​ಡಿಎಫ್​ಸಿ ಬ್ಯಾಂಕ್ ಕಾರ್ಡ್ ಮೂಲಕ ಖರೀದಿಸಿದರೆ 1,000 ರೂಪಾಯಿ ರಿಯಾಯಿತಿಯೊಂದಿಗೆ ಖರೀದಿ ಮಾಡಬಹುದು. ಅಲ್ಲದೆ ಇಎಮ್​ಐ ವಹಿವಾಟು ಹಾಗೂ ಎಸ್​​ಬಿಐ ಕ್ರೆಡಿಟ್ ಕಾರ್ಡ್ ಹೊಂದಿರುವವರು 750 ರೂಪಾಯಿಗಳವರೆಗೆ ಈ ಮೊಬೈಲ್​ನ ಮೇಲೆ ಡಿಸ್ಕೌಂಟ್‌ ಪಡೆದುಕೊಳ್ಳಬಹುದು.

ರಿಯಲ್​ಮಿ 10 ಪ್ರೋ 5ಜಿ

ಡಿಸ್​​ಪ್ಲೇ ಫೀಚರ್ಸ್​ ಹೇಗಿದೆ?

ರಿಯಲ್‌ಮಿ 10 ಪ್ರೋ 5ಜಿ ಸ್ಮಾರ್ಟ್‌ಫೋನ್‌ 6.72 ಇಂಚಿನ ಫುಲ್‌ ಹೆಚ್‌ಡಿ ಪ್ಲಸ್‌ ಡಿಸ್‌ಪ್ಲೇ ಹೊಂದಿದೆ. ಈ ಡಿಸ್‌ಪ್ಲೇ 1,080x 2,400ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಅನ್ನು ಹೊಂದಿದೆ. ಇದು 120Hz ರಿಫ್ರೆಶ್ ರೇಟ್, 240Hz ಟಚ್ ಸ್ಯಾಂಪ್ಲಿಂಗ್ ರೇಟ್ ಮತ್ತು 93.76 ಪ್ರತಿಶತ ಸ್ಕ್ರೀನ್-ಟು-ಬಾಡಿ ಸೈಜ್​ ಅನ್ನು ಒಳಗೊಂಡಿದೆ.

ಕ್ಯಾಮೆರಾ ಸೆಟಪ್​ ಹೇಗಿದೆ?

ರಿಯಲ್​ಮಿ 10 ಪ್ರೋ 5ಜಿ ಸ್ಮಾರ್ಟ್​​ಫೋನ್​ನ ಕ್ಯಾಮೆರಾ ಫೀಚರ್ಸ್​ ಬಗ್ಗೆ ಮಾತನಾಡುವುದಾದರೆ ಇದರಲ್ಲಿ ಡ್ಯುಯಲ್​ ಕ್ಯಾಮೆರಾ ಸೆಟಪ್​ ಅನ್ನು ಮಾಡಲಅಗಿದೆ. ಇನ್ನು ಇದರಲ್ಲಿರುವಂತಹ ಮುಖ್ಯ ಕ್ಯಾಮೆರಾ 108 ಮೆಗಾಪಿಕ್ಸೆಲ್​ ಸ್ಯಾಮ್​ಸಂಗ್​ ಹೆಚ್​ಎಮ್​6 ಸೆನ್ಸಾರ್​ ಅನ್ನು ಹೊಂದಿದೆ. ಇನ್ನು ಇದರ ಎರಡನೇ ಕ್ಯಾಮೆರಾ 2 ಮೆಗಾಪಿಕ್ಸೆಲ್​ ಸೆನ್ಸಾರ್​ ಅನ್ನು ಹೊಂದಿದೆ. ಇನ್ನು ಸೆಲ್ಫಿ ಮತ್ತು ವಿಡಿಯೋ ಕಾಲ್​ಗಾಗಿ ಮುಂಭಾಗದಲ್ಲಿ 16 ಮೆಗಾಪಿಕ್ಸೆಲ್​ ಕ್ಯಾಮೆರಾವನ್ನು ಅಳವಡಿಸಿದ್ದಾರೆ.

ರಿಯಲ್​ಮಿ 10 ಪ್ರೋ 5ಜಿ

ಬ್ಯಾಟರಿ ಫೀಚರ್ಸ್​

ರಿಯಲ್‌ಮಿ 10 ಪ್ರೋ 5ಜಿ ಸ್ಮಾರ್ಟ್‌ಫೋನ್‌ 5,000mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕಪ್​ ಅನ್ನು ಹೊಂದಿದ್ದು, 33W SuperVOOC ವೇಗದ ಚಾರ್ಜಿಂಗ್ ಸಾಮರ್ಥ್ಯವನ್ನು ಒಳಗೊಂಡಿದೆ. ಈ ಸ್ಮಾರ್ಟ್​​ಫೋನ್​ ಅನ್ನು ಕೇವಲ 20 ನಿಮಿಷಗಳಲ್ಲಿ 50% ಚಾರ್ಜ್‌ ಮಾಡಬಹುದಾಗಿದೆ. ಇನ್ನು ಕನೆಕ್ಟಿವಿಟಿ ಆಯ್ಕೆಗಳಲ್ಲಿ ಡ್ಯುಯಲ್-ಸಿಮ್ 5ಜಿ ಬೆಂಬಲ, Wi-Fi ಮತ್ತು ಬ್ಲೂಟೂತ್ 5.1, 3.5 ಎಂಎಂ ಹೆಡ್‌ಫೋನ್ ಜ್ಯಾಕ್ ಅನ್ನು ಹೊಂದಿದೆ.