Realme 10 4G: ಭಾರತದ ಮಾರುಕಟ್ಟೆಗೆ ಕಾಲಿಟ್ಟಿದೆ ರಿಯಲ್​ಮಿ 10 4ಜಿ ಸ್ಮಾರ್ಟ್​​ಫೋನ್​! ಬೆಲೆ ಎಷ್ಟು ಗೊತ್ತಾ?

ದಿನ ಕಳೆದಂತೆ ಸ್ಮಾರ್ಟ್​​ಫೋನ್​ಗಳ (Smartphones) ಬಳಕೆ ಹೆಚ್ಚಾಗುತ್ತಲೇ ಇದೆ. ಆದ್ದರಿಂದ ಕಂಪೆನಿಗಳು ಕೂಡ ಮಾರುಕಟ್ಟೆಗೆ ಹೊಸ ಹೊಸ ಸ್ಮಾರ್ಟ್​​ವಾಚ್​ಗಳನ್ನು ಬಿಡುಗಡೆ ಮಾಡ್ತಾ ಇದೆ. ಇದೀಗ ದೇಶದೆಲ್ಲೆಡೆ 5ಜಿ ನೆಟ್​​ವರ್ಕ್​, ಸ್ಮಾರ್ಟ್​​ಫೋನ್​ಗಳು ಭಾರೀ ಸದ್ದಿನಲ್ಲಿರುವಾಗ, ರಿಯಲ್​ಮಿ ಕಂಪೆನಿ (Realme Company) ಹೊಸ 4ಜಿ ಸ್ಮಾರ್ಟ್​​ಫೋನ್ ಅನ್ನು ಪರಿಚಯಿಸಿದೆ.ಇದೀಗ ರಿಯಲ್​ಮಿ ಕಂಪೆನಿ ರಿಯಲ್​ಮಿ 10 4ಜಿ (Realme 10 4G) ಎಂಬ ಸ್ಮಾರ್ಟ್​ಫೋನ್ ಅನ್ನು ಭಾರತದ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಿದೆ. ಈ ಸ್ಮಾರ್ಟ್​ಫೋನ್ ಉತ್ತಮ ಪ್ರೊಸೆಸರ್​, ಡಿಸ್​ಪ್ಲೇಯನ್ನು ಹೊಂದಿದ್ದು ಇನ್ನೇನು ಕೆಲವೇ ದಿನಗಳಲ್ಲಿ ಗ್ರಾಹಕರಿಗೆ ಖರೀದಿಗೆ ಲಭ್ಯವಾಗುತ್ತದೆ ಎಂದು ಕಂಪೆನಿ ಹೇಳಿದೆ.

ಹೌದು, ರಿಯಲ್​ಮಿ ಕಂಪೆನಿ ಇದೀಗ ರಿಯಲ್​ಮಿ 10 4ಜಿ ಸ್ಮಾರ್ಟ್​​ಫೋನ್ ಅನ್ನು ಭಾರತದಲ್ಲಿ ಲಾಂಚ್ ಮಾಡಿದೆ. ಇದೀಗ ಹೊಸವರ್ಷದಲ್ಲಿ ಲಾಂಚ್​ ಆಗುತ್ತಿರುವ ರಿಯಲ್​ಮಿಯ ಹೊಸ 4ಜಿ ಸ್ಮಾರ್ಟ್​​ಫೋನ್​ ಇದಾಗಿದೆ. ಇದರ ಫೀಚರ್ಸ್​, ಬೆಲೆ ಹೇಗಿದೆ ಎಂಬುದರ ಕಂಪ್ಲೀಟ್​ ಮಾಹಿತಿ ಈ ಲೇಖನದಲ್ಲಿದೆ.

ರಿಯಲ್​ಮಿ 10 4ಜಿ ಸ್ಮಾರ್ಟ್​​ಫೋನ್ ಫೀಚರ್ಸ್​

ರಿಯಲ್​ಮಿ 10 4ಜಿ ಸ್ಮಾರ್ಟ್‌ಫೋನ್‌ನ ಡಿಸ್​ಪ್ಲೇ ವಿನ್ಯಾಸದ ಬಗ್ಗೆ ಹೇಳುವುದಾದರೆ, ಇದು 6.4 ಇಂಚಿನ ಫುಲ್‌ಹೆಚ್‌ಡಿ ಪ್ಲಸ್‌ ಡಿಸ್‌ಪ್ಲೇಯನ್ನು ಹೊಂದಿದೆ. ಇನ್ನು ಈ ಡಿಸ್‌ಪ್ಲೇ ಫ್ಲಾಟ್ ಸ್ಕ್ರೀನ್ ವಿನ್ಯಾಸವನ್ನು ಒಳಗೊಂಡಿದೆ. ಇದು 90Hz ರಿಫ್ರೆಶ್ ರೇಟ್‌ ಬೆಂಬಲಿಸಲಿದ್ದು, ಅಮೋಲೆಡ್‌ ಡಿಸ್‌ಪ್ಲೇ ಇದಾಗಿದೆ. ಇದಲ್ಲದೆ ಈ ಡಿಸ್‌ಪ್ಲೇ ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್ 5 ಪ್ರೊಟೆಕ್ಷನ್ ಅನ್ನು ಪಡೆದಿದೆ.

ಇದನ್ನೂ ಓದಿ: ನಾಯ್ಸ್​ ಕಂಪೆನಿಯಿಂದ ಬಿಡುಗಡೆಯಾಗ್ತಿದೆ ಹೊಸ ಸ್ಮಾರ್ಟ್​ವಾಚ್!

ಕ್ಯಾಮೆರಾ ಫೀಚರ್ಸ್​

ರಿಯಲ್‌ಮಿ 10 4ಜಿ ಸ್ಮಾರ್ಟ್‌ಫೋನ್‌ ಡ್ಯುಯಲ್ ಕ್ಯಾಮೆರಾ ಸೆಟಪ್​ನೊಂದಿಗೆ ಭಾರತದ ಮಾರುಕಟ್ಟೆಯಲ್ಲಿ ಲಾಂಚ್ ಆಗಿದೆ. ಇದರಲ್ಲಿ ಮುಖ್ಯ ಕ್ಯಾಮೆರಾ 50 ಮೆಗಾಪಿಕ್ಸೆಲ್‌ ಸೆನ್ಸಾರ್‌ ಅನ್ನು ಒಳಗೊಂಡಿದೆ. ಇನ್ನು ಎರಡನೇ ಕ್ಯಾಮೆರಾ 2 ಮೆಗಾಪಿಕ್ಸೆಲ್‌ ಸೆನ್ಸಾರ್​ ಅನ್ನು ಹೊಂದಿದೆ. ಈ ಫೋನ್‌ನ ಹಿಂಭಾಗದ ಕ್ಯಾಮೆರಾ ಮೂಲಕ 1080p ಕ್ವಾಲಿಟಿಯಲ್ಲಿ ವಿಡಿಯೋ ಶೂಟ್ ಅನ್ನು ಸಹ ಮಾಡಬಹುದು. ಇದಲ್ಲದೆ ಸೆಲ್ಫಿಗಾಗಿ ಮತ್ತು ವಿಡಿಯೋ ಕಾಲ್​ಗಾಗ್ಇ 16 ಮೆಗಾಪಿಕ್ಸೆಲ್​ ಸಾಮರ್ಥ್ಯದ ಸೆಲ್ಫಿ ಕ್ಯಾಮೆರಾವನ್ನು ಅಳವಡಿಸಿದ್ದಾರೆ.

ರಿಯಲ್​ಮಿ 10 4ಜಿ ಸ್ಮಾರ್ಟ್​ಫೋನ್​

ಬ್ಯಾಟರಿ ಫೀಚರ್ಸ್

ರಿಯಲ್‌ಮಿ 10 4ಜಿ ಸ್ಮಾರ್ಟ್‌ಫೋನ್‌ 5000mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕಪ್ ಅನ್ನು ಹೊಂದಿದೆ. ಇದರ ಜೊತೆಗೆ 33W ಸೂಪರ್​​ವೂಕ್​ ವೇಗದ ಚಾರ್ಜಿಂಗ್​ ಸಾಮರ್ಥ್ಯವನ್ನು ಹೊಂದಿದೆ. ಇನ್ನು ಈ ಸ್ಮಾರ್ಟ್​ಫೋನ್ ಚಾರ್ಜ್ ಆಗಲು ಯುಎಸ್​​ಬಿ ಟೈಪ್​ ಸಿ ಪೋರ್ಟ್​ ಅನ್ನು ಅಳವಡಿಸಿದ್ದಾರೆ.

ಇತರೆ ಫೀಚರ್ಸ್​

ಈ ಸ್ಮಾರ್ಟ್​​ಫೋನ್​ನ ಕನೆಕ್ಟಿವಿಟಿ ಆಯ್ಕೆಗಳಲ್ಲಿ ಆಡಿಯೋಗಾಗಿ 3.5mm ಹೆಡ್‌ಫೋನ್ ಜ್ಯಾಕ್ ಅನ್ನು ಹೊಂದಿದೆ. ಇನ್ನು ಕನೆಕ್ಟಿವಿಟಿ ಆಯ್ಕೆಗಳಲ್ಲಿ 4ಜಿ VoLTE, ವೈ-ಫೈ 5 ಮತ್ತು ಬ್ಲೂಟೂತ್ 5.3 ಬೆಂಬಲವನ್ನು ಹೊಂದಿದೆ.

ರಿಯಲ್​ಮಿ 10 4ಜಿ ಸ್ಮಾರ್ಟ್​ಫೋನ್​

ಬೆಲೆ ಮತ್ತು ಲಭ್ಯತೆ

ರಿಯಲ್‌ಮಿ 10 4ಜಿ ಸ್ಮಾರ್ಟ್‌ಫೋನ್‌ ಭಾರತದಲ್ಲಿ 4 ಜಿಬಿ ರ್‍ಯಾಮ್ ಮತ್ತು 64 ಜಿಬಿ ಸ್ಟೋರೇಜ್ ರೂಪಾಂತರದ ಆಯ್ಕೆಗೆ 13,999 ರೂಪಾಯಿ ಬೆಲೆಯನ್ನು ಹೊಂದಿದೆ. ಇನ್ನು 8 ಜಿಬಿ ರ್‍ಯಾಮ್ ಮತ್ತು 128 ಜಿಬಿ ಸ್ಟೋರೇಜ್ ರೂಪಾಂತರದ ಆಯ್ಕೆಗೆ 16,999 ರೂಪಾಯಿ ಬೆಲೆಯಿಂದ ಪ್ರಾರಂಭವಾಗಲಿದೆ. ಆದರೆ ಲಾಂಚ್‌ ಆಫರ್‌ನಲ್ಲಿ ಬೇಸ್‌ ಮಾಡೆಲ್‌ ಖರೀದಿಸಿದರೆ 1,000 ರೂ. ವರೆಗಿನ ರಿಯಾಯಿತಿ ದೊರೆಯಲಿದೆ.

ಇನ್ನು ಈ ಸ್ಮಾರ್ಟ್​​ಫೋನ್‌ ರಶ್ ಬ್ಲಾಕ್ ಮತ್ತು ಕ್ಲಾಷ್ ವೈಟ್ ಕಲರ್‌ ಆಯ್ಕೆಗಳಲ್ಲಿ ಬರಲಿದೆ. ಇದು ಫ್ಲಿಪ್‌ಕಾರ್ಟ್, ರಿಯಲ್‌ಮಿ ಇಂಡಿಯಾ ಸ್ಟೋರ್ ಮತ್ತು ದೇಶದ ಇತರ ಅಧಿಕೃತ ಆಫ್‌ಲೈನ್ ಸ್ಟೋರ್‌ಗಳಲ್ಲಿ ಜನವರಿ 15 ರಂದು ಮಧ್ಯಾಹ್ನ 12 ಗಂಟೆಗೆ ತನ್ನ ಸೇಲ್‌ ಅನ್ನು ಆರಂಭಿಸಲಿದೆ.