Poco X5 Pro: ಬಿಡುಗಡೆಗೆ ಸಜ್ಜಾಗಿ ನಿಂತಿದೆ ಪೋಕೋ ಎಕ್ಸ್​5 ಪ್ರೋ ಸ್ಮಾರ್ಟ್​ಫೋನ್​​! ಫೀಚರ್ಸ್​ ಹೇಗಿದೆ ಗೊತ್ತಾ?

ಮೊಬೈಲ್​ ಮಾರುಕಟ್ಟೆಯಲ್ಲಿ (Mobile Market) ಬಜೆಟ್​ ಬೆಲೆಯಲ್ಲಿ ಸ್ಮಾರ್ಟ್​​ಫೋನ್ ಅನ್ನು ಪರಿಚಯಿಸುವ ಮೂಲಕ ಭಾರೀ ಸದ್ದಿನಲ್ಲಿರು ಕಂಪೆನಿಗಳಲ್ಲಿ ಪೋಕೋ ಕಂಪೆನಿ (Poco Company) ಸಹ ಒಂದು. ಈ ಕಂಪೆನಿಯಿಂದ ಇದುವರೆಗೆ ಹಲವಾರು ಸ್ಮಾರ್ಟ್​​ಫೋನ್​ಗಳು ಬಿಡುಗಡೆಯಾಗಿದ್ದು ಎಲ್ಲವೂ ಉತ್ತಮ ಫೀಚರ್ಸ್​ಗಳನ್ನು ಒಳಗೊಂಡಿದೆ. ಟೆಕ್​ ಜಗತ್ತಿನಲ್ಲಿ (Tech World) ಇತ್ತೀಚೆಗೆ ಸ್ಮಾರ್ಟ್​ಫೋನ್​ಗಳಿಗೆ ಬೇಡಿಕೆ ಹೆಚ್ಚಾಗಿದೆ. ಅದ್ರಲ್ಲೂ ಜನರು ಹೊಸ ಸ್ಮಾರ್ಟ್​​ಫೋನ್​ಗಳ ಬರುವಿಕೆಗಾಗಿ ಕಾತುರದಿಂದ ಕಾಯುತ್ತಿರುತ್ತಾರೆ. ಈ ಮಧ್ಯೆ ಪೋಕೋ ಕಂಪೆನಿ ತನ್ನ ಬ್ರಾಂಡ್​​​ ಅಡಿಯಲ್ಲಿ ಹೊಸ ಸ್ಮಾರ್ಟ್​​ಫೋನ್​ ಅನ್ನು ಇದೇ 2023ರ ಫೆಬ್ರವರಿಯಲ್ಲಿ ಬಿಡುಗಡೆ ಮಾಡುವುದಾಗಿದೆ ಘೋಷಿಸಿದೆ.

ಪೋಕೋ ಕಂಪೆನಿಯಿಂದ ಹೊಸ ಸ್ಮಾರ್ಟ್​ಫೋನ್​ ಫೆಬ್ರವರಿ 6 ರಂದು ಬಿಡುಗಡೆಯಾಗುತ್ತಿದ್ದು, ಇದಕ್ಕೆ ಪೋಕೋ ಎಕ್ಸ್​5 ಪ್ರೋ ಎಂದು ಹೆಸರಿಸಲಾಗಿದೆ. ಈ ಸ್ಮಾರ್ಟ್​​ಫೋನ್ ಬಜೆಟ್​ ಬೆಲೆಯಲ್ಲಿ ಮಾರುಕಟ್ಟೆಯನ್ನು ಪ್ರವೇಶಿಸಲಿದ್ದು, ಉತ್ತಮ ಫೀಚರ್ಸ್​​ಗಳನ್ನು ಸಹ ಇದು ಹೊಂದಿರಲಿದೆ.

ಪೋಕೋ ಎಕ್ಸ್​5 ಪ್ರೋ ಸ್ಮಾರ್ಟ್​​​​ಫೋನ್ ಫೀಚರ್ಸ್

ಪೋಕೋ ಎಕ್ಸ್​5 ಪ್ರೋ ಸ್ಮಾರ್ಟ್‌ಫೋನ್‌ ವಿಶೇಷವಾಗಿ 6.67 ಇಂಚಿನ ಫುಲ್‌ಹೆಚ್‌ಡಿ ಪ್ಲಸ್‌ ಓಎಲ್​​ಇಡಿ ಡಿಸ್‌ಪ್ಲೇಯನ್ನು ಹೊಂದಿರಲಿದೆ ಎಂಬ ವರದಿಯಾಗಿದೆ. ಈ ಡಿಸ್‌ಪ್ಲೇ 1080×2400 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಬೆಂಬಲಿಸಲಿದೆ. ಅಲ್ಲದೆ 120Hz ಅಡಾಪ್ಟಿವ್ ರಿಫ್ರೆಶ್ ರೇಟ್‌, HDR10+ ಬೆಂಬಲವನ್ನು ಸಹ ನೀಡಬಹುದು.

ಕ್ಯಾಮೆರಾ ಫೀಚರ್ಸ್

ಪೋಕೋ ಎಕ್ಸ್​5 ಪ್ರೋ ಸ್ಮಾರ್ಟ್‌ಫೋನ್‌ ಟ್ರಿಪಲ್‌ ರಿಯರ್‌ ಕ್ಯಾಮೆರಾ ಸೆಟಪ್‌ ಅನ್ನು ಹೊಂದಿರಲಿದೆ ಅನ್ನೋದು ವರದಿಯ ಪ್ರಕಾರ ಪಕ್ಕಾ ಆಗಿದೆ. ಇನ್ನು ಇದರಲ್ಲಿ ಮುಖ್ಯ ಕ್ಯಾಮೆರಾ 108 ಮೆಗಾಪಿಕ್ಸೆಲ್​ ಸೆನ್ಸಾರ್‌, ಎರಡನೇ ಕ್ಯಾಮೆರಾ 8 ಮೆಗಾಪಿಕ್ಸೆಲ್ ಅಲ್ಟ್ರಾ-ವೈಡ್ ಸೆನ್ಸಾರ್‌ ಮತ್ತು ಮೂರನೇ ಕ್ಯಾಮೆರಾ 2 ಮೆಗಾಪಿಕ್ಸೆಲ್ ಮ್ಯಾಕ್ರೋ ಲೆನ್ಸ್‌ ಅನ್ನು ಒಳಗೊಂಡಿರಲಿದೆ ಎಂದು ಅಂದಾಜಿಸಲಾಗಿದೆ. ಇನ್ನು ಈ ಸ್ಮಾರ್ಟ್​​ಫೋನ್ ಸೆಲ್ಫಿಗಾಗಿ ಮತ್ತು ವಿಡಿಯೋ ಕಾಲ್​ಗಾಗಿ 16 ಮೆಗಾಪಿಕ್ಸೆಲ್ ಸೆನ್ಸಾರ್‌ ಸಾಮರ್ಥ್ಯದ ಸೆಲ್ಫಿ ಕ್ಯಾಮೆರಾವನ್ನು ಒಳಗೊಂಡಿದೆ.

ಪ್ರೊಸೆಸರ್ ಸಾಮರ್ಥ್ಯ

ಪೋಕೋ ಎಕ್ಸ್​​5 ಪ್ರೋ ಸ್ಮಾರ್ಟ್‌ಫೋನ್‌ ಕ್ವಾಲ್ಕಾಮ್ ಸ್ನಾಪ್‌ಡ್ರಾಗನ್ 778ಜಿ ಎಸ್​​ಓಸಿ ಪ್ರೊಸೆಸರ್‌ ಸಾಮರ್ಥ್ಯವನ್ನು ಹೊಂದಿರುತ್ತದೆ. ಇದು ಆಂಡ್ರಾಯ್ಡ್‌ 13ನಲ್ಲಿ ರನ್‌ ಆಗಲಿದೆ ಎಂದು ಹೇಳಲಾಗಿದೆ. ಹಾಗೆಯೇ ಈ ಸ್ಮಾರ್ಟ್‌ಫೋನ್‌ 12 ಜಿಬಿ ರ್‍ಯಾಮ್ ಮತ್ತು 512 ಜಿಬಿ ವರೆಗಿನ ಇಂಟರ್ನಲ್​ ಸ್ಟೋರೇಜ್‌ ಸಾಮರ್ಥ್ಯವನ್ನು ಹೊಮದಿರಬಹುದು ಎಂದು ಅಂದಾಜಿಸಲಾಗಿದೆ.

ಪೋಕೋ ಎಕ್ಸ್​5 ಪ್ರೋ ಸ್ಮಾರ್ಟ್​​ಫೋನ್

ಬ್ಯಾಟರಿ ಫೀಚರ್ಸ್

ಪೋಕೋ ಎಕ್ಸ್​5 ಪ್ರೋ ಸ್ಮಾರ್ಟ್‌ಫೋನ್‌ 5,000 mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕಪ್ ಅನ್ನು ಹೊಂದಿರುತ್ತದೆ. ಈ ಬ್ಯಾಟರಿಯು 67W ವೇಗದ ಚಾರ್ಜಿಂಗ್ ಬೆಂಬಲದೊಂದಿಗೆ ಬರಬಹುದು.

ಇತರೆ ಫೀಚರ್ಸ್

ಇನ್ನು ಈ ಸ್ಮಾರ್ಟ್​​ಫೋನ್​ನ ಕನೆಕ್ಟಿವಿಟಿ ಆಯ್ಕೆಗಳಲ್ಲಿ ಹಾಟ್‌ಸ್ಪಾಟ್‌, ವೈಫೈ, ಬ್ಲೂಟೂತ್‌, ಹೆಡ್‌ಫೋನ್‌ ಜ್ಯಾಕ್‌ ಅನ್ನು ಬೆಂಬಲಿಸಬಹುದು ಎಂದು ಅಂದಾಜಿಸಲಾಗಿದೆ.

ಇದನ್ನೂ ಓದಿ: ದಿನಕ್ಕೆ 2 ರೂಪಾಯಿ ಪಾವತಿಸಿ; ವರ್ಷವಿಡೀ ಅನಿಯಮಿತ ಕರೆ, ಪ್ರತಿದಿನ 2 ಜಿಬಿ ಡೇಟಾ ಸೌಲಭ್ಯ ಪಡೆಯಿರಿ

ಬೆಲೆ ಮತ್ತು ಲಭ್ಯತೆ

ಪೋಕೋ ಎಕ್ಸ್​5 ಪ್ರೋ ಸ್ಮಾರ್ಟ್​​ಫೋನ್​ನ ಬೆಲೆ ಬಗ್ಗೆ ಕಂಪೆನಿಯು ಯಾವುದೇ ಮಾಹಿತಿಯನ್ನು ಇದುವರೆಗೆ ಬಹಿರಂಗ ಪಡಿಸಿಲ್ಲ. ಆದರೆ ಈ ಸ್ಮಾರ್ಟ್​​​ಫೋನ್​ ಅನ್ನು ಫೆಬ್ರವರಿ 6 ರಂದು ಬಿಡುಗಡೆಯಾಗಬಹುದು ಎಂದು ಅಧಿಕೃತವಾಗಿ ಘೋಷಣೆ ಮಾಡಲಾಗಿದೆ.

ಪೋಕೋ ಕಂಪೆನಿಯಿಂದ ಬಿಡುಗಡೆಯಾಗುವಂತ ಎಲ್ಲಾ ಸ್ಮಾರ್ಟ್​ಫೋನ್​ಗಳು ಗ್ರಾಹಕರಿಕೆ ಕೈಗೆಟಕುವ ಬೆಲೆಯಲ್ಲೇ ದೊರೆಯುತ್ತದೆ. ಆದ್ದರಿಮದ ಪೋಕೋ ಸ್ಮಾರ್ಟ್​​ಫೋನ್​ಗಳಿಗಾಗಿ ಮಾರುಕಟ್ಟೆಯಲ್ಲಿ ಜನರು ಕಾಯುತ್ತಿರುತ್ತಾರೆ. ಇನ್ನು ಈ ಸ್ಮಾರ್ಟ್​​ಫೋನ್​ನ ಡಿಸ್​ಪ್ಲೇ ವಿನ್ಯಾಸದಿಂದ ಹಿಡಿದು ಬ್ಯಾಟರಿ, ಕ್ಯಾಮೆರಾ ಫೀಚರ್ಸ್​ಗಳೆಲ್ಲವೂ ಗುಣಮಟ್ಟದ್ದಾಗಿದೆ.