Smartphone First Sale: ಮಾರುಕಟ್ಟೆಯಲ್ಲಿ ಧೂಳೆಬ್ಬಿಸಿದ್ದಂತಹ, ಈ ಸ್ಮಾರ್ಟ್​​ಫೋನ್​ನ ಮಾರಾಟ ಇಂದಿನಿಂದ​ ಆರಂಭ! ಆಫರ್ಸ್​ ಹೇಗಿದೆ?

ದಿನ ಹೋದಂತೆ ಟೆಕ್​ ಕಂಪೆನಿಗಳು (Tech Companies) ಬಹಳಷ್ಟು ಅಭಿವೃದ್ಧಿಯತ್ತ ಸಾಗುತ್ತಿದೆ. ಇದಕ್ಕೆ ಕಾರಣಗಳು ಟೆಕ್ನಾಲಜಿಯಲ್ಲಾಗುತ್ತಿರುವ ಅಪ್ಡೇಟ್​ಗಳು. ಇದರಲ್ಲೂ ಸ್ಮಾರ್ಟ್​​​ಫೋನ್​ ಕಂಪೆನಿಗಳಂತೂ ಭಾರೀ ಮುಂಚೂಣಿಯಲ್ಲಿದೆ. ಮೊಬೈಲ್​ ಕಂಪೆನಿಗಳು ಇತ್ತೀಚೆಗೆ ಹೊಸ ಹೊಸ ಸ್ಮಾರ್ಟ್​​​ಫೋನ್​ಗಳನ್ನು ಮಾರುಕಟ್ಟೆಗೆ ಪರಿಚಯಿಸುತ್ತಿದೆ. ಅದರಲ್ಲೂ ಈಗ ತಿಂಗಳಿಗೆ 4 ರಿಂದ 5 ರಂತೆ ಸ್ಮಾರ್ಟ್​​ಫೋನ್​ಗಳು ಬಿಡುಗಡೆಯಾಗುತ್ತಿದೆ. ಇದೀಗ ಜನಪ್ರಿಯ ಸ್ಮಾರ್ಟ್​​ಫೋನ್ ಕಂಪೆನಿಯಾಗಿರುವ ಪೋಕೋ ಕಂಪೆನಿ (Poco Company) ತನ್ನ ಬ್ರಾಂಡ್​ನ ಅಡಿಯಲ್ಲಿ ಭಾರತದಲ್ಲಿ ಕಳೆದ ವಾರವಷ್ಟೇ ಪೋಕೋ ಎಕ್ಸ್​5 ಪ್ರೋ (Poco X5 Pro) ಸ್ಮಾರ್ಟ್​​ಫೋನ್​ ಅನ್ನು ಲಾಂಚ್ ಮಾಡಿತ್ತು. ಆದರೆ ಮಾರಾಟ ಪ್ರಕ್ರಿಯೆ ಆರಂಭವಾಗಿರಲಿಲ್ಲ. ಪೋಕೋ ಕಂಪೆನಿ ಸದ್ಯ ಇದರ ಫಸ್ಟ್​ ಸೇಲ್ (Flipkart First Sale)​ ಅನ್ನು ಇಂದಿನಿಂದ ಅಂದರೆ ಫೆಬ್ರವರಿ 13 ರಿಂದ ಪ್ರಾರಂಭಿಸಿದೆ.

ಪೋಕೋ ಕಂಪೆಮಿ ತನ್ನ ಬ್ರಾಂಡ್​ನ ಪೋಕೋ ಎಕ್ಸ್​5 ಪ್ರೋ ಸ್ಮಾರ್ಟ್​​ಫೋನ್​ನ ಫಸ್ಟ್ ಸೇಲ್​​ ಆರಂಭಿಸಿದ್ದು, ಫ್ಲಿಪ್​ಕಾರ್ಟ್​​ನಲ್ಲಿ ಖರೀದಿಗೆ ಲಭ್ಯವಿದೆ. ಇನ್ನು ಫಸ್ಟ್​​ ಸೇಲ್​ನಲ್ಲಿ ಈ ಹೊಸ ಸ್ಮಾರ್ಟ್​​ಫೋನ್​ ಖರೀದಿ ಮಾಡುವವರಿಗೆ ಫ್ಲಿಪ್​ಕಾರ್ಟ್ ಆಫರ್​​ಗಳನ್ನು ಸಹ ನೀಡುತ್ತಿದೆ.

ಫಸ್ಟ್​​ ಸೇಲ್​ ಪ್ರಯುಕ್ತ ಆಫರ್ಸ್​ ಏನೆಲ್ಲಾ ಇದೆ?

ಪೋಕೋ ಎಕ್ಸ್​5 ಪ್ರೋ ಸ್ಮಾರ್ಟ್‌ಫೋನ್‌ ಫಸ್ಟ್‌ ಸೇಲ್‌ ಇಂದು ಅಂದರೆ ಫೆ.13 ರಂದು ಮಧ್ಯಾಹ್ನ 12 ಗಂಟೆಗೆ ಫ್ಲಿಪ್‌ಕಾರ್ಟ್‌ನಲ್ಲಿ ಪ್ರಾರಂಭವಾಗುತ್ತದೆ. ಇನ್ನು ಪೋಕೋ ಎಕ್ಸ್​5 ಪ್ರೋ ಸ್ಮಾರ್ಟ್‌ಫೋನ್‌ 6ಜಿಬಿ ರ್‍ಯಾಮ್ ಮತ್ತು 128ಜಿಬಿ ಸ್ಟೋರೇಜ್​​ ಹೊಂದಿದ ಸ್ಮಾರ್ಟ್​​ಫೋನ್​ 22,999 ರೂಪಾಯಿಗೆ ಲಭ್ಯವಿದೆ ಹಾಗೂ 8ಜಿಬಿ ರ್‍ಯಾಮ್ ಮತ್ತು 256ಜಿಬಿ ಸ್ಟೋರೇಜ್​​ ಹೊಂದಿದ ಸ್ಮಾರ್ಟ್​​​ಫೋನ್​ 24,999 ರೂಪಾಯಿ ಬೆಲೆಯಲ್ಲಿ ಖರೀದಿಗೆ ಲಭ್ಯವಿದೆ.

ಇದನ್ನೂ ಓದಿ: ಏರ್​ಟೆಲ್​​ ಗ್ರಾಹಕರೇ ಇಲ್ಲಿದೆ ನೋಡಿ ಬೆಸ್ಟ್​ ರೀಚಾರ್ಜ್​ ಪ್ಲ್ಯಾನ್​ಗಳು!

ಇನ್ನು ಫಸ್ಟ್‌ ಸೇಲ್‌ ಪ್ರಯುಕ್ತ ಗ್ರಾಹಕರು ಐಸಿಐಸಿಐ ಮತ್ತು ಹೆಚ್​​ಡಿಎಫ್​​ಸಿ ಬ್ಯಾಂಕ್ ಕ್ರೆಡಿಟ್ ಮತ್ತು ಡೆಬಿಟ್ ಕಾರ್ಡ್ ಮೂಲಕ ಖರೀದಿಸಿದರೆ 2,000 ರೂಪಾಯಿವರೆಗಿನ ತ್ವರಿತ ರಿಯಾಯಿತಿಯನ್ನು ಪಡೆಯಬಹುದಾಗಿದೆ. ಇದಲ್ಲದೆ ಫ್ಲಿಪ್‌ಕಾರ್ಟ್ ತಿಂಗಳಿಗೆ 3,645 ರೂಪಾಯಿಗಳಿಂದ ಪ್ರಾರಂಭವಾಗುವ ನೋ ಕಾಸ್ಟ್ ಇಎಂಐ ಆಯ್ಕೆಯನ್ನು ಸಹ ನೀಡುತ್ತಿದೆ.

ಪೋಕೋ ಎಕ್ಸ್​5 ಪ್ರೋ ಸ್ಮಾರ್ಟ್​​​ಫೋನ್​ ಫೀಚರ್ಸ್​

ಪೋಕೋ ಎಕ್ಸ್​5 ಪ್ರೋ ಸ್ಮಾರ್ಟ್‌ಫೋನ್‌ 6.67 ಇಂಚಿನ ಎಕ್ಸ್‌ಫಿನಿಟಿ ಡಿಸ್‌ಪ್ಲೇಯನ್ನು ಹೊಂದಿದೆ. ಇದು 120Hz ರಿಫ್ರೆಶ್ ರೇಟ್ ಸಾಮರ್ಥ್ಯವನ್ನು ಒಳಗೊಂಡಿದೆ. ಇನ್ನು ಈ ಡಿಸ್‌ಪ್ಲೇಯು 900 ನಿಟ್ಸ್‌ ಗರಿಷ್ಠ ಬ್ರೈಟ್‌ನೆಸ್‌ ಹೊಂದಿದ್ದು, 240Hz ಟಚ್ ಸ್ಯಾಂಪ್ಲಿಂಗ್ ರೇಟ್‌ ಸಹ ಪಡೆದಿದೆ. ಈ ಸ್ಮಾರ್ಟ್‌ಫೋನ್‌ ಡಿಸ್‌ಪ್ಲೇಯು HDR10+ ಬೆಂಬಲ ಮತ್ತು ರಕ್ಷಣೆಗಾಗಿ ಗೊರಿಲ್ಲಾ ಗ್ಲಾಸ್ 5 ಪ್ರೊಟೆಕ್ಷನ್‌ ಅನ್ನು ನೀಡಲಾಗಿದೆ.

ಪೋಕೋ ಎಕ್ಸ್​5 ಪ್ರೋ ಸ್ಮಾರ್ಟ್‌ಫೋನ್‌

ಕ್ಯಾಮೆರಾ ಫೀಚರ್ಸ್​

ಪೋಕೋ ಎಕ್ಸ್​5 ಪ್ರೋ ಸ್ಮಾರ್ಟ್‌ಫೋನ್‌ ಟ್ರಿಪಲ್‌ ರಿಯರ್‌ ಕ್ಯಾಮೆರಾ ಸೆಟಪ್‌ ಹೊಂದಿದೆ. ಇದರಲ್ಲಿ ಮುಖ್ಯ ಕ್ಯಾಮೆರಾ 108 ಮೆಗಾಪಿಕ್ಸೆಲ್​ ಸೆನ್ಸಾರ್‌, ಎರಡನೇ ಕ್ಯಾಮೆರಾ 8ಮೆಗಾಪಿಕ್ಸೆಲ್ ಅಲ್ಟ್ರಾ-ವೈಡ್ ಲೆನ್ಸ್ ಮತ್ತು ಮೂರನೇ ಕ್ಯಾಮೆರಾ 2 ಮೆಗಾಪಿಕ್ಸೆಲ್ ಮ್ಯಾಕ್ರೋ ಸೆನ್ಸಾರ್‌ ಕ್ಯಾಮೆರಾಗಳನ್ನು ಹೊಂದಿರುತ್ತದೆ. ಇನ್ನು ಸೆಲ್ಫಿಗಾಗಿ ಇದರಲ್ಲಿ 16 ಮೆಗಾಪಿಕ್ಸೆಲ್ ಸೆನ್ಸಾರ್‌ ಸಾಮರ್ಥ್ಯದ ಕ್ಯಾಮೆರಾವನ್ನು ಅಳವಡಿಸಲಾಗಿದೆ. ಈ ಸ್ಮಾರ್ಟ್​​​ಫೋನ್​ನ ಹಿಂಭಾಗದ ಕ್ಯಾಮೆರಾ ಮೂಲಕ 30fps ನಲ್ಲಿ 4ಕೆ ರೆಸಲ್ಯೂಶನ್​ ಸಾಮರ್ಥ್ಯದಲ್ಲಿ ವಿಡಿಯೋಗಳನ್ನು ರೆಕಾರ್ಡ್​ ಮಾಡಬಹುದು.

ಬ್ಯಾಟರಿ ಸಾಮರ್ಥ್ಯ

ಪೋಕೋ ಎಕ್ಸ್​5 ಪ್ರೋ ಸ್ಮಾರ್ಟ್‌ಫೋನ್‌ 5,000mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕಪ್​ನೊಂದಿಗೆ ಪ್ಯಾಕ್​ ಆಗಿದೆ. ಈ ಬ್ಯಾಟರಿಯು 67W ವೇಗದ ಚಾರ್ಜಿಂಗ್‌ ಬೆಂಬಲಿಸಲಿದ್ದು, ಸ್ಮಾರ್ಟ್​​ಫೋನ್​ ಫುಲ್​ ಚಾರ್ಜ್​ ಆಗಲು ಕೇವಲ 45 ನಿಮಿಷಗಳು ಸಾಕಾಗುತ್ತದೆ ಎಂದು ಕಂಪೆನಿ ಹೇಳಿದೆ. ಈ ಸ್ಮಾರ್ಟ್‌ಫೋನ್‌ ಡಾಲ್ಬಿ ಅಟ್ಮೋಸ್‌ ಬೆಂಬಲದೊಂದಿಗೆ ಡ್ಯುಯಲ್ ಸ್ಟೀರಿಯೋ ಸ್ಪೀಕರ್‌ಗಳನ್ನು ಹೊಂದಿದೆ.

ಇತರೆ ಫೀಚರ್ಸ್

ಇನ್ನು ಈ ಸ್ಮಾರ್ಟ್​​​ಫೋನ್​ನ ಕನೆಕ್ಟಿವಿಟಿ ಆಯ್ಕೆಗಳಲ್ಲಿ ಯುಎಸ್‌ಬಿ ಟೈಪ್-ಸಿ ಪೋರ್ಟ್ ಮತ್ತು 3.5 ಎಂಎಂ ಹೆಡ್‌ಫೋನ್ ಜ್ಯಾಕ್‌ ಅನ್ನು ಹೊಂದಿದೆ. ಇದಲ್ಲದೆ ಡ್ಯುಯಲ್-ಬ್ಯಾಂಡ್ ವೈಫೈ ಮತ್ತು ಬ್ಲೂಟೂತ್ 5.1 ವೈರ್‌ಲೆಸ್ ಕನೆಕ್ಟಿವಿಟಿಯನ್ನು ಬೆಂಬಲಿಸಲಿದೆ.