Paytm App: ಮತ್ತೆ ಗೂಗಲ್​ ಪ್ಲೇ ಸ್ಟೋರ್​ಗೆ ಮರಳಿದ ಪೇಟಿಯಂ ಆ್ಯಪ್​

Google Play Store: ಪ್ಲೇ ಸ್ಟೋರ್​ನ ನಿಯಮವನ್ನು ಮೀರಿದ ಕಾರಣಕ್ಕಾಗಿ ಪೇಟಿಯಂ ಆ್ಯಪ್​​​ ಅನ್ನು ತೆಗೆದು ಹಾಕಲಾಗಿತ್ತು. ಇದಾದ ಕೆಲವೇ ಗಂಟೆಗಳಲ್ಲೇ ಪೇಟಿಯಂ ಆ್ಯಪ್​ ಗೂಗಲ್​ ಪ್ಲೇ ಸ್ಟೋರ್​ಗೆ ಮತ್ತೆ ಮರಳಿದೆ.

news18-kannada
Updated:September 18, 2020, 11:15 PM IST
Paytm App: ಮತ್ತೆ ಗೂಗಲ್​ ಪ್ಲೇ ಸ್ಟೋರ್​ಗೆ ಮರಳಿದ ಪೇಟಿಯಂ ಆ್ಯಪ್​
ಪೇಟಿಯಂ ಆ್ಯಪ್
  • Share this:
ಆನ್​ಲೈನ್​ ಪೇಮೆಂಟ್​ ಸೇವೆಯನ್ನು ಒದಗಿಸುವ ಪೇಟಿಯಂ ಆ್ಯಪ್​ ಗೂಗಲ್​ ಪ್ಲೇ ಸ್ಟೋರ್​ಗೆ ಮತ್ತೆ ಮರಳಿದೆ. ಆ ಮೂಲಕ ಬಳಕೆದಾರರ ಮನದಲ್ಲಿ ಮಂದಹಾಸ ಮೂಡಿಸಿದೆ. ಪ್ಲೇ ಸ್ಟೋರ್​ನ ನಿಯಮವನ್ನು ಮೀರಿದ ಕಾರಣಕ್ಕಾಗಿ ಪೇಟಿಯಂ ಆ್ಯಪ್​​​ ಅನ್ನು ತೆಗೆದು ಹಾಕಲಾಗಿತ್ತು. ಇದಾದ ಕೆಲವೇ ಗಂಟೆಗಳಲ್ಲೇ ಪೇಟಿಯಂ ಆ್ಯಪ್​ ಗೂಗಲ್​ ಪ್ಲೇ ಸ್ಟೋರ್​ಗೆ ಮತ್ತೆ ಮರಳಿದೆ. ಮಾತ್ರವಲ್ಲದೆ, ಈ ಬಗ್ಗೆ ಟ್ವಿಟ್ಟರ್​ನಲ್ಲಿ ಮಾಹಿತಿಯನ್ನು ಹಂಚಿಕೊಂಡಿದೆ.

ಪೇಟಿಎಂ ಆ್ಯಂಡ್ರಾಯ್ಡ್ ಆ್ಯಪ್ ತಾತ್ಕಲಿಕವಾಗಿ ಗೂಗಲ್ ಪ್ಲೇ ಸ್ಟೋರ್ ನಲ್ಲಿ ಲಭ್ಯವಿಲ್ಲ. ಮಾತ್ರವಲ್ಲದೆ ಯಾವುದೇ ಹೊಸ ಅಪ್ಡೇಟ್​​ಗಳು ಕೂಡ ದೊರಕುವುದಿಲ್ಲ. ಶೀಘ್ರದಲ್ಲಿ ವಾಪಾಸಾಗುತ್ತೇವೆ. ನಿಮ್ಮ ಎಲ್ಲಾ ಪಾವತಿ ಸೇವೆಗಳು ಸಂಪೂರ್ಣ ಭದ್ರವಾಗಿದೆ’ ಎಂದು ಟ್ವೀಟ್ ಮಾಡಿತ್ತು.

ಗೂಗಲ್​ ಪ್ಲೇ ಸ್ಟೋರ್​ ಗೆ ಮತ್ತೆ ಮರಳಿದ ನಂತರ ಟ್ವೀಟ್​ ಮಾಡಿರುವ ಪೇಟಿಯಂ ‘ಅಪ್ಡೇಟ್​ ಆಗಿದೆ ಮತ್ತೆ ಹಿಂತಿರುಗಿದ್ದೇವೆ’ ಎಂದಿದೆ.



ಪೇಟಿಯಂ ಗೂಗಲ್​ನಿಂದ ಕಣ್ಮರೆಯಾಗಲು ಕಾರಣ?

ಗೂಗಲ್​ ಪ್ಲೇ ಸ್ಟೋರ್​​  ಬಳಕೆದಾರರನ್ನು ರಕ್ಷಿಸುವ ಮಿಟ್ಟಿನಲ್ಲಿ ಹೊಸ ನೀತಿಗಳನ್ನು ಜಾರಿಗೆ ತಂದಿದೆ. ಹಾಗಾಗಿ ಯಾವುದೇ ಅಪ್ಲಿಕೇಶನ್ ಗಳು ಈ ನೀತಿಗಳನ್ನು ಉಲ್ಲಂಘಿಸಿದಾಗ, ಅದರ ಡೆವಲಪರ್‌ಗೆ ಮಾಹಿತಿ ತಿಳಿಸುತ್ತದೆ. ಆದರೇ ಆ್ಯಪ್ ಡೆವಲಪರ್​ಗಳು ಗೂಲ್​ ಪ್ಲೇ ಸ್ಟೋರ್​ ಹಾಕಿಕೊಟ್ಟ ನೀತಿಗಳನ್ನು ಅನುಸರಿಸದಿದ್ದರೇ ಅವನ್ನು ರಿಮೂವ್​ ಮಾಡುತ್ತದೆ. ಹೊಸ ನೀತಿಗಳನ್ನು ಅನುಸರಿದರೆ ಮಾತ್ರ ಪ್ಲೇ ಸ್ಟೋರ್​ನಲ್ಲಿ ಅಂತಹ ಆ್ಯಪ್​ಗಳು ಕಾಣಸಿಗುತ್ತವೆ. ಹಾಗಾಗಿ ಈ ನಿಯಮನುಸಾರ ಪೇಟಿಯಂ ಅನ್ನು ತೆಗೆದು ಹಾಕಲಾಗಿತ್ತು.

ಗೂಗಲ್​​ ಪ್ಲೇ ಸ್ಟೋರ್​​ ಆನ್​ಲೈನ್​ ಕ್ಯಾಸಿನೋ, ಜೂಜು​ ಅಥವಾ ಬೆಟ್ಟಿಂಗ್​ ಕುರಿತಾದ ಆ್ಯಪ್​ಗಳನ್ನು ಪ್ರೊತ್ಸಾಹಿಸುವುದಿಲ್ಲ. ಮಾತ್ರವಲ್ಲದೆ, ಜಾಹೀರಾತು ಮತ್ತು ಥರ್ಡ್​ ಪಾರ್ಟಿ ಆ್ಯಪ್​​ಗಳಿಗೆ ಬಳಕೆದಾರರನ್ನು ಸೆಳೆಯುವುದು ಗೂಗಲ್​ ಪಾಲಿಸಿಯ ಉಲ್ಲಂಘನೆಯಾಗಿರುವ ಕಾರಣಕ್ಕೆ ತೆಗೆದು ಹಾಕಿತ್ತು. ಇದೀಗ ಅವೆಲ್ಲವನ್ನು ಸರಿಪಡಿಸಿಕೊಂಡು ಪೇಟಿಯಂ ಪ್ಲೇ ಸ್ಟೋರ್​ಗೆ ಮತ್ತೆ ಮರಳಿದೆ.
Published by: Harshith AS
First published: September 18, 2020, 11:14 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories

corona virus btn
corona virus btn
Loading