Oppo Foldable Smartphones: ಸ್ಯಾಮ್​ಸಂಗ್​ಗೆ ಪ್ರತಿಸ್ಪರ್ಧಿಯಾಗುತ್ತಿದೆ ಒಪ್ಪೋ ಕಂಪನಿ​​! ಎರಡು ಫೋಲ್ಡೇಬಲ್ ಮೊಬೈಲ್​ಗಳ ಬಿಡುಗಡೆ

ಒಪ್ಪೋ ಕಂಪನಿ (Oppo Company) ತನ್ನದೇ ಆದ ವಿನ್ಯಾಸದಲ್ಲಿ ಹಲವಾರು ಸ್ಮಾರ್ಟ್​ಫೋನ್​ಗಳನ್ನು ಮೊಬೈಲ್​ ಮಾರುಕಟ್ಟೆಗೆ ಪರಿಚಯಿಸಿದೆ. ಆದರೆ ಇತ್ತೀಚಿನ ದಿನಗಳಲ್ಲಿ ಒಪ್ಪೋ ಕಂಪನಿ ಬಹಳ ಜನಪ್ರಿಯತೆಯನ್ನು ಪಡೆದಿದೆ. ಈ ಕಂಪನಿಯಿಂದ ಬಿಡುಗಡೆಯಾಗುವ ಸ್ಮಾರ್ಟ್​ಫೊನ್​ಗಳಿಗಾಗಿ (Smartphone) ಕೆಲವೊಂದು ಗ್ರಾಹಕರು ಕಾತುರದಿಂದ ಕಾಯುತ್ತಿರುತ್ತಾರೆ. ಈ ಸಂದರ್ಭದಲ್ಲಿ ಇದೀಗ ಒಪ್ಪೋ ತನ್ನ ಗ್ರಾಹಕರಿಗೆ ಶುಭಸುದ್ದಿಯನ್ನು ನೀಡುತ್ತಿದೆ. ಇದುವರೆಗೆ ಒಪ್ಪೋದಿಂದ ಯಾವುದೇ ಫೋಲ್ಡೇಬಲ್​ ಸ್ಮಾರ್ಟ್​​ಫೋನ್​ಗಳು (Foldable Smartphone) ಬಿಡುಗಡೆಯಾಗಿರಲಿಲ್ಲ. ಆದರೆ ಇತ್ತೀಚೆಗೆ ಒಪ್ಫೋ ಇನ್ನೋ ಡೆ ಎಂಬ ಕಾರ್ಯಕ್ರಮದಲ್ಲಿ ತನ್ನ ಎರಡು ಫೋಲ್ಡೇಬಲ್​  ಮೊಬೈಲ್​​ಗಳನ್ನು ಬಿಡುಗಡೆ ಮಾಡಿದೆ. ಒಪ್ಪೋ ಬಿಡುಗಡೆ ಮಾಡಿರುವ ಫೋಲ್ಡೇಬಲ್​ ಸ್ಮಾರ್ಟ್​​ಫೋನ್​ಗಳು ಒಪ್ಪೋ ಫೈಂಡ್​ ಎನ್​​2 (Oppo Find N2) ಮತ್ತು ಒಪ್ಪೋ ಫೈಂಡ್​ ಎನ್​​2 ಫ್ಲಿಪ್ (Oppo Find N2 Flip)​ ಎಂಬ ಹೆಸರನ್ನು ಹೊಂದಿದೆ.

ಒಪ್ಪೋದಿಂದ ಫೈಂಡ್​ ಎನ್​2 ಮತ್ತು ಒಪ್ಪೋ ಫೈಂಡ್​ ಎನ್​2 ಫ್ಲಿಪ್​ ಎಂಬ ಸ್ಮಾರ್ಟ್​ಫೋನ್​​ ಅನ್ನು ಬಿಡುಗಡೆ ಮಾಡಿದೆ. ಇದು ಒಪ್ಪೋದಿಂದ ಬಿಡುಗಡೆಯಾಗಿರುವಂತಹ ಹೊಸ ಮೊಬೈಲ್ಸ್​ ಆಗಿದ್ದು, ಮಾರುಕಟ್ಟೆಯಲ್ಲಿ ಸ್ಯಾಮ್​ಸಂಗ್​ ಸ್ಮಾರ್ಟ್​​ಫೋನ್​ಗಳಿಗೆ ಬಹಳಷ್ಟು ಪೈಫೋಟಿ ನೀಡಲಿದೆ ಎಂದು ಹೇಳಲಾಗುತ್ತಿದೆ.

ಒಪ್ಪೋ ಫೈಂಡ್​ ಎನ್​2 ಸ್ಮಾರ್ಟ್​​ಫೋನ್​ನ ಫೀಚರ್ಸ್

• ಒಪ್ಪೋ ಫೈಂಡ್​ ಎನ್​2 ಸ್ಮಾರ್ಟ್‌ಫೋನ್‌ ಆಂಡ್ರಾಯ್ಡ್​ 13 ಆಧಾರಿತ ColorOS 13.0 ನಲ್ಲಿ ಕಾರ್ಯನಿರ್ವಹಿಸಲಿದೆ.


• 7.6-ಇಂಚಿನ 1,792 x 1,920 ಪಿಕ್ಸೆಲ್‌ಗಳನ್ನು ಹೊಂದಿದರುವ ಅಮೋಲ್​ಡ್​ ಡಿಸ್‌ಪ್ಲೇಯನ್ನು ಹೊಂದಿದೆ.

• ಜೊತೆಗೆ 120Hz ರಿಫ್ರೆಶ್ ರೇಟ್​, 5.54-ಇಂಚಿನ ಪೂರ್ಣ-HD + 1,020 × 2080 ಎಎಮ್ ಡಿಸ್ಪ್ಲೇ ಸ್ಕ್ರೀನ್​ ಅನ್ನು ಒಳಗೊಂಡಿದೆ.


• ಇನ್ನು ಈ ಸ್ಮಾರ್ಟ್​​ಫೋನ್​ ಆಕ್ಟಾ-ಕೋರ್ ಸ್ನಾಪ್‌ಡ್ರಾಗನ್ 8+ Gen 1 ಪ್ರೊಸೆಸರ್ ಸಾಮರ್ಥ್ಯವನ್ನು ಹೊಂದಿದೆ.

ಒಪ್ಪೋ ಫೋಲ್ಡೇಬಲ್​ ಸ್ಮಾರ್ಟ್​ಫೋನ್​

• ಇನ್ನು ಇದರ ಕ್ಯಾಮೆರಾ ಫೀಚರ್ಸ್​​ ಬಗ್ಗೆ ಮಾತನಾಡುವುದಾದರೆ 50MP ಪ್ರಾಥಮಿಕ ಕ್ಯಾಮೆರಾ, 32MP ಸೆಲ್ಫಿ ಕ್ಯಾಮೆರಾವನ್ನು ಹೊಂದಿದೆ.


• ಇನ್ನು ಇದರಲ್ಲಿ ಸೈಡ್ ಮೌಂಟೆಡ್ ಫಿಂಗರ್‌ಪ್ರಿಂಟ್ ಸೆನ್ಸಾರ್​ ಅನ್ನು ಅಳವಡಿಸಲಾಗಿದೆ.


• 4,520mAh ಡ್ಯುಯಲ್ ಸೆಲ್ ಬ್ಯಾಟರಿ ಬ್ಯಾಕಪ್​ ಅನ್ನು ಇದು ಹೊಂದಿದೆ ಮತ್ತು 67W SuperVOOC 2.0 ಫಾಸ್ಟ್ ಚಾರ್ಜಿಂಗ್ ಬೆಂಬಲ ಕೂಡ  ಇದರಲ್ಲಿ ಅಳವಡಿಸಿದ್ದಾರೆ.

ಬೆಲೆಯ ಕುರಿತು ಮಾತನಾಡುವುದಾದರೆ, ಫೈಂಡ್​ ಎನ್​2ನ 12GB + 256GB ಸ್ಟೋರೇಜ್​ ಹೊಂದಿರುವ ಮೊಬೈಲ್​ಗೆ ಬೆಲೆಯನ್ನು CNY 7,999 ಅಂದರೆ ಭಾರತದಲ್ಲಿ ಸುಮಾರು 95,000 ರೂಪಾಯಿಯಲ್ಲಿ ಖರೀದಿಸಬಹುದಾಗಿದೆ ಮತ್ತು 16GB + 512GB ಸ್ಠೋರೇಜ್​ ಹೊಂದಿದ ಸ್ಮಾರ್ಟ್​ಫೊನ್ ಅನ್ನಯ CNY 8,999 ಅಂದರೆ ಭಾರತದಲ್ಲಿ ಸುಮಾರು ರೂ 1,06,800 ನಲ್ಲಿ ಪಡೆಯಬಹುದು. ಈ ಫೋನ್ ಅನ್ನು ಕ್ಲೌಡ್ ವೈಟ್, ಪಿಂಕ್ ಗ್ರೀನ್ ಮತ್ತು ಪ್ಲೇನ್ ಬ್ಲ್ಯಾಕ್ ಬಣ್ಣದ ಆಯ್ಕೆಗಳಲ್ಲಿ ಪರಿಚಯಿಸಲಾಗಿದೆ.

ಒಪ್ಪೋ ಫೋಲ್ಡೇಬಲ್​ ಸ್ಮಾರ್ಟ್​ಫೋನ್​

ಒಪ್ಪೋ ಫೈಂಡ್​ ಎನ್​2 ಫ್ಲಿಪ್​:

ಒಪ್ಪೋ ಫೈಂಡ್​ ಎನ್​2 ಫ್ಲಿಪ್​ ಆಂಡ್ರಾಯ್ಡ್ 13 ಆಧಾರಿತ ColorOS 13.0 ನಲ್ಲಿ ಕಾರ್ಯನಿರ್ವಹಿಸಲಿದೆ. ಇನ್ನು ಇದು 6.8-ಇಂಚಿನ ಪ್ರಾಥಮಿಕ ಪೂರ್ಣ-HD + 1,080×2,520 ಪಿಕ್ಸೆಲ್‌ಗಳ ಜೊತೆ ಅಮೋಲ್​ಡ್​ ಡಿಸ್‌ಪ್ಲೇಯನ್ನು ಹೊಂದಿದೆ. ಇನ್ನು ಇದು ಆಕ್ಟಾ-ಕೋರ್ ಮೀಡಿಯಾ ಟೆಕ್ ಡೈಮೆನ್ಸಿಟಿ 9000+ ಡಿಸ್‌ಪ್ಲೇ ಸಹ ಹೊಂದಿದೆ.

ಕ್ಯಾಮೆರಾ ಸೆಟಪ್​ ಬಗ್ಗೆ ಮಾತನಾಡುವುದಾದರೆ ಇದು ಡ್ಯುಯಲ್ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದೆ. ಇದರಲ್ಲಿ 32MP ಸೆಲ್ಫಿ ಕ್ಯಾಮೆರಾವನ್ನು ಅಳವಡಿಸಲಾಗಿದೆ. 4,300mAh ಬ್ಯಾಟರಿ ಮತ್ತು 44W SuperVOOC ಚಾರ್ಜಿಂಗ್ ಬೆಂಬಲವನ್ನು ಪ್ರಾಥಮಿಕ ಕ್ಯಾಮೆರಾವನ್ನು ನೀಡಲಾಗಿದೆ.

ಒಪ್ಪೋ ಫೋಲ್ಡೇಬಲ್​ ಸ್ಮಾರ್ಟ್​ಫೋನ್​

ಬೆಲೆ ಮತ್ತು ಲಭ್ಯತೆ

ಒಪ್ಪೋ ಫೈಂಡ್​ ಎನ್​2 ಫ್ಲಿಪ್ 8GB + 256GB ಸ್ಟೋರೇಜ್​ ಹೊಂದಿದ ಮೊಬೈಲ್​ CNY 5,999 ಅಂದರೆ ಸುಮಾರು 71,000 ರೂಪಾಯಿ ನಿಗದಿ ಮಾಡಲಾಗಿದೆ. 12GB + 256GB ಸ್ಟೋರೇಜ್​ ಹೊಂದಿದ ಮೊಬೈಲ್​ CNY 6,399 ಅಂದರೆ ಭಾರತದಲ್ಲಿ ಸರಿಸುಮಾರು 76,000 ರೂಪಾಯಿ ಇದೆ. ಈ ಸ್ಮಾರ್ಟ್​​ಫೋನ್​ ಅನ್ನು ಬ್ಲ್ಯಾಕ್​, ಗೋಲ್ಡ್​ ಬಣ್ಣಗಳಲ್ಲಿ ಪರಿಚಯಿಸಲಾಗಿದೆ. ಈ ಎರಡೂ ಫೋನ್‌ಗಳು ಮುಂಬರುವ ವಾರಗಳಲ್ಲಿ ಚೀನಾದಲ್ಲಿ ಮಾರಾಟಕ್ಕೆ ಲಭ್ಯವಾಗುತ್ತದೆ. ಇವುಗಳು ಪ್ರಸ್ತುತವಾಗಿ ಪ್ರೀ ಬುಕಿಂಗ್‌ಗೆ ಮಾತ್ರ ಲಭ್ಯವಿದೆ.