• Home
  • »
  • News
  • »
  • tech
  • »
  • Oneplus Smartphones: 2023ರಲ್ಲಿ ಒನ್​ಪ್ಲಸ್​ನಿಂದ ಎರಡು 5ಜಿ ಪೋನ್​ಗಳ ಬಿಡುಗಡೆ! ಹೇಗಿದೆ ಗೊತ್ತಾ ಫೀಚರ್ಸ್?

Oneplus Smartphones: 2023ರಲ್ಲಿ ಒನ್​ಪ್ಲಸ್​ನಿಂದ ಎರಡು 5ಜಿ ಪೋನ್​ಗಳ ಬಿಡುಗಡೆ! ಹೇಗಿದೆ ಗೊತ್ತಾ ಫೀಚರ್ಸ್?

ಒನ್​ಪ್ಲಸ್​ ಸ್ಮಾರ್ಟ್​ಫೋನ್​

ಒನ್​ಪ್ಲಸ್​ ಸ್ಮಾರ್ಟ್​ಫೋನ್​

ಪ್ರಸಿದ್ಧ ಸ್ಮಾರ್ಟ್​ಫೋನ್ ತಯಾರಕ ಕಂಪನಿಯಾಗಿರುವ ಒನ್​ಪ್ಲಸ್​ ತನ್ನ ಬ್ರಾಂಡ್​ನ ಅಡಿಯಲ್ಲಿ ಎರಡು ಸ್ಮಾರ್ಟ್​ಫೋನ್​ಗಳನ್ನು ಬಿಡುಗಡೆ ಮಾಡಲಿದೆ ಎಂದು ಸುದ್ದಿ ಸೋರಿಕೆಯಾಗಿದೆ. ಮುಂದಿನ ವರ್ಷ ಫೆಬ್ರವರಿ 7 ರಂದು ಒನ್​​ಪ್ಲಸ್​ 11 ಸ್ಮಾರ್ಟ್​ಫೋನ್​ ಬಿಡುಗಡೆಯಾಗಲಿದೆ. ಆದರೆ ಮುಂಬರುವ ಸ್ಮಾರ್ಟ್​ಫೋನ್​ ಫೀಚರ್ಸ್​ ಬಗ್ಗೆ ಸೋರಿಕೆಯಾಗಿದ್ದು ಕಂಪ್ಲೀಟ್​ ಮಾಹಿತಿ ಇಲ್ಲಿದೆ.

ಮುಂದೆ ಓದಿ ...
  • Share this:

    ಚೀನಾದ (China) ಪ್ರಸಿದ್ಧ ಸ್ಮಾರ್ಟ್​ಫೋನ್ ಕಂಪನಿಯಾಗಿರುವ (Smartphone Company) ಒನ್​ಪ್ಲಸ್ (Oneplus)​ ಭಾರತದ ಮಾರುಕಟ್ಟೆಯಲ್ಲಿ ಬಹಳಷ್ಟು ಜನಪ್ರಿಯತೆಯನ್ನು ಪಡೆದಿದೆ. ಒನ್​ಪ್ಲಸ್​ ಬಿಡುಗಡೆ ಮಾಡಿರುವಂತಹ ಸಾಧನಗಳು ಎಲ್ಲ ಪ್ರೀಮಿಯಂ ಸಾಧನಗಳಾಗಿದೆ. ಒನ್​ಪ್ಲಸ್​ ಕಂಪನಿ ಇದುವರೆಗೆ ತನ್ನ ಸೀರಿಸ್​ನಲ್ಲಿ ಬಹಳಷ್ಟು ಸ್ಮಾರ್ಟ್​ಫೋನ್​ಗಳನ್ನು ಬಿಡುಗಡೆ ಮಾಡಿದೆ. ಇದೀಗ ಮುಂದಿನ ವರ್ಷ ಈ ಕಂಪನಿ ಎರಡು 5ಜಿ ಪ್ರೀಮಿಯಂ ಮೊಬೈಲ್​ಗಳನ್ನು ಬಿಡುಗಡೆ ಮಾಡಲು ನಿರ್ಧರಿಸಿದೆ. ಈ ಮೊಬೈಲ್​ಗಳ ಫೀಚರ್ಸ್​ಗಳು (Mobile Features) ಇದೀಗ ಕೆಲವೊಂದು ವರದಿಗಳಲ್ಲಿ ಸೋರಿಕೆಯಾಗಿವೆ. 2023ರಲ್ಲಿ ಒನ್​ಪ್ಲಸ್​ನಿಂದ ಒನ್​​ಪ್ಲಸ್​ 11 5ಜಿ ಮತ್ತು ಒನ್​ಪ್ಲಸ್​ 11 ಆರ್​ ಸ್ಮಾರ್ಟ್​ಫೋನ್​ಗಳು ಬಿಡುಗಡೆಯಾಗಲಿದೆ. ಫೆಬ್ರವರಿ 7, 2023 ರಲ್ಲಿ ಒನ್​ಪ್ಲಸ್​ 11 ಸ್ಮಾರ್ಟ್​ಫೋನ್​ ಬಿಡುಗಡೆ ಮಾಡಲಿದೆ ಎಂದು ಕಂಪನಿ ತಿಳಿಸಿದೆ.


    ಪ್ರಸಿದ್ಧ ಸ್ಮಾರ್ಟ್​ಫೋನ್ ತಯಾರಕ ಕಂಪನಿಯಾಗಿರುವ ಒನ್​ಪ್ಲಸ್​ ತನ್ನ ಬ್ರಾಂಡ್​ನ ಅಡಿಯಲ್ಲಿ ಎರಡು ಸ್ಮಾರ್ಟ್​ಫೋನ್​ಗಳನ್ನು ಬಿಡುಗಡೆ ಮಾಡಲಿದೆ ಎಂದು ಸುದ್ದಿ ಸೋರಿಕೆಯಾಗಿದೆ. ಮುಂದಿನ ವರ್ಷ ಫೆಬ್ರವರಿ 7 ರಂದು ಒನ್​​ಪ್ಲಸ್​ 11 ಸ್ಮಾರ್ಟ್​ಫೋನ್​ ಬಿಡುಗಡೆಯಾಗಲಿದೆ. ಆದರೆ ಮುಂಬರುವ ಸ್ಮಾರ್ಟ್​ಫೋನ್​ ಫೀಚರ್ಸ್​ ಬಗ್ಗೆ ಸೋರಿಕೆಯಾಗಿದ್ದು ಕಂಪ್ಲೀಟ್​ ಮಾಹಿತಿ ಇಲ್ಲಿದೆ.


    ಟಿಪ್​​ಸ್ಟರ್​ ಯೋಗೇಶ್​ ಬ್ರಾರ್ ವರದಿಯ ಪ್ರಕಾರ


    ಯೋಗೇಶ್​ ಬ್ರಾರ್​ ಅವರು ಮುಂಬರುವ ಒನ್​ಪ್ಲಸ್​ 11 ಸ್ಮಾರ್ಟ್​ಫೋನ್​ ಬಗ್ಗೆ ವಿವರಗಳನ್ನು ಬಹಿರಂಗಪಡಿಸಿದ್ದಾರೆ. ಇದಲ್ಲದೆ ಮುಂದಿನ ವರ್ಷ ಬಿಡುಗಡೆಯಾಗಲಿರುವ ಒನ್​ಪ್ಲಸ್​ 11 ಆರ್​ ಸ್ಮಾರ್ಟ್​​ಫೋನ್​ನ ಅಂದಾಜು ಬೆಲೆ ಮತ್ತು ವಿವರಗಳನ್ನು ವರದಿ ಮಾಡಿದ್ದಾರೆ.


    ಇದನ್ನೂ ಓದಿ: ಜನವರಿಯಿಂದ ಈ ನಿಯಮಗಳನ್ನು ಪಾಲಿಸದಿದ್ರೆ ಕಠಿಣ ಕ್ರಮ! ಸರ್ಕಾರದಿಂದ ಹೊಸ ರೂಲ್ಸ್


    ಈ ಎರಡು 5G ಪ್ರೀಮಿಯಂ ಸ್ಮಾರ್ಟ್‌ಫೋನ್‌ಗಳನ್ನು ಕಳೆದ ತಿಂಗಳಿನಿಂದ ಭಾರತದಲ್ಲಿ ಪರೀಕ್ಷಿಸಲಾಗುತ್ತಿದೆ ಎಂದು ಬ್ರಾರ್ ಹೇಳಿದರು. ಈ ಎರಡೂ ಮೊಬೈಲ್​ಗಳು ಬೇರೆ ಬೇರೆ ಫೀಚರ್ಸ್​ಗಳನ್ನು ಹೊಂದಿಕೊಂಡು ಕ್ವಾಲಿಟಿ  ಕ್ಯಾಮೆರಾಗಳೊಂದಿಗೆ ಬಹುತೇಕ ಒಂದೇ ವಿನ್ಯಾಸದಲ್ಲಿ ಬರಲಿದೆ. ಇನ್ನು ಈ ಎರಡರಲ್ಲಿ, ಒನ್​​ಪ್ಲಸ್​ 11 ಆರ್​ ಸ್ಮಾರ್ಟ್​​ಫೋನ್​ ಕಡಿಮೆ ಬೆಲೆಗೆ ಬರಬಹುದು ಎಂದು ಊಹೆ ಮಾಡಿದ್ದಾರೆ.


    ಒನ್​ಪ್ಲಸ್​ 11 ಫೀಚರ್ಸ್​


    ಒನ್​ಪ್ಲಸ್​​ 11 ಸ್ಮಾರ್ಟ್​​ಫೋನ್​ 120Hz ರಿಫ್ರೆಶ್ ರೇಟ್​ನೊಂದಿಗೆ 6.7 ಇಂಚಿನ QHD+ ಅಮೋಲ್ಡ್​​ ಡಿಸ್​​ಪ್ಲೇಯನ್ನು ಹೊಂದಿರಲಿದೆ. ಮುಂಭಾಗದ ಕ್ಯಾಮರಾವು 32 ಮೆಗಾಪಿಕ್ಸೆಲ್​ನೊಂದಿಗೆ ಬರಲಿದೆ . ಈ ಸ್ಮಾರ್ಟ್​​ಫೋನ್ ಹಿಂಭಾಗದಲ್ಲಿ ಟ್ರಿಪಲ್ ಕ್ಯಾಮೆರಾ ಸೆಟಪ್ ಹೊಂದಿರಬಹುದು. ಇದು 50ಎಮ್​ಪಿ ಸೋನಿ IMX890 ಮುಖ್ಯ ಕ್ಯಾಮೆರಾ, 48ಎಮ್​ಪಿ ಅಲ್ಟ್ರಾ-ವೈಡ್ ಆ್ಯಂಗಲ್​ ಲೆನ್ಸ್ ಮತ್ತು 32ಎಮ್​ಪಿ ಟೆಲಿಫೋಟೋ ಸೆನ್ಸಾರ್​ ಅನ್ನು ಹೊಂದಿರುವ ಸಾಧ್ಯತೆಯಿದೆ.


    ಇನ್ನು ಈ ಸ್ಮಾರ್ಟ್​​ಫೋನ್ 5000mAh ಬ್ಯಾಟರಿ ಬ್ಯಾಕಪ್​ ಅನ್ನು ಹೊಂದಿದ್ದು, ಇದು 100W ವೇಗದ ಚಾರ್ಜಿಂಗ್​ ಸಾಮರ್ಥ್ಯವನ್ನು ಹೊಂದಿರಲಿದೆ. ಇದು ಸ್ನ್ಯಾಪ್​​ಡ್ರಾಗನ್​ 8 Gen 2 ಪ್ರೊಸೆಸರ್‌ನೊಂದಿಗೆ ಕಾರ್ಯನಿರ್ವಹಿಸಬಹುದು. ಆಂಡ್ರಾಯ್ಡ್​ 13 ಆಧಾರಿತ OS 13 ನಲ್ಲಿ ಕಾರ್ಯನಿರ್ವಹಿಸುತ್ತದೆ ಎಂದು ಹೇಳಲಾಗಿದೆ.


    ಬೆಲೆ


    ಒನ್‌ಪ್ಲಸ್ 11 ಸ್ಮಾರ್ಟ್​​ಫೋನ್​​ನ ಬೆಲೆ ರೂ.55,000 ಮತ್ತು ರೂ.65,000 ದ ನಡುವೆ ಇರುತ್ತದೆ ಎಂದು ಟಿಪ್‌ಸ್ಟರ್ ಅಂದಾಜಿಸಿದ್ದಾರೆ. ಇದು ಈಗಾಗಲೇ ಭಾರತದಲ್ಲಿ ಬಿಡುಗಡೆಯಾದ ಒನ್​ಪ್ಲಸ್​ 10 ಪ್ರೋನ ಬೆಲೆಗಿಂತ ಕಡಿಮೆಯಾಗಿದೆ. ಒನ್​​ಪ್ಲಸ್​10 ಪ್ರೋ ಸ್ಮಾರ್ಟ್​ಫೋನ್ ಅನ್ನು 66,999 ರೂಪಾಯಿಗೆ ಬಿಡುಗಡೆ ಮಾಡಲಾಗಿದೆ.


    ಒನ್​​ಪ್ಲಸ್​ 11 ಆರ್​ ಸ್ಮಾರ್ಟ್​ಫೋನ್​ ಫೀಚರ್ಸ್​


    ಒನ್​​ಪ್ಲಸ್​ 11 ಆರ್​ ಸ್ಮಾರ್ಟ್​ಫೋನ್ 120Hz ನ ಸ್ಕ್ರೀನ್ ರಿಫ್ರೆಶ್ ರೇಟ್​ನೊಂದಿಗೆ 6.7 ಇಂಚಿನ ಫುಲ್​ ಹೆಚ್​​ಡಿ+ ಅಮೋಲ್ಡ್​ ಡಿಸ್ಪ್ಲೇಯೊಂದಿಗೆ ಬರಬಹುದು. ಇದರಲ್ಲಿ ಸ್ನ್ಯಾಪ್​​ಡ್ರಾಗನ್ 8+ Gen 1 SoC ಪ್ರೊಸೆಸರ್ ಅನ್ನುಹೊಂದಿರುವ ಸಾಧ್ಯತೆಯಿದೆ. ಹ್ಯಾಂಡ್‌ಸೆಟ್ 5000mAh ಬ್ಯಾಟರಿಯನ್ನು ಹೊಂದಿದ್ದುಇದು 100W SuperVOOC ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ.


    ಈ ಸ್ಮಾರ್ಟ್​​ಫೋನ್ ಹಿಂಭಾಗದಲ್ಲಿ ಟ್ರಿಪಲ್ ಕ್ಯಾಮೆರಾ ಸೆಟಪ್‌ನೊಂದಿಗೆ ಬರಬಹುದು. ಇದರಲ್ಲಿ 50ಎಮ್​ಪಿ ಪ್ರಾಥಮಿಕ ಕ್ಯಾಮೆರಾ, 8ಎಮ್​ಪಿ ಅಲ್ಟ್ರಾ ವೈಡ್​ ಆ್ಯಂಗಲ್​ ಲೆನ್ಸ್ ಕ್ಯಾಮೆರಾವನ್ನು ಹೊಂದಿರುವ ಸಾಧ್ಯತೆಯಿದೆ. ಸೆಲ್ಫಿಗಳಿಗಾಗಿ ಸ್ಮಾರ್ಟ್​ಫೋನ್ ಮುಂಭಾಗದಲ್ಲಿ 16ಎಮ್​ಪಿ ಕ್ಯಾಮೆರಾವನ್ನು ಅಳವಡಿಸಿರಬಹುದು.


    ಬೆಲೆ


    ಭಾರತದಲ್ಲಿ ಬಿಡುಗಡೆಗೊಳ್ಳಲಿರುವ ಒನ್‌ಪ್ಲಸ್ 11 ಆರ್​ ಸ್ಮಾರ್ಟ್​​ಫೋನ್ ಬೆಲೆ ರೂ.50,000 ಕ್ಕಿಂತ ಕಡಿಮೆ ಇರುತ್ತದೆ ಎಂದು ಟಿಪ್‌ಸ್ಟರ್ ಹೇಳಿದ್ದಾರೆ.

    Published by:Prajwal B
    First published:

    ಸುದ್ದಿ 18ಕನ್ನಡ ಟ್ರೆಂಡಿಂಗ್

    ಮತ್ತಷ್ಟು ಓದು