Oneplus Tablet: ಶೀಘ್ರದಲ್ಲೇ ಮಾರುಕಟ್ಟೆಗೆ ಬರಲಿದೆ ಒನ್​ಪ್ಲಸ್​ನ ಟ್ಯಾಬ್ಲೆಟ್​! ಫೀಚರ್ಸ್​ ಬಗ್ಗೆ ಇಲ್ಲಿದೆ ಮಾಹಿತಿ

ಚೀನಾದ ಎಲೆಕ್ಟ್ರಾನಿಕ್ಸ್ ದೈತ್ಯ ಒನ್​ಪ್ಲಸ್ (Oneplus Company)​ ಉತ್ಪನ್ನಗಳಿಗೆ ಭಾರತದಲ್ಲಿ ಉತ್ತಮ ಬೇಡಿಕೆಯಿದೆ. ಪ್ರೀಮಿಯಂ ಸ್ಮಾರ್ಟ್‌ಫೋನ್‌ಗಳು ಮತ್ತು ಸ್ಮಾರ್ಟ್ ಟಿವಿಗಳ ವಿಭಾಗದಲ್ಲಿ ಭಾರತೀಯ ಮಾರುಕಟ್ಟೆಯಲ್ಲಿ ಗಮನಾರ್ಹ ಪಾಲನ್ನು ಹೊಂದಿರುವ ಕಂಪನಿಯು ಫೆಬ್ರವರಿ 7 ರಂದು ಮತ್ತೊಂದು ಹೊಸ ಫೋನ್ ಅನ್ನು ಬಿಡುಗಡೆ ಮಾಡಲಿದೆ. ಮುಂದಿನ ಸರಣಿಯು ಒನ್​ಪ್ಲಸ್ 11 (Oneplus 11 Smartphone) ಮತ್ತು ಒನ್​ಪ್ಲಸ್ 11ಆರ್​ ಮಾದರಿಗಳನ್ನು ತರುತ್ತದೆ. ಆದರೆ ಅದೇ ಸಮಯದಲ್ಲಿ, ಕಂಪನಿಯು ಮತ್ತೊಂದು ಹೊಸ ಉತ್ಪನ್ನವನ್ನು ಸಹ ಬಿಡುಗಡೆ ಮಾಡುತ್ತದೆ ಎಂದು ವರದಿಯಾಗಿದೆ. ಕಂಪನಿಯು ಒನ್​ಪ್ಲಸ್ ಪ್ಯಾಡ್ (Oneplus Pad Tablet)​ ಹೆಸರಿನ ಹೊಸ ಟ್ಯಾಬ್ಲೆಟ್ ಅನ್ನು ಬಿಡುಗಡೆ ಮಾಡುವ ಸಾಧ್ಯತೆಯಿದೆ.

ಇದೀಗ ಟೆಕ್​ ಮಾರುಕಟ್ಟೆಗೆ ಜನಪ್ರಿಯ ಕಂಪೆನಿಯಾಗಿರುವ ಒನ್​ಪ್ಲಸ್​ ಟ್ಯಾಬ್ಲೆಟ್​ ಅನ್ನು ಬಿಡುಗಡೆ ಮಾಡಲಿದ್ದು, ಇದಕ್ಕೆ ಒನ್​​ಪ್ಲಸ್​ ಪ್ಯಾಡ್ ಎಂದು ಹೆಸರನ್ನು ಇಡಲಾಗಿದೆ. ಈ ಟ್ಯಾಬ್​ನ ವಿನ್ಯಾಸದ​ ಫೋಟೋ ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ಸೋರಿಕೆಯಾಗಿದ್ದು, ಫೀಚರ್ಸ್​ಗಳ ಮಾಹಿತಿಯು ಸಹ ಹೊರಬಿದ್ದಿದೆ.

ಒನ್​​ಪ್ಲಸ್​ ಪ್ಯಾಡ್​

ಒನ್​ಪ್ಲಸ್ ಪ್ಯಾಡ್​ನ ಬಿಡುಗಡೆಯಾದ ಅಧಿಕೃತ ಚಿತ್ರದ ಪ್ರಕಾರ, ಈ ಸಾಧನವು ಸ್ಲಿಮ್ ಬೆಜೆಲ್‌ಗಳು, ಸಿಂಗಲ್ ಲೆನ್ಸ್, ಎಲ್‌ಇಡಿ ಫ್ಲ್ಯಾಷ್‌ನೊಂದಿಗೆ ಕ್ಯಾಮೆರಾ ಮಾಡ್ಯೂಲ್, ಹಿಂಭಾಗದಲ್ಲಿ ಹಸಿರು-ಮ್ಯಾಟ್ ಫಿನಿಶ್‌ನಂತಹ ವೈಶಿಷ್ಟ್ಯಗಳು ಒನ್‌ಪ್ಲಸ್ ಪ್ಯಾಡ್ ಟ್ಯಾಬ್ಲೆಟ್‌ನಲ್ಲಿ ಇರುವ ಸಾಧ್ಯತೆಯಿದೆ.

ಈ ಟ್ಯಾಬ್ಲೆಟ್ ತಯಾರಿಕೆಯಲ್ಲಿ ಬಳಸಲಾದ ವಸ್ತುಗಳ ವಿವರಗಳು ಇನ್ನೂ ಯಾವುದೇ ರೀತಿಯಲ್ಲಿ ಬಹಿರಂಗವಾಗಿಲ್ಲ. ಆದರೆ ಇದು ಅಲ್ಯೂಮಿನಿಯಂನಿಂದ ತಯಾರಿಯಾಗಿದೆ ಎಂಬ ವದಂತಿಗಳಿವೆ. ಸೋರಿಕೆಯಾದ ಚಿತ್ರವನ್ನು ನೋಡುವಾಗ ಈ ಸಾಧನದ ಆಕರ್ಷಕ ನೋಟಕ್ಕಾಗಿ ಫ್ಲಾಟ್ ರೀತಿಯಲ್ಲಿ ಬದಿಗಳನ್ನು ವಿನ್ಯಾಸಗೊಳಿಸಲಾಗಿದೆ.

ಬೆಲೆ ಮತ್ತು ಲಭ್ಯತೆ

ಇನ್ನು ಒನ್​ಪ್ಲಸ್​ ಪ್ಯಾಡ್​ ಟ್ಯಾಬ್ಲೆಟ್​ನ ಬೆಲೆ ಮತ್ತು ಲಭ್ಯತೆಯ ಬಗ್ಗೆ ಕಂಪೆನಿ ಯಾವುದೇ ರೀತಿಯ ಮಾಹಿತಿಯನ್ನು ಬಹಿರಂಗ ಪಡಿಸಿಲ್ಲ. ಹಾಗೆಯೇ ಈ ಟ್ಯಾಬ್ಲೆಟ್​​ ಇನ್ನೇನು ಕೆಲವೇ ದಿನಗಳಲ್ಲಿ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗಲಿದ್ದು, ಇನ್ನೂ ಹಲವಾರು ಗುಣಮಟ್ಟದ ಫೀಚರ್ಸ್​ಗಳನ್ನು ಹೊಂದಿಕೊಂಡು ಬರುವ ನಿರೀಕ್ಷೆಯಿದೆ.

ಒನ್​​ಪ್ಲಸ್​ ಟ್ಯಾಬ್ಲೆಟ್​

ಏಕಕಾಲದಲ್ಲಿ ಹಲವ ಸಾಧನಗಳ ಲಾಂಚ್

ಒನ್​ಪ್ಲಸ್​ ಪ್ಯಾಡ್ ಜೊತೆಗೆ, ಕಂಪನಿಯು ಒನ್​ಪ್ಲಸ್ 11 5ಜಿ ಸ್ಮಾರ್ಟ್​​ಫೋನ್​, ಒನ್​ಪ್ಲಸ್ 11ಆರ್​ 5ಜಿ, ಒನ್​ಪ್ಲಸ್ ಬಡ್ಸ್​ ಪ್ರೋ 2, ಒನ್​ಪ್ಲಸ್ ಟಿವಿ 65 ಪ್ರೋ Q2 ನಂತಹ ಸಾಧನಗಳನ್ನು ಸಹ ಬಿಡುಗಡೆ ಮಾಡುತ್ತದೆ.

ಒನ್​​ಪ್ಲಸ್​ 11 ಸ್ಮಾರ್ಟ್​​ಫೋನ್​ನ ಫೀಚರ್ಸ್​

ಮುಂಬರುವ ಒನ್​ಪ್ಲಸ್ 11 ಸ್ಮಾರ್ಟ್​ಫೋನ್​ ಪ್ರಮುಖ ವಿಭಾಗದಲ್ಲಿ ಬರಲಿದೆ. 12 ಜಿಬಿ ರ್‍ಯಾಮ್ ಮತ್ತು 256ಜಿಬಿ ಬೇಸ್ ಮಾಡೆಲ್ ರೂ 54,999 ರ ಆರಂಭಿಕ ಬೆಲೆಯಲ್ಲಿ ಪ್ರಾರಂಭಿಸಬಹುದು. 16ಜಿಬಿ ರ್‍ಯಾಮ್ ಮತ್ತು 256ಜಿಬಿ ರೂಪಾಂತರದ ಬೆಲೆ ರೂ. 59,999 ಹಾಗೆಯೇ 16ಜಿಬಿ ರ್‍ಯಾಮ್ ಮತ್ತು 512ಜಿಬಿ ರೂಪಾಂತರದ ಬೆಲೆ ರೂ.66,999 ಆಗಿರಬಹುದು ಎಂದು ಅಂದಾಜಿಸಲಾಗಿದೆ.

ಡಿಸ್​ಪ್ಲೇ ಮತ್ತು ಇತರೆ ಫೀಚರ್ಸ್

ಒನ್​ಪ್ಲಸ್ 11 ಸ್ಮಾರ್ಟ್‌ಫೋನ್ ಹೊಸ ಕ್ವಾಲ್ಕಮ್​ ಸ್ನಾಪ್​ಡ್ರಾಗನ್​ 8 ಜೆನ್​ 2 ಪ್ರೊಸೆಸರ್‌ನಿಂದ ಚಾಲಿತವಾಗಿದೆ. ಇದು ಆಂಡ್ರಾಯ್ಡ್​ 13 ಆಧಾರಿತ ಆಪರೇಟಿಂಗ್ ಸಿಸ್ಟಮ್ ಕಲರ್​ಓಎಸ್​ 13.0 ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಇನ್ನು ಈ ಹ್ಯಾಂಡ್‌ಸೆಟ್ ಬಳಕೆದಾರರಿಗೆ ಉತ್ತಮ ಅನುಭವವನ್ನು ನೀಡಲು 6.7-ಇಂಚಿನಕ್ಯೂಹೆಚ್​ಡಿ+ ಸ್ಯಾಮ್​ಸಂಗ್ LTPO 3.0 ಅಮೋಲ್ಡ್​ ಡಿಸ್‌ಪ್ಲೇಯನ್ನು ಹೊಂದಿದೆ.

ಇದನ್ನೂ ಓದಿ: ವಾಟ್ಸಾಪ್​ ಬಳಕೆದಾರರಿಗೆ ಗುಡ್​ನ್ಯೂಸ್​! ಮತ್ತೊಂದು ಹೊಸ ಫೀಚರ್​ ಬಿಡುಗಡೆ ಮಾಡಿದ ಕಂಪೆನಿ

ಈ ಡಿಸ್​ಪ್ಲೇಯು 120Hz ಅಡಾಪ್ಟಿವ್ ರಿಫ್ರೆಶ್ ರೇಟ್ ಅನ್ನು ಹೊಂದಿದೆ. 525ppi ಪಿಕ್ಸೆಲ್ ಸಾಂದ್ರತೆಯೊಂದಿಗೆ 1300 ನಿಟ್‌ಗಳವರೆಗೆ ಗರಿಷ್ಠ ಬ್ರೈಟ್​ನೆಸ್​ ಅನ್ನು ನೀಡುತ್ತದೆ. ಇನ್ನು ಈ ಸ್ಮಾರ್ಟ್​​ಫೋನ್​ನ ಡಿಸ್​ಪ್ಲೇ ರಕ್ಷಣೆಗಾಗಿ ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್​ 7 ಅನ್ನು ಆ್ಯಡ್ ಮಾಡಲಾಗಿದೆ.