OnePlus: ಕಿಸೆಯಲ್ಲಿದ್ದ ಒನ್​ಪ್ಲಸ್​ ಸ್ಮಾರ್ಟ್​ಫೋನ್​ ಸ್ಫೋಟ; ಬಳಕೆದಾರನ ಸ್ಥಿತಿ ಏನಾಗಿದೆ ಗೊತ್ತಾ?

OnePlus Nord CE: ದುಶ್ಯಂತ್ ಗೋಸ್ವಾಮಿ ಎಂಬವರು ಆರು ತಿಂಗಳ ಹಿಂದೆ OnePlus Nord CE ಖರೀದಿಸಿದ್ದರು ಮತ್ತು ಅದನ್ನು ಉಪಯೋಗಿಸುತ್ತಾ ಬಂದಿದ್ದಾರೆ.  ಆದರೆ ಈ OnePlus Nord CE ಸ್ಮಾರ್ಟ್​ಫೋನ್​ ಜೇಬಿನಲ್ಲಿರಿಸಿದ್ದಾಗಲೇ ಸ್ಫೋಟಗೊಂಡಿದೆ. ಟ್ವಿಟರ್ ಮತ್ತು ಲಿಂಕ್ಡ್‌ಇನ್‌ನಲ್ಲಿ ಗೋಸ್ವಾಮಿ ನಡೆದ ಘಟನೆಯನ್ನು ಹಂಚಿಕೊಂಡಿದ್ದಾರೆ.

ಒನ್​ಪ್ಲಸ್​ ಸ್ಮಾರ್ಟ್​ಫೋನ್

ಒನ್​ಪ್ಲಸ್​ ಸ್ಮಾರ್ಟ್​ಫೋನ್

  • Share this:
    ಇತ್ತೀಚೆಗೆ ಒನ್​ಪ್ಲಸ್​ ನೋರ್ಡ್​ 2 (OnePlus Nord 2) ಸ್ಮಾರ್ಟ್​ಫೋನ್ (Smartphone)​ ಬಳಸುತ್ತಿದ್ದಾಗ ಇದ್ದಕ್ಕಿದ್ದಂತೆಯೇ ಸ್ಫೋಟಗೊಂಡ (Explod) ಪ್ರಕರಣ ಬೆಳಕಿಗೆ ಬಂದಿತ್ತು. ಇದೀಗ ಒನ್​ಪ್ಲಸ್​ ನೋರ್ಡ್ ಸಿಇ(OnePlus Nord CE) ಸ್ಮಾರ್ಟ್​ಫೋನ್​ ಜೇಬಿನಲ್ಲಿದ್ದಾಗಲೇ (Pocket) ಸ್ಪೋಟಗೊಂಡಿದೆ. ಅದೃಷ್ಟವಶಾತ್​ ಬಳೆದಾರನಿಗೆ ಯಾವುದೇ ತೊಂದರೆಯಾಗದೆ ಪ್ರಾಣಪಾಯದಿಂದ ಪಾರಾಗಿರುವ ಘಟನೆ ನಡೆದಿದೆ.

    ದುಶ್ಯಂತ್ ಗೋಸ್ವಾಮಿ ಎಂಬವರು ಆರು ತಿಂಗಳ ಹಿಂದೆ OnePlus Nord CE ಖರೀದಿಸಿದ್ದರು ಮತ್ತು ಅದನ್ನು ಉಪಯೋಗಿಸುತ್ತಾ ಬಂದಿದ್ದಾರೆ.  ಆದರೆ ಈ OnePlus Nord CE ಸ್ಮಾರ್ಟ್​ಫೋನ್​ ಜೇಬಿನಲ್ಲಿರಿಸಿದ್ದಾಗಲೇ ಸ್ಫೋಟಗೊಂಡಿದೆ. ಟ್ವಿಟರ್ ಮತ್ತು ಲಿಂಕ್ಡ್‌ಇನ್‌ನಲ್ಲಿ ಗೋಸ್ವಾಮಿ ನಡೆದ ಘಟನೆಯನ್ನು ಹಂಚಿಕೊಂಡಿದ್ದಾರೆ.

    ಆದರೆ ಇವರಿಗೆ ಎದಾರದ ತೊಂದರೆಯನ್ನು ಕಂಡು ಒನ್​ಪ್ಲಸ್​ ಕಂಪನಿ ಪ್ರತಿಕ್ರಿಯಿಸಿದೆ ಮತ್ತು ಬದಲಿ ಹ್ಯಾಂಡ್‌ಸೆಟ್ ಅನ್ನು ಕಳುಹಿಸುವುದಾಗಿ ಒನ್​ಪ್ಲಸ್​ ತಂಡವು ಭರವಸೆ ನೀಡಿದೆ. ಈ ಬಗ್ಗೆ ಮಾತನಾಡಿದ ದುಶ್ಯಂತ್ ಗೋಸ್ವಾಮಿ "ಎಲ್ಲರ ಸಹಾಯವನ್ನು ನಾನು ಪ್ರಶಂಸಿಸುತ್ತೇನೆ" ಎಂದು ಹೇಳಿದ್ದಾರೆ. ಕಳೆದ ರಾತ್ರಿ 8 ಗಂಟೆಗೆ ಒನ್‌ಪ್ಲಸ್ ತಂಡವು ನನಗೆ ಕರೆ ಮಾಡಿ ಮಂಗಳವಾರದೊಳಗೆ ನನಗೆ ಹೊಸ ಸ್ಮಾರ್ಟ್​ಫೋನನ್ನು ಕಳುಹಿಸುವುದಾಗಿ ಭರವಸೆ ನೀಡಿದೆ ಎಂದು ಟ್ವಿಟರ್ ಪೋಸ್ಟ್‌ನಲ್ಲಿ ಹಂಚಿಕೊಂಡಿದ್ದಾರೆ.

    ಕಂಪನಿಯು ಈ ಸ್ಮಾರ್ಟ್​ಫೋನ್​ ಸ್ಫೋಟದ ಕಾರಣದ ಬಗ್ಗೆ ಅಧಿಕೃತ ಪ್ರತಿಕ್ರಿಯೆಯನ್ನು ನೀಡಿಲ್ಲ!

    ಗೋಸ್ವಾಮಿ ಟ್ವಿಟರ್‌ನಲ್ಲಿ ಹಾಕಲಾಗಿದ್ದ ಪೋಸ್ಟ್​ ಅನ್ನು ತೆಗೆಯಲಾಗಿದೆ. ಆದರೆ ಅದಕ್ಕೂ ಮುನ್ನ "ನಾನು ಅತ್ಯಂತ ಜನಪ್ರಿಯ ಬ್ರ್ಯಾಂಡ್ ONEPLUS ಫೋನ್ ಅನ್ನು ಖರೀದಿಸಿದ್ದೆ, ಅದು ಅತ್ಯುತ್ತಮ ಗುಣಮಟ್ಟವೆಂದು ಸಾರುತ್ತಾ ಬಂದಿದೆ. ನನ್ನ ಫೋನ್ ಕೇವಲ 6 ತಿಂಗಳಷ್ಟು ಹಳೆಯದು ಮತ್ತು ನಾನು ಅದನ್ನು ನನ್ನ ಜೇಬಿನಿಂದ ಹೊರತೆಗೆಯುತ್ತಿರುವಾಗ ಅದು ಸ್ಫೋಟಿಗೊಂಡಿದೆ. ಇದು ಕೇವಲ ಭಯಾನಕ ಮಾತ್ರವಲ್ಲ, ಇದು ಮಾರಣಾಂತಿಕವಾಗಿದೆ. ಅಪಘಾತಕ್ಕೆ ಬ್ರಾಂಡ್ ಜವಾಬ್ದಾರನಾಗಿರುವುದೇ?" ಎಂದು ಟ್ವಿಟ್ಟರ್​ನಲ್ಲಿ ಪೋಸ್ಟ್​ ಮಾಡಿದ್ದರು.

    ಇದನ್ನು ಓದಿ: Moto G71: ಪವರ್​ಫುಲ್ ಬ್ಯಾಟರಿಯ 5G ಸ್ಮಾರ್ಟ್​ಫೋನ್ ಪರಿಚಯಿಸಿದ ಮೊಟೊರೊಲಾ!

    ಪೋಸ್ಟ್ ಜೊತೆಗೆ, ಗೋಸ್ವಾಮಿ ಅವರು ತಮ್ಮ ಸುಟ್ಟ ಒನ್‌ಪ್ಲಸ್ ನಾರ್ಡ್ CE ನ ಛಾಯಾಚಿತ್ರಗಳನ್ನು ಹಂಚಿಕೊಂಡಿದ್ದರು. ಸ್ಮಾರ್ಟ್​ಫೋನಿನ ಮುಂಭಾಗ ಮತ್ತು ಹಿಂಭಾಗದಿಂದ ಸಂಪೂರ್ಣವಾಗಿ ಹಾಳಾಗಿದ್ದು, ಬ್ಯಾಟರಿ, ಡಿಸ್‌ಪ್ಲೇ ಮತ್ತು ಕ್ಯಾಮೆರಾ ಸಂಪೂರ್ಣ ನಾಶವಾಗಿದೆ.

    ಇದನ್ನು ಓದಿ: Smartphone Battery: ನಿಮ್ಮ ಸ್ಮಾರ್ಟ್​ಫೋನ್ ಚಾರ್ಜ್ ಬೇಗನೆ ಖಾಲಿಯಾಗುತ್ತಿದ್ಯಾ? ಹಾಗಿದ್ರೆ ಈ ಟ್ರಿಕ್ಸ್ ಅನುಸರಿಸಿ ನೋಡಿ

    OnePlus Nord ಫೋನ್ ಸ್ಫೋಟದ ಬಗ್ಗೆ  ಕೇಳಿಬರುತ್ತಿರುವ ಸುದ್ದಿ ಇದೇ ಮೊದಲಲ್ಲ. ಈ ಹಿಂದೆ, ಭಾರತದಲ್ಲಿ ಮತ್ತು ವಿದೇಶದಲ್ಲೂ ಕೆಲವು ಬಳಕೆದಾರರ ಕೈಯಿಂದ OnePlus Nord 2 ಸ್ಫೋಟಗೊಂಡ ವರದಿಯನ್ನು ಕೇಳಿದ್ದೇವೆ. ಹಾಗಾಗಿ, ಈ ಸ್ಫೋಟಗಳು ಏಕೆ ಸಂಭವಿಸುತ್ತಿವೆ ಎಂಬುದರ ಕುರಿತು ಕಂಪನಿಯು ಯಾವುದೇ ನಿರ್ದಿಷ್ಟ ವಿಚಾರವನ್ನು ಇದುವರೆಗೆ ಬಹಿರಂಗಪಡಿಸಿಲ್ಲ.
    Published by:Harshith AS
    First published: