OnePlus Band: ಆಕರ್ಷಕ ಬೆಲೆ, 13 ವ್ಯಾಯಾಮ ಮೋಡ್; ಒನ್​ಪ್ಲಸ್ ನೂತನ ಬ್ಯಾಂಡ್ ಮಾರುಕಟ್ಟೆಗೆ

ಒನ್​ಪ್ಲಸ್​ ಬ್ಯಾಂಡ್​​ 1.1 ಇಂಚಿನ ಅಮೋಲ್ಡ್​​ ಡಿಸ್​ಪ್ಲೇ ಜೊತೆಗೆ 126x​294 ಪಿಕ್ಸೆಲ್​ ರೆಸಲ್ಯೂಶನ್​ ಹೊಂದಿದೆ. ಜೊತೆಗೆ 3 ಆ್ಯಕ್ಸಿಸ್​​ ಅಕ್ಸೆಲೆರೊಮೀಟರ್​​ ಮತ್ತು ಗೈರೊಸ್ಕೋಪ್​​ ಇದರಲ್ಲಿ. ಹಾರ್ಟ್​ರೇಟ್​ ಸೆನ್ಸಾರ್​, ಬ್ಲಡ್​ ಆಕ್ಸಿಜನ್​ ಸೆನ್ಸಾರ್​ ಫೀಚರ್​​ ನೀಡಿದೆ.

OnePlus Band

OnePlus Band

  • Share this:
    ಸ್ಮಾರ್ಟ್​ಫೋನ್​ಗಳನ್ನು ಪರಿಚಯಿಸುತ್ತಿದ್ದ ಒನ್​ಪ್ಲಸ್ ಸಂಸ್ಥೆ ಇದೀಗ ಬ್ಯಾಂಡ್​ ಅನ್ನು ಸಿದ್ಧಪಡಿಸಿ ಮಾರುಕಟ್ಟೆಗೆ ಪರಿಚಯಿಸಿದೆ. ನೂತನ ಬ್ಯಾಂಡ್​ ಶಿಯೋಮಿ ಸಂಸ್ಥೆಯ ಮಿ ಸ್ಮಾರ್ಟ್​ ಬ್ಯಾಂಡ್​ 5ನಂತೆ ಫೀಚರ್​ ಹೊಂದಿದೆ. ಅಮೋಲ್ಡ್​ ಡಿಸ್​ಪ್ಲೇ ಜೊತೆಗೆ  ರಕ್ತದಲ್ಲಿರುವ​​ ಆಕ್ಸಿಜನ್​​ ಸಾಚ್ಯುರೇಶನ್​​ ಮತ್ತು ಎದೆ ಬಡಿತ ಮಾನಿಟರ್​ ಮಾಡುವ ಫೀಚರ್​ ಅನ್ನು ಇದರಲ್ಲಿ ಅಳವಡಿಸಲಾಗಿದೆ. ಅಷ್ಟು ಮಾತ್ರವಲ್ಲದೆ ಬಳಕೆದಾರರಿಗಾಗಿ 13 ವ್ಯಾಯಾಮ ಮೋಡ್​ ಇದರಲ್ಲಿದೆ.

    OnePlus Band ವಿಶೇಷತೆ:

    ಒನ್​ಪ್ಲಸ್​ ಬ್ಯಾಂಡ್​​ 1.1 ಇಂಚಿನ ಅಮೋಲ್ಡ್​​ ಡಿಸ್​ಪ್ಲೇ ಜೊತೆಗೆ 126x​294 ಪಿಕ್ಸೆಲ್​ ರೆಸಲ್ಯೂಶನ್​ ಹೊಂದಿದೆ. ಜೊತೆಗೆ 3 ಆ್ಯಕ್ಸಿಸ್​​ ಅಕ್ಸೆಲೆರೊಮೀಟರ್​​ ಮತ್ತು ಗೈರೊಸ್ಕೋಪ್​​ ಇದರಲ್ಲಿ. ಹಾರ್ಟ್​ರೇಟ್​ ಸೆನ್ಸಾರ್​, ಬ್ಲಡ್​ ಆಕ್ಸಿಜನ್​ ಸೆನ್ಸಾರ್​ ಫೀಚರ್​​ ನೀಡಿದೆ.

    ಅಷ್ಟು ಮಾತ್ರವಲ್ಲದೆ, ಓಟ, ಹೊರಾಂಗಣ ಓಟ, ಕ್ರಿಕೆಟ್​​, ಬ್ಯಾಡ್​​ಮಿಟನ್​, ಸ್ಮಿಮ್ಮಿಂಗ್​, ನಿದ್ದೆ, ಯೋಗ ಮುಂತಾದ 13 ವ್ಯಾಯಾಮ ಮೋಡ್​ಗಳನ್ನು ಇದರಲ್ಲಿ ನೀಡಲಾಗಿದೆ. ಐಪಿ68 ಸರ್ಟಿಫಿಕೇಶನ್​ ಮತ್ತು 5ಎಟಿಎಮ್​​ ವಾಟರ್​​-ರೆಸಿಸ್ಟೆಂಟ್​​ ರೇಟಿಂಗ್​​ ಇದರಲ್ಲಿದೆ.

    ಇನ್ನು ಒನ್​ಪ್ಲಸ್​ ಬ್ಯಾಂಡ್​​ ಆ್ಯಂಡ್ರಾಯ್ಡ್​​ 6.0ನಿಂದ ಕಾರ್ಯನಿರ್ವಹಿಸುತ್ತದೆ. ಐಫೋನ್​ಗೂ ಸಪೋರ್ಟ್​ ನೀಡಲಿದೆ. ಬ್ಲೂಟೂತ್​ ವಿ5.0 ಮೂಲಕ ಸ್ಮಾರ್ಟ್​ಫೋನ್​ಗೆ ಕನೆಕ್ಟ್​ ಮಾಡಬಹುದಾಗಿದೆ.

    ಅಷ್ಟು ಮಾತ್ರವಲ್ಲದೆ, ರಿಯಲ್​-ಟೈಮ್​ ಮೆಸೇಜ್​ ನೋಟಿಫಿಕೇಶನ್​, ಇನ್​ಕಮ್ಮಿಂಗ್​ ಕರೆ ಅಲರ್ಟ್​, ಕರೆ ಕಡಿತ, ಮ್ಯೂಸಿಕ್​ ಕಂಟ್ರೋಲ್​, ರಿಮೋಟ್​ ಕ್ಯಾಮೆರಾ ಮುಂತಾದ ಫೀಚರ್​ ಕೂಡ ಇದರಲ್ಲಿದೆ.

    ಅಂದಹಾಗೆಯೇ, ಈ ಬ್ಯಾಂಡ್​ನಲ್ಲಿ 100mAh​ ಬ್ಯಾಟರಿ ಅಳವಡಿಸಲಾಗಿದೆ. ಒಂದು ಬಾರಿ ಚಾರ್ಜ್​ ಮಾಡಿದರೆ 14 ದಿನಗಳ ಕಾಲ ಬಳಸಬಹುದಾಗಿದೆ.

    ಒನ್​ಪ್ಲಸ್​ ಬ್ಯಾಂಡ್​ ಬೆಲೆ:

    ಒನ್​ಪ್ಲಸ್​ ಮಾರುಕಟ್ಟೆಗೆ ಪರಿಚಯಿಸಿರುವ ನೂತನ ಬ್ಯಾಂಡ್​​​  ಕಪ್ಪು ಬಣ್ಣದಲ್ಲಿ ಗ್ರಾಹಕರ ಖರೀದಿಗೆ ಸಿಗಲಿದೆ. ಅಂತೆಯೇ, ಒನ್​ಪ್ಲಸ್​​ ಸ್ಟೋರ್​ ಆ್ಯಪ್​, ಫ್ಲಿಪ್​ಕಾರ್ಟ್​, ಅಮೆಜಾನ್​, ಆಫ್​​ಲೈನ್​ ಸ್ಟೋರ್​ಗಳಲ್ಲಿ ಜನವರಿ 13ರಿಂದ ಸಿಗಲಿದೆ. ಇನ್ನು ಈ ನೂತನ ಬ್ಯಾಂಡ್​ ಬೆಲೆ 2,499 ರೂ ಆಗಿದೆ.
    Published by:Harshith AS
    First published: