ಆ್ಯಪ್‌ ಡೌನ್​ಲೋಡ್​ ಮಾಡುವಾಗ ನಾಲ್ವರಲ್ಲಿ ಒಬ್ಬರು ತಮಗೆ ಗೊತ್ತಿಲ್ಲದೆ ಮೈಕ್ರೋಫೋನ್‌, ವೆಬ್ ಕ್ಯಾಮ್ ಬಳಸಲು ಅನುಮತಿ ನೀಡುತ್ತಾರಾ?

ಜಾಗತಿಕವಾಗಿ 15,000 ಜನರನ್ನು ಸಂಶೋಧನೆ ಒಳಪಡಿಸಿದಾಗ ಅಚ್ಚರಿ ಎನಿಸುವ ಮಾಹಿತಿ ಬಹಿರಂಗವಾಗಿದೆ. ಕಾಲು ಭಾಗದಷ್ಟು ಆನ್​ಲೈನ್ ಬಳಕೆದಾರರು ಆ್ಯಪ್‌ಗಳಿಗೆ ತಮ್ಮ ಮೈಕ್ರೋಫೋನ್ ಮತ್ತು ವೆಬ್ ಕ್ಯಾಮ್ ಬಳಸಲು ಅನುಮತಿ ನೀಡಿರುತ್ತಾರೆನ್ನುವ ಆಘಾತಕಾರಿ ಅಂಶ ಬಯಲಾಗಿದೆ. ಆದರೂ ವೆಬ್​ಕ್ಯಾಮ್​ನ ಸುರಕ್ಷತೆಯ ಅರಿವು ಹೆಚ್ಚಾಗಿಯೇ ಇದೆ. ಇನ್ನು, 10 ಜನರಲ್ಲಿ 6 ಜನರು ವೆಬ್​ ಕ್ಯಾಮ್​ ಮೂಲಕ ತಮಗೆ ಗೊತ್ತಿಲ್ಲದೇ ತಮ್ಮ ವೈಯಕ್ತಿಕ ನಡವಳಿಕೆಯನ್ನು ಗಮನಿಸುತ್ತಿರುವುದರ ಬಗ್ಗೆ ಆತಂಕಕ್ಕೀಡಾದರು. ಮೆಲಿಶಿಯಸ್ ಸಾಫ್ಟ್​ವೇರ್ ಬಳಸಿ ಇದನ್ನು ಮಾಡಲಾಗುತ್ತಿದೆ ಎನ್ನುವುದನ್ನು ಶೇಕಡಾ 60 ರಷ್ಟು ಜನರು ಬಲ್ಲವರಾಗಿದ್ದಾರೆ. ಈ ಅಧ್ಯಯನವನ್ನು ಕೈಗೊಂಡಿದ್ದ Kaspersky ಎನ್ನುವ ಸೈಬರ್ ಸೆಕ್ಯೂರಿಟಿ ವೇದಿಕೆ ಈ ಅಂಶವನ್ನು ಬಹಿರಂಗಪಡಿಸಿದೆ. ವಿಡಿಯೋ ಕಾನ್ಫರೆನ್ಸಿಂಗ್ ವೇದಿಕೆ ಮತ್ತು ಸಾಂಕ್ರಾಮಿಕದ ಸಮಯದಲ್ಲಿ ಇದರ ಫಲಿತಾಂಶವನ್ನು ಹೆಚ್ಚಾಗಿ ಗಮನಿಸಬಹುದಾಗಿದೆ.

ಈ ತಂತ್ರಜ್ಞಾನಗಳು ಮತ್ತು ಆ್ಯಪ್‌ಗಳು ಜನರಿಗೆ ಅಗತ್ಯವಾದ ಕಳೆದ ವರ್ಷದ ಕೆಲಸದ ಬೆಳವಣಿಗೆಗಳು, ಸಾಮಾಜಿಕ ಮತ್ತು ಮನರಂಜನಾ ಅಗತ್ಯತೆಗಳಲ್ಲಿ ಪ್ರಯೋಜನಕ್ಕೆ ಬರುವುದರಿಂದ ತಮ್ಮ ಮೈಕ್ರೊಫೋನ್ ಮತ್ತು ಕ್ಯಾಮರಾಕ್ಕೆ ಅಪ್ಲಿಕೇಶನ್​ಗಳಿಗೆ ಒಪ್ಪಿಗೆಯನ್ನು ಸೂಚಿಸುತ್ತಾರೆಂದು ಹೇಳಿದ್ದಾರೆ. Kaspersky ಸೈಬರ್ ಸೆಕ್ಯೂರಿಟಿಯ ಸಂಶೋಧನೆಯ ಪ್ರಕಾರ ಜನರು ಡಿಜಿಟಲ್​ ಕ್ಷೇತ್ರದ ಸೌಲಭ್ಯ ಮತ್ತು ಶ್ರೀಮಂತಿಕೆಗೆ ತಮ್ಮನ್ನು ಒಗ್ಗಿಸಿಕೊಂಡಿದ್ದಾರೆ. ಆ ಮೂಲಕ ಇದರ ಸೇವೆ ಪಡೆಯಲು 25-35 ವರ್ಷ ವಯಸ್ಸಿನ ಶೇಕಡಾ 27 ರಷ್ಟು ಜನರು ಈ ಎಲ್ಲದ್ದಕ್ಕೂ ಪರ್ಮಿಷನ್ ಬಟನ್ ಕ್ಲಿಕ್ ಮಾಡುತ್ತಿದ್ದಾರೆ.

ಈ ಸಮಸ್ಯೆ ವಯಸ್ಸಾದವರಲ್ಲಿ ಕಡಿಮೆ ಇದ್ದು, 55 ವರ್ಷ ಮತ್ತು ಅದಕ್ಕಿಂತ ಹೆಚ್ಚಿನ ವಯಸ್ಸಿನ ಮೇಲ್ಪಟ್ಟ 38 ಪ್ರತಿಶತದಷ್ಟು ಜನರು ಅಂತಹ ಆ್ಯಪ್‌ ಮತ್ತು ಸೇವೆಗಳಿಗೆ ಒಪ್ಪಿಗೆಯನ್ನು ನೀಡುವುದಿಲ್ಲ ಎನ್ನುವ ಅಂಶ ಬಹಿರಂಗಪಡಿಸಿದ್ದಾರೆ. ಇದಿಷ್ಟೇ ಅಲ್ಲದೇ ಬಹುತೇಕರಿಗೆ ವೆಬ್​ಕ್ಯಾಮ್​ ಬಳಕೆಯ ಪ್ರೊಟೋಕಾಲ್​ನ ಅರಿವಿಲ್ಲದೇ ಬಳಸುತ್ತಿರುವುದು ಸಾಮಾನ್ಯವಾಗಿದೆ.

ಆನ್​ಲೈನ್​ ಸುರಕ್ಷತೆಯ ಬಗ್ಗೆ ಇಮ್ಮಡಿಯಾಗಿರುವ ಟ್ರೆಂಡ್​ ಬಗ್ಗೆ ಈಗ ನಾವು ಸಾಕಷ್ಟು ಗಮನಿಸಿದ್ದೇವೆ. Kaspersky ಸೈಬರ್ ಸೆಕ್ಯೂರಿಟಿಯ ಗ್ರಾಹಕ ಉತ್ಪನ್ನ ಮಾರುಕಟ್ಟೆಯ ಮುಖ್ಯಸ್ಥೆ ಮರೀನಾ ಟಿಟೋವಾ ಹೇಳುವ ಪ್ರಕಾರ ಸೈಬರ್ ಸೆಕ್ಯೂರಿಟಿಯೂ ವಿಡಿಯೋ ಮತ್ತು ಮೈಕ್ರೋಫೋನ್​ನ ಆ್ಯಕ್ಸೆಸ್​ಗೆ ಒಪ್ಪಿಗೆ ನೀಡುವ ಮುನ್ನ ಪರಿಶೀಲಿಸುವಂತಹ ಮನಸ್ಥಿತಿಗೆ ಗ್ರಾಹಕರನ್ನು ಸಿದ್ಧ ಮಾಡುತ್ತದೆ.

ಆಧುನಿಕ ಡಿಜಿಟಲ್ ಕಮ್ಯೂನಿಕೇಷನ್​ನಿಂದ ಸೇವೆಯನ್ನು ಸ್ವೀಕರಿಸುವಾಗ, ಸಾಕಷ್ಟು ಎಚ್ಚರಿಕೆಯಿಂದ ಸಮತೋಲನವನ್ನು ಕಾಯ್ದುಕೊಳ್ಳಬೇಕು. ಈ ಹಿನ್ನೆಲೆಯಲ್ಲಿ ಯಾವ ಆ್ಯಪ್‌​ಗಳು ಮೈಕ್ರೋಫೋನ್​ ಮತ್ತು ಕ್ಯಾಮರಾ ಬಳಸಲು ಪರ್ಮಿಷನ್ ಕೇಳುತ್ತಿವೆ ಎಂದು ತಿಳಿದುಕೊಳ್ಳುವುದು ಸೂಕ್ತ. ಉದಾ: ವಿಡಿಯೋ ಕಾಲಿಂಗ್ ಆ್ಯಪ್‌​ಗಳು ಕ್ಯಾಮರಾ ಪರ್ಮಿಷನ್ ಕೇಳುವುದು ಒಪ್ಪುವಂತದ್ದು. ಆದರೆ ಇನ್ಯಾವುದೋ ಆ್ಯಪ್‌​ಗೆ ಮೈಕ್ರೊಫೋನ್ ಪರ್ಮಿಷನ್​ನ ಅಗತ್ಯವಿರದಿದ್ದರೂ ಪರ್ಮಿಷನ್​ ಕೇಳುತ್ತಿದ್ದರೆ ಅದರ ಬಗ್ಗೆ ಎಚ್ಚರವಾಗಿರಬೇಕು. ಈ ಹಿನ್ನೆಲೆಯಲ್ಲಿ ಪರಿಶೀಲಿಸಿ ನಂತರ ಪರ್ಮಿಷನ್ ಕೊಡುವುದು ಉತ್ತಮ.

ಬಳಕೆದಾರರು ಸಾಕಷ್ಟು ಸುರಕ್ಷತಾ ಕ್ರಮಗಳನ್ನು ತೆಗೆದುಕೊಳ್ಳುವ ಮೂಲಕ ವೆಬ್​ಕ್ಯಾಮ್ ಬಳಕೆ ಮೇಲೆ ಹಿಡಿತವನ್ನು ಸಾಧಿಸಬಹುದು. Kaspersky ಸೈಬರ್​ ಸೆಕ್ಯೂರಿಟಿ ನಿಮಗೆ ಕೆಲವು ಅಂಶಗಳನ್ನು ತಿಳಿಸುತ್ತದೆ. ಬಹಳ ಸರಳವಾದ ಒಂದು ವೆಬ್​ ಕ್ಯಾಮ್ ಕವರ್ ಅನ್ನು ನೀವು ಕೊಂಡು ಬಳಸಿ. ನಿಮ್ಮ ವೆಬ್​ಕ್ಯಾಮ್​ನಲ್ಲಿ ಕೆಲಸ ಮುಗಿದ ಬಳಿಕ ವೆಬ್‌ ಕ್ಯಾಮ್‌​​ ಕವರ್​ನಿಂದ ನಿಮ್ಮ ಡಿವೈಸ್​ ಮುಚ್ಚಿ. ಇದು ನಿಮಗೆ ಮಾನಸಿಕ ನೆಮ್ಮದಿ ನೀಡುತ್ತದೆ. ಅಲ್ಲದೇ ಪರಿಣಾಮಕಾರಿ ಸೆಕ್ಯೂರಿಟಿ ಸಲ್ಯೂಷನ್​ಗಾಗಿ ಅಡ್ವಾನ್ಸ್ಡ್​​ ಸುರಕ್ಷತೆಯ ಕಡೆ ಗಮನಕೊಡಿ. ಅಲ್ಲದೇ, ನಿಮ್ಮ ಕಂಪ್ಯೂಟರ್, ಮ್ಯಾಕ್ , ಆ್ಯಂಡ್ರಾಯ್ಡ್​ ಮತ್ತು ಐಓಎಸ್​ ಉಪಕರಣಗಳ ರಕ್ಷಣೆಗೆ ನೆರವಾಗುತ್ತದೆ.