ಎಲೆಕ್ಟ್ರಿಕ್​ ಸ್ಕೂಟರ್​ ಉತ್ಪಾದಿಸುತ್ತಿರುವ ಓಲಾ ಸಂಸ್ಥೆ; ಮುಂದಿನ ವರ್ಷ ಮಾರುಕಟ್ಟೆಗೆ ಪರಿಚಯಿಸುವ ಸಾಧ್ಯತೆ

ದೇಶದ ಉದ್ದಗಲ ಕ್ಯಾಬ್​ ಸೇವೆಯನ್ನು ಒದಗಿಸುತ್ತಿರುವ ಓಲಾ ಸಂಸ್ಥೆ ಎಲೆಕ್ಟ್ರಿಕ್​ ಸ್ಕೂಟರ್​ ತಯಾರಿಕೆಯಲ್ಲಿ ತೊಡಗಿಸಿಕೊಂಡಿದೆ. ಮುಂದಿನ ಜನವರಿ ತಿಂಗಳಿನಲ್ಲಿ ಮೊದಲ ವಾಹನವನ್ನು ಮಾರುಕಟ್ಟೆಗೆ ತರಲು ಯೋಜನೆ ಹಾಕಿಕೊಂಡಿದೆ.

ಓಲಾ ಉತ್ಪಾದಿಸುತ್ತಿರುವ ಎಲೆಕ್ಟ್ರಿಕ್​​ ಸ್ಕೂಟರ್​ ಅನ್ನು ನೆದರ್​ಲ್ಯಾಂಡ್​ನಲ್ಲಿ​​ ತಯಾರಿಸಲಾಗುತ್ತಿದೆ. ನಂತರದ ದಿನಗಳಲ್ಲಿ ಭಾರತ ಮತ್ತು ಯುರೋಪಿನಲ್ಲಿ ಮಾರಾಟ ಮಾಡಲು ಮುಂದಾಗಿದೆ. ಅಂದಹಾಗೆಯೇ ಓಲಾ ಉತ್ಪಾದಿಸುವ ಮತ್ತು ಪರಿಚಯಿಸುವ ಮೊದಲ ಎಲೆಕ್ಟ್ರಿಕ್​​ ಸ್ಕೂಟರ್​ ಇದಾಗಿರಲಿದೆ.

ಓಲಾ ಪರಿಚಯಿಸಲಿರುವ ಇವಿ ಆರ್ಮ್​​ ಸ್ಕೂಟರ್​ ಅನ್ನು ರೈಡ್​ ಹೀಲಿಂಗ್​ ಕಂಪನಿ ಉತ್ಪಾದಿಸುತ್ತಿದೆ. ಭಾರತ ಮತ್ತು ಯುರೋಪಿನ ಮೂಲೆ ಮೂಲೆಗಳಗೆ ಜನವರಿ ತಿಂಗಳಿನಲ್ಲಿ ಪರಿಚಯಿಸಲಿದೆ ಎಂದು ಹೇಳಲಾಗುತ್ತಿದೆ.

ಈಗಾಗಲೇ ಹರಿದಾಡುತ್ತಿರುವ ಮಾಹಿತಿ ಪ್ರಕಾರ ಓಲಾ ಮಿಲಿಯನ್​ ಎಲೆಕ್ಟ್ರಿಕ್​​ ಸ್ಕೂಟರ್​ ಅನ್ನು ಉತ್ಪಾದಿಸಿ ಮಾರಾಟ ಮಾಡುವ ಗುರಿಯನ್ನು ಹೊಂದಿದೆ ಎನ್ನಲಾಗುತ್ತಿದೆ.

ಇನ್ನು ನೂತನ ಎಲೆಕ್ಟ್ರಿಕ್​​ ಸ್ಕೂಟರ್​ ಬೆಲೆಯ ಬಗ್ಗೆ ಮತ್ತು ಅದರ ವಿಶೇಷತೆಯ ಬಗ್ಗೆ ಮಾಹಿತಿ ತಿಳಿದುಬಂದಿಲ್ಲ. ಆದರೆ ಪೆಟ್ರೋಲ್​​ ಸ್ಕೂಟರ್​ಗಳ ಎದುರು ಈ ಎಲೆಕ್ಟ್ರಿಕ್​​ ಸ್ಕೂಟರ್​ ಸ್ಪರ್ಧೆಯನ್ನು ಒಡ್ಡಲಿದೆ ಎಂದು ಹೇಳಲಾಗುತ್ತಿದೆ.

ಅಷ್ಟು ಮಾತ್ರವಲ್ಲದೆ, ಭಾರತದಲ್ಲಿ ಅತಿದೊಡ್ಡ ಇ-ಸ್ಕೂಟರ್​ ಉತ್ಪಾದಕ ಘಟಕವನ್ನು ಸ್ಥಾಪಿಸಲು ಯೋಜನೆ ಹಾಕಿಕೊಂಡಿದೆ ಎನ್ನಲಾಗುತ್ತಿದೆ.  ಅದಕ್ಕಾಗಿ ವಿವಿಧ ರಾಜ್ಯ ಸರ್ಕಾರಗಳ ಜೊತೆ ಕಂಪನಿ ಮಾತುಕತೆ ನಡೆಸುತ್ತಿದೆ ಎಂದು ಹೇಳಲಾಗುತ್ತಿದೆ.