ಒಕಿನೋವಾ ನೀಡಿದೆ ಭರ್ಜರಿ ಆಫರ್​; ಹಳೆಯ ಸ್ಕೂಟರ್​ ಎಕ್ಸ್​ಚೇಂಜ್ ಮಾಡಿ ಹೊಸ ಎಲೆಕ್ಟ್ರಿಕ್​ ಸ್ಕೂಟರ್​ ಖರೀದಿಸುವ ಅವಕಾಶ

ಎಲೆಕ್ಟ್ರಿಕ್​​  ದ್ವಿಚಕ್ರ ವಾಹನ ತಯಾರಕ ಸಂಸ್ಥೆಯಾದ ಒಕಿನೋವಾ ಸೆಕೆಂಡ್​ ಹ್ಯಾಂಡ್​ ವಾಹನಗಳ ಖರೀದಿ ಮತ್ತು ಮಾರಾಟ ಮಾಡುವ CredR ಸಂಸ್ಥೆ ಜೊತೆಗೆ ಕೈಜೋಡಿಸಿಕೊಂಡು ಎಕ್ಸ್​ಚೇಂಜ್​ ಆಫರ್​ ಅನ್ನು ನೀಡಿದೆ. ಹಳೆಯ ವಾಹನಗಳನ್ನು CredRನಲ್ಲಿ  ಎಕ್ಸ್​ಚೇಂಜ್​ ಮಾಡಿ ಹೊಸ ಒಕಿನೊವಾ ಎಲೆಕ್ಟ್ರಿಕ್​ ಸ್ಕೂಟರ್​ ಖರೀದಿಸುವ ಅವಕಾಶವನ್ನು ಒದಗಿಸಿಕೊಟ್ಟಿದೆ.

ಪೆಟ್ರೋಲ್, ಡೀಸೆಲ್​ ವಾಹನಗಳ ಜೊತೆ ಜೊತೆಗೆ ಗ್ರಾಹಕರು ಎಲೆಕ್ಟ್ರಿಕ್​ ವಾಹನಗಳತ್ತ ತೆರಳುತ್ತಿದ್ದಾರೆ. ಯಾವುದೇ ಖರ್ಚು ಮತ್ತು ಇಂಧನ ಬಳಸದೆ ಎಲೆಕ್ಟ್ರಿಕ್​ ವಾಹನವನ್ನು ಚಲಾಯಿಸಬಹುದೆಂಬ ಕಾರಣಕ್ಕೆ ಖರೀದಿಸುತ್ತಿದ್ದಾರೆ. ಅದರಂತೆ ಒಕಿನೋವಾ ಹೊಸ ಆಫರ್​ ಪರಿಚಯಿಸುವ ಮೂಲಕ ಮತ್ತಷ್ಟು ಹತ್ತಿರವಾಗಲು ಮುಂದಾಗಿದೆ.

ಸದ್ಯ ಒಕಿನೋವಾ ಮತ್ತು CredR ನೀಡಿರುವ ಎಕ್ಸ್​ಚೇಂಜ್​ ಆಫರ್​ ಕೆಲವೇ ನಗರಗಳಲ್ಲಿ ಮಾತ್ರ ನೀಡಿದೆ. ಡೆಲ್ಲಿ, ಹೈದರಾಬಾದ್​, ಜೈಪುರ, ಬೆಂಗಳೂರು, ಪುಣೆ ನಗರದ ಜನರು ಹಳೆಯ ವಾಹನವನ್ನು ಎಕ್ಸ್​ಚೇಂಜ್ ಮಾಡುವ ಮೂಲಕ ಒಕಿನೊವಾ ಇ-ಸ್ಕೂಟರ್​ ಖರೀದಿಸಬಹುದಾಗಿದೆ.

ಕೋವಿಡ್-19 ಸಮಯದಲ್ಲಿ ವಾಹನಗಳ ಮೇಲಿನ ಬೆಲೆ ಹೆಚ್ಚಳವಾಗುತ್ತಿದೆ. ಮತ್ತೊಂದೆಡೆ ಬೇಡಿಕೆಯೂ ಇದೆ. ಸೆಕೆಂಡ್​ ಹ್ಯಾಂಡ್​​ ವಾಹನಗಳ ಬೇಡಿಕೆಯೂ ಹೆಚ್ಚಾಗಿದೆ ಎಂದು CredR ಸಂಸ್ಥೆಯ ಮುಖ್ಯ ಕಾರ್ಯತಂತ್ರ ಅಧಿಕಾರಿ ಸಸಿಧರ್​ ನಂದಿಗಮ್​ ಹೇಳಿದ್ದಾರೆ