Mobile Insurance: ವಾಹನಗಳಿಗೆ ಮಾತ್ರ ಅಲ್ಲ, ಇನ್ಮುಂದೆ ಮೊಬೈಲ್​ಗಳಿಗೂ ಇನ್ಶೂರೆನ್ಸ್​ ಮಾಡಿಕೊಳ್ಳಬಹುದು!

ಇನ್ಶೂರೆನ್ಸ್​ನ (Insurance) ಮಹತ್ವ ಎಷ್ಟಿದೆ ಎಂಬುದು ಎಲ್ಲರಿಗೂ ಗೊತ್ತು. ಯಾವುದೇ ವಾಹನ ಖರೀದಿಸುವಾಗಲೂ ಇನ್ಶೂರೆನ್ಸ್​ ಅನ್ನು ಮಾಡಿಯೇ ಮಾಡುತ್ತಾರೆ. ಏನಾದರೂ ಹಾನಿ ಆದಾಗ ಹಣ ಪಾವತಿ ಮಾಡಲು, ನಷ್ಟ ಭರಿಸಲು ಈ ಇನ್ಶೂರೆನ್ಸ್​ ಬಹಳಷ್ಟು ಸಹಕಾರಿಯಾಗುತ್ತದೆ. ಇತ್ತೀಚಿನ ಕಾಲಮಾನದಲ್ಲಿ ಸ್ಮಾರ್ಟ್​​ಫೋನ್​ಗಳು ಎಲ್ಲರ ಅಗತ್ಯ ಸಾಧನವಾಗಿಬಿಟ್ಟಿದೆ. ಇನ್ಮುಂದೆ ವಾಹನ ಇನ್ಶೂರೆನ್ಸ್ (Vehicles Insurance)​, ಪ್ರಾಪರ್ಟಿ ಇನ್ಶೂರೆನ್ಸ್​ಗಳಂತೆ ಸ್ಮಾರ್ಟ್​​​ಫೋನ್​ಗಳಿಗೂ ಇನ್ಶೂರೆನ್ಸ್​ (Smartphone Insurance) ಮಾಡಿಕೊಳ್ಳಬಹುದು. ಆದರೆ ಈ ಸ್ಮಾರ್ಟ್​​ಫೋನ್​ಗಳಿಗೆ ಇನ್ಶೂರೆನ್ಸ್​ ಮಾಡಿದ್ರೆ ಬಹಳಷ್ಟು ಬಳಕೆದಾರರಿಗೆ ಸಹಕಾರಿಯಾಗಲಿದೆ. ಸ್ಮಾರ್ಟ್​​​ಫೋನ್​ಗಳು ಈಗ ಎಲ್ಲಾ ರೀತಿಯಲ್ಲೂ ಬಳಕೆಯಾಗುವುದರಿಂದ ಈ ರೀತಿಯ ಬೆಳವಣಿಗೆಯನ್ನು ಕಾಣಬಹುದು.

ಯಾರಾದರು ಸ್ಮಾರ್ಟ್​​​ಫೋನ್​ಗಳನ್ನು ಖರೀದಿ ಮಾಡಬೇಕಾದರೆ ಇನ್ಶೂರೆನ್ಸ್​ ಮಾಡಲು ಮುಂದಾಗುವುದಿಲ್ಲ. ಆದರೆ ಮೊಬೈಲ್​ಗಳಿಗೆ ಇನ್ಶೂರೆನ್ಸ್​​ ಮಾಡುವುದರಿಂದ ಬಹಳಷ್ಟು ಸಂದರ್ಭದಲ್ಲಿ ಸಹಕಾರಿಯಾಗಲಿದೆ. ಹಾಗಿದ್ರೆ ಈ ಇನ್ಶೂರೆನ್ಸ್​ ಮಾಡುವುದರಿಂದ ಯಾವ ರೀತಿ ಸಹಕಾರಿಯಾಗುತ್ತದೆ ಎಂದು ಈ ಲೇಖನದಲ್ಲಿ ಓದಿ.

ಈಗ ಮಾರುಕಟ್ಟೆಯಲ್ಲಿ 5000 ರೂಪಾಯಿಯ ಆರಂಭಿಕ ಬೆಲೆಯಿಂದ ಸ್ಮಾರ್ಟ್​​ಫೋನ್​ಗಳನ್ನು ಖರೀದಿ ಮಾಬಹುದಾಗಿದೆ. ಆದರೆ ಕೆಲವೊಬ್ಬರು ದುಬಾರಿ ಬೆಲೆಯನ್ನು ಹೊಂದಿರುವ ಸ್ಮಾರ್ಟ್​​ಫೋನ್​ಗಳನ್ನು ಖರೀದಿ ಮಾಡ್ತಾರೆ. ಈ ಸಂದರ್ಭದಲ್ಲಿ ಇನ್ಶೂರೆನ್ಸ್​ ಮಾಡಲು ಮುಂದಾಗುತ್ತಾರೆ. ಈ ಸ್ಮಾರ್ಟ್​​​ಫೋನ್​ಗಳ ಇನ್ಶೂರೆನ್ಸ್​ ಮಾಡುವುದರಿಂದ ಯಾವಾಗೆಲ್ಲಾ ಪ್ರಯೋಜನಕ್ಕೆ ಬರುತ್ತದೆ ಎಂದು ಈ ಕೆಳಗಿನ ಲೇಖನದಲ್ಲಿದೆ.

ಇದನ್ನೂ ಓದಿ: ಸ್ಟೈಲಿಶ್​ ಲುಕ್​ನಲ್ಲಿ ಮಾರುಕಟ್ಟೆಗೆ ಹೊಸ ಇಯರ್​ಬಡ್ಸ್​ ಎಂಟ್ರಿ! ಫೀಚರ್ಸ್​ ಕೇಳಿದ್ರೆ ಕಳೆದುಹೋಗ್ತೀರಾ!

ಸ್ಮಾರ್ಟ್​​​ಫೋನ್​ ನೀರಿಗೆ ಬಿದ್ದಾಗ

ನೀರು ಅಥವಾ ಇತರೆ ಯಾವುದೇ ದ್ರವ ತುಂಬಿದ ಪಾತ್ರೆಗಳಿಗೆ ನಿಮ್ಮ ಸ್ಮಾರ್ಟ್​​ಫೋನ್​ ಬಿದ್ದರೆ  ಸಂಪೂರ್ಣವಾಗಿ ಹಾನಿಯಾಗುತ್ತದೆ. ಕೆಲವೊಂದು ಸ್ಮಾರ್ಟ್​ಫೋನ್​ಗಳು ಬಂದ್​ ಆಗುವ ಸಾಧ್ಯತೆಗಳಿರುತ್ತದೆ. ಈ ಸಂದರ್ಭದಲ್ಲಿ ಕೆಲವೊಂದು ಇನ್ಶೂರೆನ್ಸ್​ ಕಂಪೆನಿಗಳು ಇದರ ನಷ್ಟವನ್ನು ಭರಿಸುತ್ತದೆ.

ಫೋನ್​ ಕಳ್ಳತನವಾದಾಗ ಇನ್ಶೂರೆನ್ಸ್​ ಸಹಾಯಕ

ಸ್ಮಾರ್ಟ್​​​ಫೋನ್​ ಕಳ್ಳತನಸ ಸುದ್ದಿಗಳು ಇತ್ತೀಚೆಗೆ ನಾವು ಬಹಳಷ್ಟು ಕೇಳಿರುತ್ತೇವೆ. ಈ ಸಂದರ್ಭದಲ್ಲಿ ಇನ್ಶೂರೆನ್ಸ್​ಗಳು ನೆರವಿಗೆ ಬರುತ್ತದೆ. ನಿಮ್ಮ ಫೋನ್ ಕಳುವಾದಾಗ ಮೊದಲಿಗೆ ಈ ಘಟನೆಯ ಬಗ್ಗೆ ಪೊಲೀಸ್​ ಠಾಣೆಗೆ ದೂರನ್ನು ನೀಡಬೇಕು. ಆದರೆ ಕಳೆದ ಫೋನ್ ಮತ್ತೆ ಸಿಗುವುದು ಬಹಳ ಕಡಿಮೆ, ಆದರೆ ಈ ಸಂದರ್ಭದಲ್ಲಿ ಇನ್ಶೂರೆನ್ಸ್​ಗಳು ನೆರವಾಗುತ್ತದೆ.

ಸಾಂಕೇತಿಕ ಚಿತ್ರ

ಆಕಸ್ಮಿಕವಾಗಿ ಹಾನಿಯಾದಾಗ

ಕೆಲವೊಮ್ಮೆ ನಮಗೆ ಗೊತ್ತಿಲ್ಲದ ಹಾಗೆಯೇ ಆಕಸ್ಮಿಕವಾಗಿ ನಮ್ಮ ಸ್ಮಾರ್ಟ್​​ಫೋನ್​ಗಳು ಹಾನಿಯಾಗುತ್ತದೆ.  ಇದರಿಂದ ಮೊಬೈಲ್​ನ ಸಾಫ್ಟ್​ವೇರ್​ಗಳು ಆಂತರಿಕವಾಗಿ ಹಾನಿಗೊಳ್ಳಬಹುದು. ಇನ್ನು ಸ್ಕ್ರೀನ್​ ಹಾಳಾದಾಗ, ಪ್ಯಾನೆಲ್​ ಒಡೆದು ಹೋದಾಗ, ಡಿಸ್​ಪ್ಲೇ ಹಾನಿಯಾದಾಗ ನೀವು ಸ್ಮಾರ್ಟ್​​​ಫೋನ್ ಇನ್ಶೂರೆನ್ಸ್​ ಮಾಡಿಸಿದ್ರೆ, ಇದರ ವೆಚ್ಚಗಳನ್ನು ಕಂಪೆನಿಯೇ ಭರಿಸುತ್ತದೆ.

ಮೊಬೈಲ್​​ ಟೂಲ್ಸ್​ ಬದಲಾವಣೆ

ಕೆಲವೊಂದು ಸಂದರ್ಭಗಳಲ್ಲಿ ಸ್ಮಾರ್ಟ್​​ಫೋನ್​ನಲ್ಲಿರುವಂತಹ ಆಂತರಿಕ ಮತ್ತು ಬಾಹ್ಯ ಟೂಲ್ಸ್​ಗಳನ್ನು ಬದಲಾಯಿಸಬೇಕಾಗುತ್ತದೆ. ಆದರೆ ಇದರ ಕೆಲವೊಂದು ಬಿಡಿಭಾಗಗಳು ಬಹಳ ದುಬಾರಿ ಬೆಲೆಯನ್ನು ಹೊಂದಿರುತ್ತದೆ. ಈ ಸಂದರ್ಭದಲ್ಲಿ ಸ್ಮಾರ್ಟ್​​ಫೋನ್ ಇನ್ಶೂರೆನ್ಸ್​ ನೆರವಿಗೆ ಬರುತ್ತದೆ.

ಯಾವೆಲ್ಲಾ ಸಂದರ್ಭದಲ್ಲಿ ಇನ್ಶೂರೆನ್ಸ್​ ನೆರವಾಗುವುದಿಲ್ಲ

• ಸಾಮಾನ್ಯ ನೀರಿನಲ್ಲಿ ಬಿದ್ದಾಗ.


• ಫೋನ್​ ಎಲೆಕ್ಟ್ರಾನಿಕ್ ಅಥವಾ ಯಾಂತ್ರಿಕವಾಗಿ ಸ್ಥಗಿತವಾದಾಗ.


• ಬೇರೆಯವರ ಕೈಯಲ್ಲಿದ್ದಾಗ ಫೋನ್‌ ಹಾನಿಯಾಗಿದೆ ಅಥವಾ ಕಳೆದುಹೋಗಿದೆ ಎಂದರೆ ಇನ್ಶೂರೆನ್ಸ್​ ನೆರವಾಗುವುದಿಲ್ಲ.


• ಫೋನ್ ನಿಗೂಢವಾಗಿ ಕಾಣೆಯಾಗಿದೆ ಎಂದಾಗ


•  ತಿಳಿಯದ ಕಟ್ಟಡ ಅಥವಾ ವಾಹನದಿಂದ ಫೋನ್‌ ಕಳ್ಳತನ ಆದಾಗ


• ಹವಾಮಾನ ಅಥವಾ ವಾತಾವರಣದ ಪರಿಸ್ಥಿತಿಗಳಲ್ಲಿನ ಬದಲಾವಣೆಗಳಿಂದ ಉಂಟಾಗುವ ಹಾನಿ


• ಉದ್ದೇಶಪೂರ್ವಕ ಫೋನ್‌ಗೆ ಹಾನಿ ಮಾಡಿದರೆ ಇನ್ಶೂರೆನ್ಸ್​ ಕ್ಲೈಮ್ ಆಗುವುದಿಲ್ಲ.


• ದುರಸ್ತಿ ಪ್ರಕ್ರಿಯೆಯಲ್ಲಿ ಉಂಟಾಗುವ ಹಾನಿ