Nokia New Logo: ಹೊಸ ರೂಪದಲ್ಲಿ ಬರಲಿದೆ ನೋಕಿಯಾ! ಮತ್ತೆ ಮಾರುಕಟ್ಟೆಯನ್ನು ಆಳಲಿದ್ಯಾ ಈ ಬ್ರ್ಯಾಂಡ್?

ಈಗಂತೂ ಈ ಮೊಬೈಲ್ ಫೋನ್ (Mobile Phone) ತಯಾರಕ ಕಂಪನಿಗಳು ಮತ್ತು ಟೆಲಿಕಾಂ (Telecom) ಉಪಕರಣಗಳ ತಯಾರಕ ಕಂಪನಿಗಳು ಪ್ರತಿದಿನ ಪ್ರತಿಕ್ಷಣ ಮಾರುಕಟ್ಟೆಯಲ್ಲಿ (Market) ಆಗುತ್ತಿರುವ ಬದಲಾವಣೆಗಳ ಮೇಲೆ ನಿಗಾ ವಹಿಸಿರುತ್ತಾರೆ ಮತ್ತು ಮಾರುಕಟ್ಟೆಯ ಅನುಸಾರವಾಗಿ ತಮ್ಮ ಯೋಜನೆಗಳನ್ನು ರೂಪಿಸುತ್ತಾ ಇರುತ್ತಾರೆ ಅಂತ ಹೇಳಬಹುದು. ಈ ನಿಟ್ಟಿನಲ್ಲಿ ಟೆಲಿಕಾಂ ಉಪಕರಣಗಳ ತಯಾರಕ ಕಂಪನಿಯಾದ ನೋಕಿಯಾ (Nokia) ದೊಡ್ಡ ಬೆಳವಣಿಗೆಯತ್ತ ಗಮನ ಹರಿಸುತ್ತಿರುವುದರಿಂದ, ಸುಮಾರು 60 ವರ್ಷಗಳಲ್ಲಿ ಮೊದಲ ಬಾರಿಗೆ ತನ್ನ ಬ್ರ್ಯಾಂಡ್ ಗುರುತನ್ನು ಬದಲಾಯಿಸುವ ಯೋಜನೆಗಳನ್ನು ಭಾನುವಾರ ಪ್ರಕಟಿಸಿದೆ.

ತನ್ನ ಬ್ರ್ಯಾಂಡ್ ಗುರುತನ್ನು ಬದಲಾಯಿಸಲಿದೆಯಂತೆ ನೋಕಿಯಾ

ಹೊಸ ಗುರುತು ನೋಕಿಯಾ ಎಂಬ ಪದವನ್ನು ರೂಪಿಸುವ ಐದು ವಿಭಿನ್ನ ಆಕಾರಗಳನ್ನು ಒಳಗೊಂಡಿದೆ. ಹಳೆಯ ಲೋಗೋದ ಐಕಾನಿಕ್ ನೀಲಿ ಬಣ್ಣವನ್ನು ಕೈಬಿಡಲಾಗಿದ್ದು, ವಿವಿಧ ರೀತಿಯ ಬೇರೆ ಬಣ್ಣಗಳನ್ನು ಈ ಹೊಸ ಗುರುತು ಒಳಗೊಂಡಿದೆ ಅಂತ ಹೇಳಬಹುದು. "ಸ್ಮಾರ್ಟ್‌ಫೋನ್ ಗಳೊಂದಿಗೆ ಒಡನಾಟವಿತ್ತು ಮತ್ತು ಇತ್ತೀಚಿನ ದಿನಗಳಲ್ಲಿ ನಾವು ವ್ಯಾಪಾರ ತಂತ್ರಜ್ಞಾನ ಕಂಪನಿಯಾಗಿದ್ದೇವೆ" ಎಂದು ಮುಖ್ಯ ಕಾರ್ಯನಿರ್ವಾಹಕ ಪೆಕ್ಕಾ ಲುಂಡ್ಮಾರ್ಕ್ ರಾಯಿಟರ್ಸ್ ಗೆ ನೀಡಿದ ಸಂದರ್ಶನದಲ್ಲಿ ಹೇಳಿದರು.

ನೋಕಿಯಾದ ಹೊಸ ಲೋಗೋ

ಬಾರ್ಸಿಲೋನಾದಲ್ಲಿ ಸೋಮವಾರ ಪ್ರಾರಂಭವಾಗುವ ಮತ್ತು ಮಾರ್ಚ್ 2 ರವರೆಗೆ ನಡೆಯುವ ವಾರ್ಷಿಕ ಮೊಬೈಲ್ ವರ್ಲ್ಡ್ ಕಾಂಗ್ರೆಸ್ (ಎಂಡಬ್ಲ್ಯೂಸಿ) ಮುನ್ನಾ ದಿನದಂದು ಕಂಪನಿಯ ವ್ಯವಹಾರ ನವೀಕರಣಕ್ಕೆ ಮುಂಚಿತವಾಗಿ ಅವರು ಮಾತನಾಡುತ್ತಿದ್ದರು.

ಕಂಪನಿ ಈಗ ಮೂರು ಹಂತಗಳ ಕಾರ್ಯತಂತ್ರವನ್ನು ರೂಪಿಸಿದೆಯಂತೆ..

2020 ರಲ್ಲಿ ಹೆಣಗಾಡುತ್ತಿರುವ ಫಿನ್ನಿಷ್ ಕಂಪನಿಯಲ್ಲಿ ಉನ್ನತ ಕೆಲಸವನ್ನು ವಹಿಸಿಕೊಂಡ ನಂತರ, ಲುಂಡ್ಮಾರ್ಕ್ ಮೂರು ಹಂತಗಳೊಂದಿಗೆ ಕಾರ್ಯತಂತ್ರವನ್ನು ರೂಪಿಸಿದ್ದು, ರಿಸೆಟ್ (ಮರುಹೊಂದಿಸುವುದು), ಎಕ್ಸಲರೇಟ್ (ವೇಗಗೊಳಿಸುವುದು) ಮತ್ತು ಸ್ಕೆಲ್ (ಅಳೆಯುವುದು) ಆಗಿದೆ. ಮರುಹೊಂದಿಕೆ ಹಂತವು ಈಗ ಪೂರ್ಣಗೊಂಡಿರುವುದರಿಂದ, ಎರಡನೇ ಹಂತವು ಪ್ರಾರಂಭವಾಗುತ್ತಿದೆ ಎಂದು ಲುಂಡ್ಮಾರ್ಕ್ ತಿಳಿಸಿದ್ದಾರೆ.

ನೋಕಿಯಾ ಇನ್ನೂ ತನ್ನ ಸೇವಾ ಪೂರೈಕೆದಾರ ವ್ಯವಹಾರವನ್ನು ಬೆಳೆಸುವ ಗುರಿಯನ್ನು ಹೊಂದಿದ್ದು, ಅಲ್ಲಿ ಅದು ಟೆಲಿಕಾಂ ಕಂಪನಿಗಳಿಗೆ ಉಪಕರಣಗಳನ್ನು ಮಾರಾಟ ಮಾಡುತ್ತದೆ, ಈಗ ಅದರ ಮುಖ್ಯ ಗಮನವು ಇತರ ವ್ಯವಹಾರಗಳಿಗೆ ಗೇರ್ ಅನ್ನು ಮಾರಾಟ ಮಾಡುವುದು. "ನಾವು ಕಳೆದ ವರ್ಷ ಉದ್ಯಮದಲ್ಲಿ ಉತ್ತಮವಾದ 21 ಪ್ರತಿಶತದಷ್ಟು ಬೆಳವಣಿಗೆಯನ್ನು ಹೊಂದಿದ್ದೇವೆ, ಇದು ಪ್ರಸ್ತುತ ನಮ್ಮ ಮಾರಾಟದ ಸುಮಾರು 8 ಪ್ರತಿಶತದಷ್ಟಾಗಿದೆ (ಅಥವಾ) ಸರಿ ಸುಮಾರು 2 ಬಿಲಿಯನ್ ಯುರೋಗಳು (2.11 ಬಿಲಿಯನ್ ಡಾಲರ್)" ಎಂದು ಲುಂಡ್ಮಾರ್ಕ್ ಹೇಳಿದರು. "ನಾವು ಅದನ್ನು ಸಾಧ್ಯವಾದಷ್ಟು ಬೇಗ ಎರಡಂಕಿಗಳಿಗೆ ಕೊಂಡೊಯ್ಯಲು ಬಯಸುತ್ತೇವೆ" ಅಂತ ಸಹ ಹೇಳಿದರು.

ನೋಕಿಯಾದ ಹೊಸ ಲೋಗೋ

ಪ್ರಮುಖ ತಂತ್ರಜ್ಞಾನ ಸಂಸ್ಥೆಗಳು ನೋಕಿಯಾದಂತಹ ಟೆಲಿಕಾಂ ಗೇರ್ ತಯಾರಕರೊಂದಿಗೆ ಪಾಲುದಾರಿಕೆ ಹೊಂದಿದ್ದು, ಖಾಸಗಿ 5ಜಿ ನೆಟ್​ವರ್ಕ್​​ಗಳು ಮತ್ತು ಸ್ವಯಂಚಾಲಿತ ಕಾರ್ಖಾನೆಗಳಿಗೆ ಗೇರ್​ಗಳನ್ನು ಗ್ರಾಹಕರಿಗೆ ಮಾರಾಟ ಮಾಡುತ್ತಿವೆ. ನೋಕಿಯಾ ತನ್ನ ವಿವಿಧ ವ್ಯವಹಾರಗಳ ಬೆಳವಣಿಗೆಯ ಹಾದಿಯನ್ನು ಪರಿಶೀಲಿಸಲು ಯೋಜಿಸಿದೆ ಮತ್ತು ಬಂಡವಾಳ ಹಿಂತೆಗೆತ ಸೇರಿದಂತೆ ಪರ್ಯಾಯಗಳನ್ನು ಪರಿಗಣಿಸಲು ಯೋಜಿಸಿದೆ.

ಜಾಗತಿಕ ನಾಯಕತ್ವ ನೋಡಬಹುದಾದ ವ್ಯವಹಾರಗಳಲ್ಲಿ ನೋಕಿಯಾ ಆಸಕ್ತಿ

"ಇದರ ಸಿಗ್ನಲ್ ತುಂಬಾನೇ ಸ್ಪಷ್ಟವಾಗಿದೆ, ನಾವು ಜಾಗತಿಕ ನಾಯಕತ್ವವನ್ನು ನೋಡಬಹುದಾದ ವ್ಯವಹಾರಗಳಲ್ಲಿ ಮಾತ್ರ ಇರಲು ಬಯಸುತ್ತೇವೆ" ಎಂದು ಲುಂಡ್ಮಾರ್ಕ್ ಅವರು ಹೇಳಿದ್ದಾರೆ. ಫ್ಯಾಕ್ಟರಿ ಆಟೋಮೇಷನ್ ಮತ್ತು ಡೇಟಾ ಸೆಂಟರ್ ಗಳತ್ತ ನೋಕಿಯಾದ ಕ್ರಮವು ಮೈಕ್ರೋಸಾಫ್ಟ್ ಮತ್ತು ಅಮೆಜಾನ್ ನಂತಹ ದೊಡ್ಡ ಟೆಕ್ ಕಂಪನಿಗಳೊಂದಿಗೆ ಸೆಣಸಲಿದೆ.

"ಅನೇಕ ರೀತಿಯ ಪ್ರಕರಣಗಳು ಇರುತ್ತವೆ, ಕೆಲವೊಮ್ಮೆ ಅವರು ನಮ್ಮ ಪಾಲುದಾರರಾಗಿರುತ್ತಾರೆ. ಕೆಲವೊಮ್ಮೆ ಅವರು ನಮ್ಮ ಗ್ರಾಹಕರಾಗಬಹುದು ಮತ್ತು ಅವರು ಪ್ರತಿಸ್ಪರ್ಧಿಗಳಾಗುವ ಸಂದರ್ಭಗಳೂ ಇರುತ್ತವೆ ಎಂದು ನನಗೆ ಖಾತ್ರಿಯಿದೆ" ಎಂದು ಹೇಳುತ್ತಾರೆ.

ಉತ್ತರ ಅಮೆರಿಕದಂತಹ ಹೆಚ್ಚಿನ ಮಾರ್ಜಿನ್ ಮಾರುಕಟ್ಟೆಗಳಲ್ಲಿ ಬೇಡಿಕೆ ದುರ್ಬಲಗೊಳ್ಳುತ್ತಿರುವುದರಿಂದ ಟೆಲಿಕಾಂ ಗೇರ್ ಮಾರಾಟ ಮಾಡುವ ಮಾರುಕಟ್ಟೆಯು ಒತ್ತಡದಲ್ಲಿದೆ, ಇದರ ಬದಲಿಗೆ ಕಡಿಮೆ-ಮಾರ್ಜಿನ್ ಇರುವ ಭಾರತದಲ್ಲಿ ಬೆಳವಣಿಗೆಯು ಪ್ರತಿಸ್ಪರ್ಧಿ ಎರಿಕ್ಸನ್ ಅನ್ನು 8,500 ಉದ್ಯೋಗಿಗಳನ್ನು ವಜಾಗೊಳಿಸುವಂತೆ ಒತ್ತಾಯಿಸಿದೆ ಎಂದು ತಿಳಿದುಬಂದಿದೆ.