5 ಕ್ಯಾಮೆರಾದ ಈ ಫೋನ್​ ನೋಡಿದ್ದಾರಾ?

ಸ್ಮಾರ್ಟ್​ಫೊನ್​ನಲ್ಲಿ ಕ್ಯಾಮೆರಾಗೆ ಹೆಚ್ಚು ಮನ್ನಣೆ ನೀಡುವ ಈ ಕಾಲಕ್ಕೆ ಅನುಗುಣವಾಗುವಂತೆ ನೋಕಿಯ ಸಂಸ್ಥೆ 5 ಕ್ಯಾಮೆರಾ ಹೊಂದಿರುವ ಮೊಬೈಲ್​ನ್ನು ಬಿಡುಗಡೆ ಮಾಡಲು ತೀರ್ಮಾನಿಸಿದೆಯೇ ಎಂಬ ಪ್ರಶ್ನೆಗೆ ಎಲ್ಲರಿಗೂ ಮೂಡಿದೆ.

ಹೌದು ಇತ್ತೀಚೆಗೆ ಆನ್​ಲೈನ್​ನಲ್ಲಿ ವೈರಲ್​ ಆಗಿರುವ ನೋಕಿಯಾ ಮೊಬೈಲ್​ನ ಚಿತ್ರದಲ್ಲಿಐದು ಕ್ಯಾಮೆರಾ ಹೊಂದಿದ್ದು ಸಂಪೂರ್ಣ ನೋಚ್​ ಪರದೆಯನ್ನೂ ಸಹ ಈ ಮೊಬೈಲ್​ಗೆ ಅಳವಡಿಸಲಾಗಿದೆ. "Nokia 9" ಎಂಬ ಸ್ಮಾರ್ಟ್​ಫೊನ್​ನ ಚಿತ್ರ ಮಾಧ್ಯಮಗಳಲ್ಲಿ ಹೆಚ್ಚು ವೈರಲ್​ ಆಗುತ್ತಿದ್ದು, ಕಪ್ಪು ಬಿಳಿ ಬಣ್ಣದ ಮಲ್ಟಿ ಲೆನ್ಸ್​​ ಪಿಕ್ಸೆಲ್​ನ ವ್ಯವಸ್ಥೆ ಮೊಬೈಲ್​ ಇದಾಗಿದೆ ಎಂದು ದಿ ನೆಕ್ಸ್ಟ್​​ ವೆಬ್​ ವರದಿ ಮಾಡಿದೆ.

ಈ ಚಿತ್ರ ವೈರಲ್​ ಆಗುವುದಕ್ಕು ಮುನ್ನ "TA-1094" ಕೋಡ್​ನ ಮೂಲಕ ಹೂವಿನ ಮಾದರಿಯಲ್ಲಿ ಈ ಮೊಬೈಲ್​ನ ಚಿತ್ರ ವೈರಲ್​ ಆಗಿತ್ತು, ಕ್ಯಾಮೆರಾ ನಿರ್ಮಾಣದ ಝೈಸ್​ ಸಂಸ್ಥೆಯೊಂದಿಗೆ ಈ ಹಿಂದೆಯಿಂದಲೇ ಒಪ್ಪಂದ ಮಾಡಿಕೊಂಡಿರುವ ನೋಕಿಯಾ, ಇದೀಗ ಝೈಸ್​ ಸಂಸ್ಥೆಯಿಂದಲೇ ಈ ಕ್ಯಾಮೆರಾಗಳನ್ನು ಅಭಿವೃದ್ಧಿ ಪಡಿಸಿದೆ.

ಈ ಹಿಂದೆ ಸ್ಲಾಶ್​ಲೀಕ್​ ಎಂಬ ವೆಬ್​ ಮಾಧ್ಯಮ ಶೇರ್​ ಮಾಡಿದ್ದ ನೋಕಿಯಾ 9 ಚಿತ್ರಗಳು ಕೂಡಾ ಐದು ಕ್ಯಾಮೆರಾ ಹೊಂದಿದ್ದವು. ಈ ಹಿಂದೆ ನೋಕಿಯಾ ಬಿಟ್ಟಿದ್ದ ಡ್ಯುಯಲ್​ ಕ್ಯಾಮೆರಾ ಹೆಚ್ಚಿನ ಮಟ್ಟಿನ ಯಶಸ್ವಿಯನ್ನು ಕಂಡಿಲ್ಲವಾದರೂ ಸಂಸ್ಥೆಯ ಕಮ್​ಬ್ಯಾಕ್​ಗೆ ಉಪಕಾರಿಯಾಗಿತ್ತು. ಈಗಾಗಲೇ ಹುವಾವೇ ಸಂಸ್ಥೆ ತನ್ನ 'P20 pro' ಮೊಬೈಲ್​ಗೆ ಮೂರು ಕ್ಯಾಮೆರಾ ಅಳವಡಿಸಿತ್ತು. ಅಲ್ಲದೇ ಕಳೆದ ಎರಡು ವರ್ಷದಲ್ಲಿ ಎರಡು ಕ್ಯಾಮೆರಾ ಹೊಂದಿರುವ ಮೊಬೈಲ್​ಗಳು ಸಾಕಷ್ಟು ವೈರಲ್​ ಟ್ರೆಂಡ್​ ಹುಟ್ಟಿಸಿದೆ.