Airtel Recharge Plan: ಏರ್​ಟೆಲ್​ನಿಂದ ಹೊಸ ರೀಚಾರ್ಜ್ ಪ್ಲ್ಯಾನ್​ ಬಿಡುಗಡೆ! ಅನಿಯಮಿತ​ ಡೇಟಾ ಸೌಲಭ್ಯ

Airtel Recharge Plan: ಏರ್​ಟೆಲ್​ನಿಂದ ಹೊಸ ರೀಚಾರ್ಜ್ ಪ್ಲ್ಯಾನ್​ ಬಿಡುಗಡೆ! ಅನಿಯಮಿತ​ ಡೇಟಾ ಸೌಲಭ್ಯಇತ್ತೀಚೆಗೆ ಸೋಶಿಯಲ್​ ಮೀಡಿಯಾಗಳನ್ನು (Social Media) ಬಳಕೆ ಮಾಡುವವರ ಸಂಖ್ಯೆ ಅಗಾಧವಾಗಿ ಬೆಳೆಯುತ್ತಿದೆ. ಇಂಟರ್ನೆಟ್ (Internet)​ ಬಳಕೆಯೂ ಸಹ ಅಷ್ಟೇ ಅಭಿವೃದ್ಧಿಯಾಗುತ್ತಿದೆ. ಆದರೆ ಈ ಇಂಟರ್ನೆಟ್​ ಅನ್ನು ಬಳಕೆ ಮಾಡಬೇಕಾದರೆ ಟೆಲಿಕಾಂ ಕಂಪೆನಿಗಳು ಮಹತ್ತರವಾದ ಪಾತ್ರವಹಿಸುತ್ತವೆ. ಭಾರತದಲ್ಲಿ ಹಲವಾರು ಟೆಲಿಕಾಂ ಕಂಪೆನಿಗಳಿವೆ. ಒಂದಕ್ಕೊಂದು ಪೈಪೋಟಿ ನೀಡುವ ನಿಟ್ಟಿನಲ್ಲಿ ಈ ಕಂಪೆನಿಗಳು ತನ್ನ ಗ್ರಾಹಕರಿಗಾಗಿ ಹೊಸ ಹೊಸ ಯೋಜನೆಗಳನ್ನು ಪರಿಚಯಿಸುತ್ತಿರುತ್ತದೆ. ಅದೇ ರೀತಿ ತನ್ನ ಲಾಭಕ್ಕೋಸ್ಕರ ರೀಚಾರ್ಜ್​ ಬೆಲೆಯನ್ನೂ ಹೆಚ್ಚು ಮಾಡುತ್ತಾರೆ. ಆದರೆ ಇದೀಗ ಜನಪ್ರಿಯ ಟೆಲಿಕಾಂ ಕಂಪೆನಿಗಳಲ್ಲಿ ಒಂದಾದ ಏರ್​ಟೆಲ್ (Airtel)​ ತನ್ನ ಗ್ರಾಹಕರಿಗಾಗಿ ಹೆಚ್ಚುವರಿ ಡೇಟಾ ಸೌಲಭ್ಯವನ್ನು ನೀಡುವ ಯೋಜನೆಯನ್ನು ಪರಿಚಯಿಸಿದೆ.

ಏರ್​​ಟೆಲ್​ ಸದ್ಯ ಪರಿಚಯಿಸಿರುವ ಯೋಜನೆಯಲ್ಲಿ ಸೋಶಿಯಲ್​ ಮೀಡಿಯಾದಲ್ಲಿ ರೀಲ್ಸ್​, ವಿಡಿಯೋಗಳನ್ನು ನೋಡುವವರಿಗೆ ತುಂಬಾನೇ ಸಹಕಾರಿಯಾಗಲಿದೆ. ಈ ಯೋಜನೆ ಮೂಲಕ ಸೋಶಿಯಲ್ ಮೀಡಿಯಾಗಳನ್ನು ದಿನವಿಡೀ ಬಳಸಿದರು ಡೇಟಾ ಖಾಲಿಯಾಗುವುದಿಲ್ಲ. ಹಾಗಿದ್ರೆ ಆ ಯೋಜನೆ ಯಾವುದು ಎಂಬುದರ ಕಂಪ್ಲೀಟ್ ಮಾಹಿತಿ ಇಲ್ಲಿದೆ.

ಏರ್​ಟೆಲ್​ನಿಂದ ಹೊಸ ರೀಚಾರ್ಜ್​ ಪ್ಲ್ಯಾನ್​ಗಳು

ಏರ್​ಟೆಲ್​ ಇದೀಗ ತನ್ನ ಗ್ರಾಹಕರಿಗಾಗಿ 489 ರೂಪಾಯಿ ಮತ್ತು 509 ರೂಪಾಯಿಗಳ ಎರಡು ರೀಚಾರ್ಜ್​​ ಪ್ಲ್ಯಾನ್​​ಗಳನ್ನು ಪರಿಚಯಿಸಿದೆ. ಈ ಯೋಜನೆಗಳು ಅಧಿಕ ಇಂಟರ್ನೆಟ್​ ಬಳಕೆ ಮಾಡುವವರಿಗೆ ಬಹಳಷ್ಟು ಉಪಯುಕ್ತವಾಗಿದೆ. ಈ ಯೋಜನೆಯ ವಿಶೇಷವೆಂದರೆ ಇದು 5ಜಿ ನೆಟ್​ವರ್ಕ್​ ಅನ್ನು ಸಹ ಬೆಂಬಲಿಸುತ್ತದೆ. ಈ ಮೂಲಕ ಬಳಕೆದಾರರು ಈ ಹೊಸ ರೀಚಾರ್ಜ್‌ ಪ್ಲ್ಯಾನ್‌ನಲ್ಲಿ 5G ವೇಗದಲ್ಲಿ ಇಂಟರ್ನೆಟ್ ಅನ್ನು ಬಳಸಬಹುದಾಗಿದೆ. ಹಾಗೆಯೇ ಇತರೆ ರೀಚಾರ್ಜ್‌ ಪ್ಲ್ಯಾನ್‌ಗಳಂತೆಯೇ ವಾಯ್ಸ್‌ ಕಾಲ್​, ಎಸ್​ಎಮ್​ಎಸ್​ ಮೆಸೇಜ್‌ ಹಾಗೂ ಇನ್ನಿತರೆ ಸೌಲಭ್ಯ ಲಭ್ಯವಾಗಲಿದೆ.

ಏರ್​ಟೆಲ್​ನ 489 ರೂಪಾಯಿ ರೀಚಾರ್ಜ್ ಪ್ಲ್ಯಾನ್​

ಏರ್‌ಟೆಲ್ ಪ್ರಿಪೇಯ್ಡ್ 489 ರೂಪಾಯಿಗಳ ಪ್ಲ್ಯಾನ್​ ನಲ್ಲಿ ಗ್ರಾಹಕರು ಅನ್ಲಿಮಿಟೆಡ್​ ವಾಯ್ಸ್ ಕಾಲ್​, 300 ಎಸ್‌ಎಮ್‌ಎಸ್‌ ಸೇರಿದಂತೆ ದಿನವೂ ಬಳಕೆ ಮಾಡಬಹುದಾದ ಮಿತಿಯಿಲ್ಲದ ಒಟ್ಟು 50ಜಿಬಿ ಡೇಟಾಸೌಲಭ್ಯ ಇದರಲ್ಲಿ ಲಭ್ಯವಾಗಲಿದೆ. ಹೆಚ್ಚುವರಿಯಾಗಿ ಏರ್‌ಟೆಲ್ ವಿಂಕ್ ಮ್ಯೂಸಿಕ್, ಉಚಿತ ಹೆಲೋ ಟ್ಯೂನ್, ಅಪೊಲೊ 24/7 ಮತ್ತು ಫಾಸ್ಟ್‌ಟ್ಯಾಗ್ ಪ್ರಯೋಜನ ಸಹ ಇದರಲ್ಲಿ ಗ್ರಾಹಕರಿಗೆ ಲಭ್ಯವಾಗುತ್ತದೆ. ಇನ್ನು ಈ ಪ್ಲ್ಯಾನ್‌ 30 ದಿನಗಳವರೆಗೆ ವ್ಯಾಲಿಡಿಟಿ ಅವಧಿಯನ್ನು ಹೊಂದಿರುತ್ತದೆ.

ಏರ್​ಟೆಲ್​ನ 509 ರೂಪಾಯಿ ರೀಚಾರ್ಜ್ ಪ್ಲ್ಯಾನ್​

ಏರ್​ಟೆಲ್​ ಈ ಬಾರಿ 509 ರೂಪಾಯಿಯ ಪ್ರೀಪೇಯ್ಡ್ ಪ್ಲ್ಯಾನ್​​ನಲ್ಲಿ ಸ್ಥಳೀಯ ಮತ್ತು ಎಸ್​ಟಿಡಿ ಕಾಲ್​ಗಳ ಪ್ರಯೋಜನ ಸಿಗಲಿದೆ. ಜೊತೆಗೆ ಈ ಪ್ಲ್ಯಾನ್​ ಮೂಲಕ ಅನ್ಲಿಮಿಟೆಡ್​ ವಾಯ್ಸ್​ ಕಾಲ್​ ಮತ್ತು 300 ಎಸ್​ಎಮ್​ಎಸ್​​ ಅನ್ನು ಉಚಿತವಾಗಿ ಮಾಡಬಹುದಾಗಿದೆ. ವಿಶೇಷವಾಗಿ ಈ ಪ್ಲ್ಯಾನ್‌ನಲ್ಲಿ ಒಟ್ಟು 60 ಜಿಬಿ ಡೇಟಾ ಲಭ್ಯವಾಗಲಿದ್ದು, ವ್ಯಾಲಿಡಿಟಿ ಅವಧಿ ಮುಗಿಯುವುದರ ಒಳಗಾಗಿ ಯಾವಾಗ ಬೇಕಾದರೂ ಇದನ್ನು ಬಳಕೆ ಮಾಡಬಹುದಾಗಿದೆ.

7 ರಾಜ್ಯಗಳಲ್ಲಿ ರೀಚಾರ್ಜ್ ಬೆಲೆ ಏರಿಸಿದ ಏರ್​ಟೆಲ್​

ಏರ್​ಟೆಲ್ ಟೆಲಿಕಾಂ

57% ರಷ್ಟು ಬೆಲೆಯಲ್ಲಿ ಏರಿಕೆ

ಕಳೆದ ವರ್ಷದಲ್ಲಿ ಟೆಲಿಕಾಂ ಕಂಪೆನಿಗಳು ತನ್ನ ರೀಚಾರ್ಜ್​ ಬೆಲೆಯಲ್ಲಿ ಏರಿಕೆ ಮಾಡಿತ್ತು. ಆದರೆ ಪ್ರತೀ ಬಾರಿಗೆ ಏರಿಕೆ ಮಾಡುವಾಗ ಸ್ವಲ್ಪ ಮಟ್ಟಿಗೆ ಮಾಡುತ್ತಿತ್ತು. ಆದರೆ ಈ ಬಾರಿ ಏರ್​ಟೆಲ್​ ಕಂಪೆನಿ ಬರೋಬ್ಬರಿ 57% ರಷ್ಟು ಹೆಚ್ಚಿಸಿ ಗ್ರಾಹಕರಿಗೆ ಶಾಕ್ ನೀಡಿದೆ.

ಇದನ್ನೂ ಓದಿ: ಒನ್​​ಪ್ಲಸ್​ ಕಂಪೆನಿಯ ಈ ಸ್ಮಾರ್ಟ್​​ವಾಚ್ ಮೇಲೆ ಭರ್ಜರಿ ರಿಯಾಯಿತಿ! ಏನೆಲ್ಲಾ ಆಫರ್ಸ್​ ಲಭ್ಯವಿದೆ?

ಈ ಬಗ್ಗೆ ಏರ್​​ಟೆಲ್​ನ ಅಭಿಪ್ರಾಯ

ನಮ್ಮ ಗ್ರಾಹಕರಿಗೆ ಇನ್ನೂ ಉತ್ತಮ ರೀತಿ ಅನುಭವವನ್ನು ನೀಡುವ ನಿಟ್ಟಿನಲ್ಲಿ ಕಡಿಮೆ ಬೆಲೆಯಲ್ಲಿದ್ದ ರೀಚಾರ್ಜ್​ ದರಗಳನ್ನು ಸ್ಥಗಿತಗೊಳಿಸಿದ್ದೇವೆ. ಇನ್ಮುಂದೆ ಕರ್ನಾಟಕ ಸೇರಿ 7 ರಾಜ್ಯಗಳಲ್ಲಿ ಏರ್​ಟೆಲ್​ನ ರೀಚಾರ್ಜ್​ನ ಆರಂಭಿಕ ಬೆಲೆಯೇ 155 ರೂಪಾಯಿಯಿಂದ ಪ್ರಾರಂಭವಾಗುತ್ತದೆ. ಈ ಯೋಜನೆಯಲ್ಲಿ ಗ್ರಾಹಕರು ಅನ್ಲಿಮಿಟೆಡ್​ ವಾಯ್ಸ್​ ಕಾಲ್​, 1 ಜಿ ಡೇಟಾ, 300 ಎಸ್​ಎಮ್​ಎಸ್​​ ಸೌಲಭ್ಯಗಳನ್ನು ಪಡೆಯುತ್ತಾರೆ. ಈ ಯೋಜನೆಗಳ ಮೂಲಕ ಗ್ರಾಹಕರಿಗೆ ಬೆಲೆಗೆ ತಕ್ಕಂತರ ಉತ್ತಮ ಮೌಲ್ಯವನ್ನು ನೀಡುತ್ತದೆ ಎಂದು ಏರ್​ಟೆಲ್ ಹೇಳಿದೆ.