WhatsApp Update: ವಾಟ್ಸಾಪ್​ನಲ್ಲಿ ಹೊಚ್ಚ ಹೊಸ ಫೀಚರ್​ ಬಿಡುಗಡೆ! ಇನ್ಮುಂದೆ ಯಾವುದೇ ಮೆಸೇಜ್ ಅನ್ನು ಸುಲಭದಲ್ಲಿ ನೋಡ್ಬಹುದು

ವಾಟ್ಸಾಪ್ (WhastApp)​ ಇತ್ತೀಚೆಗೆ ತನ್ನ ಗ್ರಾಹಕರಿಗಾಗಿ ಹಲವಾರು ಅನುಕೂಲಕರ ಫೀಚರ್ಸ್​ಗಳನ್ನು ಬಿಡುಗಡೆ ಮಾಡಿದೆ. ಇದರಿಂದ ಈ ಅಪ್ಲಿಕೇಶನ್​ ಅತೀ ಹೆಚ್ಚು ಗ್ರಾಹಕರನ್ನು ಹೊಂದಿಕೊಂಡು ನಂಬರ್​ ಒನ್​ ಮೆಸೇಜಿಂಗ್ ಅಪ್ಲಿಕೇಶನ್ (Messaging Application) ಎಂದು ಗುರುತಿಸಿಕೊಂಡಿದೆ. ವಾಟ್ಸಾಪ್​ ಫೀಚರ್​ ಬಗ್ಗೆ ಕಳೆದ ವರ್ಷವನ್ನು ಮೆಲುಕು ಹಾಕುವುದಾದರೆ, ಈ ಅಪ್ಲಿಕೇಶನ್​ನಲ್ಲಿ 2022ರಲ್ಲಿ ಬಳಕೆದಾರರಿಗೆ ಅನುಕೂಲವಾಗುವಂತಹ ಹಲವಾರು ಫೀಚರ್​​ಗಳು ಬಿಡುಗಡೆಯಾಗಿದೆ. ಅದೇ ರೀತಿ ಹಿಂದಿನ ವರ್ಷವೇ 2023ರಲ್ಲಿ ವಾಟ್ಸಾಪ್​ನಲ್ಲಿ ಹಲವಾರು ಅಪ್ಡೇಟ್​​ಗಳು (Update) ಆಗಲಿವೆ ಎಂದು ಹೇಳಿವೆ. ಈ ಮಧ್ಯೆ ಜನವರಿ ಒಂದೇ ತಿಂಗಳಿನಲ್ಲಿ ಇದುವರೆಗೆ 4 ರಿಂದ 5 ಫೀಚರ್​ಗಳು ಬಂದಿದ್ದು, ಇದೀಗ ಮತ್ತೊಂದು ಹೊಸ ಫೀಚರ್​ ಅನ್ನು ಪರಿಚಯಿಸುತ್ತಿದೆ.

ವಾಟ್ಸಾಪ್​ನಲ್ಲಿ ಈ ವರ್ಷ ಹಲವಾರು ಫೀಚರ್ಸ್​ಗಳು ಹೊರ ಬರಲಿದ್ದು, ಸದ್ಯ ಈ ಪ್ಲಾಟ್​ಫಾರ್ಮ್​ನಲ್ಲಿ ಸರ್ಚ್​ ಬೈ ಡೇಟ್​ ಎಂಬ ಫೀಚರ್​ ಬಿಡುಗಡೆಯಾಗಿದೆ. ಈ ಮೂಲಕ ಯಾವುದೇ ಹಿಂದಿನ ಮೆಸೇಜ್​ ಬೇಕಾದರೂ ಸ್ಕ್ರಾಲ್​ ಮಾಡಬೇಕಾಗಿಲ್ಲ. ಹಾಗಿದ್ರೆ ಈ ಫೀಚರ್​ ಹೇಗೆ ಕಾರ್ಯನಿರ್ವಹಿಸುತ್ತದೆ ಎಂದು ನೋಡಬೇಕಾದರೆ ಈ ಲೇಖನವನ್ನು ಓದಿ.

ಯಾವ ರೀತಿ ಉಪಯೋಗವಾಗಿದೆ?

ವಾಟ್ಸಾಪ್​ ಇದೀಗ ತನ್ನ ಪ್ಲಾಟ್​​ಫಾರ್ಮ್​ನಲ್ಲಿ ಸರ್ಚ್​ ಬೈ ಡೇಟ್​ ಎಂಬ ಹೊಸ ಫೀಚರ್​ ಅನ್ನು ಬಳಕೆದಾರರಿಗೆ ಪರಿಚಯಿಸಿದೆ. ಇನ್ಮುಂದೆ ಬಳಕೆದಾರರು ವಾಟ್ಸಾಪ್​ನಲ್ಲಿ ಯಾವು್ದೇ ಹಳೆಯ ಮೆಸೇಜ್​ ಅನ್ನು ಸುಲಭದಲ್ಲಿ ವೀಕ್ಷಿಸಬಹುದು. ದಿನಾಂಕದ ಆಧಾರದಲ್ಲಿ ನಿಮಗೆ ಬೇಕಾಗಿರುವ ಚಾಟ್​ ಅನ್ನು ವಾಟ್ಸಾಪ್​ನಲ್ಲಿ ಸರ್ಚ್​​ ಮಾಡಬಹುದು. ಜೊತೆಗೆ ಆ ದಿನದಲ್ಲಿ ಶೇರ್​ ಮಾಡಿದಂತಹ ಫೋಟೋ, ವಿಡಿಯೋವನ್ನು ಸಹ ನೋಡಬಹುದಾಗಿದೆ.

ಸ್ಕ್ರಾಲ್​ ಮಾಡುವ ಅಗತ್ಯವಿಲ್ಲ

ಸಾಮಾನ್ಯವಾಗಿ ವಾಟ್ಸಾಪ್‌ನಲ್ಲಿ ನೀವು ಬಹುಮುಖ್ಯವಾದ ಮಾಹಿತಿಯನ್ನು ಹಂಚಿಕೊಂಡಿದ್ದು, ಅದರ ಬಗ್ಗೆ ಮತ್ತೊಮ್ಮೆ ತಿಳಿದುಕೊಳ್ಳಲು ಬಯಸಿದರೆ ಚಾಟ್‌ ವಿಂಡೋದಲ್ಲಿ ಹಳೆಯ ಸಂದೇಶವನ್ನು ಸರ್ಚ್‌ ಮಾಡಲು ಸಂದೇಶಗಳ್ನು ಸ್ಕ್ರೋಲ್‌ ಮಾಡುತ್ತಾ ಹೋಗಬೇಕಾಗುತ್ತದೆ.

ಇದರಿಂದ ಸಾಕಷ್ಟು ಸಮಯ ಸ್ಕ್ರೋಲಿಂಗ್‌ನಲ್ಲಿಯೇ ಕಳೆಯುತ್ತಿದೆ. ಆದರೆ ಸರ್ಚ್‌ ಬೈ ಡೇಟ್‌ ಫೀಚರ್ಸ್‌ ನಿಮಗೆ ನೀವು ಸಂದೇಶ ಕಳುಹಿಸಿದ ದಿನಾಂಕ ನಮೂದಿಸಿದರೆ ಸಾಕು ಆ ದಿನಂದು ನೀವು ಕಳುಹಿಸಿದ ಸಂದೇಶಗಳನ್ನು ತೆರೆದಿಡುತ್ತದೆ. ಇದರಿಂದ ನೀವು ಸ್ಕ್ರೋಲಿಂಗ್‌ ಮಾಡಬೇಕಾದ ಅಗತ್ಯವೇ ಬರುವುದಿಲ್ಲ.

ವಾಟ್ಸಾಪ್​ ಸರ್ಚ್​ ಬೈ ಡೇಟ್ಸ್​ ಫೀಚರ್​​ ಬಳಸುವುದು ಹೇಗೆ?

• ಮೊದಲಿಗೆ ವಾಟ್ಸಾಪ್‌ ಅನ್ನು ಓಪನ್​ ಮಾಡಬೇಕು. ನಂತರ ನೀವು ಸಂದೇಶವನ್ನು ಸರ್ಚ್‌ ಮಾಡಲು ಬಯಸುವ ಚಾಟ್‌ ವಿಂಡೋವನ್ನು ಓಪನ್ ಮಾಡಿ.


• ಇದೀಗ ಚಾಟ್‌ನಲ್ಲಿ ಸರ್ಚ್‌ ಮೆಸೇಜ್‌ ಮೇಲೆ ಟ್ಯಾಪ್‌ ಮಾಡಿ


• ನಂತರ ನಿಮಗೆ ಸರ್ಚ್‌ ಬಾರ್‌ನ ಬಲ ಮೂಲೆಯಲ್ಲಿ ಕ್ಯಾಲೆಂಡರ್ ಐಕಾನ್ ಕಾಣಲಿದೆ.


• ಇದರಲ್ಲಿ ಕ್ಯಾಲೆಂಡರ್ ಐಕಾನ್ ಮೇಲೆ ಟ್ಯಾಪ್ ಮಾಡಿ

ಇದನ್ನೂ ಓದಿ: ವಿಡಿಯೋ ಲೈಕ್ ಮಾಡಿ ಲಕ್ಷ ಲಕ್ಷ ಹಣ ಗಳಿಸಿ: ಯಾಮಾರಿ ಲಿಂಕ್ ಕ್ಲಿಕ್ ಮಾಡಿದ್ರೆ ಬ್ಯಾಂಕ್ ಖಾತೆ ಖಾಲಿ!

• ಇಲ್ಲಿ ನಿಮಗೆ ಯಾವ ದಿನಾಂಕ ಸಂದೇಶವನ್ನು ಸರ್ಚ್‌ ಮಾಡ್ತಾ ಇದ್ದೀರಾ ಆ ದಿನಾಂಕ ಮತ್ತು ವರ್ಷ ಹಾಗೂ ತಿಂಗಳನ್ನು ಆಯ್ಕೆ ಮಾಡಿ


• ನಂತರ 'ಜಂಪ್ ಟು ಡೇಟ್' ಅನ್ನು ಟ್ಯಾಪ್ ಮಾಡಿ


• ಇದೀಗ ನೀವು ಆಯ್ಕೆಮಾಡಿದ ದಿನಾಂಕದಂದು ನಿಮಗೆ ಬೇಕಾದ ಚಾಟ್​ ಅನ್ನು ನೋಡಬಹುದಾಗಿದೆ.

ಇದು ವಾಟ್ಸಾಪ್​ ಬಿಡುಗಡೆ ಮಾಡಿದಂತಹ ಹೊಸ ಅಪ್ಡೇಟ್​ ಆಗಿದೆ. ಈ ಮೂಲಕ ಯಾವುದೇ ಮೆಸೇಜ್ ಅನ್ನು ಇನ್ಮುಂದೆ ಕೇವಲ ಒಂದು ದಿನಾಂಕವನ್ನು ಆ್ಯಡ್ ಮಾಡುವ ಮೂಲಕ ಆ ದಿನದ ಪೂರ್ತಿ ಚಾಟ್​ ಲೀಸ್ಟ್​ ಅನ್ನು ನೋಡಬಹುದಾಗಿದೆ.