WhatsApp Update: ವಾಟ್ಸಾಪ್​​ನಿಂದ ಹೊಸ ಫೀಚರ್​​ ಬಿಡುಗಡೆ! ಟೆಲಿಗ್ರಾಂ ಅನ್ನು ಕಾಪಿ ಮಾಡ್ತಿದ್ಯಾ ಮೆಟಾ?

ವಾಟ್ಸಾಪ್ (WhatsApp)​ ನಮ್ಮ ಜೀವನದ ದೊಡ್ಡ ಭಾಗವೇ ಆಗಿದೆ. ಬೆಳಗೆದ್ದು ವಾಟ್ಸಪ್​ ನೋಡೋದು, ಸ್ಟೇಟಸ್​ ಅಪ್​ಡೇಟ್​​ ಮಾಡೋದು, ಕೆಲಸಕ್ಕೆ ಸಂಬಂಧಿಸಿದ ವಿಷಯಗಳನ್ನು ಚಾಟ್​ (Chatting) ಮಾಡೋದು. ಅಷ್ಟೇ ಏಕೆ ಕೆಲವು ಮುಖ್ಯವಾದ ನೋಟ್ಸ್​ ಕ್ರಿಯೇಟ್​ ಮಾಡಿಕೊಳ್ಳಲು ವಾಟ್ಸಾಪ್​ ಬೇಕೇ ಬೇಕು. ಇನ್ನು ವಾಟ್ಸಪ್​ ಕೂಡ ಇವತ್ತಿಗೂ ತನ್ನ ಬಳಕೆದಾರರನ್ನು ಹಾಗೇ ಉಳಿಸಿಕೊಂಡಿದೆ. ಜೊತೆಗೆ ಬಳಕೆದಾರರ ಸ್ನೇಹಿ ಆಗಿದೆ. ಸಾಲದ್ದಕ್ಕೆ ಹೊಸ ಹೊಸ ಫೀಚರ್ಸ್​ಗಳನ್ನು (New Features) ಅಪ್​ಡೇಟ್​ ಮಾಡುವ ಮೂಲಕ ಜನರ ಕೈಯಲ್ಲಿ ಭದ್ರವಾಗಿ ಬೇರೂರುತ್ತಿದೆ.

ಇತ್ತೀಚೆಗೆ ವಾಟ್ಸಾಪ್​ ಸ್ಟೋರಿಸ್​​, ಹಣ ಕಳಿಸುವ ವ್ಯವಸ್ಥೆಗಳೆಲ್ಲವೂ ಕೂಡ ವಾಟ್ಸಾಪ್​ನ ಬೆಳವಣಿಗೆಗೆ ಕಾರಣವಾಗಿದೆ. ಸದ್ಯ ಮತ್ತೊಂದು ಹೊಸ ವೈಶಿಷ್ಟ್ಯವನ್ನು ವಾಟ್ಸಾಪ್​​ ಅಪ್​ಡೇಟ್​​​ ಮಾಡಲು ಕಾರ್ಯ ನಿರ್ವಹಿಸುತ್ತಿದೆ. ಅದೇ ಪ್ರೈವೇಟ್​ ನ್ಯೂಸ್​ ಲೆಟರ್. ಆದರೆ ಇದು ಟೆಲಿಗ್ರಾಂನ ಫೀಚರ್ ಅನ್ನು​ ಕಾಪಿ ಮಾಡ್ತಿದೆ ಅನ್ನೋ ವಾದವೂ ಇದೆ.

ಟೆಲಿಗ್ರಾಂನ ಕಾಪಿ ಮಾಡ್ತಿದ್ಯಾ ವಾಟ್ಸಾಪ್​?

ವಾಬೀಟಾಇನ್ಫೋ.ಕಾಂ ನ ಇತ್ತೀಚಿನ ವರದಿಯ ಪ್ರಕಾರ ಮೆಟಾ ಒಡೆತನದ ವಾಟ್ಸಾಪ್​ ಟೆಲಿಗ್ರಾಂನಲ್ಲಿರುವಂತೆ ಪ್ರೈವೇಟ್​ ನ್ಯೂಸ್​​​ ಲೆಟರ್​​ ವೈಶಿಷ್ಯ್ಟವನ್ನು ಪರಿಚಯಿಸಲು ಯೋಚಿಸುತ್ತಿದೆ ಎಂದು ಹೇಳಲಾಗುತ್ತಿತ್ತು. ಈಗ ಅದರ ಹೆಸರನ್ನು ನ್ಯೂಸ್​ ಲೆಟರ್ ಎಂದು ಬದಲಿಸಲಾಗಿದೆ ಎನ್ನಲಾಗುತ್ತಿದೆ. ಈ ನ್ಯೂಸ್ ​​ಲೆಟರ್​ಗಳಿಗೆ ಬಳಕೆದಾರರು ಚಂದಾದಾರರಾಗಬಹುದು.

ಇದನ್ನೂ ಓದಿ: ಪೋಷಕರೇ, ನಿಮ್ಮ ಮಕ್ಕಳ ಸ್ಕ್ರೀನ್ ಟೈಮ್​ ಜಾಸ್ತಿ ಇದ್ರೆ ಈಗ್ಲೇ ಬ್ರೇಕ್​ ಹಾಕಿ, ಆಪಲ್ ಸಿಇಒ ಸಲಹೆ

ವಾಟ್ಸಾಪ್​ ಹೊಸ ಫೀಚರ್​ನ ಸ್ಕ್ರೀನ್​ಶಾಟ್​​

ಟೆಲಿಗ್ರಾಂನ ಕಾಪಿ ಎಂದು ಹೇಳಲಾಗುತ್ತಿರುವ, ಹೆಸರಿನ ಬದಲಾವಣೆಯ ಸ್ಕ್ರೀನ್​ ಶಾಟ್​ ಅನ್ನು ಶೇರ್​ ಮಾಡಿದೆ. ನ್ಯೂಸ್​ಲೆಟರ್​ನ ಚಂದಾದಾರರಾದರೂ ಗ್ರಾಹಕರ ಹೆಸರು ಮತ್ತು ನಂಬರ್​ ಗೌಪ್ಯವಾಗಿರುತ್ತದೆ. ಜೊತೆಗೆ ಗ್ರಾಹಕರೇ ಚಾನೆಲ್​ ಹೆಸರನ್ನು ಗುರುತಿಸಬಹುದು. ತಮಗೆ ಬೇಕಾದವರಿಂದ ನ್ಯೂಸ್​ಲೆಟರ್ ಪಡೆಯಬಹುದು.

ವಾಬೀಟಾಇನ್ಫೋ ಶೇರ್ ಮಾಡಿರುವ ಸ್ಲ್ರೀನ್​​ಶಾಟ್​​

ವಾಟ್ಸಾಪ್​ನಲ್ಲಿ ಈಗಾಗಲೇ ಕೆಲವು ಫೀಚರ್​ಗಳು ಬಂದಿವೆ. ಇನ್ನೂ ಕೆಲವು ಬರುತಲಿದೆ. ಮತ್ತಷ್ಟೂ ಹೊಸ ವೈಶಿಷ್ಟ್ಯಗಳು ಬರುವುದಕ್ಕೆ ತೆರೆಮರೆಯಲ್ಲಿ ಸಿದ್ಧತೆ ನಡೆಯುತ್ತಿದೆ. ಈ ನಿಟ್ಟಿನಲ್ಲಿ ನ್ಯೂಸ್​ಲೆಟರ್​ ಸದ್ಯ ಬಳಕೆದಾರರಲ್ಲಿ ಕುತೂಹಲ ಹುಟ್ಟಿಸಿದೆ.

ವಾಟ್ಸಾಪ್​ ಬೇರೆ ಅಪ್ಲಿಕೇಷನ್‌ಗಳಿಂದ ವೈಶಿಷ್ಟ್ಯತೆಯನ್ನು ಕದಿಯುತ್ತಿದೆಯೇ?

ಇನ್ನು ವಾಟ್ಸಪ್​ ಮಾರ್ಕೆಟ್​ನಲ್ಲಿ ತನ್ನ ಅಸ್ತಿತ್ವ ಭದ್ರಪಡಿಸಿಕೊಳ್ಳಲು ಇನ್ನಿತರ ಆ್ಯಪ್​ಗಳ ವೈಶಿಷ್ಟ್ಯತೆಗಳನ್ನು ನಕಲಿಸುತ್ತದೆ ಎನ್ನುವ ಆರೋಪವಿದೆ. ಇದರಲ್ಲಿ ವಾಟ್ಸಪ್​ನ ಪೋಲ್​ ಫೀಚರ್​ ಟೆಲಿಗ್ರಾಂ ಅನ್ನೇ ಹೋಲುತ್ತದೆ. ಅಷ್ಟೇ ಅಲ್ಲದೇ ಸಿಗ್ನಲ್​​ನಿಂದ ಡಿಸ್​ ಅಪಿಯರಿಂಗ್ ಮೆಸೇಜ್​ ಆಯ್ಕೆಯನ್ನು ಕೂಡ ನಕಲಿಸಿದೆ ಎನ್ನುವ ಆರೋಪವಿದೆ.

ಸಾಂಕೇತಿಕ ಚಿತ್ರ

ಟೆಲಿಗ್ರಾಂನಿಂದ ಏನೆಲ್ಲಾ ನಕಲಿಸಿದೆ?

ಇದಿಷ್ಟೇ ಅಲ್ಲದೇ ವಾಟ್ಸಾಪ್​ನ ಇನ್ನಿತರ ಫೀಚರ್​​ಗಳಾದ ರಿಪ್ಲೈ, ಮೆನ್ಷನ್​, ಗ್ರೂಪ್​ ಜಾಯಿನಿಂಗ್​ ಲಿಂಕ್​, ಮೆಸೇಜ್ ರಿವೋಕ್, ಡ್ಯೂಯೆಲ್ ವೇರಿಫಿಕೇಷನ್, ಪಿನ್​​​ ಚಾಟ್ಸ್​, ಎಡಿಟ್​ ಸೆಂಟ್​ ಮೆಸೇಜ್, ಪಿಡಿಎಫ್​ ಸಪೋರ್ಟ್​​, ಈ ಎಲ್ಲಾ ಆಯ್ಕೆಗಳು ಮೊದಲು ಟೆಲಿಗ್ರಾಂನಲ್ಲಿ ಪರಿಚಯವಾಗಿತ್ತು. ಆದರೆ ಆ ನಂತರದಲ್ಲಿ ಇದೇ ವೈಶಿಷ್ಟ್ಯಗಳು ಅಥವಾ ಇದನ್ನು ಹೋಲುವಂತಹ ವೈಶಿಷ್ಟ್ಯಗಳು ವಾಟ್ಸಾಪ್​​ನಲ್ಲಿ ಕಾಣಿಸಿಕೊಳ್ಳಲು ಆರಂಭಿಸಿತು. ಈ ಕಾರಣದಿಂದಲೇ ವಾಟ್ಸಪ್​ನ ಪ್ರಬಲ ಸ್ಪರ್ಧಿ ಟೆಲಿಗ್ರಾಂನ ಫೀಚರ್​ಗಳು ಕಾಪಿಯಾಗುತ್ತಿವೆ ಎನ್ನುವ ವಾದವಿದೆ.

ವಾಟ್ಸಾಪ್​ ಕೈ ಕೊಟ್ಟಾಗ ಟೆಲಿಗ್ರಾಂನತ್ತ ಧಾವಿಸಿದ ಗ್ರಾಹಕರು

ಆದರೆ ವಾಟ್ಸಾಪ್​ ಆಗಾಗ ಸಮಸ್ಯೆಯಾದಾಗ ಜನರು ಶೀಘ್ರವೇ ಟೆಲಿಗ್ರಾಂನತ್ತ ಹೊರಳಿದ ಉದಾಹರಣೆ ಸಾಕಷ್ಟಿದೆ. ಈ ನಿಟ್ಟಿನಲ್ಲಿ ಟೆಲಿಗ್ರಾಂ ಕೂಡ ಎಲ್ಲರನ್ನೂ ತಲುಪಲು ಹೊಸ ಯೋಜನೆಗಳನ್ನು ಯೋಚಿಸುತ್ತಲೇ ಇರುತ್ತದೆ. ಈ ಎಲ್ಲಾ ಸೌಲಭ್ಯಗಳು ಗ್ರಾಹಕನ ಬೆಳವಣಿಗೆಯ ಮೂಲಮಂತ್ರವನ್ನೇ ಜಪಿಸುತ್ತವೆ.